喜棧 (已結業)

一入去卡位坐, 個經理話有3人入座, 要我地讓開, 但係我地都係轉去4人小圓枱, 咁點解果3個人唔坐小圓枱?等左4個字先有唔熱既飯同唔熱既炸野黎前後等左9個字都未有魚, 追佢重話要等多2個字 咩魚要煮成個鐘呀?想感受垃圾管理既話, 可以去了解下以上真實無假, 如係假野, 即刻X街死…查看更多

襯個颱風山竹未殺到嚟，兩口子去咗荃灣。外面成卅六丶七度，揾地方食晏。見呢間全正評，便一試無坊。我地叫咗兩個套餐，各人加多一個所謂無味精湯。麻婆豆腐：過麻，個人唔喜歡雜菌蒸雞：味精太多，又細碟！九鼎湯：完全冇湯渣，唔值加＄15囉鼎！𥚃面又冇冷氣，出面又熱，食到我地身水身汗仲要埋單時比我發現收多咗個散餐感覺受騙！總括來說，味精多，空調差，d嘢細碟，又貴又唔好食，仲要收多我錢，真係勁嬲！都唔明點解咁多正評？一個字：伏！…查看更多

Weekend 入左理荃灣行街，經過喜棧，見到價錢同食物都幾吸引決定試試，叫左雲呑麵同炸醬麵炸醬麵炸醬比好多，酸酸甜甜，不錯雲呑麵雲呑有誠意好足料，最重要係食完都冇好口渴，証明唔係味精👍🏻…查看更多

星期日嘅早上，早餐唔想食得太豐富，來喜棧就是可以豐儉由人，少少哋⋯⋯食住先，轉頭又和家人飲茶嘛⋯⋯門口擺咗個巨大餐牌，看圖識字簡單地吸引客人入內:)每個早餐都可以靈活變化，加$3 火腿或腸仔、加$9 香茅豬排或炸魚枊⋯⋯轉凍飲、維記樽裝鮮奶、罐裝可樂⋯⋯通通加$3, 再想飲檸樂就加$8 ，這樣嘅簡單清楚易明嘅餐牌，值得一讚⋯⋯另外一頁是一個豐富早餐:豬排、炸魚柳、炒蛋、番茄，仲有牛油厚多士都只是$40 ，相當合理⋯⋯總之早餐由$26-$40 真係各式其式，配撘零活炸菜肉絲米，少少辣，相信是食店自家做，而不是罐頭出品，米粉質地軟硬適中，唔錯秘製蘿蔔糕，全場最平$26,包熱飲:)就是喜歡他們的甜、辣醬，獨立包裝，感覺乾淨衛生…查看更多

個日同屋企人食午餐，叫佢地餐廳職員俾幾張紙巾，個職好唔情願，仲要黑面！之後d炒粉麵到左，味道唔錯！食到中途，喉嚨有d乾，叫職員拎幾杯熱水，跟住好大力放係枱面！後來我地話要搵經理，原來頭先個職員就係經理，我地問佢做咩甘大力放幾杯水，你地係咪覺得好麻煩，係咪唔想俾，仲要跟住仲要同我地理論！做服務業一定服務行先，身為經理，冇以身作則已經唔啱，犯錯又唔承認！就算嘢食幾好味都冇用，以後一定唔會幫親佢，同區有大把選擇…查看更多

行街，食飯，係一家人(有老有嫩)放假必做嘅嘢， 一家人十個八個去酒樓食晚飯都唔平， 尤其是係節日前後，又要加一，又要茶錢， 淨係呢條數都夠叫多一兩碟餸呀！ 荃灣呢間中菜餐館就唔使擔心呢個問題， 而且仲係冇落味精。呢度雖然唔係好大，但係坐落去同埋環境都好舒服！除咗節日套餐之外，其他款式都有好多選擇， 而且價錢仲好大眾化㖭！ 冇味精九鼎湯， 足料味道又清又甜，好好飲， 記住要趁熱飲豉油皇海中蝦， 味道啱啱好又唔太鹹， 一家大細都啱食！紅燒豆腐， 味道適中， 有老人家就一定要叫！瑤柱浸雞， 啲雞肉又嫩又滑， 攞啲瑤柱嚟撈飯仲正吖！雲吞牛腩撈麵，味道拍得住出面啲雲吞麵檔！中式牛柳，牛肉又腍，啲汁呢酸酸甜甜夠曬開胃！魚湯浸時菜， 好味，連啲湯都飲埋清蒸沙巴龍躉， 味道雖然唔及大酒樓， 但係可以一試:)叫咁多嘢食埋單都唔使700超值…查看更多

