唯一雲貴川風味

营业中

休息中

第一次食，朋友話好多人食，唔錯既。就抱住試新野心態，但真係好大伏！首先，環境真係唔得，我地仲要坐「樓上雅座」其實係旁邊後冷行入去，入面一半係倉貨，一半係飯枱，咁岩我張枱就係對住廁所，冇計人多我唯有走去閂左個廁所門同背住坐。然後，我嗌左酸辣，豬肚、腐竹、炸醬。可能個環境又暗我後面又係廁所，碗野黎到真係好似便便啲色。不過夾返啲米線出黎感覺好啲既。但成碗野唔辣、唔酸，湯冇味，三樣送都好似一支豉油炒完出黎既味。不過好彩冇肚痛，返到屋企打食評先發現呢間野影出黎既相都係有個種感覺⋯⋯⋯⋯⋯

呢間米線店1993年開到呢家😎好多荃灣人由細食到大，米線係偏重口味，食唔慣好油/重香料味就唔太岩la主打腩肉&酸辣&炸醬等，平日都要排隊先食到🚶‍♂️🚶🚶🏻‍♀️雖然d人話無以前咁好食，質素退步左，但呢間米線的味道好獨特，都唔係其他米線店食到的，到呢家先會仲咁受歡迎，幾乎每次去食都要排隊😌😌值得一試嘅酸辣腩肉米線（$47）·今次食個湯底唔係好夠酸，不過都好惹味，如果想酸d，可以要求姐姐比多碗酸汁🍜腩肉一碗有好多塊😋每塊都勁入味，切到偏厚身個種，肥瘦不一瘦既有d柴，真係咬到好牙痕，偶然食到肥肉個d，脂肪勁香口，真係又愛又恨～🥰後感 💰⭐️⭐️⭐️⭐️ 一般米線價錢，份量應足，所以很合理🗺⭐️⭐️⭐️⭐️⭐️ 交通亦方便，荃灣站一出，經過天橋再穿過商場落地下就到，落雨都唔太狼狽🍽⭐️⭐️⭐️⭐️ 食物水準每次都有d參差

成日聽人講到咁好食，一試便知龍與鳳😏 今日星期六13:00去到，去到要等一兩張枱，姐姐叫我地去後面個舖位！喂？衛生情況一般喎，一張圓枱幾個人搭枱，無隔板😅 不過甘，可能好食呢，如果好食我可以原諒佢🤣 .温馨小提示:如果食開譚仔2小3小辣嘅朋友，建議食呢度嘅中辣(中辣唔係太辣，剛好👌🏼).📌酸辣炸醬豬腸米線( 中辣)  $56酸辣都當一個餸，酸辣夠惹味，但係唔夠酸，酸菜同炸醬太多，配菜仲有芽菜同葱花！反而無咩腩肉，肉質好瘦、好鞋、好柴，一般！米線太淋，無咬口! .📌小鍋炸醬腩肉米線( 中辣)  $56湯底勁油，無酸辣湯底甘香！豬腸好少、好細舊，但係食落幾腍，滷得入味，唔會有屎味！.忌廉 $6 全店都係枝裝、罐裝飲品!.總括而言，呢間舖都幾多人食，啲枱一張又一張甘坐滿! 但價錢偏貴，唔值得山長水遠嚟食！事實證明，要排隊唔代表好食，試一次就好！.P.S.姐姐們互相鬧交有啲搞笑😂😅.=========================.食物：7/10環境：4.5/10抵食度：6/10回頭度：6.5/10.

本人係米線之鬼，由細食麗江食到大，大個繼續追尋米線。原本諗住去老闆娘食，點知裝修就嚟咗哩間～都係聽香港米線關注組提起先識嚟。米線：4/5彈牙得嚟唔會太淋，比起麗江會硬身少少，但係好食！酸辣湯底：4/5酸辣入味，酸菜夠香。湯頭濃又唔會死鹹，辣油好香；可惜本人食唔到咁辣，如果可以揀辣度就唔會食得咁辛苦。推介畀食得辣嘅朋友！配菜：3/5普普通通，都係酸菜芽菜肉醬。肉醬無色無味。酸菜太多，啖啖都係酸菜。雲吞：0/5雲吞皮極厚，無乜餡，零誠意！前一日我仲食咗梁記，真係無對比就無傷害。價錢：3/5偏貴，酸辣都計一個餸，酸辣雲吞米要$45，但都可以接受嘅。體驗：2/5無得自己配搭餸、無蔬菜類（碗米菜都無條）、無茶啡奶、無長湯匙（用短匙，成日跌落去）。總括而言，對於食得辣、無打算食雲吞嘅朋友仔嚟講，哩間的確係值得一去嘅選擇。

