唐宮小聚 (新城市廣場三期)

营业中

休息中

今天中午被朋友叫醒，然後就到唐宮小聚吃了一餐比較有創意的點心， 環境比較舒服，食物送上來的時候，看上去很有創意，一口下去被驚艷到的就是水煮魚春卷，還有沙薑豬手，新鮮的沙姜配上無骨的豬手，爽脆爽脆的，又有沙姜的香，沙田乳鴿也是不錯的，如果再配上一點點的淮鹽，那就是一流了，再來就是非常山竹挺有創意的，還有一個同甘共苦的苦瓜，滿口的鹹蛋黃香，粉漿也不厚，然後苦瓜一點都不苦，軟軟的，直到一試。整體下來4星。

適逢父親節，妹妹安排在唐宮小聚晚飯，中菜適合父母輩，中菜之中增添一點創意，就同時能滿足較年輕的一輩。雖然已訂位，但都要等候20分鐘左右才能入座，全場滿座！節日來光顧就必須要訂位啊～～原隻鮑魚酥 ($69/2件)，size剛好一口一件，曲奇皮撻底，餡料有黑松露醬菇菌，面層是鮑魚仔。鮑魚柔軟易咬，帶淡淡松露香，撻皮鬆化。非常山竹 ($59/3件)，山竹的造型，紫色外皮是由糯米粉製成，口感脆得來又帶點煙韌，內餡是蟹肉與龍蝦汁，味道不錯，但不算特別鮮美。黑金流沙 ($59/3件)，流沙包包體飽滿，軟熟輕柔，流沙奶黃餡夠流沙，必定要趁熱食！沙田乳鴿 ($45/隻)，幾乎每枱都有點乳鴿，所以乳鴿都是熱焫焫的上桌！乳鴿又脆又嫩口，肉汁豐沛，調味恰好，不會過鹹～脆蝦多士 ($89/3件)，原隻鮮蝦連同多士一併炸得金黃，面層鋪有松露醬。蝦多士炸得香脆可口，入口又不會太油膩，松露醬增添香氣。大肚婆炒飯有蟹肉、蝦仁、豆、粟米，特別在於用上薑米，炒飯夠乾身，帶微微薑的香氣。味道算是可以，並不特別出色。冰鎮咕嚕就是將煮好的咕嚕肉放在冰面上，冰鎮送上，凍食咕嚕肉。咕嚕肉酸甜度平衡又啖啖肉，惟份量少，$119是偏貴

早前與家人去沙田行街，晚餐去咗呢度食，雖然等位等咗大約半小時，但都真係直得一試👍最正係燒乳鴿，係佢哋嘅招牌菜，差不多每枱都有order！一上枱賣相已經吸引，熱辣辣、外皮脆、肉質嫩滑多汁，亞女自己都差不多食晒一隻😜我地仲order咗幾款食物：🥟鳳眼蝦餃：蝦肉彈牙、橙色蝦餃皮好特別🥧鳳梨金酥：鳳梨酥，稍為甜咗啲，感覺有啲油膩，不過都ok🐻小小熊仔：order前問侍應，這款包是什麼餡料，應侍一講，我地三個異口同聲，一定要order，因為我哋一家三口都非常愛吃朱古力🍫，果然沒有叫錯，包內朱古力醬滿滿的，味道濃郁，這甜點成為本餐完美的句號😍

位於新城市廣場第三期三樓的唐宮小聚店子光猛，座位舒適。這店食客不少，幸好我們已預早訂了座位，不用久候。～沙田乳鴿 （2隻）唐宮小聚不可不吃的紅燒乳鴿果然名不虛傳。小小的乳鴿已開邊，熱騰騰，皮脆肉嫩，味道適中，不錯。～皮蛋豆腐 （雪花糖心）滑滑凍豆腐配糖心皮蛋，是個夏日不錯的前菜。～冰鎮咕嚕賣相吸睛，味道酸甜的冰鎮咕嚕似乎特別脆口；再配上開胃菠蘿粒和冰車厘茄，絕對是夏日的菜式。～黑蒜帶子燒賣賣相並不討人，但味道卻很有實力。黑蒜軟淋，配上薄片帶子和燒賣，味道層次極豐富。～黑金流沙黑金流沙皮靚餡多，配合得宜。流沙餡料趁熱吃，特別滋味。～蘿蔔絲蝴蝶酥造型吸引，果然是靚靚蝴蝶型狀。層層酥皮入口酥脆，餡料清甜，好吃！～肉鬆抓餅味道獨突的抓餅包裹著惹味肉鬆又怎會不好吃呢？是日午餐果然不錯，他日再試試這店的其他菜式吧！

這一天與朋友在沙田食飯聚餐，選擇了新派的點心西餐廳。有驚喜5個朋友放工相聚一起，已早一天訂位。於餐廳門口已經傳來一陣陣嘅乳鴿香味乳鴿脆口多汁每人一隻朋友讚不絕口朋友介紹乳鴿是必點晚餐。環境舒適我們由7:00開始入座。開始點餐遞上食物嘅速度好快每樣物品都睇得出廚師用心製作。價錢中價物超所值。聚餐時間去到9:30沒有急切趕埋單。現在很多餐廳都有限時90分鐘用餐時間。這裏可以慢慢相聚談談笑笑愉快一個晚上。

