唐宮小聚 (新城市廣場三期)

营业中

休息中

唐宮小聚今日有朋友介紹咗依間依間中式餐廳俾我，話依度嘅乳鴿係最出名嘅！咁我哋一於去試吓啦！入到去環境非常之舒適，枱同枱之間非常寬闊，真係家庭聚會嘅首選！沙田乳鴿 $59/1隻呢個乳鴿所有人都非常之推介，我哋當然唔執輸，一定會叫啦！真係名不虛傳！真係好好味呀！原隻炸乳鴿，佢不單只外皮脆香，而且皮下脂肪係好薄薄一層，一d都唔膩！仲要乳鴿既肉質非常之juicy而且嫩滑，仲要肉味夠濃同入味！真係會好想叫多幾隻再食嫁！黑金流沙包 $49黑金色既賣相夠晒型格,一摸外皮非常鬆軟，而且流沙好熱辣辣，一打開就爆汁，所以一大口食嘅話真係要好小心，唔好辣親個咀呀🥰🥰冰鎮咕嚕肉 $99呢個叫得冰鎮咕嚕肉，顧名思義就係用啲冰雪住d咕嚕肉啦！佢外層脆卜卜😋😋冰鎮後確實比正統做法的咕嚕肉更加酥脆，而且冇比芡汁浸軟，酸中帶甜的醬汁，令人胃口大開！仲要加上有冷鎮埋個哈密瓜、蜜瓜仲有菠蘿，口感鬆脆可口，真係口感大爆發丫！

曾經食過質素唔錯，屋企人未試過。今次專程帶嚟品嘗，可惜失望而回😞下次都唔使再食😢非常山竹$49（以前食過內裏之餡是蟹肉+蟹蓉）依家裏面唔知係乜😖點心形狀都怪怪的☹️沙田乳鴿$39/隻（堂食價）呢個價錢係抵食，不過上枱時唔係好熱辣辣，以為真係熱辣辣，戴住手套都感受到🥵依家乳鴿瘦到無肉，食骨頭🦴紅油炒手（八隻）$59味道偏辣😋花雕醉雞$79 ，雞肉較「鞋」有好多雞油食到肥冧冧😖煸四季豆$89，最好食😋臘味煲仔飯$79 （堂食優惠價）可以試盡此店之臘味，可惜臘鴨細到呢😕整體偏咸，狂飲茶🫖茶$10/位，初時嚟食，茶味香濃，依家飲滾水，不知所謂🤬🤬🤬3個人食要$500，認真唔平；仲要質素差、服務差😤（因為只有3幾個人執枱、擺位、傳菜）枱無碗問侍應係邊度攞，仲大聲話擺左係枱🤬

2021年嘅最後一天，唔想煮就自然要出街食，今晚會同外母一齊食，想起佢喜歡食乳鴿，自然又會想起去唐宮小聚，真係好多「想起」😅外母住馬鞍山，所以選擇去沙田新城市廣場唐宮小聚食，除夕夜怕人多，果度又冇訂位，我5:15就去攞飛，排第二順利入場😙之前我嘅食評都有提過，「唐宮小聚」係一間未必會俾你好大驚喜嘅中菜館，但係食過佢咁多間分店，食物出品間間都保持相同水準，穩穩陣陣，絕對唔會令你覺得受氣或食物難食等等，普通食餐飯，去「唐宮」應該算係幾穩陣😉🔻沙田乳鴿細細隻炸得皮脆肉嫩，味道一流，冇得輸，枱枱必食😋🔻酒醉鮑魚酒味青香，鮑魚肉厚彈牙👍🔻非常山竹Menu話裡面餡料喺龍蝦汁蟹肉，$49三件，當然食唔到龍蝦汁味，只係食到一個醬汁而已，普普通通，如果佢唔注明龍蝦汁更好，起碼食客唔會感覺有大落差😅🔻和牛啤梨呢個其實係黑椒牛肉咸水角，造成啤梨🍐咁嘅樣子幾得意🔻子薑鹹雞煲仔飯呢個煲仔飯唯一亮點在子薑，其他味道都係平平無奇，飯焦香唔夠，個人覺得都係臘腸北菇滑雞煲仔飯好食😅🔻大閘蟹炒年糕呢個之前喺荃灣分店食個，今次沙田店再食都冇令我失望，呢個菜蟹肉並非重點，最好食嘅，都係每一件比蟹膏蟹汁掛上嘅年糕，食到真係唔停

