啖啖肉

营业中

休息中

啖啖肉 DAM DAM YUK· 放了10分鐘依然香脆炸雞身為一個不太愛吃炸物的人（尤其是炸雞），卻意外愛上的重口味炸雞。今次點的是酸忌廉洋蔥炸雞。因為是平日晚上，等的時間不算久大約6分鐘吧。炸雞即做的緣故需時，但是熱騰騰的拿到手還是很滿意的。傳統炸雞總是以有存在感的形式出現，厚厚的且有顆粒感，但這家炸雞的炸皮超薄。獨家研究的啤酒漿炸皮十分的香脆，有種像吃薯片的感覺，是以往炸雞沒有的口感，而且這家雞肉比其他的炸雞更嫩，雞的油香也意外的豐富。嫩嫩的雞肉配合薯片口感的炸皮下，即使是原味也不會嫌無聊。而配合酸忌廉洋蔥醬料更是有在吃薯片的即視感，這香濃的酸忌廉炸雞是送酒的一流小吃，雖然很感謝店家給醬滿滿，每塊炸雞都有充分的醬料，但是如果這炸雞是今天唯一的晚餐的話就略嫌過於重口味，讓人更欣賞原味的炸雞。路途中因為要買其他的東西而放下了炸雞，但吃到最後一塊炸雞約莫估計已經過去了20到25分鐘下，撇除了醬料的部分，薯片的口感依舊而感到驚喜。在份量與價格的部分，$48有5塊的情況下，普通女生只吃這個當晚餐的話應該會有6到7成飽吧，雖然肉眼下只有五塊，但因為炸皮很薄炸雞也大塊的。$48只有5塊會顯得有點

去葵廣掃街，見到呢間標榜住零負擔嘅炸雞，一向好鍾意食炸雞嘅，我就忍唔住要去買佢哋有好幾款唔同嘅炸雞，今次就揀咗蜂蜜脆脆味。佢哋嘅雞係即炸嘅，不過佢都幾多人等，所以大約等咗10分鐘先有。就咁望落去其實份量唔算多，但係食落去口感唔錯！佢同一般嘅炸雞唔同，脆得嚟炸漿好薄，咬落去都幾多肉汁，一啲都唔會乾柴，好嫩滑！加埋個酸酸甜甜嘅醬汁，同炸雞個味道好夾，食落一啲都唔漏！呢個價錢唔算好平，但係味道OK，可以再encore！

呢間炸雞小店近期係葵廣超高人氣~主張零負擔炸雞，啱哂我呢啲為食又怕肥嘅人🤣當日嗌咗邪惡芝士肉醬($50)，見店員keep住出餐又冇特別講要等幾耐，以為好快有得食🥲點知原地等咗20分鐘，仲要遲過我買嘅人都早拎過我😢拎上手都feel到係新鮮炸起，炸雞因為用咗啤酒漿炸，感覺的確比平時食嘅炸雞輕盈同脆口，肉質唔會柴，而且有肉汁🍗💦一份都有6 7舊，我自己就覺得價錢都算合理~始終去餐廳食炸雞都至少百幾蚊😂芝士肉醬🧀🍖雖然聞落好香但完全見唔到肉醬，一路食先發現得零零碎碎嘅肉末係個底，而且肉醬比較稀，用炸雞或者兩支竹籤根本撩唔起啲肉醬🥺同埋味道上加埋炸雞其實有啲似食緊咕嚕雞…🙈可能同自己期望有啲出入，下次都未必會為咗呢個炸雞等咁耐🙈

完全不值得一試！之前見到好多影片分享平台紅人介紹呢間炸雞店就滿懷期待咁去試吓一去到都未開口order，有位男扮女裝嘅店員極度黑口黑面，而且都冇正眼望過我就講:「要等30分鐘喎」心諗好食嘅嘢等半小時都無妨，橫掂周圍都可以有小店可以行吓等咗半小時之後拎炸雞嗰陣，個店員全程都係繼續黑面。食評:等待半個鐘嘅炸雞拎上手嗰陣竟然係凍嘅，其實炸物凍咗已經大打折扣，再加上面好膩嘅sour-cream，食咗一半已經唔想再食。呢個價錢得到咁樣嘅食物及服務質素，真心有啲嬲嬲地

