影片
以上资料只供参考，请与餐厅确认详情
上次嚟得宝商场食嘢已经见喜家好多人排，是晚再嚟得宝谂都唔谂即刻试呢间。虽然天气好热，但叫炖汤嘅人都唔少，餐牌卖净三款汤咋，咁就拣过川贝陈皮啦。个餐唔使十分钟就ready，店家好老实话我哋知佢啲蒸饭系一早蒸落嘅，因为人多嘅话即叫即蒸真系做唔切。⭐招牌腊味银鱼仔饭虽然话系蒸定但啲饭仲系粒粒米，软硬适中，边位有少少饭焦。上面铺咗腊肠、腊肉同银鱼仔，仲有两条菜心，卖相唔错呀。饭吸咗腊味嘅油好甘香，豉油随意自己加，个人觉得呢碗砵仔饭几好食㖞😋⭐陈皮川贝无花果瘦肉汤炖汤面层冇油感觉几好，饮落汤头鲜味浓郁，仲有汤渣添，不过汤渣嘅瘦肉又硬又冇味，果断放弃。个人觉得七十几蚊有汤有饭，仲有免费茶水供应，都几抵食吖。
继续阅读