荃灣一向唔同菜色都一應俱全！今次呢間有茶餐廳風格，但係叫小菜嘅中菜餐廳算係好少有，屋企人喜歡叫餸食飯，我喜歡食牛腩湯麵，呢度全部可以滿足到！呢度有好多家常餸菜可以叫，選擇算好不少！豆腐好滑，豆味亦唔錯！醬汁亦都好香濃。中式牛柳好腍，肉質唔韌亦無梳打粉味！甜甜酸酸好開胃。用來送飯真係一流！呢度個喜棧瑤柱浸雞好似幾出名，所以叫左半隻！雞尚算滑，好多瑤柱所以幾甜。當然呢個價錢唔係新鮮雞，所以會缺乏雞嘅鮮味，但個人認為呢個品質唔差，可以接受。避風塘炒蝦好大隻！不太辣，蒜味好香！夠入味。整體呢餐飯餸唔錯，會有下次的！…查看更多

好一陣沒逛這邊，原來這個位置開了新餐廳，這晚便決決嚐嚐這間喜棧。餐廳面積不少，但一樣近乎全場滿座，相信質素不會太差。晚餐餐牌註明無味精，對味精有點敏感的我就來看看真偽吧。無味精九鼎湯 $28以木瓜、佛手瓜、雪耳、蜜棗、南北杏、果皮、老薑、豬㬹、唐排去煲。湯內也有木瓜、雪耳等湯料。湯的味道清甜美味，喝得出是靠湯料煲出來的原味。鮮魚湯菜心 $30魚湯鹹了少許，但不是喝而是作為菜心的湯底的話其實可接受，魚湯浸比起炒菜相對較清淡健康，菜心亦夠翠綠鮮甜。椒鹽鮮魷拼脆豆腐 $62一眼看過去，大部分桌子都有點這道菜式，也是的，這個價錢有2款食物，是值得一試的。椒鹽鮮魷炸粉很薄，炸到金黃鬆脆，不油不膩，內裡的魷魚超軟滑，椒鹽不會太多，味道剛好。脆豆腐骰子般的豆腐，一口一粒剛剛好，外層炸到香脆可口，內裡的豆腐熱騰騰又夠軟滑，好味道。古老斑腩 $82其實即是咕嚕班腩，炸到脆卜卜，內裡的班腩質地嫩滑，味道不會太甜太酸，很開胃。乾炒手切牛河$78看上去色水不錯，也算不太油。牛肉份量不少，亦不是那種已經「嗱」到零口味的牛肉，牛味不錯，口感亦軟稔中帶爽彈。河粉色澤均勻，沒有黏成一堆亦不會太碎，調味恰到好處，也不會入口啖啖油。吃過後沒有眼皮腫、頭痛，亦唇乾舌燥喉渴，相信真的沒什味精，而且桌子之間空間很足，食物質素不錯，價錢合理又全日免收加一，真的不錯。…查看更多

父親節四圍都好多人，爸爸唔想同人逼，就諗住比較簡單咁食餐飯就算。剛巧荃灣市廣場呢度開咗一間中式餐廳，座位尚算闊落，最重要爸爸喜歡吃，所以今年就簡簡單單揀呢度食父親節晚飯。呢度回敬啲長者竟然有免費飯派食。而且食物選擇都好多，一家大細都啱食。爸爸喜歡食蒸魚，估唔到呢度嘅蒸魚味道唔錯，差不多係咁多款餸菜入面最好食！火候剛剛好，魚嘅肉亦都好滑。呢度嘅中湯算唔錯，夠熱！有好多雪耳同瓜，而且好甜！牛腩撈麵無鹼水味，麵質亦都好彈牙！腩汁好香！牛腩亦都好腍！但係雲吞相對比較細粒。牛腩撈麵可以配一款小食，我哋揀咗炸雲吞，雲吞好香脆又熱辣辣！甜甜酸酸好開胃！個人認為呢個配搭非常之好！魚湯杞子菜苗亦都好香甜！分量估唔到有咁多！呢一餐簡單開心父親節飯經濟實惠！好過響出邊要食套餐 ！唯一冇咁好嘅地方係人手不足，叫服務員要等一陣先到。…查看更多

呢度同普通茶記最大分別一定係個環境呢度係乾淨版既茶餐廳黎食得都舒服D柱候牛筋腩飯每次食茶記都會想食筋腩飯因為兩樣都係我最鐘意食既同埋可以試到間餐廳既質素係點呢度既柱候汁都唔錯幾濃味, 所以牛筋腩都好入味, 而且個份量都算幾多兩者之中我比較鐘意牛筋, 因為佢呢度既牛筋係好入味而且好淋滑!! 牛腩都唔錯但感覺上如果係咖哩汁既話會更加夾味鮮魚湯油菜點都要食返個菜既我覺得呢個油菜都幾特別因為佢係上鮮魚湯浸的味道有鮮味但係好健康…查看更多