成日經過都見到呢間嘢好多人排隊！朋友住荃灣區竟然都未食過一於去試試佢好好彩 去到未有人龍 我哋排第一姐姐會預先幫我哋落單先咁樣坐低無耐就有得食嚕！見到酸辣都當一個餸好特別哈哈我就叫左 酸辣 腩肉 雲吞 米線 $54朋友叫左 小鍋 炸醬 雲吞 米線 $54小鍋：朋友唔食得辣都話係唔辣嘅酸辣：其實唔辣 但食到我喉嚨勁痛 不停咳 同埋名不虛傳！勁勁勁油！看圖就知！腩肉：瘦嘅位就一般，半肥瘦就好好食雲吞：啲皮真係厚咗啲，啲餡有陣酒味(?)飲品散叫的全店都係枝裝罐裝飲品無枱高價格同出面買差不多而且種類都算多～你知食辣野一定會叫飲品 必須的～有啲舖頭飲品勁貴 無跟餐優惠 局住比叫咗銀菊露 仲有低糖版 唔太甜岩我總括而言我哋都一致認為係好食嘅但係味道就太油間唔中嚟食一次都可以但係特登山長水遠嚟食就唔需要啦如果要排長龍，我就唔會啦

📍唯一雲貴川風味💡荃灣近排好似越嚟越鍾意食米線，見到上網啲人力推唯一雲貴香，特登嚟荃灣試吓🐥炸醬腩肉米線($腩肉份量好多，而且好淋好入味，唔會話太肥或者太瘦，而且個酸辣湯底好惹味，食小辣都流晒鼻水🤣炸醬都好多，都叫重口味，所以定我一杯嘢飲就好啲。而啲米線軟硬適中，成碗米線都好滿意😚不過記住食辣最好帶定包紙巾🤣呢間舖真係好多人食，啲枱走完一張又滿一張，好多熟客仔，所以我哋食完都好快就俾下一台人食

📍唯一雲貴川風味 (荃灣)荃灣四陂坊14號地下.本身想食老闆娘，但去到先發現佢話天氣炎熱晏晝唔開。最後揀咗附近嘅✨唯一雲貴香米線✨入到去叫嘢食嘅時候諗咗一陣，見佢有好多唔同嘅配搭，以為佢fix死咗要嗌一個set，點知最後店員話亂咁揀就可以😂.👧🏻就叫咗炸醬，餃子🥟，腐皮(中辣) $54🐷就叫咗豬潤，豬腸，滷水雞翼( 中辣) $57如果食開譚仔中辣嘅朋友建議食呢度嘅大辣，因為我哋都覺得中辣唔係太辣。.首先講吓佢個湯底，都幾濃味，不過我哋嫌佢放得太多油，飲一啖湯好似會肥20磅咁🥲👧🏻嘅評價上網睇人哋話唔叫炸醬嘅話個湯會唔夠味，所以我就叫咗炸醬，都幾好食。餃子雖然塊皮有啲厚，但係唔知點解塊皮有浸鹹鹹地嘅味，都尚算可接受，可能一直係放喺湯入邊浸。🐷既評價豬潤好嫩，唔會好似食擦子膠咁樣，而且份量都好多。豬腸滷得好入味，唔會有屎味洗得好乾淨。滷水雞翼唔使講啦，唔會只係得個咸字亦都係滷得好入味。.所以如果係糧尾，又想食得好食又飽，我哋10分建議大家嚟荃灣呢一間米線試一試👍🏻👍🏻.推薦程度：⭐️⭐️⭐️⭐️性價比：⭐️⭐️⭐️⭐️（抵食又唔差）服務：⭐️⭐️⭐️

兜兜轉轉我又黎到唯一雲貴川，二個月零五日前你第一次帶我黎食，排隊都排到身水身汗，你拎左張你用過既紙巾幫我抹汗，個一刻我仲以為我地會一生一世。 仲記得個陣入到去坐低，你叫左碗豬腸火腿米線清湯走酸菜，我冇出聲轉身走左，行左去荃灣西搭屯馬線返屋企。我終於明白點解D港女發脾氣個陣會鬧對方從來都唔咩咩咩，我重來都冇愛過你。以下呢段歌詞送比你Honest It's too hard to be honest When everybody's faking And all they feel is vacant

