影片
放大假去咗长洲行下，一落船行咗无耐见有间餐厅门面几吸引，见门口既餐牌选择都多，有街头小食，窝夫，沙𣲙，甚至上海菜肉云吞面都有。。。餐厅入面客人不多， 我地坐低点左两个小食同两杯沙𣲙，餐厅落order 时要比埋钱架。之后就揾位等食，但等咗都几耐先有野食嚟。原味窝夫热狗($28)：窝夫表面口感比较硬身，唔够柔软。午餐肉黄金条($45)：温度热既，口感松脆，但有油益味，午餐肉嘛嘛哋。芒果沙冰($38)：沙𣲙温度系涷既，但未去到沙𣲙既程度，芒果味都算唔错，沙𣲙效果可以再多返d。士多啤梨沙冰($38)：呢杯沙𣲙既士多啤梨味算可以，但话佢系沙𣲙，个人觉得比较偏向似奶昔多D，沙𣲙效果唔系好够。
继续阅读
如果你有小朋友，或者谂住拎佢地餐牌慢慢睇有咩食再叫呢，咁你唔好来呢间野到试，因为白头佬同个女人店长会语重心长再三指示你出去条街到等，我谂佢地只系比一次机会你order一次野食。你如果想加野食的话，佢地会系期望你行一行出去，再入一入去，再叫野食，希望你食野之如，又做到运动。可能佢d野食真系好难整，普通一碟野都可以用几个字时间去整，当你想知大约仲有几耐，你问个白头佬(可能佢外国番来) 佢会唔明你问咩，之后比一似是而非ge答案你。
继续阅读
今日一行三人入长洲行吓，经过呢间铺头，小朋友见到餐牌个原味窝夫话想食，而我同女朋友都对西班牙油条加雪糕有兴趣，咁就入去谂住坐低食，点知唔好彩，小朋友想食𠮶个窝夫冇得卖，咁我就叫左个西班牙油条拎走，我地三个人出左门口张类似BAR枱嘅物体度等，小朋友因为有D攰，所以就比佢喺张高櫈坐住等，等左大约十几分钟，食物出炉，咁我见佢地都冇客等紧位，咁小朋友就继续坐，我同女友就企左喺张BAR枱前，用左5-8分钟时间，食左佢𠮶几条油条啰，正当我地食完谂住走嘅时候，有个长毛白头佬走出嚟问我地仲有冇野等，我以为咁好服务啦，咁我地话冇，跟住点之佢讲句冇野等唔可以喺度食外卖，我当堂吓左一跳，然后得啖笑，我想试个油条都系因为我期望你会有尖沙咀𠮶间嘅质素而试，咁你嘥我十几分钟时间等你个同人地差几班嘅食物唔紧要，我都系用返5-8分钟时间喺冇阻你做生意嘅情况下喺你铺头出面食你地嘅野啫，点知原来你地做生意咁鬼小气，或者真系我唔啱，帮衬小小野就霸左你地个位，咁为表歉意，我唯有祝你地生活休闲，唔驶点做啦
继续阅读
25-12-2022 (Sun)晏昼,同老公,女友人HJJ一齐去长洲行,食完海傍美食店后,就沿海傍街向熟食街市行,继续揾嘢食,老公中途见到呢间,见有窝夫,老公觉得啱我,于是入去食,我哋坐低后,老板娘拎Menu出嚟,介绍佢嘅嘢食.我哋睇完研究完后,决定要:3. $38.00嘅芒果荔枝沙冰Size正常,我撩啲啲嚟食,味道唔太浓亦唔太甜.味道:2.5分4. $38.00嘅热朱古力连埋一块饼嚟,朱古力唔太热,味道唔太甜但够, OK嘅.味道:4分5 $53.00嘅西多士+雪糕虽然呢个最后至到,但因为有雪糕,所以要即食.由于糖浆已经淋咗,所以我哋冇得控制份量,呢个食落好甜,因为糖浆太多?而西多系冇花生酱,成个夹埋雪糕,又食一冷一热咁食,感觉 ok 嘅.味道:3分6. $43.00嘅nutella榛子朱古力沙冰上到枱,大大樽,味道唔太甜,ok 嘅,不过真系好大杯.味道:5分2. $48.00嘅面包牛油布甸呢个细细兜,面包有少少脆,牛油布甸好软熟,不过好甜.味道:3分1. $42.00嘅香芋酥卷两条一开四,见到有少少炸过龙,外面系脆脆地,中间嘅芋蓉够软,不过好似唔欠食到芋头嘅味道.味道:1分价钱:收$258.00,明明香芋酥卷,好彩有问老板娘攞啲单睇,佢哋张单打咗$38.00,唔知系咪打错呢?2.7分堂食每人最低消费$20.00.
继续阅读