唯一麵家

营业中

休息中

前日(3-12-2011 Sat)朝,同男友起身後,原本想同佢去飲茶,但睇o黎趕唔切,於是行落荃灣諗,見到呢間好耐冇食過,就入o黎啦.入到去,只剩返最入一張,有兩把開到最大o既風扇吹住o既吉枱,男友開始有啲感冒,我o地諗食咩o野,之後見一張冇咁吹到正o既吉枱,於是換位,我o地叫o左:1. $14.00o既南瓜咸骨粥都幾多碗,亦嗅到咸香味,我先試吓,粥底都叫做夠綿o既,咸咸香香咁都幾惹味,但去買藥o既男友此時返o左o黎,我就只係食o左一匙,冇食到咸排骨同南瓜.而男友就話好食.2. $10.00o既北京餡餅早已煎好,亞姐切開四件,韭菜豬肉餡都幾滿,但餅就厚o左啲,鹹度適中.3. $25.00o既雪菜肉絲米米粉有啲過腍,雪菜好鹹,真係要撈埋啲湯食,而肉絲得好少,只有幾條,冇乜問題.環境:其實呢日氣溫只有12,3度,如果廚房覺得熱,大可以將風扇set定只吹向o個邊,咁就唔使令客人迫晒o係一邊.因為三年前五月初,我帶女友人CK o黎呢間食o野,又係剩返o個個風位,要求亞姐閂一把風扇或閂細啲,亞姐都唔肯,CK就拉住我走,我帶佢去第二間食.服務:我o地開頭坐o個個位時,係有人o岩o岩走,但亞姐就好耐

點左上海雲吞粗麵同埋煎餃個麵一上枱望落已經覺得唔多好味, 一飲D湯實在好淡, 淡到好似是但落左少少雞粉同埋鹽淡到好難食, D粗麵又係淡, 又硬身, 加埋一齊就係一碗又淡天硬又難食既麵, 幸好D雲吞味道算係正常煎餃又係另一火滾之作, 內外都係凍冰冰既, 大佬呀就算你預早煎定的話都俾番少少誠意出黎翻熱下啦, 凍冰冰入面D油仲瓊係度真係好難食, 咁既質素我是但入七仔叮D點心食仲好味兩個人係肚餓既情況下SHARE食都食剩D麵同埋兩隻煎餃, 可想而知幾難食, 價錢又唔係平, 絕對唔會再上當

今晚同老婆豬到左10點幾先出到荃灣, 肚仔餓揾野食, 見到唯一冇乜人, 立即入去食啦~~環境方面, 都算係老鋪, 店內裝修有點殘舊, 衞生情況尚可, 枱與枱之間相距很近, 相信如繁忙時間會幾逼, 另外服務方面, 態度唔錯, 上菜速度也很快~~食物方面, 要了一貫和老婆豬食開的酸辣湯麵加香茅豬扒, 熱豆漿同埋北京餡餅, 首先講下個麵, 本人覺得這個酸辣湯已經很不錯了, 酸和辣的味道平衡得幾好, 不會俾另外一個味道蓋過, 中上之水準, 麵是類似上海麵的幼麵, 坦白講, 麵本身没有什麼味道, 不過尚能”掛”汁, 同酸辣湯是蠻配合的, 而香茅豬扒就十分美味, 豬扒本身唔乾身, 夠淋, 而且香矛味很香, 很能勾起食慾, 美中不足是隔油隔得不足, 令到塊豬扒油了一點點~~熱豆漿就不用多說, 這間的豆漿是我在香港所飲過的豆漿之中是最好飲的, 豆漿味香濃, 又唔會太甜喎, 一流~~最後個北京餡餅是新鮮即煎的(之前煎好的剛好賣哂), 故此這個要等了10多分鐘, 但等待是值得的, 因是即煎關係外層是脆脆的, 而內層的餡料主要是肉和䓤, 成個餅味道十分之香濃, 由其是䓤的香味, 令人感到有一種,北方粗獷的感

