喜悅皇宮 (已結業)

普通酒樓，為於屋邨地區，便利一眾街坊，點心拼盤幾平，$20.8有叉燒包，馬拉糕，姜汁糕，燒賣，蝦餃，粉果各一件，味道ok!不過太少侍應，每次加紙叫點心都要等一陣🙈

最近去探朋友 打完四圈 梗係唔會煮飯啦 就落咗去樓下間喜悅皇宮度食晚餐 而家酒樓晚餐都會推出必食孖寶我哋揀咗必食孖寶C 喜灼海生蝦半斤 清蒸海星班仔一條$348條海星斑仔一樓流 滑捋捋 蒸得啱啱好海生蝦就真係一般 大部分都離殼梅菜扣肉煲$98 送飯食啱曬豉汁帶子蒸豆腐 最近受疫情影響 見到酒樓晚市只係做埋2月希望佢捱得過去

次次入門口沒人主動招呼入座服務員的表情永遠都係一副死佐老豆甘款和好懶，只會低頭行路，不是會抬頭左右望下邊度有食客幫手。酒樓食物都還可以，不過不失。總之服務員的態度開始令我不太想過來飲茶了

剛剛到藍田喜悅酒樓吃飯，活着三十年從未吃過如此難吃的食物，叫你四樣餸，一樣比一樣難吃，自問對食物沒有高要求，平時吃茶餐廳已覺得好吃。這間酒樓之前是正常水準，之前是好吃的。最近做推廣，免加一，免茶芥，免醬油，心想可能經濟差，生意難做，所以優惠吸引客人光顧。結果真的非常失望！！！由於吃完難食的食物，心情實在太差，所以沒有拍照。第一道菜：咕嚕肉內裡沒有菠蘿都算 ，竟然用喬頭代替， 咕嚕肉柴到咬不開。第二道菜：蒸帶子明顯太過火，好韌，這個都還可以接受第三道菜：西蘭花炒帶子蝦仁， 整碟餸菜出嚟是凍的， 實在難以忍受即刻叫 侍應拎入廚房炒熱，結果炒完只是微暖第四道菜： 鴛鴦炒飯鴛鴦炒飯非常大碟， 但我覺得其實不需要大碟， 只要好食就足夠了， 鴛鴦炒飯就經典了 ，個醬汁稀到 好似食粥咁，完成沒味道可言。環觀四周的枱面， 發現很多台都是剩下很多餸。這樣的食物質素真的不敢恭維，我不會再光顧這間酒樓， 是次兩人消費共埋單350元港幣，實在是不便宜，只能感嘆付了錢，吃垃圾，十分生氣

事情是咁得 我和家人去飲茶 當時已經12點多過左早茶時間 以為無特價紙 就叫左個服務員過來問要叉燒飯 跟住話要雙拼啦 叉燒+油雞 問有無其他特價紙 佢話：無㗎啦 係得呢張 （原價紙36蚊）跟住就直接幫我地畫係原價紙上落單 後尾先發現台上係有一張 特價紙寫住 叉燒油雞飯26.8蚊 跟住我媽媽就過去問 個服務員咁樣答：我唔得閒理你 各各都來問 我咪好唔得閒只係想問下 呢張特價紙上面寫既嘢姐 咁樣惡劣既態度對待客人 其他圍住既服務員還在笑 呢啲係咩酒樓 叫咩喜悅 食到一肚氣 咁既酒樓我真係第一次見 我就睇你幾時收皮！啲食物更加唔洗講 油雞既骨有血 差差差！唔再去幫襯就係最好既懲罰！

一早起自己一個人去飲茶， 早上特價時段嘅嘢食都好多種類，價錢都好便宜， 最鍾意嘅係佢有不定時推出嘅點心， 例如有沙翁、 酥皮芋角 、同埋魚翅餃……我一個人叫左個孖寶，埋單都係三十幾蚊姐。