荃灣一向多米線食呢間屹立左咁耐相當難得，係一種回憶口味既野各有所好，我覺得呢間係屬於耐唔耐會想食一次既味道🤓講真，如果專登過嚟食既要保持平常心酸辣豬頭肉腐竹米線🍜味道: 👍🏼👍🏼👍🏼環境: 👍🏼👍🏼👍🏼服務: 👍🏼👍🏼👍🏼🥢偏油既湯底充滿住炒香咗既辣椒油&籽，香而不辣，重口味注意⚠️ 覺得太油膩可以要碗酸菜汁，自己調節平衡一下😄一啖食件豬頭肉，雖然望落多肥膏但唔肥膩，而且份量勁多🐷🛎去到都要排隊，姐姐會幫你落定單先，一坐低等一陣就有得食👍🏼 店舖環境餐牌都好有味道，食既就係呢種情懷😋

好多人推薦呢間唯一，所以就襯平日嘅下午茶時間先去食，但都要等位。鋪面唔算大，但坐落唔逼，衛生情況一般。. $47⭐️⭐️ 2/5腩肉：同平時嘅米線舖唔同，佢食落好”鞋”好柴，份量夠多但食落好一般。雲吞：皮超級厚，肉餡好少。湯底偏油，但唔會死鹹。有汽水、冬瓜茶等枝裝/罐裝飲品。.整體：可能聽過唔少好評，所以覺得有啲失望。我認為唔值得排隊食，食到一半已經唔想食餸淨食米線，喺荃葵青絕對有更好嘅選擇。🌝

前幾日經過荃灣，就諗起好耐冇食既唯一於是決定晚餐就食佢叫左一個麻辣大辣腩肉雲吞米線米線份量多而且軟硬適中腩肉份量又多，雖然佢係瘦腩但係一啲都唔鞋 好好食雲吞比起出面既都好大粒，而且佢係酸菜餡。第一次食呢種餡既餃子，味道唔錯 下次去會encore. 成碗米線我都好滿意，但如果辣度可以再多啲，油少啲就更好！

唯一米線，成日聽人講唔係講到咁好食，但我次次食都覺得好好食😋😋😋😋出色在湯底夠酸夠辣夠熱，網上有人話覺得冇想像中咁好食，但我覺得每次食完都好好食😆好滿足👍🏻而且係唯一一間會不斷返去再食嘅米線店❤️‍🔥今次叫二味餸，個人認為本身湯底有好多酸菜及肉碎，所以配料不需要選擇酸菜及炸醬，如果本身唔太鍾意湯底有咁多油，可以選擇走油，而我很喜歡有油，夠香☺️☺️必叫兩味餸，腩肉及豬大腸👍🏻👍🏻👍🏻腩肉以瘦肉為主，有少量肥肉配搭，腩肉煮得夠腍，唔會乾巴巴👍🏻😋好好食滷水豬大腸滷得夠入味，好腍，好正👍🏻🌟米線口感啱啱好，唔會好散或太硬，但又夠彈牙👍🏻👍🏻一啖湯一啖米線😆😆熱辣辣，食到出哂汗，好過癮😙另外店舖係唔可以帶野飲入去，只可以店內消費，$10左右，整體好滿意，會繼續來食

入左米線關注組咁耐，見大家不斷講唯一，前幾日終於比我食到唯一🤩 過左食lunch之後先到，所以唔洗等可以即刻有位。內裡冇咩裝修，所有menu都痴晒係牆上面，配料方面唔算好多選擇。一張圓枱有幾個人一齊搭枱，大家都係食完米線就快快走人。揀左3餸嘅酸辣、炸醬、腩肉$56，另外加可樂$6一罐，米線價錢偏貴湯底非常濃味，由於揀左酸辣嘅緣故，所以比想像中唔辣，材料&米線嘅份量好多，食完超飽😆未至於好食到好想即刻食第二次，但總算完成米線bucket list嘅其中一樣✅

久違嘅邪惡炸醬腩肉米線💕 米線fans應該睇隻碗就知係邊間😋 呢間我讀中學成日食，之後陸續發掘到其他區好食米線就少食咗好多。呢度嘅麻辣比酸辣好食，酸辣唔夠酸，酸菜要另外加錢。腩肉係招牌，雖然質地唔軟腍，但就係次次都會嗌，可能真係食慣咗個味🤣 炸醬份量超多，辣得爽，重口味人士都要記得嗌定嘢飲。蘿蔔好有蘿蔔味，腍得嚟香，唔係清甜類，但都幾好食。呢間米線店wingwing.foodfood未到超鍾意，但間唔中食吓都幾滿足嘅～有時諗起都心郁郁食! 唯一雲貴川風味Yunnan Guizhou & Sichuan Noodle地址：荃灣四陂坊14號地下。

唔覺得好食囉 食碗米線排成半個鐘，仲要$4x幾蚊碗，餸又唔係多，個湯底辣得黎係勁油，成碗野好似飲油咁。之後個米線底又係勁淋，完全無咬口囉，諗唔明點解咁多人鍾意食😨😨😨