沙田市好多不同野食，這間「唐宮小聚」出名就是乳鴿，我想食好耐，今日人少少只需等一陣，就同老朋友在此聚一聚😌「沙田乳鴿」嘩嘩嘩！🤩外脆，而且肉質鮮嫩👍🏻 提供手套🧤，可以豪邁開餐🤣😂🤣「肉鬆抓餅」「大肚婆炒飯」加入紅米炒飯，有益又有色😃 食到尾聲有點油😅「西蘭花苗」「沙薑豬手」好入味的沙薑豬手😊 份量比較少，但前菜尚可接受😏 （欠缺相🙏🏻）備註：🔺環境別緻，打卡一流😃🔺點心好精緻，下次要試多啲🥳

昨天一行三人去沙田，因為朋友推薦，去這店子試試。等位的人不多，15分鐘內就可以入座（當時電子取票機壞掉，店員有點手忙腳亂）店內環境舒適，讚我們點了 乳鴿、鴨舌…乳鴿太驚喜了！價錢不貴，味道很好鴨舌是不錯，餐牌上寫「醬汁鴨舌」，可惜是麻辣，結果，我只食了半支，還好同桌的人都能吃辣，否則可慘了其他點心～三色餃～賣相精緻，味道也好肉鬆抓餅～抓餅鬆脆，跟肉鬆夾到極好味薺菜鮮肉大雲吞、西蘭花苗～不過不失蟹粉麻球～外皮鬆脆，但跟蟹肉不太夾，味道麻麻黑金流沙包～太甜了總的來說，食物質素好，難怪假日超多人等位

晚飯時間到，路過無人等，於是一試。點咗少少嘢：煲仔飯，炒菜，蒸扇貝，加個甜品陳皮梨。結果只係可以接受嗰隻。個飯都ok，不過啲餸就咁擺面，唔係幾好。個菜同甜品最正。扇貝啲油實在太太太多。除非有乜特別原因，否則唔洗再嚟。完。

第一次食唐宮小聚，我覺得呢度冇茶樓咁嘈，環境舒適得來，食物賣相同質素都吸引，可以作為家庭假日小聚嘅地方。特別要同大家介紹，佢嘅冰鎮咕嚕肉好好食，佢冰凍嘅甜酸醬汁，包住炸左嘅豬肉，唔影響佢脆口嘅外皮得黎，又有新鮮感。另外，乳鴿都好好食，皮脆嫩肉，啲油唔會多到流出黎，味道都啱啱好，唔需要點其他野都好夠味。

沙田分店有好長時間無來了今天再度幫趁，星期日12點半左右兩個人等了15分鐘左右有位乳鴿水準保持！水嫩的！好食😋醉蝦被賣相吸引了不太醉的，是淡淡酒香還好！一碟有五隻，蝦有蝦膏大肚婆炒飯幾好食😋不會油，夠乾身！紫薯天鵝賣相靚！食落都可以😌是酥皮包著啖啖紫薯陳皮燉梨天氣乾燥，食這個潤一潤！整體感覺可以！服務有待改善二人枱的桌面空間有限上菜很快，但無人執枱上菜職員就想空降，最後是客人執枱移位食物出品穩定，不油，不甜，不咸。要讚一讚！⭕️座位間有透明膠板相隔 ✅提供放口罩紙張

週日的晚上，沙田市中心的食肆到處是人龍，好彩好多人拎了飛也無到，所以都唔係等咗好耐就入得，入到去裡面搵自己張枱，職員問我們幾號枱，之後老遠咁指咗我哋一個方向，其實都唔知佢指邊張枱，叫咗牛肉叉燒、粉絲扇貝、蝦蟹粥、炒飯，扇貝五十幾蚊隻，都唔平，不過係幾大隻，炒飯炒得乾身，牛肉叉燒其實即係燒牛肉但切到叉燒咁，整體味道不過不失，不過就人手幾不足，我發覺這個問題近期好多食肆也有，客人多職員少，服務通常差啲.

呢日諗住去一田睇下有咩優惠野買, 點知個優惠仲未開始, 行左個圈就走返上去搵野食, 一向對唐宮小聚都有好感,  又見到門口都幾多人等位, 於是乎又等埋一份, 唔覺唔覺都要等成 15-20 分鐘先有位例牌來到都一定會叫乳鴿, 起碼唔會太差, 而且 $39 呢個價錢係抵既, 見到佢有個大閘蟹炒年糕, 當然要試下啦, 再加多個子薑咸雞煲仔飯, 西蘭花苗, 老實講唔係第一次來, 成日都覺得佢地呢度唔夠人手, 所以 D 服務員都係有少少黑面, 無辦法啦, 依家飲食業無咩後生肯做首先上枱既係乳鴿, 熱辣辣香噴噴, 肉質好滑, 不過今次好似咸左 D Ｄ,  但都唔係差既,  之後就係西蘭花苗, 但個樣就同普通西蘭花差唔多, 跟住係大閘蟹炒年糕, 年糕入哂味, 好正,   $189 有兩隻成 5両既大閘蟹算係抵啦, 一隻多膏一隻就一般, 呢樣又係覺得咸左少少,  最後係子薑咸雞煲仔飯, 講明咸雞就預左佢會咸, 但估唔到入口又唔算好咸, 岩岩好啦, 個飯都索左 D 咸雞味, 幾好食

