喇沙

最近路經此地, 發現喇沙改名為Yummy Noodle, 老闆雖為同一人, 但由原先以喇沙、咖喱及印度餅主打, 改為以麵及米線作招徠。原先此地乃本人到大角咀的必食地點之一, 皆因其取價公道, 味道亦不俗, 實屬平靚正之選, 但不知何故轉形, 甚是失望! 又少一處 地點了! 可惜! 可惜! 指望其還原基本步啦!…查看更多

這間不知轉了幾多手的小店, 輾轉就變o左呢間排名好像不錯的喇沙店, 又係有機會就o黎試o下 單看餐牌, 款式不算特別多, 都係N 款中其一o既食料配麵或喇沙, 價錢維持o係三十多元左近, 不算非常大眾化。今次點了鹹牛脷喇沙 份量ok, 鹹牛脷唔會韌, 湯底飲落足料, 麵條可以。味精不算重吧 簡簡單單, 還不錯…查看更多

都怪那一天隔壁的一家人煮的咖喱實在太香，使需要外出用膳的自己不作他想，就以吃咖喱為當晚唯一的目標，在眾多的食肆中縮窄範圍，最後來到這間除了馬來喇沙之外，咖喱水準也還不錯的「喇沙」吃晚飯。其實這裡以前也幫襯過幾次，來到這裡，不是叫「喇沙」便是叫「一人咖喱套餐」。這裡的「一人咖喱套餐」主菜有四款可揀，除了一款是咖喱牛腩之外，其餘三款都是不同材料煮成的咖喱雞。配菜方面，則有一碗菜與白飯或油酥餅。而當然，還包一杯餐飲啦！與老婆仔各自叫了一個「一人咖喱套餐」。她要的主菜是「馬來椰汁咖喱雞」，我要的則是「秘製咖喱牛腩」。既然有油酥餅送咖喱，當然不要白飯而取油酥餅啦！老婆仔的主菜「馬來椰汁咖喱雞」因為下了椰汁來煮的關係，味道較甜，雞肉肉質尚佳，薯仔也夠軟腍:)。我的主菜「秘製咖喱牛腩」的主角牛腩蠻好的，煮得軟腍之餘，不會全部都是瘦肉或肥膏，瘦中帶些少肥的牛腩正合自己的心意，咖喱汁也頗香濃而不太辣，同樣合自己的口胃。除了兩個主角外，這裡的油酥餅水準不錯，蘸上咖喱汁來吃，都幾好味:)。作為陪襯的青菜則可作為吃咖喱的調劑。順帶一提的是，這裡有一些近期的雜誌可供客人一邊吃飯，一邊翻閱，這安排也不錯呢:)！…查看更多

平時唔多食喇沙, 所以都無乜印象正宗o既喇沙係咩味, 但我相信應該唔係咖喱味o掛?!感覺好似食緊咖喱魚旦麵咁, 有d奇怪! 不過椰香味都幾重o既~ 如果當食咖喱麵，都算okay! …查看更多

