唐樓 (已結業)

都成年前去架啦, 今日先睇到原來叫唐樓, 朋友生日, 諗住去間特別d既, 點知環境得個黑字, 對面樓d閃光又係咁閃入黎, 依稀記得食左個蠔, 其他食過乜真係唔記得左, 但係有位女性朋友就食到發哂脾氣, 連老闆娘叫我地影張合照都唔制,因為真係好難食.

上個月毋親節同媽咪去食飯, 飲過佢地個"杏汁豬肺湯", 真係好好味, 媽咪返屋企試煲比我地飲, 煲左兩次都失敗, 真係好好味, 好想再去飲!同埋佢地個芝士牛油大蝦伊麵都好好味, 我細佬話好味到連個碟d汁都想舔埋, 哈哈哈.....

食物好特別，環境好有情調。頭盤有和式豆腐（酦酦地，好得意），蒜香捧捧雞（點既汁好正），意大利黑醋軟殼蟹（正正正）；青豆忌簾湯，我地叫了兩款主菜１）菠菜汁龍雪魚２）鹽燒大蝦（好大隻，新鮮夾爽）；韓式紫菜炒飯（好有石頭飯feel,脆脆地)，甜品是紅酒煮啤梨（酦酸甜甜，好味）餐\飲有印尼咖啡（好香滑）和幾款花茶（母忘我；薰衣草；玫瑰；人參鐡觀音），我地好貪心，想試多ｄ款，於是個女仔話可以沖幾款出來，我地可以每樣試小小。之前我拿了生日蛋糕去舖頭（切餅費＄５０），唸住比個驚喜媽咪，食完甜品後，我和姐姐一起由廚房一路唱住生日歌，一路由個女仔拿著佈置得十分美麗的蛋糕出來（係物超所值，蛋糕放在盛了水的碟上，而水上有幾個蠟燭圍住），見到媽咪個樣驚喜到不得之了，好開心呀，跟住仲要點埋會噴煙花－＞彈開花－＞播生日音樂的蠟燭(＄20)!佢\仲幫我地係咁影相添，姜皓文都出來一齊睇點蠟燭。真係勁滿意，多謝。

日食日式檸檬+柚子味豆腐做頭盤(係凍)捧捧雞(好香)意大利黑醋軟殻蟹用木瓜打的忌廉湯(我同媽咪都覺得好滑，好滋潤)主菜係銀雪魚菠菜汁韓式紫菜炒反(我至愛，本來已經好好味，食得好飽，但係我都食埋，佢重俾我再加反，真係飽到上心口)甜品係用紅酒煮啤梨(食得好舒服，因為食得太飽，酸酸甜甜可以中和番)餐茶吾係太多選擇(冇奶茶同檸檬茶供應)但係佢印尼咖啡，好有日本炭燒咖啡感覺，非常香滑，但不太濃，(可能係我意creamy 感覺)重有吾同花茶選擇，飲完可以refill。最驚喜係佢介紹生且蠟燭，一起會噴煙花同彈開，重會唱歌(需要另加$20)，好靚!佢重幫我同d屋企人影相，(佢用e-mail send 番相俾我)最後廚師重出埋問我好吾好食，你估係個?原本係拍戲姜皓文，(原來全部都係佢煮，好surprise!)後來先知道同我booking金小姐係佢太太金慧英，(佢晚有做，吾係到)下次會同朋友再去食，試佢鵝肝!媽咪晩好開心，thankyou!