喜喜冰室 (已結業)

昨天經過九龍灣淘大商場，同朋友搵嘢食，見到間間都滿晒座，就行遠少少發現咗一間冇乜人嘅餐廳，喜喜冰室。就貪佢冇乜人，整潔清淨可以和朋友傾吓計。餐廳嘅設計充滿懷舊氣息，牆壁上還掛着六七十年代明星的照片和電影嘅宣傳海報。打開餐牌看到有一些很特色的套餐，我地三個人分別叫咗不同嘅特色餐，有索女餐，型男餐和全日餐。睇落就係普通嘅材料，但係味道就特別好味喎。尤其是嗰塊多士係同其他茶餐廳唔同㗎係特別好食嘅。同埋要讚嘅就係嗰杯朱古力，谷古味超級香濃，特別推薦給大家。

香港嘅通脹愈黎愈勁，食個早餐都差唔多要4草，真係開始唔捨得食🙁好喇，辛苦翻工捱到lunch，估唔到⋯⋯竟然食到個垃圾午餐！話說呢間店初開張，已經貪新鮮試過佢個早餐，當時食左個咸到嘔嘅沙爹牛肉菠蘿包🤮我同自己講：可能人地剛開張，師傅未熟個地頭，唔小心落多左鹽姐，遲下比多次機會佢啦😸幾個月後⋯⋯🦆🦆🦆🐾🐾🐾終於決定試下佢個lunch😠叫左呢個全日早餐！睇圖嘛⋯已經唔吸引，然後逐樣試啦⋯⋯⋯⋯多士，丫唔係，佢自居芝士多士！完全無芝士味，只係一塊普通嘅牛油多士⋯⋯而且偏凍唔新鮮！太陽蛋⋯唔熱，唔知放左幾耐？不過補充一句，成碟都無咩熱🤧司華力腸⋯好似隔離7仔水準仲高😂煙肉都係犯左大部分餐廳都犯嘅問題：乾增增👎🏻薯溶絕對係雞叔叔嘅好食！蕃茄落左黑椒已經算有誠意😓沙律嘛🤔無咩好comment～重點來了：牛扒！完全唔似煎過，無味，又乾🤢我求奇喺街市買塊自己煎好過😭唔知大家有無食過大x活大家x嗰塊呢😄應該比此更好？🤭呢餐lunch失望到特點！三個字：無 下 次👋🏻

最近淘大商場新開左好多間食店，打算續1試一試，於是星期六約左兩個好姊妹去巡視業務。淘大平時都你人頭湧湧，呢兩日打緊1號風，又落雨，商場就更多人啦，行左個圈，幾間食店都有人要排緊隊，發現呢間喜喜冰室沒人等位，都驚會伏，上openrice look look又ok喎，就入去，搵左個卡位坐低。裝飾以60年代粵語殘片既冰室設計，影相打卡都唔錯，好有特色，食物都係細個時老豆帶我地去冰室食果種風味，雖然我係淑女但就叫左個猛男餐，因為我驚唔夠心飽，猛男餐包含竹番茄牛腩麵，係伊麵，好少有，湯底夠濃，好味，火腿炒蛋加蔥花，又係好少見，成個奄列既香味提升左，仲有半片厚多士，佢既牛油唔做左咩手腳，可能祕製過，咸咸香香，同平時食開既係唔同，而片多士應該係乾煎而唔係烤既，姊妺叫既全日餐簡直就係super大碟，飽到要分比其他人食，餐飲我叫左谷古，係純70%朱古力完全冇奶冇糖架，中意苦既人先好叫喎，我就好like。最難得係好食既冰室，境然大把位比你揀，我地hea左成兩粒鐘，出返商場又人頭湧湧，兩個世界，仿如隔世。

淘大開咗呢間喜喜冰室，打住懷舊風去吸引顧客，當然入到去真係睇得出裝修花咗唔少心思。場上嘅裝飾同畫報都顯現出舊香港嘅感覺。牆身燈同報章都好復古講室內嘅設計真係無得輸，每一寸都花過心思佈置。睇返餐牌亦都特別設計過，但食完後茶餐價錢呢個質素真係唔太抵常餐茶餐唔係$50就$60價錢真係有啲貴有質素個心都比得抵啲但真係麻麻哋。先來索女餐嘅忌廉雞肉通粉，材料睇落好充足但食落口淡而無味，雞肉仲有雪味完全冇香忌廉同埋蘑菇味。個包已經叫幾好食，暖暖地夠軟身。但係炒蛋超油膩嘅感覺。杯茶都沖得麻麻哋。另外呢個叉燒通粉，湯底都係偏向淡普普通通茶餐兩個人食咗$100 ，一個下午茶來講覺得真係不太值得。真係純粹打卡影相，食物質素都唔好太有期望。