之前見到有南瓜粥買，已經想試好耐，可惜只限早上供應，琴日放假終於得閒去食喇~雖然唔系我想像中香香甜甜的味道，不過都尚算可以！清清地，煮得都幾綿，口感唔錯。如果南瓜味再重d我會更鐘意~個粥唔算太突出，俾我揀下次我會食返麵或者水餃！一碗梗系唔夠喉喇，我叫多份煎餅和豆漿，正！

早上沒有食早餐, 匆匆忙忙地在荃灣趕番出市區, 肚子極餓男友就提議食這家他「食了十多二十年」的唯一麵家 - 北京及上海菜館坦白講, 我在將軍澳住了多年, 附近莫講沒有「真正」的上海菜館, 只有大型的連鎖店未試這家老子號的「唯一麵家」之前，　我大抵已經忘了甚麼是「小館風味」了～這天由於是想吃得light一點, 我和男友只點了白豆漿兩杯, 蔥油餅一客, 北京餡餅一客以及餃子三隻餃子煎得相當均勻, 餡餅材料極為豐富 - 是必然首推之選豆漿不會只有水味, 是真正有黃豆味的豆漿我想 - 我是一個在城市住得太久的城市怪了, 幾乎忘記了連鎖店以外的選擇這些小舖子是那些連鎖的北京、上海、餃子、小籠包菜館不能媲美的所以更值得推介～～!!! P.S. 我男友一向不吃辣的, 但他竟然主動添了很多豆瓣醬, 原來這裏的豆瓣醬是不辣的~!!! 而且加在餃子、餡餅甚至蔥油餅上都非常美味, 大力推介!!!

自從家姐搬遷左, 不再在荃灣住, 我都冇o黎過,大大話話都十幾年了~今日同班朋友來行山, 係要行到入深井!要3個小時倒;大家1點來到荃灣集合.來食個晏先.一出地鐵, 由於已起身成個幾鐘. 但又未食早餐, 所以已十分饑餓,最近就係呢間, 又有位, 不理了, 叫個酸辣水餃麵先.好快有得食.湯係全酸辣, 幾足料, 有豆腐, 豬紅, 東菇, 筍等;中辣倒喇.水餃有3大粒, 皮略厚, 但好大舊肉, 唔係肥肉, 放心~麵都好大住. 但由於酸辣湯幾濃/杰, 麵已不是湯麵feel;好像食獻汁咁見朋友的清湯係幾淡的. 味會不同吧.但我也覺ok.阿姐全都好好笑容, 好快手.30蚊, 也ok吧.

唯一麵家的担担雲吞麵!!個担担醬做得好出色!!已經係第二次食,佢個担担醬好香口,見佢D料有蝦米,食過好幾間都冇哩種風味!!個雲吞都唔錯,原來都有唔少人買未煮的雲吞拎走~~有時間會試下其他野,希望都好食.

阿媽帶我黎呢間食話想試下所以就去左啦~都係一間不過不失既餐廳態度都唔錯我地叫左酸辣湯,北京餡餅,香茅雞翼米線酸辣湯好正,唔係好辣,good餡餅好食既,但多油,香茅雞翼米線d雞翼就夠香夠大隻雖然係普通,但好好食!但係麵同碗湯就好淡味..一試無妨既,但應該唔經過都唔會特登再食

很多上海店都有荵油餅賣,但是每一間都有自己的製法,有些是比較乾身有些是一層層的和脆身的,而我就最喜歡唯一的荵油餅,喜歡它的餅身軟得嚟煙韌,荵粒是細細的,不會入到牙縫內,而且唯一的荵油餅好好賣的,次次都吃到新鮮熱辣

今日放工約咗朋友到荃灣時間7點...晚飯到喇, 就簡唯一麵家放便就腳, 地鐵隔離2人都點咗北京水餃麵--$27@....無包嘢飲...食完好口渴, 是上海菜特色???份量又過細碗試過就算......北京水餃麵, 內有4隻水餃, 都幾大隻粗粗的上海麵條食落有咬口, 仲有少許酸菜, 略覺帶咸咁的價錢在荃灣搵食有更好選擇