8月28日, 貼紙相日! 今日晏晝約咗個fd喺大角咀幫佢整電腦~ 嚟咗呢一區, 每條街都好多食肆, 五花八門, 真係要乜有乜~ 每一次嚟都有好多選擇, 有d難決定, 今次就試下呢間喇沙專門店先~ 一進店, 聞到嘅唔係喇沙香味, 竟然係重重嘅咖哩香! 俾唔到人有以喇沙為招來嘅感覺… 不過, 第一次食都係先要嚐一嚐喇沙~ 喇沙種類都有幾多, 問過店員都唔係好清楚, 只係知有辣d, 有多椰汁d~::: 馬來參巴海鮮喇沙 + 凍檸蜜 ::: $32 + $5呢一隻喇沙店員話係馬來西亞風味, 以參巴醬調製出來嘅喇沙湯底, 少辣~ 不過嚟到嘅時候, 可能俾周圍d咖哩香味影響咗嗅覺, 真係一d都聞唔出個喇沙湯底有幾香… 而當然, 嗅覺影響咗, 味覺都一定唔會準, 發覺湯底唔夠味, 辣味唔多覺, 而嗰種喇沙香濃香料同椰汁味又冇乜… 海鮮就以蝦同魚片為主, 唔入味, 只係係用滾水烚熟嘅料… 整體雷聲大, 雨點少…凍檸蜜好甜, 而檸檬冇乜味… 亦唔太夠凍…::: 馬來參巴牛舌喇沙 + 薏米青檸冰 ::: $29 + $7同樣嘅馬來參巴湯底, 不過呀菲就覺得好好味~! 可能因為佢唔食辣, 呢個湯底啱啱好~ 香料唔算多但椰奶味都頗濃! 牛舌大大塊有成四、五件, 亦都煮得夠淋身.可能係成條牛舌有唔同部位, 咬落有淋有爽口, 但都有豐富牛味! 不過講到好似好正宗咁, 但其實喇沙入面就只有米線一種粉, 唔似地道嘅喇沙會摻埋d米粉落去. d米線就略淋但都不失煙韌嘅… 薏米青檸冰有驚喜! 青檸味酸中帶甜夠醒神~ 加入少少薏米有得咬下又可以豐富口感~ 唔錯唔錯!一心來食喇沙, 反而感覺好似咖哩仲好味d… lunch時間唔多人, 都幾靜. 俾多次機會佢, 下次再來食咖哩……查看更多

因為今晚黎呢頭，所以又試下呢間馬來野，兩個人叫左個咖哩牛腩餐，一碗雞肉喇沙、一碟馬拉盞炒通菜同一客薄餅。唔知點解食馬來野個整餅師傅似印巴人，個薄餅黎到唔熱、少少霖同硬，唔似即做咁。個咖哩牛脯ok但咖哩汁唔算好好食，最懷念係從前蕉葉個咖哩，真係撈汁都可以爬幾碗飯，不過個牛腩就炆得好霖。個喇沙用米線，同一般唔同，老婆話麻麻地。個炒菜有一般食店既缸點，越食越咸，個醬太重手。整體食物質素普通、服務就幾好、環境都唔錯，坐得幾舒服。…查看更多

走到大角咀，又來一試喇沙，服務員又有禮貌參巴牛脷喇沙：湯底美味，很香椰奶味，不辣但湯底味濃；米線吸了美味湯底，加上米線淋度適中；牛脷又剛好熟，很好味薯仔薄餅：十分香口又乾身，加上薯仔又多，好好吃啊！…查看更多

終於等到星期五,又係同一班同事食餐好的日子,今次經萍姐介紹目的地係大角咀,喇沙,本店食菜為星馬主,地方不是很大,店內大約只有三十幾個座位左右,地方整潔,店內員工服務主動,可能由於新年關係,店內人數不是太多,無順等位就可入座食物方面,我們叫了,雞肉薄餅,炒通菜X2,油鬆餅,咖哩海鮮喇沙,咖哩雞飯,沙律等雞肉薄餅(一般) 油太多少雞肉味炒通菜味道可以,帶有少少咸味咖哩雞飯 雞件肉質非極嫩滑,大件,食物大至上好服務一流,直得一去…查看更多

無意間,俾我發現呢間喇沙店。雖然我唔鍾意食喇沙,但見到幾個食評,寫了咖央薄餅!?咁特別,又走來試試。買走,卻忍不住,即埸開黎食。外朕皮,是脆的!!!咖央味就食唔出,只覺似蜜糖?楓糖?總之係查左朕甜入去啦!好好食!加$5,試埋個蕃茄咖哩汁。薄餅齋食已好好食,其實個汁,要黎回家撈飯。橙橙色既咖哩汁,初時食,唔覺茄味,食食吓,你有蕃茄酸酸地味!好有創意!同佢這個唔辣既咖哩味,match到容為一體!勁正!下午茶餐有雞心豆醬雞肉薄餅,好想食啊!…查看更多