喜喜冰室是一間走懷舊復古路線的茶餐廳，內裡有不少舊事舊物擺設。這間分店位於九龍灣淘大，鄰近獅子山，也可以說是獅子山下附近，所以甫進入餐冰室就看見一大幅獅子山的相片在牆上。一坐下，本被他們的「全日食」餐（猜即All Day Breakfast吧！）所吸引，但是光顧當日時間已稍晚，所有牛扒已經售罄，唯有選擇「型男餐」及「喜喜茶餐」。兩款茶餐，味道中規中矩，不是太特別，反而當過了10時後，響起了「當、檔、擋、dong」的叫mic音樂後，冰室西餅部的麵包西餅都以半價發售。芑芑當然一馬當先買了一個半價的港式白汁雞批。初嚐雞批，從不知雞批是用忌廉雞皇湯加火腿餡做成；他們把酥皮做得很漂亮，而且味道很好吃，簡直是全晚最好味的東西！另外，還買了兩個合桃提子蛋糕做翌日早餐，粒粒提子跟合桃，味道不太甜，又有牛油香，都很好吃啊！雞批加兩件疍糕盛惠$10.5，抵！

其實....我真係唔係好挑剔架 jar.....不過我今次真係好失望成日經過喜喜都好想去試下, 今日終於有時間去試下啦! 入面裝飾同裝修真係唔錯, 好懷舊, 而且環境好好。😄裡面嘅裝飾同 poster 都睇得出花過心思去搵。Menu 方面係幾有諗頭。型男索女餐幾有趣, 不過價錢就偏貴😔本來都幾期待杯凍奶茶.....但係茶味唔夠, 凍又太多。菠蘿油係最失望, 菠蘿包唔夠熱而且唔夠鬆軟同面頭唔夠脆, 塊牛油太薄又唔夠凍就好似普通嘅菠蘿包塗牛油咁。沙爹牛通相對上比較好, 湯底夠沙爹味所以係合格嘅。但最驚嚇係雪菜肉絲米....唔單止湯底太淡, 連湯都好似太貴咁, 唔夠湯我就好似乾咬米粉咁。而雪菜肉絲都太少, 實在係太失敗😞總結: 2個人 total HKD95 以下午茶黎講唔係特別平, 但係食物質素實在唔值😔但係餐廳裝飾環境好好, 又懷舊。希望以後食物質素會有改進啦。

行懷舊路線既冰室除左裝飾係懷舊物品之外電視仲會播以前既節目餐名都有特別既有型男餐同索女餐，同渡輪餐個餐包超大個叫左蕃茄豬柳意粉🍅🐷🍝食物就普通，係三寶飯比較靚仔其實都多影相位但要簡唔好太多人流既時段由於我係食飯時間所以都唔太影到個環境🤣

爸爸唔知點解成日都話好鍾意呢間冰室今日終於帶埋貓仔同佢地去試下的確裝潢十分之懷舊 不論牆身定係座位都好有味道而菜式都好有特式幾個常餐用左啲幾搞笑嘅名去改型男餐索女餐 好好好易記我地全家都叫左型男同索女餐多士好重牛油芝士味偏重口味少少而個麵就正正常常 但我就幾欣賞佢個伊面底筆竟依家好少餐廳會做伊面野飲方面其實有得叫啲懷舊飲品嘅好似唂咕咁 但係我個下仲係好想飲凍檸茶 所以就放棄左 下次再食就會試下下次會想試下賓墟扒餐見到隔離有人嗌好大碟好似好抵食咁用鐵板上 傳出嚟嘅味好香 好吸引

今日晚上8時第一次來光顧鐵板西冷, 即時給我湯及餐包...8:20pm 催第一次, 店員說漏單. 她即刻再落單. 8:33pm 我查問西冷還要煮多久? 她回覆還欠兩邊便可以了...兩分鐘後我見到有一份鐵板西冷拿出來給另一桌客人. 8:43pm 我直接到收銀處把這個故事告訴收銀機的男仕, 他帶著笑臉稱呼我為”老闆”, 於我這個顧客的角度, 他根本沒有理會發生了什麼事, 只想盡快回復原狀或係咁2打發我. 住在這區數十年, 第一次光顧, 便遇上這件事. 漏單間間餐廳都會有, 但相比同區其他餐廳既回應....都無佢地咁乜乜乜啦...已入本人黑名單. 本區還有很多有質素的餐廳!

