影片
喺附近做嘢同行街到有啲攰同口渴，喺地图揾到呢间细细哋嘅凉茶舖，又有几个位坐(宜家唔少凉茶舖都净系买完攞走无座位)，所以入咗去坐下。店面有个叔叔同女仔各自睇紧电话/tablet，感觉好悠闲。呢度龟苓膏比出面市价$50平，只系卖$43，份量十足。店主好好礼貌，又自动端埋一瓶蜜糖出嚟，龟苓膏好滑又唔算好苦，好好食。而且成间舖好有老香港朴素嘅感觉。其余凉茶都只系十几廿蚊一杯，以凉茶舖嚟讲系正常价钱。宜家凉茶舖越嚟越少，路过绝对推荐帮衬下，又有益身体，攰嘅又可以坐低饮完先走。
继续阅读