🍗 火焰鹹牛肉他他醬 HK$50・味道：炸雞調味適中，配鹹牛肉都唔會好重味，仲有他他醬中和油膩感，想像到嘅好食🍗！・口感：啤酒炸漿少見但出色🍺，建議所有炸雞店跟一波！輕盈有空氣感，又保留到脆度！・・・・・・・・・・・・・・・・・・・・🤰性價比：高～🤰9衝度：9衝～🤰結論：葵廣炸雞店唔多，可以試吓呢間～雖然好多人排隊，建議買完之後再買其他嘢等！・・・・・・・・・・・・・・・・・・・・

😋 叫咗一份招牌酸忌廉洋蔥炸雞，金黃酥脆嘅外皮下面喺...多汁嘅雞肉，一啖咬落去，咔嚓薄脆，跟住落嚟喺肉汁喺口入面爆開，幸福感爆棚！💥但令我驚喜嘅喺獨特嘅醬料——酸忌廉洋蔥。搭配上微微嘅酸甜忌廉，完美中和咗炸物嘅油膩，吃完一塊仲想再來一塊，完全唔會有負罪感！😍 清新唔膩！📸 掃街呢度絕對喺唔錯嘅選擇！🌟🌟🌟🌟唔好等啦，快啲帶埋朋友仔嚟試吓啦！🎉#葵芳美食探店# #酸忌廉洋蔥炸雞必吃# #清新不膩好滋味# #啖啖肉打卡日記# #美食無負擔# #網紅小吃新發現#

之前嚟葵廣掃街，炸雞小店就只有CHOCK雞。事隔幾年，原來開左間新炸雞店，不同之處在於新小店係配各款調味醬料，而非調味粉。同埋有我最中意嘅洋蔥忌廉味!!😍 絕對唔可以錯過。網上寫小店下午1點開門，但星期一平日，我準時一點到達，仍然未開😂。半個鐘後番嚟，已經有唔少食客。其實之前睇youtube見有人介紹，話平日唔忙果陣可以雙併口味，但當日職員話唔併得。同埋由於小店位置又熱又企滿人，所以我地行開左。大概7分零鐘番嚟，個職員好惡咁講嗌左你個number好多次….😥洋蔥忌廉炸雞$48老實講，價錢唔算平，一份只得五件🤔。首先試左個醬先，酸忌廉好滑，滑到痴唔實件雞而跌哂落嚟；酸甜度適中，食到蔥頭嘅位置先會有蔥香，個人覺得蔥味可以再濃D。炸雞炸衣好薄，即食好酥脆，不過琼油時間唔夠，好多油。雞件無乜特別，無腥味亦食唔出調味料。除非好中意食個醬，否則試一次就夠，因為性價比唔高，同場仲有其他選擇。

呢間嘢第一次食（20/7）就好好食，好有驚喜，今日（7/9）第二次食，一個字（差、差、差……），雞完全冇底味，個醬超淡（酸忌廉），完全唔系果個醬，似沙律醬多D。完全太失望，諗住見你地小店經營都好難，諗住好心比意見佢地，個女職員好似唔耐煩，叫我同個男職員講，同個男職員講佢又唔理仲叫我唔好咗住佢。跟住就行左出去，呢d店真系諗住多人食，覺得自己紅咗，好多人都推介佢間店，就唔會聽人意見。太自以為事。沒有下次。

合格以上！ 未到驚天動地！ 價錢亦貴！ 應該頭一浸多人食！ 過一兩年又係會慢慢被遺忘的店！！！！！！！！！！！！！如果去過韓國食橋村個隻炸雞，就知呢間其實好港式！ 皮係脆，但絕唔係韓式個種脆皮！ 雖合格有餘，但價錢偏貴應該都唔會食下次！！！！！！！！！！未試過可以一試！！！！！！！！！！！試完就知未驚為天人！！！！！！！！！！！！！價錢平一點會經營耐一點！！！！！另外，個條行好鬼迫！ 想order想拎餐都係好迫！

