喜喜雞煲 (已結業)

因搭車經過見到深井新開雞煲，所以星期六同三個朋友去試下，可能因為星期六所以都好多人，嗰到有十幾張枱，我哋七點幾到，要等位，不過等咗十分鐘左右就有位。應該訂枱好D。第一時間叫咗個雞煲中辣，因為話要等十幾廿分鐘，所以叫咗兩個小食，炸雞軟骨。食咗啖炸雞軟骨，好脆，嗱嗱聲叫啤酒！雞煲D雞幾嫩滑，而且雞味難得地冇比辣味搶走，仲食到些許香料味道。入面有洋蔥，唔like，挑晒出黎先，我最鍾意入面有勁多莞茜，好香。仲叫咗個蝦膠釀油炸鬼，可以即食又可以落煲烚一烚，不過烚就正啲，脆脆哋又有湯汁。 食物味道幾好，但真係地方迫D。

早排食過一次「翻層味」，本來想星期想encore再食，但要等位，後來侍應姐姐提議外買回家。哇，真係未試過外賣一個鍋同配料打邊爐。上次試了雞煲，今次改食胡椒豬骨煲，再叫了老友鬼鬼、水餃、同薯粉返屋企。屋企人亦好醒咁去百佳買魚片同菜，因為平ｄ又份量多ｄ。胡椒豬骨煲入面的豬骨好大舊，仲有雞腳，好足料，胡椒味夠濃，但又唔會搶到其他食物的味道，唔錯唔錯。老友鬼鬼上次食過，可能今次改左湯底，無上次用雞煲咁入味同濃郁。本來屋企人唔比叫水餃，因為百佳抵好多，但我堅持要，因為上次食過好味，餡料同餃皮的份量適中，唔會過多或過少。計計數，下次可能都係外買抵ｏ的。

又試試新店，今次是對於好多人而言是山旮旯的深井。「喜喜雞煲」裝修嘛，很普通，甚至有點娘，還好坐室外位有大排檔打邊爐的風味，而且有冷氣。食物方面，主打兩個煲，一個是重慶雞煲，另一個是胡椒豬桶鍋，因為人多，所以兩個煲都有叫。重慶雞煲辣而不嗆，味道濃郁，雞肉嫩口，好惹味。但個人而言認為胡椒豬桶鍋更加出色，胡椒味突出，但又不會搶走其他食物的味道，更加適合用嚟打邊爐。兩個煲的料都幾足，如果得兩、三個人食，食個煲再點三、五碟配料已夠，但人多的話，難免覺得配料唔夠分，因為份量偏細，我地人多勢眾，同一款食物要叫上三、四碟先得。配料方面，牛肉、栢葉、大腸都唔錯，魚片好新鮮，最令人有驚喜的是老友鬼鬼，即係將蝦膠釀入油炸鬼內，油炸鬼吸晒湯汁，蝦膠彈牙一啖咬落去就噴汁，好爽。送酒小食有幾多款，都是炸魷魚鬚、椒鹽豆腐粒呢類煎炸大路食品，個人推介炸鯪魚球，用黎當打邊爐配料都唔錯。