話說 我有排 勁鐘意食乳鴿咁岩 返工樓上 開左就試下佢～乳鴿 熱辣辣 皮脆肉汁一人半隻 再食其他 剛剛好蝦多士 都係夠熱 所以 好香口 個 炒腸粉 又係走唔甩而家 無乜邊到有炒得好食既豉油皇腸粉 但最好 佢中間既腸粉都有汁就好而家點辣椒油 調返個味 入邊先夠味個 立美飯 重得意 有條辣辣立腸集團形式服務可以價錢中價 未叫做抵 但依個質素 可算是 OK環境 坐得好舒服😌建議 下午茶時段去晚餐都唔算貴既 可先用apps攞位呀咁去到就唔洗等咁耐啦記得叫 乳鴿呀！

家族飯，屋企人介紹呢間幾乎全部點心都整成一個靚樣以前有bias，賣相如此精緻的一定味道不佳點知試過先至知，呢間味道相當唔錯！隻豬仔係草莓布甸，必點有打卡用🤣最欣賞係花雕雞，係我食過咁多以來最好食自己都有整過來食，但花雕酒咁入味嘅，都係第一次食到肉質嫩滑唔鞋口真係想問佢個食譜係點😂😂仲有大肚婆炒食都好正，味道唔洗咁濃一樣帶出食物鮮味臘鴨煲仔飯一流，臘鴨夠咸😂😂份量又大。真心好食，食得又睇得！

星期日行過見到好多人排隊就拎定籌 諗住行陣先返嚟行咗個幾鐘返嚟以為已經過哂籌點知咁啱下張枱就係非常好彩🥰🥰🥰講吓當日所點嘅菜式先乳鴿啱啱炸起 外皮熱辣辣油脂味好香濃 肉質鮮嫩忍唔住即刻嗌多一隻可以話係食過最好食嘅乳鴿👍🏻👍🏻之後落嚟嗌咗鮑魚酥個面係一粒鮑魚仔 下面有啲菇撈左黑松露醬再加埋一個曲奇皮撻底唔夠熱 但味道都好特別 幾好食 黑松露味好香濃不過 有少少比佢個名呃咗 本身以為會係酥皮但實際上係曲奇皮 有少少失望跟住落嚟係蟹粉煎堆新鮮炸起 一咬落去熱辣辣脆卜卜外層嘅煎堆皮仲好軟熟不過同入邊個蟹粉唔係好夾食咗一半都唔想食了所以唔建議嗌😿蝦多士上菜嘅時候仲好熱多士炸得好鬆脆 上面仲釀咗一隻蝦 配埋黑松露醬 非常好食最後甜品係得意豬仔外型真係好得意好可愛 打佢pat pat仲會震騰騰但係味道就真係麻麻地 主要拎嚟打卡最後溫馨提示 下載唐宮小聚嘅app會有一張$50現金券可以即時使用

一早已經Gulu拎定飛，去到等一陣就已經可以入去！我哋叫咗招牌乳鴿，都幾好食夠香口不過有啲細隻，但係因為佢好平所以都ok嘅！再叫咗牛肉叉燒，佢係用牛肉但係用叉燒嘅方法去炮製，都幾好食喎！仲叫咗個不是山竹，和牛啤梨同埋煲仔飯！總括都是好食！😍

今次第二次食，特登叫些新嘢試吓🤓酒醉聖子$89一口聖子，好濃酒味，口感好好，熟成度剛好👍🏻鮮肉層酥$49（2件）酥皮好鬆化，但有點膩；豬肉味道唔濃，不是太特別。沙田乳鴿$39（1隻）堂食優惠乳鴿肉質好嫩，口感一流😋味道啱啱好！$39好抵食，還很細心地有埋手套，方便你食得放心👏🏼紫薯天鵝$49（2件）天鵝個皮是酥皮，紫薯唔係好甜，但整體無乜特別，麻麻地！個鵝頸好似淋咗嘅餅，味道怪怪地😑非常山竹$49（3件）造型唔錯😃味道似咸味煎堆仔，外脆內軟，入面有龍蝦汁🤤食到瑤柱和蟹肉，好好味😋