📍堂宮小聚（新城市廣場）今日同屋企人食飯，小朋友見到餐廳不滿吊燈，就吵住入去話想，於是就一家人入左去食，小朋友一見到個餐牌就好興奮話要食呢樣個樣，因為啲點心做好得意，唔洗識字都落到order，於是，今餐就系由小朋友話事。🌈黑金流沙呢個包好軟琳琳，一滅開個包，裡面啲餡料流出黎，見到都開心，而味道上系超正，唔會話整得好甜。但如果小朋友食就要留意，因為系好熱。🌈得意小豬呢個個賣相超得，小朋友最期待就系佢。佢裡面系草莓乳酪凍，點下佢都會震下震下，好得意。小朋友一路玩一路食，味道酸酸甜甜，小朋友食得好開心。🌈蘿蔔絲蝴蝶酥造型好特別，好似啲糖果。整體好鬆脆，但裡面蘿蔔味重，我自己就一般般，如果鍾意蘿蔔嘅人就可以試一試。地址：沙田沙田正街18號新城市廣場三期3樓A333號舖

同屋企人食飯，揀返佢地最喜愛既中菜。呢間中式餐館格局同樣適合年輕人，設計新淨，環境乾淨舒適企理。餐廳位於商場之內，步行沙田站只需要5-7分鐘。其實今次已經唔係第一次離食，上次食覺得味道唔錯，今次食過返尋味。當然再試一試唔同菜式，但乳鴿可以話係必要，味道冇退步👍🏻。至於醉蝦，口感非常清新，但留意有少少辣。另外叫一個餐前小食泰味魚皮，感覺新鮮亦唔會太鹹。主食煲仔飯，留有少少飯焦味道唔錯，稍嫌有少少鹹。鹹蛋黃涼瓜炸得恰到好處，亦唔會遮蓋苦瓜原有味道。最後叫咗一個夏日限定買二送一手打檸檬茶，入面仲有香茅，味道一流。對餐廳觀感仍然冇太大改變，整體感覺7.5/10。喜歡中式菜式既朋友，可以話必食之選。

嚟呢度食嘢，其實啲食物係可以的，但總係每次食完，總唔會有種想快啲番轉頭再幫襯的感覺😑點解呢🤔⋯⋯先介紹食物先啦，乳鴿似乎係必食，好出色又唔算，但絶對唔係差，可以滿足到一般人要求，都唔算貴咁啦。可能因為我唔係乳鴿擁躉啩🤷🏻‍♀️沙薑豬手粒就真係次次都好食🤤，我係可以堂食完再想pack多一盒返屋企俾家人食嗰種😆今次俾到我驚喜嘅係個望落去平平無奇嘅椰皇雞湯，好清好甜🤤好正👍🏼⋯⋯蝦多士都屬做得好的👍🏼可能係我徧好，情有獨鍾豆奶湯浸蟹肉蕃薯葉，好味，味道簡單純粹，清清地又高纖，食得好放心☺️真心喜歡💕至於大澳XO醬炒沙白，不特別出色，但係係好食嘅叫咗個擔擔麵，唔係我一向鍾意嘅上海 style ，無麻醬味，仲略嫌油咗啲。至於個酒釀丸子，唔係我杯茶，但同枱食嗰位係讚嘅，由於嗰位都屬咀刁之人，所以我相信可以的。我自己就有舖奶茶癮，即管嗌嚟試吓👌🏼整體而言，嘢食係滿足到啲識食餓底的，但硬係招呼就麻麻哋，部分伙記面口好似有啲唔多耐煩，但因為落單已經係自己嚟，都已經無乜機會接觸，都俾我feel到唔耐煩😅可能因為咁所以食咗覺得好食都唔會掛住掛住😅

4月24日朋友生日到我最愛的沙田唐宮慶祝生日！乳鴿是我們必吃的，入味又好吃，超水準，10分好味👍🏻👏👏👏蝦多士🥂十分彈有牙👍🏻又沒有油🥂🥂😍黑金流沙👍🏻👏👏其他小菜保持一貫水準👍🏻👏👏每次到唐宮也沒有失望🥂🥂😋😋

是日中餐🫶🥢龍躉魚雲吞(8粒)$89呢道個人非常推薦，89蚊有常8粒咁多，仲非常貼心用火爐熱住唔怕腥，魚肉鮮甜足料🉐🥢非常山竹(3件)$59外表可愛，啱晒用嚟呃like😆味道亦可！🥢煸四季豆$89豬肉碎炒四季豆，爽口惹味👍忍唔住要叫碗白飯😋出色嘅小菜🥢醉菜龍躉片$139最為驚喜係呢道，出到嚟嘅效果成道酸菜魚咁🌶️(微辣)厚切龍躉片鮮甜彈牙👍仲好入味～酸酸辣辣最為開胃！🥢蔥油拌麵$69香到不得了，味道我比滿分💯仲唔會過油🥢沙田乳鴿$45今日最為失望，竟然係招牌乳鴿，大失準啊👎極咸，仲變咗迷你size無肉的🤐📍唐宮小聚 沙田沙田正街18號新城市廣場第三期3樓A333號舖

