喜多郎日本料理 (已搬遷) 新店位置

星期日同男朋友去食食物質素都ok!不過唔係想講食物!全場有好多張枱都full晒,不過好心唔夠人就請人啦!等個活刺20分鐘,魚生卷重誇張等成35分鐘!餓到肚痛.全晚剩係見到1個侍應,1個類似老闆娘既人!成日想叫人落order,添茶,追食物,埋單都搵唔到人!就算有人都feel到個女仔侍應忙到甩轆,次次都成陣風走過,點叫人呀?呢種就係有錢都唔識搵兼趕客囉!冇人招呼,失敗!不過我份人好講道理,唔係侍應問題,但老細就真係責無旁貸喇!服務呢1分係比老細唔係侍應喎!

有些少奇怪連續幾位話魚生唔新鮮，動機唔估啦。我住近西貢市，好多時都去食，每次都有食魚生，亦試過唔同品種，冇試過唔新鮮喎，而且食品平($38個豬扒飯)貴(二佰蚊碟魚生)都有好多選擇，品質幾好。地方亦清潔，我每次去每人平均消費$150或以上。真係要彈就係生意太旺，伙計係肯努力但都做唔砌同埋老闆娘有些少唔識做(生意無憂o既副作用)；所以去幫襯就好多時要等亦坐得較迫。同埋近一年市度好o左，雖然冇加價但出品o既份量亦明顯少o左，冇以前咁低食。

早知上來睇左comment先啦，食到我一肚氣，d魚生上到來爛爛地咁，叫佢換，佢換過，不過都仲係咁，唉...算啦...我真係好想食魚生，諗住食幾舊姐...唔會有事呱...點知真係出事...半夜肚痛痛醒...仲肚屙..............佢無貨賣咪出聲囉....搞到我比錢買難受...以後都一定唔會再去!!!係我食過咁多間日本野...水準最最差最唔抵食既一間!!

前幾日同個做飲食既朋友去食呢間野...超唔抵食，d 魚生都唔新鮮既，叫左碟三文魚生，d三文魚霉既，仲用d檸檬汁去辟味，口感極差。串燒行貨，全部都係現成交來既...無一樣係homemade，無誠意無驚喜。得佢一間日本野又點，唔好食以後都唔去。

魚生唔新鮮,其他食物一般到一般...

這間日本野算是唔錯加啦，平日午餐四十多元，可以有前菜、魚生或壽司、面豉湯、主菜同飲品或甜品，已很抵食。佢的魚生或壽司都好新鮮好好味，主菜亦可以，而且佢的甜品是紅豆冰都好好食。

朋友生日，佢提議去呢度食飯，點知..... o的串燒係唔熱o既，o的所謂日本蕃茄同本地o既冇分別，又坐得唔舒服等等等等............. 總之我o地好入失望啦.....

我未試過食得咁谷氣!!!我同我bf 行到累就諗住去食下日本野, 見佢都有幾多人, 應該都諗住唔錯。我地叫了一客三文魚刺身, 一個雜菜海鮮窩, 一客凍茄子同一客串燒大蔥牛柳。首先來三文魚刺身, 新鮮度屬ok, 都不錯, 之後就來了一個窩。但係發現下面有些喬麥麵, 不過看見有些海鮮, 都冇諗住佢係黎錯。可能真係咁o既呢~~同埋d海鮮料份量都ok。夾落隻碗之際, 有個女人行埋黎, 我諗佢一係經理, 一係老闆, 因為佢唔係著waitress 的制服。佢話:「我地黎錯o左比你, 你地換唔換番? 我地會照番雜菜海鮮窩的價錢比你!。」咁我地問佢這個是什麼來的, 佢就話係喬麥麵。我問佢有什麼分別, 佢形容得好似差不咁, 但我地又有好奇心, 所以想佢轉番我地開頭叫那個。點知來到又激氣, 海鮮份量是比頭先那個少1/3, 有好多豆腐, 烏冬同雜菜在底。咁佢多菜都算, 但豆腐, 烏冬為什麼份量成個窩的3/4。同埋我覺得佢所謂的海鮮是由剛我地黎錯那個窩換過來的。不過縮了水。呢個比我的感覺只是一個我在屋企也可做到的”豆腐菜烏冬”, 。之後我就去問他有冇來錯，那老闆或經理就說:「我地呢個份量係對的, 個湯係用海鮮

我都算係呢度既常客，差不多一個月都黎一至兩次。魚生新鮮，熟食亦做得好好，招呼一流。總之一個字正。至於價錢亦很公道。有一點值得住意，有時佢地會因為一種魚唔新鮮，就算你叫左，佢都會話番俾你知因為唔新鮮，所以條魚唔賣。唔係間間餐廳有錢都唔賺你架嘛，所以我相信佢係一間有誠意同原則既餐廳。唯一雞蛋裏挑骨既係等候食物既時間較耐，不過在寧靚及美食既環境下，悠閒地等待一下，又何況呢。

今日同男朋友入西貢慶祝生日。男朋友話想食日本野，見店內都幾多人客，覺得都唔會差得幾多，就入去用膳喇。睇本menu都有幾多野食，有好多款都只係$38。我同男朋友叫了一碟三文魚飯團(有二件)，一碟燒雞軟骨(有4串)，和兩人份量的壽司盤(店員話有14件，但上碟時有18件呀，可能因為其中6件係蟹子卷啦)。全部都好好食呀。飯團面燒到金香呀，雞軟骨又好脆，壽司好精美、飯的份量適中又甜、三文魚好軟滑、鰻魚好大件又好肥美、其他料都好鮮美…一個字講哂"正"!店員服務都很好，店內氣氛也不錯，有樓上雅座，不過我就無上去睇過喇。如果一定要找個不足之處…我諗係order之係要等多少少時間先會上食物喇，不過落order時店員已向我們提過。我倆食了三佰幾元左右啦，夠哂飽，又好味。出面都食唔到。

我和男友間中就去，立魚刺身夠新鮮，尤其燒物，一定流口水，包你別的地方吃不到