喜喜冰室 (已結業)

今天經過淘大商場，發現裝修比較懷舊的舊冰室，問口貼著＂試業中＂餐牌上，主要有幾款：型男、索女、常餐、早餐、渡輪餐、全日餐。。還有兩款午餐我選擇最基本的常餐（$43）芝士牛油多士（半入）：沒咩芝士味，但鬆脆都可以勁蔥火腿炒蛋：配搭得幾好叉燒湯意粉：夠味道、夠份量熱奶茶：茶偏濃（帶少少澀）整體感覺好過其他同煩型的茶記或冰室包括食物、伙記態度、枱與枱的空間～～或者仲係新開張，所以仍保持水準。。hehe下次可以再來試其他款

新開張見到早餐可以追加份量，又有茄汁豆所以就入去試一下，以為會同銅鑼灣店一樣唔會太差，結果都係…………冇下次，杯茶走冇乜茶味感覺似奶水，鷄扒夠薄身又好似用油浸完，成碟底都反晒光，唯一讚嘅係紅腸係厚切又夠多，我寧願幫襯返銅鑼灣店，唔會再來呢間！

我實在忍唔住了⋯⋯😡呢間試業中喺淘大嘅冰室裝修得體，位置方便，可惜食物是垃圾！點解咁激動？原因係佢破壞左我一份星期一嘅早餐！😩見佢新開又就腳，唸都無唸就入左去唸住嘆早餐！睇下個早餐餐牌，款式唔算多，嗰日唔算太肚餓，所以叫左個沙爹牛肉包飲熱奶茶～個包話咁快就到，見到係菠蘿包有d驚喜！😀唸住熱辣辣都唔會差得去邊啦！點知⋯⋯⋯⋯OH NO🙀是凍的！再咬到d沙爹牛⋯⋯⋯我只可以話佢咸到痴左線！咸到一個反胃點⋯⋯🤮真係唔想再食落去！極級失望⋯⋯結果放棄哂d沙爹牛，勉強食個凍冰冰嘅菠蘿包⋯⋯我希望係師傅嗰朝一時失準啦⋯⋯如果唔係間店應該做唔到好耐！後話，就算杯奶茶幾好飲，都彌補唔到d食物質素！更何況⋯⋯連杯奶茶都唔好飲😖

新開張喜喜冰室一睇個menu 想走年青攪笑路線呢！黑松露炒蛋配餐包，黑松露很香，蛋滑。餐包新鮮， 鬆軟，暖粒粒雞肉磨菇忌廉湯通粉，沒有想像般杰，湯的濃度恰到好處餐飲奶茶總的來說，食物質素可接受，但本人覺得午餐定價略貴了一點

九龍灣食市選擇雖然多，但是讓人眼前一亮的卻很少。見新店開張，裝潢吸引，充滿懷舊的味道，便膽粗粗入去試。最初想㨂卡位或較少人的位置，但被侍應要求坐另一位置，態度真的很一般（相信只是個別情況，其他員工都很有禮的）。選擇了兩個午餐，葡汁雞球飯及豆腐火腩飯，午餐包忌廉湯、餐包及餐飲，55元一份。說真的，食物質素一般，餐包偏油，而男人的浪漫，生粉汁不討喜，但厚身的冬菇是唯一的驚喜，而食物賣相都是可以加分的。

喺銅鑼灣店食過呢間冰室，質素唔錯。今日特黎試九龍灣店的早餐好有香港情懷的一幅大畫我叫了一份沙嗲牛肉湯意粉另加$9火腿奄列、多士，熱咖啡$38意粉賣相一般，味道一般，無銅鑼灣店好食！感覺有D未滿足，突然見有蛋撻出爐，熱辣辣，叫了一隻，唔錯⋯⋯唔錯總括黎講，試業中的一間冰室有改善空間

知道銅鑼灣分店好評如潮, 所以見到淘大會開分店心裡暗喜...開張幾日後即管試一試. 我們大約晚上8點落單(我叫淑女餐$49 黑松露炒蛋加餐包/忌廉湯雞肉通粉, 家人叫飯餐 $65 白汁吉列豬扒飯/湯/餐包), 等餐途中已聽到左右兩對客人已經不停追單, 提及已經等了一個鐘, 那時我與家人都心知不妙! 我們等了半個鐘終於上了白汁吉列豬扒飯, 忌廉湯雞肉通粉及兩杯飲品, 那碟白汁吉列豬扒飯一放下, 我與家人都對望呆了一回, 賣相, 份量及味道都不值$65... 那碟忌廉湯雞肉通粉完全水汪汪沒有忌廉湯味... 我們用了5分鐘就食完了兩碟食物, 可想分量何其少 (對不起我沒有影相, 因為沒有興致...) 隔了二十分鐘剩餘的食物還未到, 我們當然追單, 侍應那時先通知賣唒黑松露炒蛋及餐包, 轉火腿蛋, 我問為不一早通知還要等差不多一個鐘, 唔追唔講? 侍應話冇哂就係冇唒, 火腿蛋都係一樣, 要唔要? 因她的態度, 我沒有妥協, 我唔要叫她扣返黑松露炒蛋及兩個餐包錢, 但她回應不能改單, 我話這些是你們問題, 那時這個侍應好大聲回我 " 我請你食得未? 剛剛開張, 大把錢..." 那時大家都呆了,

