唯一雲貴川風味

营业中

休息中

同事話呢間好食所以試下。我點了雲吞清湯米線🍜。雲吞是上海style, 有韭菜、豬肉，皮厚餡可以多啲。清湯因為加了酸菜所以酸味重。好多同事點腩肉但因為我唔食辣所以冇試。

【唯一雲貴川】一家係荃灣開了好多年的老店 位置比較偏 但是阻止唔到大家對距嘅愛！！夜晚八點幾到店仲好多人，一般飯點到店都要排隊～#米線 #探店 #荃灣.味道經常點的都是酸辣 它的酸辣真的太出色了蠻重口的 湯底的酸味加上爽口的酸菜很開胃（有多種湯底辣度選擇）湯底本身有豬肉末芽菜酸菜 另外可以添加自己喜愛的配料 配菜推薦豬肚 豬腸 腩肉可以多蔥 走芽菜 靈活選擇看自己喜歡每碗分量足感覺配料比米線還多哈哈哈壹夾全是配料 太滿足了價格我地點了兩碗三味的酸辣米線 每壹碗54hkd 豆漿10hkd 這壹餐兩人壹共118 可算非常實惠的啦環境空間比較狹小 接地氣小店的形象十幾年如壹日服務下單直接和阿姐說就好 她們會手寫記下 然後把價格單留給妳買單.地址：荃灣四坡坊14號地下（地鐵荃灣站B1出口 步行約7分鐘）建議導航過去行過路過的朋友不要錯過 值得壹試～

話說有晚做公司野做到好攰，上網揾荃灣有咩好食。見到呢間米線極受歡迎，仲有人專程搭車去食。睇相已經覺得好入味，哈哈，睇到吞口水(當時係十一點)。第二天，馬上趕去一試。要排隊，就到你時，可落定單。然後佢話另一入口(地方)有位，就帶左我們過去。地方尚算乾淨，食物差不多甫坐下就到啦。米線叫左雲吞，炸醬，豬腸，酸辣；朋友叫左豬頭肉，酸辣，其他忘了。終於萬分期待的米線上桌，味道呢…不似如期。可能個人喜歡濃味，所以覺得不過爾爾。哈哈，但能使人有種盼望，也是好的。這個年頭，we need a hope.

大約晚上9:00，🤴🏻放工忽然好想食呢間嘅米線，入到去見到都座無虛席，果然係間出名嘅米線鋪！知道呢間都開左好多年啦！次次經過都見大排長龍，咁多年都只係食過幾次🤣🤣佢嘅餐牌就係寫係牆上面，幾多個餸幾多錢，但感覺好亂！真係要熟客先識睇😂😂如果佢可以寫清楚乜嘢餸幾多錢就易明好多！🧐🧐🤴🏻叫左有小鍋酸辣+雞翼+雞翼尖+腩肉（小辣）$61酸辣口味清清地有少少甜，雞翼同雞翼尖好淋！骨肉好易分離！我就係小鍋麻辣+雞肉+紅腸+豬頭肉（小辣）$59口味方面食落有少少麻痹嘅感覺，麻感好舒服呀！😁😁湯底亦都一樣甜甜地，至於餸菜方面都做到好淋、好入味😚😚但可惜兩碗麵身都比較硬，如果再淋少少就好啦！😁😁可樂$6/罐最後我個碗轉要麻辣湯底係計一個餸錢！🥴🥴媽！我好亂呀！😵😵

以前成日食唯一米線，因為真係好好味。個湯底好濃，好惹味，即使係清湯都已經夠味，有時食少辣就更香。白蘿蔔係我自愛，好入味，但過咗7:30之後成日都賣晒另外一樣太夜會賣晒嘅嘢就係餃子，不過餃子皮其實好厚，雖然內餡好食。不過山左冠軍之後就好少嚟，因為始終唔baby friendly今次因工作又經過唯一米線，入咗去食個brunch照舊叫咗雞肉蘿蔔清湯米線，今次加咗火腿， $52好似貴咗。我叫咗少米線多芽菜，平時都仲有半碗米線，今次應該得返三四條，撈埋一堆芽菜唔知係佢輕手左定係點了。不過味道依然好，湯底濃，芽菜酸菜非常入味，蘿蔔唔使講，一貫夠淋同充滿湯嘅鮮味。反而幾條米線都太淋，略嫌咬口少咗。但咁嘅份量$52略嫌少貴。偶爾懷緬下過去都仲可以返嚟食嘅😛