早排突然愛上喇沙，周圍搵好味喇沙，當然要試哩間連個名都叫喇沙0既喇沙啦。兩個人叫咗︰喇沙雞絲粉 - 好失望，個樣好似好好味，點知個喇沙湯底淡而無味咖喱雞飯 - 唔掂，個咖喱勁咸，試咗一啖已經頂唔順咖央薄餅 - 鍾意食薄餅 & 咖央，但未見過有咖央薄餅，當然要試吓，好彩哩個幾好味，不過就油咗d間鋪叫喇沙，但喇沙竟然係唔掂，真係好難叫人再去多次囉…查看更多

去完泰國, 真係好懷念d好好味既冬陰功湯, ........不過冇乜彈藥又臨近月尾, 想以食泰國野, 但唔想洗太多錢,....諗諗下就不如去laksa啦, 因為佢d湯粉面都係28蚊左右, 仲可以揀冬陰功湯底, 呵呵呵..早去到食dinner, 冇乜人, 爽....叫左雞絲粉, 老公叫左肥牛, .....其實大家都係為左個冬陰湯底...雖然一分錢一分貨啦, 唔係好濃, 不過就酸酸地幾開胃既....加$5有熱飲, 凍既唔應放多兩蚊..ps, 仲有雜誌睇tim…查看更多

因為好想食喇沙，所以就上openrice睇下近近地邊到有得食！睇到呢間個名都叫喇沙既，再睇下d人點講，覺得都可以去試下呀！叫左一碗 喇沙雞，男朋友叫左一碗喇沙海鮮。最唔明既係點解 喇沙雞同喇沙海鮮既湯底可以差咁遠呢！﹖喇沙雞係唔喇沙既，似椰汁雞湯。仲要係唔係幾夠味添！好彩個海鮮都仲有返少少喇沙味！不過都真係唔會再去試呀！最後想講，又話dbs有3倍積分，呃人既！都無得簽卡既！比cash無問題喎！但係唔好呃人ma！…查看更多

今天下午三點幾行經入去試下，已經係下午茶餐1.) 海鮮(參巴)喇沙魚片2塊 ；魚蛋1粒 ；未剝蝦殼既蝦1隻 及少量芽菜 = 海鮮???? 佢係咪搞錯左呀如果唔係米線係河粉會好d湯底一般，濃的椰汁味(2.)綠咖哩雞飯咖哩好香，幾好味(3.)油酥餅好乾味道可以接受，但食完無幾耐好口渴，可能味精太多了。…查看更多

睇左食評之後特登去試﹕1. 油鬆餅$15+$5 有蕃茄味咖哩汁 ----- 油鬆餅幾好味，唔會太多油，味道同奧海城間馬泰有得比，但件頭同價錢平好多！ 咖哩汁好重蕃茄味，食落唔溜！ok! (p.s. 若要點汁，揀d餅係無味既會好d)2. 馬來巴參雞肉喇沙 --- 好重椰汁味，見面頭有層紅油係度就住好辣，點知係一d都唔辣，岩哂唔食得辣既太座！d湯飲落唔溜，幾好味！正如之前有網友講過d米線無味，如果佢唔用米線就真係會好d，我覺得用河粉或會更好味！環境唔會太嘈，真係有個馬拉朋友係度飛薄餅。d侍應都好有禮貌，希望佢地keep到呢個水平!下次會再去試第二d野！…查看更多

見有咁多人讚好, 今日3:00pm左右到來試試!! 叫了海鮮喇沙 $32 + 一杯桂圓冬瓜冰. +$7喇沙夠熱, 但湯不夠濃, 有一隻無味的中蝦, 2片魚片, 2粒魚蛋, 魚蛋都算彈牙入味. 最高興是有一堆芽菜及少許新鮮菠蘿絲, 叫做有菜食. 用米線是最敗筆的地方, 因為米線唔入味, 再加上普通湯底, 令碗喇沙普通到唔普通. 冬瓜冰好甜 是加糖水那種甜... 有一條條的冬瓜絲及4粒桂圓肉. 環境ok, 有部LED電視, 同有一架雜誌任睇 (我見到有東週, tvb週刊等, 都算新)一句講晒: 未必會再食, 除非我好想睇雜誌 …查看更多