其實早前行過時留意到佢有一個$268元4餸1湯的套餐! 剛好近月尾, 加上已涯了幾餐的廿幾元餐,而明早就出糧了, 所以決定食好少少少少! 湯是老火的花生雞腳湯, 湯很濃味，配料都不好, 太太還食了2隻雞腳!另外4款餸就叫了蝦仁炒蛋, 芝士焗帶子皇, 海味什茶煲和一品燒春雞!! 2百餘元, 4餸1湯, 出色和驚喜之作就一定不是, 但都維持到基本酒樓水準, 味道不差, 算幾好食!! 至於環境都算不錯, 算光鮮, 加上是平日晚上, 客人不多, 所以服務算不錯!! 而消費滿200元還有2小時免費泊車優惠!! 只能說, 真係抵

母親節，過去食飯，正門知客叫我地有位就坐，一陣會有人招呼我地，態度完全冇問題。如是者，我地一家六個人，坐係四人台，等茶水到，旁邊一個冇穿制服，不知是否收銀職員，極冇禮貌呼喊我地，叫我地起身，又唔講原因，老人家行動唔方便，所以我叫佢地坐著先，然後我行過去佢度，佢話：你地食飯要拎飛，唔係你鍾意點坐就點坐。態度極不佳。我心平氣和，同佢講，係門口知客叫我地坐。佢答：今日人人訂曬位，你地食飯要拎飛。我：好，咁你寫張飛比我結果，佢回敬一個白眼，加一聲jip。然後講：小姐，麻煩你地起身，你地冇訂台。然後略過我，直接走到我家人旁，想拉起我屋企老人家。我阻止後，想帶屋企人離開，唔食。另一個遲來的親戚以為我地未到，在房間內開了茶位，我地起身走到房內，該位職員隔了一會兒，站在門口不去，監察我們，感覺自己是個疑犯，被警察盤問。令我十分不舒服。因為這種態度，我絕對不會再踏足這間茶樓。close rice

今日同個仔去飲茶，去到好多位，個阿姐叫我哋隨便搵張枱坐。坐低咗無人理，舉咗手差唔多8分鐘先有人問你要嘜。叫佢開茶，佢轉頭擺低壺茶就行咗去，我叫住佢比個大碗黎洗杯，佢問我咩話？我話要洗杯洗碗嗰個大碗，佢轉頭黑住面攞黎擺喺我攞唔到既位置。我無話可說！點咗4個點心，啲阿姐都係是旦將啲野放喺枱邊，我地2個人坐最細嘅4人枱，佢哋將啲嘢放喺無人坐嗰邊，要我地企起身攞番碟野擺喺面前。覺得成間酒樓啲員工都係無培訓過、無禮貌、無common sense。今時今日咁既服務態度我覺得不能接受！

好耐冇去藍田喇，今晚有飯局竟然喺興田邨食，上次嚟興田邨真係耐到唔記得，剩係記得食嗰間酒家叫做美景。今日食得比較早（6pm），所以嚟到酒樓好靜，暫時冇乜人。坐底後慢慢點菜，點菜後坐咗大概10分鐘啲餸已陸續上，全部餸15分鐘已經上哂。呢次主要想講講個龍蝦伊麵，喜悅真係俾到好足，應該有2-3隻大龍蝦，伊麵亦都可以分到10碗或以上。龍蝦都頗為新鮮而且都算多膏，揸住個龍蝦蚶真係啖啖肉。伊麵方面都唔差，食落好爽口㗎！如果去開興田邨又咁啱喺喜悅食，呢個龍蝦伊麵都值得推介俾大家~

話說某個星期六晚約20:15到上址想打邊爐,當時都有1/4吉,所以部長姐姐以極速帶埋位,邊行邊交左幾張menu紙俾我,坐底望極都唔見有打邊爐既落單紙,望望鄰桌都唔見有...問樓面姐姐,話可能要21:30先有...我當堂"吓"左一聲問"點解既?"...姐姐支吾以對...再問部長亦都無實質答復...扮忙又閃開左...再再問另一樓面姐姐...先好似私聊咁答"可能今日假期所以無火鍋掛"...茶開左,小碟亦食左,即係有點半焗我叫餸或叫餐...其實屋邨酒樓水準都不至於咁差吧,好好地向客人解釋,或係宣傳單張做多一點(如:星期六日火鍋暫停等)都唔係咁難遮...心情打折扣,食味亦然.....