做左一日「痾男」，真係乜都唔想食。本來想去支持下新開的譚仔，但奈何真係搏唔過，還是選擇了近近地的唯一。店子還是老樣子，但感覺不像是全都是阿姐，服務態度也因此好像提升了點（真的只是一點）。叫了一碗無鍚排骨麵和香茅豬扒菜飯，一麵一飯，夠了。無鍚排骨麵先來，這裡的無鍚排骨用腩排，件頭很大，我吃過有些地方只叫「無鍚骨」，沒了那「排」字，其實同蒸排骨沒兩樣，無肉食，都是骨。這裡的無鍚骨很腍，不黐骨，一咬即甩，而且很入味。醬汁酸酸甜甜，味道適中，最好的是跟麵分開上，那個汁用黎撈飯也很好味。上海麵配雪菜，這裡的麵很「重身」，一夾起來就感覺到份量十足，跟我喜歡的上海津味小食店真是各有千秋。香茅豬扒菜飯豬扒很多，留意此處有兩款豬扒，似酥炸多過吉列既吉列豬扒＆香茅豬扒，同檯就有一位女士叫錯左而要再等過。個人覺得香茅豬扒好味ｄ，香茅味夠，豬扒夠薄唔黐牙，切件上更加方便女士小孩食。菜飯菜很多，水準當然及不上正宗上海菜館，但也算是很不錯了。不過，我還是喜歡上海津味小食店多一點，以貨比貨，其牛腩＆煎雲吞都輸一個馬鼻，而且價錢服務都是津味好一點，但始終地利和人流都不同，而且唯一更為多元化，其招牌之一餡餅也的確不錯（

放左學, 想起左尖沙咀在唯一吃過的咸豆漿, 於是就來了荃灣的唯一.殊不知, 這裡的選擇少得很, 主打麵食, 餡餅,煎餃, 而且價錢偏貴, 普通的雪菜肉絲已經要 $23, 鎮江排骨麵更加要$30 !!! 油豆腐粉絲也要$30.......已經覺得入錯了門口,但肚子的確很餓, 算吧, 就叫一個豬扒麵吧!麵來到, 大失所望, 豬扒像已經放落湯很久, 表面已經淋哂, 咬落去流出來的, 是湯, 不是肉汁, 同食湯渣無分別......$30 食碗咁既野, 早知去荃豐果邊既茶餐廳食 tea 好過, 至少有抵吃的感覺.不得不比喊面!

今日放工諗住買 煎餃+餡餅 番屋企加送我問老闆娘拎2包豆瓣酱, 佢居然話一人只可以拎一包我同佢講我買2樣食物, 當然需要2包酱料怎料她說包裝酱料需要時間, 她們不想包裝還罵了我一番, 態度十分差啊!!最後我氣上心頭, 只買了3隻煎餃就算了, 連酱料都沒拿 回家後, 開始吃煎餃, 雖然煎餃的水準沒太大變化但是煎餃的確細隻左好多~!!!!! 而且裏面肉的份量也少了~!!我記得幾個月前去食仲好大隻, 真的是士別三日, 刮目相看 我覺得 9蚊3隻煎餃已經不便宜, 而且拿豆瓣酱都被拒絕員工的態度還可以, 但是老闆娘的態度完全不要得~!!!食物不錯, 但是態度很差, 只可以留下可惜2字

喺呢度試咗北京餡餅+北京煎餃+蔥油餅+豆漿北京餡餅---唔錯，餡香，皮則厚薄適中北京煎餃---味道與餡餅相似，唯皮略硬蔥油餅---太薄兼冇蔥油香，$8實在唔抵食下次嚟我會再要餡餅，另外試吓佢啲麵食^^

今日去左荃灣補習,睇到OpenRice又有呢間野,就同同學去左食...間野係正荃灣鐵路站B出口對面,行去唔洗一分鐘入到去,坐無虛席,不過都只係等左一陣就有位坐低就叫左個担担粗面,而朋友就叫左水餃面,都只係25蚊一碗黎到,碗面唔算大碗,不過一定飽肚担担面d料好足,香濃,食上黎唔係好辣,女仔都接受到我朋友又比左隻水餃我試,水餃大大粒,咬落好多汁"bi"出黎料好足,肉同菜既比例剛剛好,值得一推遺憾就係冇食到餡餅,不過鐘意既面既你一定唔可以錯過