喜惶點心專門店

营业中

休息中

乾蒸牛肉燒賣王大大隻的燒賣，在其他地方吃的不會有這麼大，而且味道來說是真的很有鮮味，連同上面的牛肉一起吃的話效果更佳！晶瑩鮮蝦餃這蝦餃的份量有夠誇張的，一客有四隻，每一隻都有小拳頭的這麼大，而在裡面的鮮蝦超大的說，蝦肉爽而彈牙，鮮蝦餃皮夠薄，所以夾要小心一點哦，美味程度十分推薦名醬蒸美國鳳爪每次吃點心必定盲點的蒸鳳爪，所用的是名醬來蒸，味道果然與別不同，一客大約有4隻大大隻的鳳爪！少辣來吊味，好味到爆燈燒汁牛肉蝴蝶餅材料超豐富的蝴蝶餅，別看他炸來吃很像很乾，但入面牛肉的鮮味真是鮮到沒話說，猶其是餅皮吸收了牛肉和燒汁的味道，非常的好味

竹炭熔岩奶黃包奶皇包最重要就是要入邊嘅奶黃做到爆漿嘅效果，這家的奶皇包我相當滿意，不單止奶黃極多，而味道帶點竹炭的味道，而口感非常的彈牙，味道淋滑！蔥花炸兩腸粉炸兩當然就是配粥的必食材料，外面是軟滑嫩口的腸粉，而裡面則是非常香脆既油炸鬼，但最神奇的是入面的油炸鬼仍然keep到是脆卜卜的！有時在外面吃到的是已經被腸粉整到淋哂，而呢度是完全沒有這個問題，相當好吃皮蛋瘦肉粥可以比美在粥店吃到的粥品！非常是軟綿綿，煲了很久的粥，加上入面超多瘦肉，瘦肉比皮蛋更多的我還是第一次見！！呢度既size一碗可以分到4小碗！超好味兼抵食籠仔荷葉北菇蒸雞飯雖是主力想吃點心，但見到這個蒸飯都不禁想吃一口，即叫即蒸的北菇蒸雞飯，雞件的數量不少，一起和飯蒸令到飯是充滿了香菇和雞的味道，而飯的質地是軟綿綿的口感，加上醬汁反不用一會便吃光了整個飯燒汁牛肉蝴蝶餅別看他炸的樣子便覺得不健康，但其實入邊材料超豐富，燒汁的味道減弱了我對炸的油膩感！即叫即炸的關係所以吃落非常新鮮！

媽咪話屋企附近新開左間「喜惶點心專門店」好似好受歡迎咁，今晚就同佢去左試下好唔好食啦！餐牌上嘅選擇都幾多種類，圖文並茂，夠哂清晰又貼心餐廳係牛肉世家，所以佢地嘅點心推介系列都係牛肉類為主。保證百分百新鮮牛肉製造，真材實料，即叫即蒸柴魚花生豬骨粥本來想試皮蛋瘦肉粥，但可惜已售罄。估唔到呢個柴魚花生粥都好有驚喜呀，好足料！裏面有大量花生同柴魚，粥底綿滑濃稠，都幾飽肚是日老火湯$10有一大碗，日日唔同，數量有限，售完即止。今日係節瓜章魚豬骨湯，同樣係好足料，無添加味精，好清甜滋潤，家的味道，夠晒健康乾蒸牛肉燒賣面上有蟹籽，牛肉燒賣比平常的結實，帶有更濃郁的牛肉味！內裡仲混有馬蹄粒、芫荽、香蔥等等，口感同味道更加豐富晶瑩鮮蝦餃蝦餃皮晶瑩通透，厚薄適中，內裏包着大量鮮蝦肉，爽口彈牙，皮薄餡靚！蟲草花魚肚雞魚肚同雞塊大大件，雞件好肥美嫩滑，魚肚則好腍滑，吸收晒蒸雞同蟲草花嘅精華，正啊！原隻鮮蝦滑腸粉腸粉外皮好滑溜呢，包住原隻鮮蝦同翠玉瓜片，味道比較清新，好味道