早前跟幾位朋友去晚飯，見價錢不算太平又見新開酒樓便嘗試幫襯，原來質素甚差😓。另外，酒樓明明幫襯的客人不多，但請侍應斟茶至少要叫四次才有人加水， 態度還不太願意。唉…… 今次實在貪近揀錯地點了。

今日第三次去，冇一次好感第一次新店開張食物質素差算，招呼差算，可以理解。第二次母親節和家人吃晚飯，要叫餐才有枱訂，算，反正要食，上菜冇次序，冇節奏，有就比你，冇就等，食物冇質素，上乳豬（冷盤），然後上魚（有渣），再比隻鷄（鹹家鹹蛋超人）⋯⋯⋯冇問題，反正到肚都一樣，當晚四圍都打扙今天最後一次，一坐下所有餐具全部都反光，同個姐反映，答案係冇問題冇人有事，自己冼多幾次Ok,最後一次，分手吧，以後唔會再見貴集團

30幾年的老屋邨商場平靜了10幾年，一直欠一間酒樓。因為商場間格係舊式的，令新酒樓好難容入，一係要豪裝，終於搵到酒樓上樓，大改半層商場做酒樓今日去試一試喺舊商場加上大大水晶燈，乘扶手電梯上去感覺特別光亮新奇。新舊交替，百感交集，下面係老舖，上面全新裝酒樓。下層大中庭式給老人hae 集嘅地方買少見少。酒樓有一個魚缸，唔大，不過令人諗起細個飲茶睇魚魚嘅回憶。打開抵食餐單都ok 喎。洗乾淨d 碗先用是常識先上68蚊咕嚕肉，正路，甜酸比例好，但肉不夠厚。70蚊全雞南乳脆皮雞必食！個食評係必食，皮脆，肉滑，有肉汁，同南乳係絕配。抵翡翠 鮮淮山 珍寶大蝦球，78蚊，蝦爽，淮山雜菌西蘭花好好口感，味道剛好豪一豪，屋邨食鮑魚，都係88蚊，有6隻鮑仔，有果皮蒸，可選鹽燒。服務ok, 侍應服務=稻x服務，正路啦～無果盆，甜品送，不過可以點嘅如果有得送埋就好啦！不過依間酒樓令個屋邨加添了生氣，功不可沒

早前就試左新開酒樓既早茶，點心幾好。今晚就試埋佢個晚市。同老婆，老豆一行3人叫左4個餸南乳吊燒雞半隻以燒雞呢講，皮算香脆，雞肉滑多汁，本身都夠味，鍾意食濃味先點南乳吧肥瘦係2:8比，肉質好稔無筋，出色叉燒之一。黃金脆豆腐老婆必點外皮夠脆，裡面滑到不得了，而且熱辣辣，好正，不過建議趁熱食由於我對蝦既接受程度好抵，我係無食呢個既聽老婆評語係，蝦好爽口，不過唔知點解烏冬會碎上一齊滿足既晚餐，點可以少左甜品，不過甜品就令呢餐加上幾分不完美。我哋叫咗紅豆沙，椰汁紅豆糕同埋楊枝甘露，等左差唔多半個鐘頭 ，得紅豆糕到咗，其他都未到，於是問一問伙記，原來紅豆沙冇曬，冇人通知，楊枝金露唔記得拎出黎。個紅豆糕椰汁味夠，不過太林喇，要用匙羹食。楊枝甘露唔記得影