由荃灣地鐵站行過去呢間野唔算好耐，5到8分鐘左右， 就已經到啦碗麵叫咗中辣，我平時食開譚仔五小辣，我都覺得中立好似唔係好夠啦，所以大家可以狠毒啲餸方面我揀咗豬潤，腩肉，豬腸豬腸好食，好入味腩肉比較爽口啲，份量亦好足夠豬潤就麻麻哋啦，我自己覺得太過厚身，唔係食到嗰啲爽爽脆脆嘅感覺，反而係比較偏向林啲，口味可能同大家唔同，我唔會翻兜麵方面，米線軟硬適中，非常良好。酸菜又香又好味芽菜煮得啱啱好唯一嘅缺點就係，佢米線，酸菜，芽菜嘅比例有啲唔係好啱我心水。因為我好鍾意大啖大啖食米線，但係酸菜就搶晒啲味，芽菜又搶咗個口感。所以下次我都會叫小酸同埋少芽菜另外食咗個雙併小食，皮蛋加雲耳皮蛋切半，食第一舊嘅時候覺得好過癮，成口都係皮蛋好正，但係第二舊嘅時候就會覺得好漏，如果切細返少少會更好雲耳方面，佢完完全全覺得個麻辣汁好好味，嗰種麻香好正，完美嘅配合，必試推介

由細食依間食到大蘿蔔都幾入味 不過今次有啲絲腩肉必食 佢係深色無乜肥膏既腩肉唔同平時譚x食果啲一層層好似燒肉咁另外如果食可以揀埋炸醬/貢丸小心貢丸係爆汁🤣🤣🤣不過而加真心貴 兩餸都$47

米線🍜 相信好多人鍾意食 又唔想再食譚X 於是我就上YouTube睇 好多人都極力推薦食「唯一 雲貴川風味」雲貴川唔係係當眼大街 而係位於偏僻的橫行 從網上得知 原來已經有一段的歷史 而且有好多人排隊 於是我地6:15pm就去到當天排隊的人不太多 等了大約20分鐘就可以入座 係排隊既時候 職員會出黎問我地今次叫左兩碗🥣米線 揀左三味「酸辣+腩肉+炸醬」我本身好怕食腩肉 好怕好肥而且成寸肥膏 但係唯一雲貴川啲腩肉好涁 而且一啲都唔肥 值得一題係 炸醬非常出色👍🏻 炸醬份量好多 其實根本係肉碎 可以每一啖米線加埋炸醬一齊食 我終於明白點解咁多人推薦 而且排一個鐘都會願意等 真係好好味😋總括來講：米線非常出色 可以講得出係全港最好味的米線 🍜 雖然價錢略貴 但真係真材實料 特別要一提 米線有少許辣 一定要帶紙巾😆推薦指數🌟🌟🌟🌟🌟

收藏咗好耐！未嘗一試，借工作機會去試吓，點講呢🤔⋯⋯有風味嘅、性價比高夠大碗、食完之後唔算頸渴嘅、好多街坊熟客、又有好多慕名而來嘅客！整體來講值得一試👍🏼

基本上去親唯一都要排隊，認住長長既人龍就唔會去錯，排左5-10分鐘就有位了。叫左酸辣+腩肉+豬頭肉 [[]]我好欣賞唯一既米線冇欺場，叫親酸辣都勁多酸菜同辣肉碎，芽菜都好多又索晒味🤤🤤米線彈口唔漿口，啲餸次次都多到堆山咁～不過又咁講⋯有讚就會有彈😏😖😖點解腩肉會係一堆乾柴瘦肉黎？一啲都唔肥，同煲湯瘦肉有得揮，只可以講好有「咬口」，下次一定要叫到豬腸⋯豬腸買晒先食腩肉咋⋯⋯😔🤩🤩反而豬頭肉夠肥夠稔身夠入味，會附帶少少豬耳，豬耳爽口有咬勁，好味我覺得$54啲料係多同好滿足，相比其他米線佢既價錢既略偏貴，但味道我覺得的確唔錯，期待佢地腩肉可以有待改善唔會再拎啲滷到乾柴既瘦肉當腩肉啦