呢度既裝修好清新, 但係賣既野食都唔算貴招牌瑤柱浸雞相信呢個就係佢既, 因為岩岩好賣哂既關係所以我地等左30分鐘先等到佢上台等左30分鐘, 萬眾期待既瑤柱浸雞雞上面鋪滿左瑤柱超香瑤柱味道隻雞係超精美淨係外型都已經好吸引而肉質就好嫩滑吸收哂上湯瑤柱既味道所以係香甜咖哩牛腩飯呢度既咖哩都係值得推介名單之一佢既牛腩係分碟上既超多汁岩哂我呢D鐘意咖哩汁撈飯既人!!毫不猶豫的將佢既咖哩汁撈勻碗飯黎食再講個牛腩係忟得好淋滑完全冇起JAR而咖哩汁係勁入味…查看更多

荃灣經常都係我的浦點之一，所以對當地的餐廳同美食都Follow得好貼，最近發現荃灣開左間喜棧，因為之前聽朋友講話食過銅鑼灣分店好好食，叫我有機會試下，所以今日即刻拉埋個Fd子一探究竟！一向以黎，食過咁多個國家的菜式，我的確對中式菜情有獨鍾，因為總會帶俾我家的感覺，中式小菜我一向都鐘情於魚香茄子煲，呢度的香茄子煲惹味，一碗白米飯係絕對絕對唔會夠，因為用少許的汁已經可以餸好多飯了！籠仔梅菜蒸時菜對我而言是一個新式的美食，我對一般時菜的認知係通常就咁煮熟或者配以調味料炒，呢個菜式的確令我耳目一新，起碼我未曾係其他地方試過，通過用籠仔，令梅菜的香味直入時菜入面，食過翻尋味呀！當然唔少得招牌瑤柱雞配雞油飯，招牌果然係招牌，雞肉肉質細嫩香滑，油飯唔用黃油，食落感覺冇咁油膩，今日先發現原來瑤柱同雞肉係可以咁夾，一碟$68，抵食！以中式菜黎講，呢間算係好食得黎價錢又公道合理，中式菜一定要趁熱辣辣咁食，食完就真係大滿足啦！…查看更多

星期日晚行過見無咩人就黎試下喱間喜棧。個時9點左右，唔算多人，都好多位揀。望到menu見「紅酒牛尾」同「古老班腩」都有個like，咁就試下啦，仲叫左個「櫻花蝦蟹子肉鬆炒飯」，同埋佢推介既「無味精九鼎湯」。最先上既係炒飯，仲快過個湯。櫻花蝦係平時食拉麵個種，夾落炒飯都好味不過可能櫻花蝦太濃味太搶，一無蝦個啖飯就無咩味道，但喱個都係推介既:)九鼎湯就唔算話好特別，不過勝在無味精。之後就「驚喜」喇，「古老」班腩原來係「咕嚕」班腩喱個真係令人好無言，以為佢比錯，對一對張單先見到的確係寫「咕嚕」，但我好肯定當時無叫錯，待應有再confirm，古老係真係咕嚕喱個真係要彈一彈。雖然食落都ok，但真係好誤導人，完全唔可以用創意黎理解個菜名，食個時真係嬲嬲地最後上既紅酒牛尾係令人滿意既，仲特別叫多左個白飯食d汁送飯價錢黎講，入得商場鋪算係咁囉。平時晏晝就有d排隊先到先得既優惠，不妨留意下。…查看更多

時尚風格嘅室內設計，坐落係荃灣千色商場。一路行入間鋪，環境帶俾我嘅放鬆感，一路令我將一整日嘅鎖碎事逐少拋開。食嘅係家常便飯，小炒。數十蚊嘅價錢，叫多叫少悉隨尊便，相約朋友家人食飯敍舊，一邊傾計一邊慢慢品嚐。座位寬敞，同其他客人嘅距離亦遠，造就一個良好嘅傾計氛圍。叫咗一個紅燒豆腐，豆腐新鮮，調味洽當，好餸飯。再嚟一個好好食嘅蟲草花豆漿浸時蔬。唔常見嘅配搭，菜心吸收哂豆漿嘅味，比平時更軟更甜。個豆漿汁仲好啱餸飯。第三個餸係豆腐蒸肉餅，juicy得嚟唔會鬆泡泡，豬肉新鮮無雪味。兩個人食食到飽一飽，每人一百蚊，坐咗兩個鐘，好抵啊！…查看更多

見好似最近新開所以琴日同幾個 fd 一齊去試下。 我order左個$38牛筋腩河覺得OK。同臺有人order個$65咖哩牛腩飯就麻麻。。另外有人order個$46柱候雞飯都OK既。。。…查看更多