一盅兩件真係好多人都好中意食.當然我都唔例外👅👅所以平時我都會去點心專門店試下夜晚收工想食點心都可以隨時食到!.食物方面:⚪️晶瑩鮮蝦餃蝦肉好大粒.皮厚薄適中但外皮可以更薄會更好味😌⚪️蟹肉菜苗燒賣平時菜苗餃就食得多第一次食蟹肉菜苗燒賣入口啖啖蟹肉絲好足料👍🏻口感好彈牙⚪️粟米煎牛餅牛味好濃好香.粟米好甜🌽令到牛肉餅更加有口感⚪️蜜瓜炸鮮奶好似維他蜜瓜奶嘅炸版外脆內嫩.好特別😬⚪️鮮蝦腐皮卷好大條.好足料好多蝦肉⚪️芝士牛肉黃金包店員重點推介牛肉係用牛後腿肉🐂會特別香牛味.即叫即整需要等20分鐘外皮好香脆有啲似墨西哥包既皮甜甜地咬入去好香牛味.好多汁.加埋芝士好正😚⚪️ XO醬炒蘿蔔糕超級惹味.少少辣味.好多地方都會炒到散晒但哩度我都可以完整見到一粒粒蘿蔔糕⚪️竹炭熔岩流沙奶皇包一搣開個包個奶黃餡超勁流哂出黎,好香又吾會好膩!🥰⚪️芥末沙汁三文魚春卷春卷入邊有三文魚同埋青瓜因為我唔食青瓜的但係都炸得好香口整體方面:可以隨時隨地食點心仲要係旺角真係好方便👍🏻而且食物質素都好高點心款式好多而且比較特別而且牛嘅點心做得好出色🤗係百分百嘅新鮮牛肉製造環境都好舒服.價錢合理🙌🏻

同老婆兩個人放假去了飲新式茶，即係所謂的點心店，食物款式都很多，甚至比酒樓有過而無不及，價錢都比較貼地。芝士牛肉黃金包：新鮮即叫即焗，所以等到最後才上枱，表面是墨西哥包皮，裏面是半溶的芝士及用了牛內脾肉做的內餡，幼滑又鬆脆。蟹肉菜苗燒賣：燒賣內的豬肉餡肥瘦均勻，豬肉爽彈完全無豬腥味。醬皇金錢肚：炆得又腍又入味，下面墊上蘿蔔。原隻鮮蝦滑腸粉：腸粉不薄不厚，但都算滑，蝦仁大隻新鮮爽口。鳳尾蝦香辣鹹水角：炸至金黃脹卜卜，外層煙韌裏面是肉碎及蝦仁。蜜瓜炸鮮奶：一切開香噴噴的蜜瓜香味飄出，外層香脆，裏面奶香味十足又夠滑。沙薑雞腳：雞腳炆得又腍又入味，帶點膠質有咬口。

屋企老人家習慣了每朝去飲早茶，但我們後生的朝早要返工，所以就比較少陪屋企人去飲茶，今晚就帶了佢地去附近的新式點心店，勝在不用加一，而且茶錢比酒樓便宜一半有多。青紅蘿蔔煲豬骨$10大大碗的老火湯，完全零味精，蘿蔔及豬骨的鮮甜味全部溶入湯內。乾蒸牛肉燒賣皇以新鮮的牛肉打手而成的燒賣，確實別有一番風味，牛肉較爽彈，而且肉香味重有肉汁。鮮蝦餃蝦肉新鮮爽口，餃皮晶瑩剔透而且又夠薄。灌湯小籠包皮薄不易夾穿，咬開裏面有豐富的湯汁，有豬肉鮮甜。芥末沙汁三文魚春卷春卷炸至金黃香脆，裏面夾著三文魚及青瓜等沙律，清新不油膩。XO醬炒蘿蔔糕蘿蔔糕比較腍，粉多蘿蔔少，味道較一般。白灼菜心點都要食返點蔬菜中和一下，菜心只淋了豉油上去，比較健康。