生日帶了三位老人家去試呢間佢哋一直嘗試的餐廳，他們尤其喜愛乳鴿和鮑魚見到有鮑魚酥，叫黎試吓。鮑魚酥：又林又好味，戴假牙的老人都食得津津有味。脆炸黃花魚： 連成個頭同埋骨頭全部都可以食，又香口又好味，但係唔小心比個魚旗戒損咗個嘴。但必點！乳鴿： 不用多講，一定要試，餐廳仲提供埋手套非常方便食得又乾淨。脆口又多汁，眼見每一台都有叫。鳳眼餃： 好食但不是好特別。蝦多士：好好食，略嫌貴咗啲。大肚婆炒飯：用薑米同埋藜麥炒飯，幾特別都好食嘅。

Weekend晏晝黎到新城市廣場，間間餐廳都要等位，我同朋友想食中式野，所以揀左唐宮小聚等左幾張飛就到我地，一坐低就揀左個二人套餐沙田乳鴿呢到既乳鴿冇跟淮鹽，不過外皮炸到脆卜卜，就咁食已經好好食冰震咕嚕肉咕嚕肉外脆內軟，味道都好出色，加埋菠蘿酸酸甜甜，好開胃唯一缺點係掂住冰個幾舊會凍左，感覺冇咁好黑松露餃子呢個餃子個皮係黑色，唔係好大舊，一啖已經可以放曬落口，夾雜住一啲黑松露味，都幾香豬仔布甸甜品係豬仔樣既布甸，賣相十分可愛，用匙羹篤下佢仲好動L另一個特點係浸係花奶到，好似細個去酒樓食既布甸咁，小朋友一定鍾意呢個甜品整體既食物同服務都唔錯，下次想食中式餐廳可以再黎呢到

👸🏻👧🏻同屋企人食一食新式中菜小館-可能因為食得比較晏?🥲我地8:30左右入座 食左1個鐘都無 已經開始係咁有店員黎清走我地d野 趕我地走咁 完成唔可以慢慢食 傾下計...🍴沙田乳鴿 $42/1隻分別叫左一隻辣同一隻唔辣的 辣個隻係麻辣 係滷水凍食的 都幾入味 而個人比較中意食原味的 熱辣辣 好多汁🤭🍴子薑鹹雞煲仔飯 $89鹹雞味道唔錯 但子薑係就咁放係面 唔係好食到有子薑既味🧐🍴小小熊仔 $59/3件造型💯🤭入面係朱古力餡 味道偏甜 食個時小心d 因為好流心🤣🍴黑武土 $69/4件其實係黑松露墨汁餃子 味道中規中矩 唔算太特別~🍴非常山竹 $59/3件呢個個造型又係好有趣 個棍係朱古力餅 而內餡就係龍蝦汁+蟹肉🤭但唔係好食到有呢2個既味道 但整體味道都唔錯👍🏻🍴龍躉魚雲吞 $89/8件好腥😵😵😵個湯係魚湯 再加埋個雲吞餡係龍躉魚肉 2種腥味加埋一齊 唔係咁接受到..📍唐宮小聚 @沙田新城市三期3樓A333號鋪

呢間唐宮小聚，店舖格局觀感好好，企理整潔，店舖服務態度好。鄰近沙田站，步程約5-7分鐘。中菜餐廳好難做到岩年輕人口味，而唐宮小聚佈局有別於一後酒樓，格外新鮮。今次叫足六人餐，食物豐富而且值得打卡。首先離個花雕醉雞，口感清爽，有小小酒既味道，但唔會喧賓奪主。乳鴿一開二，總共3隻，每人一件食得好滋味。另外一早預備手套，非常貼心。糟滷醉蝦，蝦肉非常鮮味，肉質彈牙。👍🏻👍🏻流沙包外層有金箔裝飾，流心好食，但要食快手，凍左唔好食。冰鎮咕嚕，個人必食推介，肉質鮮嫩，外皮香脆，之前食過一次，以前用乾冰，觀感更佳。中菜本身有價有市，但食物質素絕對值得，飯後飲茶傾偈一流。👍🏻👏🏻

💬 不如去xx酒家飲茶吖🥰💬 食厭咗…去食d新派點心啦🫰🏻💭 Cool…仲要揀黑蚊蚊嘅點心😜🔶️黑武士(黑松露墨汁餃)~ 淡淡黑松露香氣，包住爽口彈牙嘅大蝦夠哂入味。🔶️黑金流沙~ 外層十分鬆軟，慢慢打開即流出熱辣辣奶黃，入口幼滑香甜。🔶️沙田乳鴿~ 熱辣辣上枱，外皮香脆，滿滿肉汁超juicy又嫩滑，必點！🔶️水煮魚春卷~十分創新嘅組合，春卷炸得香脆可口，咬落去入面水煮魚辣辣地超惹味！㊙️依度d碗設計好攪笑，有螞蟻🐜/烏蠅🪰嘅圖案🤣