系咪味食過咩叫好食？本人唔算米線達人都叫米線愛人一個月都食十幾餐米線呢間野，叫個大辣，成碗油，到依家都難以忘記果陣油蹟味道兜亂米線叫入味😖三年前失望，三年後再試… 半碗都食唔到. 實在唔啱我口味 不懂好食既點在那😓

依間唯一雲貴川算係我由中學食到出嚟做野甘耐，都會成日心思思走過嚟食嘅米線，佢嘅辣醬系人手爆香過嘅，同出面嘅辣好唔一樣。腩肉豬脷中辣 加 豆漿腩肉好棉好夠淋，豬脷切得好薄所以好入味。

位於四陂坊角落的一間老字號米線，不管附近的店轉來轉去。 這間雲南酸辣米線仍能穩穩站於街上深受大眾喜歡，不是於雜誌網址介紹米線是亦仍能佔一席位除了湯底香氣濃郁夠麻亦夠酸外，餸既選擇及味道勝過其他米線店的優勢，雞翼尖豬皮雲吞腩肉都是自家店，所以相當有特色。我叫了腩肉雲吞米線小辣 ($47) : 腩肉是招牌菜之一，肉質有口感不會韌，未到微辣。 雲吞亦是我最喜愛的其中之一，雖然雲吞皮有點厚但是他的餡料配搭得很好，配以湯一同享用相當惹味美中不足是環境比較陳舊，碗是非常燙手。飲品選擇只有罐裝或樽裝飲料。或者這就是它的特色吧

沒有唯一只有唯一🤣🍜唯一雲貴川風味米線相信有食開米線嘅，都一定會識位於荃灣四坡坊既唯一雲貴川風味米線！呢度每逢假日都會風雨不改次次都有人排隊，食過咁多間唔同米線嘅我，始終都有個情意結就係久唔久都要嚟一次呢度食米線🍜推薦菜式：豬肚豬腸酸辣米線 ($52)味道：🌟🌟🌟🌟環境：🌟🌟🌟價錢：🌟🌟🌟服務：🌟🌟🌟注意～因為食辣嘅關係大家記得帶定紙巾，如果問店舖職員拎紙巾係要收紙巾費兩蚊㗎首先建議大家喺出面等位嘅時候都睇定門外嘅餐牌，我自己最推薦豬肚豬腸！呢度豬肚豬腸出色嘅地方係非常鮮甜同埋配上酸辣湯真係Perfect match！不過我自己略嫌米粉份量唔算好大碗，所以食完都冇一種好飽嘅感覺！由於我係叫小辣嘅關係，所以又唔算係真係好辣。建議如果食得辣嘅朋友可以揀由中辣開始，不過如果越來就會越多辣油咁變相個湯底都會係比較油膩

一條繁盛街道，轉入一條偏僻嘅橫巷，當一些連鎖米線還未盛行時，已經隱藏在荃灣四坡坊內，一間人氣米線老店。《辣腩肉＋腐竹 米線》滑支竹原件不會碎， 秘製辣腩肉不吃得辣的要注意。《 酸辣＋豬肚＋炸醬 米線》炸醬切碎粒經炒過才上碗，並不是常見切絲上。食物賣相＝(滿分20) 15食物味道＝(滿分20) 18服務質素＝(滿分20) 15裝修整潔＝(滿分20) 15性價比率＝(滿分10) 6回頭指數＝(滿分10) 6總評分。（滿分100) 75分