女人街最近開咗間新嘅點心鋪頭，梗係要埋嚟試試佢啦點心選擇好多而且仲幾有特色，價錢都唔貴喎屋企冇乜湯水飲嘅人可以嚟飲冇味精自家煲靚湯，超級平$6細碗$10大碗呢碗係大碗，真係超級大，由於太餓嘅關係第一上碟就忍唔住飲咗幾啖，非常老火非常足料正竹炭流沙包奶皇包一定係必食點心！有淡淡的竹炭香味嘅包非常軟熟， 奶王一必就爆出嚟，甜度啱啱好芥末醬三文魚炸春卷都好特別！估你唔到又幾夾喎，新鮮熱辣炸起勁脆勁正！中間舊青瓜正好中和返個油膩感炸兩又係必點！皮薄油炸鬼勁脆！加埋混醬好好味佢地嘅招牌牛肉燒賣都堅好味，好似食緊牛肉球咁啖啖肉！外面有層薄薄地嘅腐皮，所以令佢外型似返燒賣點埋gip汁超正！食咁多嘢每人都唔使一舊仲要下次有得拎住單claim9折下次要試佢其他點心呀！！

以前細個唔太熱衷飲茶, 而家大左, 唔係成日得得閒同屋企人去飲茶,所以特別掛住一盅兩件既感覺.見到呢間都幾抵食既點心專門店~今晚同朋友就黎試下啦!老火湯(大): 粉葛赤小豆呢度既老火湯標榜無味精, 日日不同~真係好有家既感覺, 好埋係勁足料! 見呢度出名牛肉, 亦係牛肉世家, 當然要試下D牛肉食品!燒汁牛肉蝴蝶餅呢個既食法有D似片皮鴨, 個燒汁好夾牛肉, 而且夾埋片青瓜, 好清新~一啖有齊3種唔同既材料, 口感豐富! 十分推介!乾蒸牛肉燒賣比一般既燒賣大粒D, 帶有少少莞茜香味.而且粒粒都好飽滿!粟米煎牛餅煎得好香脆, 即叫即煎, 真係新鮮熱辣!牛肉都keep住juicy, 加埋D甜甜地既粟米, 又係一個新配撘!竹炭熔岩奶皇包黑金色, 相當型格霸氣!一met開流心奶黃大爆發, 食落唔會太甜, 仲有好香濃既蛋黃奶味~ 籠仔荷葉北菇蒸雞飯材料滿滿, D飯帶有陣陣荷葉既香氣!鮮肉灌湯小籠包湯汁鮮甜, 肉餡飽滿~紫薯南瓜小丸子最後黎個小甜品作結~外脆內軟好好食!仲有支裝汽水, 好難得~Overall, 呢度環境舒服新淨, 而且食品既價錢都十分親民~ 牛肉既點心非常出色特別, 不愧為牛肉世家!

話說起網上面見到呢一間點心專門店有好多網民推薦，小編就同女朋友試一試呢間點心專門店，質素果然相當唔錯。小編同女朋友order左好多款點心，其中推薦嘅就係南瓜炸鮮奶，同埋竹炭流沙包，南瓜炸鮮奶10分入味，每一啖都好正，流沙包方面，集創意，味道於一身，另外仲有叉燒腸同埋金錢肚都烹調得相當唔錯，有廣東點心嘅特色亦都有新派嘅創意。茶方面，小編同女朋友order左普洱茶食完點心後，再飲番杯普洱茶，絕對係絕配丫。

好耐無同表哥食飯，由於佢放工時間好夜，經常有一餐無一餐,一於黎個快樂星期五，餐廳就選上「喜惶點心」，佢哋主打好多牛肉點心，知道水準不賴，最重要係夜晚放左工都可以食點心, 值得帶表哥黎試吓。話明「牛肉世家」, 餐廳所選的肉是牛隻最有肉味既後腿，即係大脾肉, 當然要試試佢地D招牌菜燒汁牛肉蝴蝶餅32 肉餅撻得鬆化, 又唔會太碎好免治, 肉汁充沛有點油香，又唔會太散，肉質爽口彈牙,搭配青瓜可解油膩。 粟米煎牛餅25  黃皮包住鮮牛肉, 並拌入爽口的馬蹄和粟米，煎起來金黃香脆, 而且粟米同馬碲都有少少甜味, 令牛餅口感更有層次、更豐富 香滑免冶牛肉腸粉27 腸粉皮不單新鮮熱辣，更米香濃盛, 軟滑柔嫩, 牛肉亦滑, 比出面的連鎖酒樓做得好多了。 竹炭熔岩奶皇包24 竹炭麵包實心飽滿, 一咬熔岩流奶皇包D奶皇就如瀑布般瀉下, 吃起來不會太甜膩 蟹肉菜苗燒賣29 一般燒賣以豬肉、蝦肉為主要餡料,以蟹肉做主角的燒賣, 蟹肉Q彈香甜可口，味道濃郁, 口感鬆軟, 好食。 芥末沙汁三文魚春卷29 春捲周圍都有, 但以三文魚做春捲都是第一次食。 春卷香香脆脆, 芥末沙律的香味和三文魚