樓下新開 之前食過銅鑼灣店 不錯 滿心期待 但結果不得不給劣評6/1 晚上約6:30入座 約七成滿 因要等埋家人先嗌餐 坐陣 期間見到好多野食已經賣哂 有幾枱坐低都走人我同家人分別叫左個晚餐B/ 茶餐/ 燴牛脷意粉晚餐B跟餐湯餐包飲品茶餐跟飲品 燴意粉散叫 再另加一杯飲品***************晚餐B上左餐湯 未有餐包2-3分鐘後 對面位先生有餐湯+餐包 我問侍應點解我未有餐包 (之後先知道原來佢係so called老闆娘)之後1-2分鐘後 此人拎左籃餐包 有兩大個 話:你咁恨食包 我請你食多個-.- 咩態度 我都reject左 因為我唔係貪佢個包****************同時 我個晚餐B黎喇 咦望一望 點解唔係我叫既野食我雙眼見到既晚餐B係黑椒豬排飯佢比左個滑蛋xx飯 總之唔係我叫既野我問番果個老闆娘 佢望一望個餐牌 佢話 丫 呢個係午餐牌 我地未換晚餐牌係另一個然而我坐既角度 只係可以見到佢口中既「午餐牌」既然唔岩食 我話咁麻煩幫我退左個晚餐B(包括個飯 餐湯 餐包1個 飲品)即係我地只叫左茶餐包飲品+散叫燴意粉+散叫飲品一杯**********************

落單混亂，食物介紹唔清唔楚。問佢多士係厚定薄，問完返黎答話厚，結果上到枱係薄嘅！而且根本就烘唔透，奶醬多好似奶醬包咁😡好難食凈係識搞啲gimmick 嘢，懶懷舊咁

服務一般 但加分位係大家都好用心去serve 客食物方面 同一般茶記分別不大 今日order 咗免治牛肉飯 味道啱啱好 免治牛肉醬甜甜地 幾好味 太陽蛋又煎得啱啱好 口感嫩滑而檸檬茶茶味相當之濃 唔錯 唔錯

可以先讚 同同行都係叫左淑女餐 餐既雞肉忌廉通粉真係好食 其實可能只係罐頭忌廉湯通粉 但一般比較少咁樣既配搭 所以味道不錯 雞肉都幾有味 餐奶茶都不過不失 一舨茶餐廳奶茶味道 但重點黎啦 以下都係彈......   跟餐個餐包 松露蛋 由出單12:21 到13:17都未出 追問餐廳伙記 伙記話"我唔知" "唔好問我 呢D唔係我做既 我驚講錯野" 都只係重複以上答案  同檯食客及隔間兩檯食客既餐包 蛋一樣都係未出 再等左一陣 只係出到一碟波蘿包+松露蛋 伙記話冇晒餐包  伙記可唔可以預先問下客人換 波蘿包好唔好 係冇選擇下 就咁硬換左一個波蘿包俾食客 當時真係覺得好無奈 同檯既客人接住都出左松露蛋 但佢食到一半都好火 因為佢碟蛋 大半都係蛋殼 佢拎埋碟蛋去櫃檯投訴同埋單  再等左一陣 仲差一碟餐包 松露蛋都係未出 都等左成個鐘啦 唔等啦 拎張單去埋單 再問收銀位伯伯 話仲有碟餐包 松露蛋未黎 點樣計 老實講 見收銀係伯伯有D年紀 我都好客氣咁問佢 無謂同伯伯火啦 點知伯伯好悔氣話"差D咩呀" 我話差一碟餐包 松露蛋係未黎 佢話佢跟跟 我話唔啦 等左太耐啦 成個鐘啦 而呢個時候 係收銀側邊

無服務，唔好食，內裡員工好似發緊夢，隔離枱上錯野食，個員工完全無意去跟，望住個客，你眼望我眼，之後個客就話是但啦，然後個員工好進取去拎起張單話check check，睇下有冇入錯單，但竟然唔係同你換番岩，真攪笑。好啦，我啲野黎啦，一望就知奶野，你地自己睇相。三個字總結，「無．下．次」