唐順興燒味 (已結業)

六點幾放工時間，又唔想點煮，就最好買燒味😂門口見到有$25一包/$35二包，有燒肉/叉燒/豬耳/海蜇等.....份量都適中，咁我就揀咗叉燒和燒肉返到去炒一炒熱就食得，叉燒肉質係半肥瘦，肉質唔柴。另外燒肉塊皮仲係脆嘅，都唔錯，下次又可以趁放工時間再買，幾抵食

噚日（12-4-2020 Sat）爸爸又喺喥買燻蹄,經過上次佢買表面係淨燻蹄(只係面一層係燻蹄,下面全部係味菜,搵笨同完全唔掂),嘅經驗後,今次佢買海蜇燻蹄,到食晚飯時食.我哋打開食喇,我先食海蜇,辣嘅,落咗辣椒油,但口感好爽同彈,正.而燻蹄呢?一樣咁爽口,而味道唔太濃,都好味.不過其實海蜇份量唔多,下面嗰層係燻蹄碎.抵食係2.5分上次食評: https://www.openrice.com/zh/hongkong/review/%E8%B6%85%E9%87%8Dbb%E8%B1%AC-e2217814

由於上年女同事MK o係o度訂o既乳豬同一隻白切雞都均獲好評(上次我唔知邊間,所以冇寫食評),所以今年都一樣,過年前o係o度訂一隻乳豬同一隻白切雞,然後o係30-1-2012( Mon年初八)開市時自取返公司拜神食.好,食得喇,今年隻乳豬加o左$100.00,要$498.00一隻,老闆娘EW切開時,皮仍然好似上年咁一樣咁脆,但今次呢隻超肥,脂肪都起碼有1.5厘米厚,肉唔多而且鹹,今年又貴又差o左.味道: 1.5分而白切雞呢,同上年o既差唔多,今年就由我第一次操較剪剪開佢,隻雞唔係好大隻亦唔肥,同隻乳豬成對比.雞味亦鮮同唔o鞋,o岩o岩好.而呢隻雞就要$60.00.味道: 4分