很久沒有吃點心了，我自己是蠻喜歡吃點心的，總覺得它代表著香港的傳統歷史，而且食物的味道也很適合我，在過去數年也去過不少點心店。最近得知旺角通菜街有一間新開的點心店，自己也想試試。點心店大家也許都去得多了，但藴藏著悠久歷史的又有多少呢？這家點心店裡面又有個牌匾雕刻著「牛肉世家」這個字眼，看到店內的牆壁上貼著一些店員接受訪問的報紙，才知道老闆的家族都是做牛肉的，看來這裡的牛肉應該都很不錯。餐牌上的食物種類一目了然，有蒸點、腸粉、煎炸和粥飯類等等，另外還有飲品和甜品。北菇蒸雞飯是很多點心店都有的飯類，這裡也不例外，冬菇和雞肉的數目都毫不吝嗇，冬菇很香口，不過稍微欠缺了水份🧐正宗的冬菇應該有足夠的水份。雞肉則嫩滑非常，只是米飯不知為何超像海南雞飯的飯😂有點油膩，但鹹味充足。之後試了一款竹炭熔岩流沙奶黃包，黑色的竹炭包我之前也吃過兩次，其實在味道方面沒什麼特別，只是外型真的十分適合打卡😁黑色的包真的很少見。裏面是奶黃，咬開的時候還呈現流心的狀態，奶黃味非常濃，美味。金錢肚基本上也是點心店和酒樓必定會有的菜式，即是牛肚部分，在這裡也是以豉汁伴金錢肚，金錢肚帶點嚼勁，偏向硬身，吃金錢肚的時候，能感受

男朋友喜歡食點心，這間以新鮮牛肉製作特色點心，所以今晚就同佢黎食晚餐。環境好乾淨整齊，感覺唔錯！以不同款式的點心圖片及可愛的籠子、算盤等為牆上裝飾，這裡除了地下，還有一樓坐位，地方都幾大不會好迫的感覺！舒適坐位，椅子背更是笑笑臉的可愛造型坐下就送上熱茶，枱上有點心紙及鉛筆讓我們寫下點心！幾方便！1. 晶瑩鮮蝦餃小小精緻的蝦餃，透明的皮好薄但煙韌、內餡有爽脆的蝦子；2. 乾蒸牛肉燒賣這個好好味，是必點推介！牛肉牛味濃郁、香軟又多汁唔乾身，又大粒又飽滿，中間拌了粒粒爽口的馬蹄及香口莞茜，而外皮好軟滑及上面有粒粒蟹籽的彈口，點上酸甜的喼汁，真的好可口美味；3. 蔥花炸兩腸粉我推薦這個好長又粗粗的炸兩腸粉，喜歡這個超多醬汁的腸粉，熱辣辣上枱、即點即拉香軟皮薄的腸粉卷著脆卜卜的炸兩，配上香口芝麻、麻醬、甜醬及豉汁，拌碟就有2條蜜糖豆；4. XO醬炒蘿蔔糕好用心地4邊都煎得好香脆的蘿蔔糕，外脆內香軟入味的蘿蔔糕煎得好靚又配上拌碟的芽菜、蔥段、紅蘿蔔絲及XO醬，超野味又香口；5. 即煎京燒叉燒包男朋友好有興趣話未食過，煎得熱熱的、香脆的外皮及底部麵包、中間夾著香甜軟腍的叉燒；6. 竹炭熔岩奶黃包這個