九龍灣地鐵站行去淘大花園果條馬路位出現了新臉孔「喜喜冰室」，舖面裝修帶有懷舊風情我一直對懷舊野情有獨鍾，所以好想入去睇下呀終於搵左一晚去食飯人數：四位地點：九龍灣牛頭角道77號淘大商場2期地下G211-G214舖Walk in：假日夜晚環境：「認真的」懷舊風情，唔覺得求求其其服務：茶餐廳「快快手」服務，唔算滿座，所以Keep到服務質素食物：四份餐全日食之選 $63叫了兩份嘩！超級大份呀！睇落好開胃，食落又好食有牛扒、煙肉、司華力腸、太陽蛋、芝士牛油多士、焗豆、薯蓉、蕃茄、什果沙律-熱檸水香草烤雞焗意 $63唔包飲品又係夠哂大碟，焗得好香，汁又濃喜喜茶餐 $46-蔥花、腿蛋、芝士油多意想不到，有蔥花又有芝士，比茶餐廳多料和大份-叉燒湯意六片咁多，正-凍檸茶少冰真正有少冰架（成日遇到其他地方叫少冰，結果與正常份量不變）咁精細既飾品和有心既裝修設計，仔細慢慢睇都睇到唔想走呀

喜喜冰室是我在銅鑼灣常常光顧的冰室。最愛那種懷舊的老香港陳設，和店員同顧客的互動，是同冷冰冰的快餐店不大相同。今曰路經九龍灣淘大，發現喜喜分店！一於入內試試。喜喜茶餐$46這茶餐有蔥花火腿炒旦、芝士牛油扒多、叉燒濃湯意粉、配奶茶這兒的炒旦唔係最滑，但滿有旦香，加上蔥花，十分香口，而且十分足料，味道唔錯。芝士油多是厚切，脆脆地，但牛油味唔多，唔會好肥膩。叉燒大大件，有點厚度，唔會太肥，味道甜甜地，意粉軟硬適中，湯底唔錯，平平穩穩夠飽肚。奶茶是以厚杯上，味道平平，同預期有少少落差。雞批浮台（青豆蓉湯）$33/配奶茶這倒是第一次見到雞批是配湯吃的，感覺頗為新鮮。無浸湯的雞批口感脆口，內有忌廉雞肉，外脆內軟。然而肥膩的雞批遇上濃濃的青豆蓉湯，一拍即合，口感特別。青豆湯口感creamy, 味道清新，正好平衡了味道濃郁的雞批，好像也沒有那麽熱氣。但那青豆湯的碧青味道，倒是十分個人，未必人人喜愛。平平地吃一餐，餐點選擇唔少，而味道唔差，又可體味一下老香港情懷，是一個唔錯的茶餐選擇。

尋晚夜收工。 返到淘大是但揾食。 因為都差唔多九點。 唔想食咁heavy. 朋友諗起呢間新野。 我平時都有買過外賣麵包返屋企。 堂食就真係未入過黎！反正未試過。 所以就黎試下！入到黎好有特色！ 走懷舊風！就咁睇好多打卡位。 中意影相既可以避開peak hour 黎影下相！ 影還影唔好阻到人做生意！餐牌同名都好特別！有型男餐同索女餐。重有個渡輪餐 飲媽媽奶同莎莉蛋糕喎！ 又幾搞笑 哈哈！ 玩完一輪。 我叫左個索女餐$49！ 因為有有黑松露炒蛋一衝著呢個黎叫既！(我叫唔出口呀wkakakak 叫朋友落單)嗯。。。。 如果我係為個黑松露黎 我係超失望！ 一上黎咩味都冇！ 有冇搞錯呀真係！ 重要係淡味家。。蛋漿一般要落鹽咯 所以見到呢個樽都幾靚丫！然後就食呢喇雞肉磨菇忌亷湯通粉。喂 呢個得喎！ 夠味 濃味既！但一黎到我以為係雪菜 但原來係菇碎 哈！ 朋友叫左咖哩牛腩飯。 我唔記得試下味tim....下次有機會先！

入到喜喜第一個印象就係裝修真係好用心，你會覺得自己好似係一個七八十年代既貨倉咁樣。而且牆上面既裝飾，風扇，燈都好懷舊。連電視都播返好耐以前既節目。而服務方面就無咩問題，又唔會好似華星咁趕。不過裝修服務就食唔飽既，講返啲野食啦。我就揀左茶餐($46，晚餐黎講簡直係窮人恩物)，而且都想同華星比較一下。炒蛋-就唔算得上特別滑，不過感覺好足料，火腿就比較多。我就鐘意華星比較多啦。油多-表面有只係有少少脆口，但係略嫌個脆面唔夠厚叉燒意粉-叉燒唔算肥，意粉都唔會太過淋身，味道就可以吧。

侍應態度非常不禮貌，充滿晦氣，落完單後，用力將單掟到餐檯上。出餸速度慢，三個餐等咗40分鐘。跟餐的牛油只有一點點，根本不夠搽餐包。芡汁冇味道，得個咸字。淘大附近咁多好餐廳，絕不會再幫襯呢度！

裝修極有70-80年代港式茶餐廳風格。值得星期六日假去去食返個靚早餐😜👍🏻喜喜做到即場新鮮出爐麵包！！再配搭茶餐，真係一流😎一定要試沙爹牛肉麵同熱奶茶！！