呢間餐廳喺2樓，主打用英式炸魚脆漿去做佢哋炸雞嘅皮，食落去感覺相對輕盈，而裏面嘅雞肉仲係好juicy!! 今次食咗蜂蜜脆脆口味，蜂蜜味的甜度剛好，加上有一啲蜜糖脆脆，口感更加豐富，好食，不過更加推薦酸忌廉口味😋

一排無黎葵廣 見到諗住試下新野 叫左黑白松露炸雞 48$ 店員叫人等5-8分鐘 但原來前面有差唔多二十張單 等左15分鐘都未有 有人上前詢問 店員態度惡劣 然後店員同人講收左鋪 但門面無任何標示 店員仲走左去 見到幾個人輪流等左幾分鐘先有人告知已關店 到終於有野食 唔知係咪趕收工 啲雞好似有啲生 又難食 仲要35$既原味雞同48$既黑松露雞原來只係差左一pat醬 味道 價錢 服務態度 都0分 想試全港最難食炸雞就去試下 連kfc過夜炸雞都好食過佢

要掃街即刻諗起葵廣，之前上網見到好多人推介食呢間嘅炸雞，所以我都慕名而來😍佢有好多唔同嘅選擇，我今次就揀咗黑白松露醬炸雞🍗買完之後都要等10至15分鐘先有，雖然等咗一陣，但係新鮮滾熱辣，食落真係非常之香脆，裏面啲雞仲好嫩滑，值得一等呀👍🏻👍🏻下次我仲想試佢嘅酸忌廉洋蔥同埋邪惡芝士肉醬😋😋

本人一向熱愛炸雞，但天生玻璃肚，吃得太油膩會肚痾。見葵廣有炸雞店標榜零負擔炸雞，便決定來一試究竟。———————————————————————⭐️⭐️⭐️酸忌廉洋蔥炸雞 $48點了最多人力讚的酸忌廉洋蔥口味，等候時間算快，大約6-7分鐘後新鮮炸雞便到手。一份有五大件～醬料工整地落左每件炸雞上，賣相值得一讚！根據店員指示，在食用前把醬料與炸雞混和一起。炸雞外脆內軟，不油膩之如還有少許肉汁，但略嫌炸粉實在太多，佔了雞件的1/3。醬料惹味，酸忌廉配搭粒粒洋蔥碎，將某經典的酸忌廉洋蔥味薯片重現在炸雞上。———————————————————————炸雞輕盈不油膩，的確做到店家所說的零負擔感覺，醬料特別亦值得一讚。但如果炸粉可以再薄一點，一人完成一份亦不是難事。

話說之前成日晚上黎幫襯，今日下午我見OpenRice寫12:30就開店，咁所以就過嚟買，點知去到入邊有個店員，我就問佢幾時開鋪，佢完全唔認人好似聽唔到咁。咁我喺店買等到一點。叫佢都完全唔應人，咁我打電話同WhatsApp都冇回覆，我就行入少少問職員，但我一行入去發現佢根本就係聽到我喺出邊問。佢見到我行入咗少少就態度好差，咁叫我行返出去。其實我都唔想行入嚟，但如果你答到我幾時開舖。唔係好味道可以態度咁差都得。所以以後都唔會再去食。

好耐冇去葵芳，咁啱約左朋友黎行街食野，經過2樓記得呢間炸雞喺ig youtube都多人recommend ，即刻衝去落單，叫左個sour cream味炸雞，收銀哥哥話要等半個鐘左右。都ok嘅，朋友都未到，可以買埋野飲行住等。半個鐘後返到去都仲要等多陣先有得食，食落熱辣辣脆卜卜，雞肉非常juicy，加埋個sour cream酸酸地，令到成件事好夾又唔膩。但$48 先得嗰5粒就真係偏貴，唔洗等太耐都值得一試嘅。