影片
元朗区有好多食肆，呢日就嚟咗呢间位于元朗合财街外表普普通通嘅喜之都食早餐。装修系一般茶记格局，唔算有特色，不过早餐嘅价钱就好吸引，自选粉面早餐，双拼都只不过系$30，咁抵，冇理由唔叫嚟试下。回锅肉米粉，配多士午餐肉煎蛋，饮热奶茶。回锅肉米粉够大碗，虽然米粉系一般货色，不过整体味道唔错。多士烘底+$1，午餐肉都算厚，鸡蛋比好多茶记大只同有蛋味，无投诉之至。奶茶茶同奶都好均匀，味道绝对唔输大部份茶餐厅。总括来讲，呢度嘅早餐味道唔错，而且价格咁平，吸引咗同区好多老人家嚟帮衬，属于良心小店，值得支持！
继续阅读
几个月前嚟过食早餐觉得唔错，呢日因事再经过附近就一于再去食个lunch睇下水准keep唔keep到。拣左午餐嘅咸旦肉饼饭($42)，呢个餐包例汤同热饮。好多茶餐厅的例汤都系味精水，开头以为呢个都系，试左一啖有惊喜，估唔到一D味精都无，值得一赞！个肉饼望落似好实，但原来一D都唔会，食落仲几滑溜，配埋个鲜味蒸鱼豉油，真系几好食！杯热奶茶亦系水准之作。呢餐无味精真材实料又好味，店仔细细专做街坊生意，竟然有D食住家饭feel😜
继续阅读
又到了下午茶时间今天同老婆去左元朗合益街市附近的 ''喜之都餐厅'' 食下午茶餐牌多款美食任君选择我叫左个炸鸡脾沙律，再加一杯红豆冰，合共盛惠$45。冰冻红豆冰好有儿时的感觉红豆大大粒，甜甜地又淋淋地几好味配上花奶加冰粒，夏天热辣辣，饮落口即刻清凉晒。炸鸡脾配鲜果沙律热辣辣的炸鸡脾是即炸的，配上冰冻鲜果少律，配搭一流。炸鸡脾炸得好脆口，肉汁好丰富，鸡肉腌味又十足，好食。 鲜果沙律好新鲜，雪的时间刚刚好，冻冻地几好味。一啖冰冻红豆冰，一啖热辣辣炸鸡脾，跟住再一啖冰冻沙律，简直是冰火三重奏的享受。
继续阅读
(810)天气晴朗的一天，往元朗郊野行山，早餐又在元朗，就在这间喜之都茶餐厅。早餐选择了午餐肉、炒蛋公仔面及冻奶茶。餐蛋面，午餐肉呈半圆型，薄薄的一片，口感有点腍，但味道都ok。炒蛋没有炒得过老，吃落香软嫩滑，味道不错。公仔面与汤底味道都ok。冻奶茶，茶味不浓，奶够多，冰粒都多，甜味过淡！其实这间不是新餐厅，装修设备已看得出，应该开了不短日子了。喜之都茶餐厅，葵涌也有一间，门面装饰也相近。
继续阅读