我爸年紀老邁, 但喜歡吃點心, 不能像其他老人家一樣, 每天都吃點心, 只能每星期帶他去吃一次, 數年來, 已帶他去過不少茶樓, 酒樓, 點心店吃點心, 包括車胎人獲獎的點心店也吃過不少次.最近在雅虎團購買了幾張喜煌點心專門店的優惠劵, 今早去吃, 果然喜出望外, 比添XX, 一XX, 點XX.....都好吃.三人行點了牛肉球, 牛肉腸粉, 鳳尾蝦咸水角, 竹炭奶皇飽, 鳳爪...等牛肉球的牛肉有牛肉味及吃到牠的肉質, 不像其他點心店的吃到一團軟棉棉而帶有重味精的"牛肉球"牛肉腸粉, 腸粉軟滑, 甜豉油鹹甜度剛剛好, 鳳尾咸水角, 口感好, 外脆內軟餡足, 比一般茶樓, 點心店的只脆但硬的來得好.竹碳奶皇飽, 飽皮軟韌度剛剛好, 流心奶皇好味道只是鳳爪鹹了一點,喜煌是近期找到的一家比較好的點心專門店, 值得一去再去, 用優惠劵結劵更物有所值, 應該說是超值

我和男友是喜歡吃點心的，晚上要吃，當然是找街上的小店。旺角這家喜惶很旺場，我們等了一陣子才能進去呢！店主的家族都是以牛肉事業維生，"我們四代也是被牛養大的"，絕對是牛肉世家！點心選擇，當然有一系列牛肉類點心！其他的選擇也不少。天氣熱，喝個豆漿又降溫又健康。乾蒸牛肉燒賣皇是其中一款主打牛肉點心。它是用本地新鮮牛肉製造，選取牛大腿肉，每日人手打足兩小時而成，功夫相當考究。打成的牛肉爽口彈牙中帶嫩滑，牛味濃郁多汁，料量足。這款造型特別的是燒汁牛肉蝴蝶餅，像吃片皮鴨般，把牛肉餅和青瓜片夾到包內吃。醬汁真的有北京烤鴨的味道！至於牛肉餅，是混合了牛肉和鯪魚打到起膠而成，所以相當彈牙，配合濃香醬汁，味道和口感都很豐富。芝士牛肉黃金包是晚市的主推，包即叫即焗20分鐘，上菜時就是三個大大的黃金球，賣相搶眼。餡料選取刁鑽的牛大腿內側的肉，肉質更為嫩滑香濃。加上全溶的奶滑芝士，配以外層酥脆香甜，內裡柔軟的墨西哥包，味道和質感都是最高的享受！不夠飽的男友點了豉汁鳳爪排骨飯，大大鍋只需30元，肉和飯的量都多，排骨肉軟帶甜，加上豉油更好吃！這裡還有好幾款牛肉點心，如粟米煎牛餅等，在今天未有肚容量去試，要再來吃呢！

成日都想早起去飲茶食下點心，不過就成日都早起唔到，咁就唯有夜晚去食點心啦，今日去開旺角就search下附近有無點心食啦，咁就比我search到呢間就去試下。第一道黎既點心係原隻鮮蝦滑腸粉，腸粉既質感真係非常滑，新鮮既鮮蝦配埋翠肉瓜，真係健康又好食。呢一道係牛肉點心世家推介嘅其中一道點心，叫燒汁牛肉蝴蝶餅。果然無推介錯，蝴蝶餅軟綿綿冇咩味但夾住濃郁嘅燒汁牛肉一齊食會覺得非常之夾，而且個汁好惹味，牛肉又鮮嫩，一個字正！個人覺得係必嗌既點心。然後到醬皇金錢肚，個醬汁整得好入味亦都好惹味，金錢肚唔會"韌"，真係唔係間間點心鋪都可以整得好食，而且份量亦都偏多。至於名醬蒸美國鳳爪既醬汁都好出色，同樣入味，鳳爪既肉都淋，有咬口，而且份量都幾多。由於朋友好鍾意食魚肚、滑雞，所以魚肚四寶滑雞扎同蟲草花魚肚雞都有叫，兩個魚肚同滑雞既味道基本上係差唔多，只係後者會多左啲蟲草味，而佢啲魚肚非常大片同新鮮爽口，滑雞又大舊又滑，而佢呢度個雞扎其中既材料係蟹柳，好岩唔食芋頭嘅人。尾二上既點心係鮮肉灌湯小籠包，個人認為如果可以多啲湯汁就更好，味道都ok可接受，皮算薄肉都鮮，係個湯汁爭少少。最後壓軸登場嘅係芝士牛肉黃金