喜之都茶餐廳

营业中

休息中

元朗區有好多食肆，呢日就嚟咗呢間位於元朗合財街外表普普通通嘅喜之都食早餐。裝修係一般茶記格局，唔算有特色，不過早餐嘅價錢就好吸引，自選粉麵早餐，雙拼都只不過係$30，咁抵，冇理由唔叫嚟試下。回鍋肉米粉，配多士午餐肉煎蛋，飲熱奶茶。回鍋肉米粉夠大碗，雖然米粉係一般貨色，不過整體味道唔錯。多士烘底+$1，午餐肉都算厚，雞蛋比好多茶記大隻同有蛋味，無投訴之至。奶茶茶同奶都好均勻，味道絕對唔輸大部份茶餐廳。總括來講，呢度嘅早餐味道唔錯，而且價格咁平，吸引咗同區好多老人家嚟幫襯，屬於良心小店，值得支持！

幾個月前嚟過食早餐覺得唔錯，呢日因事再經過附近就一於再去食個lunch睇下水準keep唔keep到。揀左午餐嘅咸旦肉餅飯($42)，呢個餐包例湯同熱飲。好多茶餐廳的例湯都係味精水，開頭以為呢個都係，試左一啖有驚喜，估唔到一D味精都無，值得一讚！個肉餅望落似好實，但原來一D都唔會，食落仲幾滑溜，配埋個鮮味蒸魚豉油，真係幾好食！杯熱奶茶亦係水準之作。呢餐無味精真材實料又好味，店仔細細專做街坊生意，竟然有D食住家飯feel😜

又到了下午茶時間今天同老婆去左元朗合益街市附近的 ''喜之都餐廳'' 食下午茶餐牌多款美食任君選擇我叫左個炸鷄脾沙律，再加一杯紅豆冰，合共盛惠$45。冰凍紅豆冰好有兒時的感覺紅豆大大粒，甜甜地又淋淋地幾好味配上花奶加冰粒，夏天熱辣辣，飲落口即刻清凉晒。炸鷄脾配鮮果沙律熱辣辣的炸鷄脾是即炸的，配上冰凍鮮果少律，配搭一流。炸鷄脾炸得好脆口，肉汁好豐富，雞肉醃味又十足，好食。 鮮果沙律好新鮮，雪的時間剛剛好，凍凍地幾好味。一啖冰凍紅豆冰，一啖熱辣辣炸鷄脾，跟住再一啖冰凍沙律，簡直是冰火三重奏的享受。

行開元朗合益街市附近揾早餐食，於是去左 ''喜之都茶餐廳。餐廳地方都算寬趟，樓底夠高，最重要係唔使同人迫。早餐多款美食自由組合，任君選擇。厚切紅腸好香口，半生熟煎鷄蛋煎得剛剛好，牛油方飽挾住紅腸和煎鷄蛋一齊食味道一流。粉米煮得剛剛好不會太淋，份量又十足。回煱肉夠晒辣好送口，份量也不少。配上一大塊生菜代表餐廳對食物係有要求，值得一讚。杯熱咖啡一上枱已經知道好好味，外觀一流。 飲落口的確係唔錯埋單只是$30，絕對係抵食。

元朗合益街市附近嘅呢間茶餐廳雖然門面同位置唔係好顯眼，元朗區又有好多食市，不過我同老婆就久唔久都會返嚟呢度食嘢，因為我哋覺得呢間餐廳D嘢好抵食。呢日朝早我哋就食左個好抵食嘅早餐，我哋兩個都係叫回鍋肉米粉，我就揀配紅腸煎蛋多士配熱咖啡($31)！雖然平但呢度用料唔會cheap, 紅腸煎蛋多士唔錯。回鍋肉米粉夠大碗，入面有好多回鍋肉仲有條生菜，夠晒抵食！兩個人食完呢個非常滿意嘅早餐埋單都係$61, 認真超值！

呢日嚟到呢間位於元朗合益街市附近的茶餐廳食早餐，首先讚一讚呢間茶餐廳個個員工都係好有友善，感覺好有人情味，餐廳裝修普通但坐落舒服！叫左個回鍋肉米粉配餐肉煎蛋方飽配熱奶茶($30), 好抵食！熱奶茶茶色靚，茶同奶的比例啱啱好，唔錯餐肉夠份量，食落好味唔“嚡”口，隻煎蛋有蛋味，方飽軟熟。回鍋肉米粉份量足，有好多回鍋肉，仲有條生菜，回鍋肉嘅味係平時喺超市買開嗰個味而唔係cheap牌子。用料好、份量足、價錢平，真心畀個"Like"佢！

(810)天氣晴朗的一天，往元朗郊野行山，早餐又在元朗，就在這間喜之都茶餐廳。早餐選擇了午餐肉、炒蛋公仔麵及凍奶茶。餐蛋麵，午餐肉呈半圓型，薄薄的一片，口感有點腍，但味道都ok。炒蛋沒有炒得過老，吃落香軟嫩滑，味道不錯。公仔麵與湯底味道都ok。凍奶茶，茶味不濃，奶夠多，冰粒都多，甜味過淡！其實這間不是新餐廳，裝修設備已看得出，應該開了不短日子了。喜之都茶餐廳，葵涌也有一間，門面裝飾也相近。