唐宮小聚 (The L. Place)

营业中

休息中

應外國黎既親戚想食中菜既意願黎左一直好想黎既唐宮小聚見到佢係fusion既中菜 好似幾有創意同埋睇reviews又話係好味 所以決定一試6點點半到所以無book位都可以入座 但後尾真係成場都full哂 完全估唔到嗌左個套餐 叫左d openrice推介既 果然不錯前菜 - 小聚拼盤皮蛋豆腐d豆腐配個麻醬好好味呀 好開胃酒呈醉雞屬於普通既醉雞 係普通既好味開花蘿蔔意外地好味因為極度爽口勁脆超好味之後再散嗌左d菜式同甘共苦其實係炸苦瓜 出面真係未食過 自己本身都鍾意苦瓜 所以好香口好好味呀糟滷醉蝦出面好少有得食 所以特登嗌左 酒味都好濃蝦都夠爽口 係新鮮貨！松露香菇個樣係菇 但其實係包像真度極高入面d松露炒菇真係超香呢個極推介極好味白玉王鴿好味呀隻乳鴿 唔會得個肥淋淋字係炸得岩岩好 好juicy最後必食呢個黑醋雞花呢個甜甜酸酸 再配埋個菠蘿真係夾呀超開胃 呢個可以送到十碗飯！仲有嗌左推介既荷花蒸飯但個人覺得普普通通 唔算特別好味不過係幾飽肚既但總括而言 係好滿足既一餐創意中菜

約了朋友食晚餐， 有一BB 同行，訂位時已告知，但當晚竟安排中心位置坐位，本安排另一坐位更放不下BB車， 然後經理見到安排了一個寬敞位置。 坐下後一女生竟然誇BB倒熱水，再來本來有麥茶提供，但不知如何只給水。 我見只有水，就點了菊花茶。 再看到別的枱有茶水， 當然想取消菊花茶，年輕的wattress給了一個好假的笑容，說可問問。 但點解當時唔問下我們飲咩呢？我認為食物可以，但以中環來講有咁多餐廳，點解要擇你? 經理服務都很好， 只是其他員工好多沒同理心， 一家大小不要去。

2017.5.29 很特別的中菜。點心款式精緻～可愛。味道都不錯。黑金流沙包(表面的金，超金的。哈。好流沙，熱啦啦食一流)松露菇包(好香松露味，內料不錯，好食。外型都整得好似隻冬菇！)燒乳鴿(抵食又野味，$25一隻.檯檯都食)菠蘿牛肉(上菜火燒好特別，牛肉腍，不錯)荷葉飯(不過不失)綠色啤梨(完全唔知係咩！不推介喔！)。晚餐時段最好訂位先來。因為好多人要等位架！！！而且無限時限制,可以放心同朋友係度食野吹水。

相約同事一行六人，在唐宮小聚一起午餐！我第一次嘗試這間新派點心餐廳，餐廳環境舒服優雅，侍應服務也不錯！就坐後，我們各自點了一隻燒乳鴿，適逢該餐廳25周年，每人可以以＄25點一隻乳鴿吃，實在很抵！乳鴿皮脆多汁，齒頰留香！我們也點了鮑魚松露炒飯，蘑菇松露包，仿啤梨甜品，麻辣燒賣，味道一流，感覺新鮮！下次一定會來光顧，試一試其他未吃過的點心！價錢方面，相對中環同等級的餐廳，唐宮小聚整體來說是合理的！一家大細或者朋友聚會，是必試自選！

環境同食物都有質素整體黎講系好食既但又講吾出有咩好特別！但同親戚食飯確系一館吾錯既選擇！夜晚時間，坐耐些都吾會俾人趕！荷葉飯：可以。白玉王：幾好食。火燒波羅：其實真系睇佢燒個下😂

晚餐朋友聚會，估唔到星期五晚約係中環都係人頭湧湧喎。今次食唐宮小聚，我地既主打係。雞。朋友話醉雞好食，要點一份。有人提出係鞋，又人又覺得夠滑喎，我覺得係合格既！豬手又係另一推介。呢個豬手我覺得好好味，個軟骨部分又可以成個食晒，加埋淡淡莞茜味，係好食既！其他我地點左兩set 套餐，係$109 3個餸，幾抵食架。雞～～全部都係雞～～有口水雞 有蔥油樹雞涼菜類我就最喜歡，最鐘意食雲耳！咁多個餸之中，我覺得最有水準就係$25隻既乳鴿！新鮮熱辣夠晒脆皮其他仲點左唔少菜式，有辣有唔辣難得係成間餐廳無人趕人快d 食快d 走，又不停添茶添水，埋單每人唔洗$200, 抵食啦

晚餐試下特式中菜，的確唔錯，有創意又保留味道！黑金流沙，上面的金粉拍照好靚，而奶黃餅餡超級流質，正！松靈香菇好似冬菇其實係包，好逼真又軟軟！前菜三拼分別點了芒果沙律，醉雞和醉蝦。醉雞醉蝦都好惹味，酒香帶少少麻辣，又爽口，正！乳鴿5月優惠超平，香口又惹味！每人一隻手套方便用手食。燉湯不過不失。火焰菠蘿上菜時好有氣勢，內裡是菠蘿青椒炆牛腩，入味又夠淋，唔錯！金菇翠苗原來金菇炸過，和翠苗一起入口配合很好，有驚喜！環境裝修唔錯，係較多座位較逼，人聲較嘈，不過可接受。服務員態度不錯！

wasn't planning to eat Chinese but saw this place packed with people on Mon night so gave it a try. Good food at decent price. We got there around 8pm so can still do happy hour drinks (half price).. only slight problem is they close by 1030pm so can't really order too much drinks if not enough people. food quality is very good, rare one I have had for a while with decent portions at reasonable price. Didn't order a lot of dim sum as we want to try main dishes. All good and would go back again!

今日放假，跟細妹約好食依間特別的酒樓餐廳、未試過便好奇來到，可能下午時段2點，中環分店不算多人所以很快有座位。 比較突別有梳化坐、環境舒適。 之學下單過程十分鐘到大概，食物就來到，覺得上菜很快因為點了很多野食。黑金流沙包最好食⋯⋯最抵食就是乳鴿一隻$25條魚都5錯去埋骨。不過忘記了名字$199條魚！。閒談一流⋯⋯環境優美。可能員工比較多所以上菜比較快，不用等好耐。皮旦也是值得推介的。 還有現在夏天的天氣在街外難找幼苗食，這裡也有味道相當不錯。

第一次食唐宮小聚係中環分店，之後又係尖沙咀分店食過。今次同朋友話想食中餐，再去中環分店。真心，無得輸，好正來到當然要食最出名既乳鴿。最鐘意佢地既細心服務，比手套同骨桶，方便清潔、整理。前棻有酒呈醉雞、青芥木耳同貢菜海蜇。醉雞不過不失，青芥木耳辣度適中，一食就停唔到。貢菜海蜇就一般，海蜇未算好爽口。另外叫左荷花蒸飯，飯好香，材料勁多，有蝦、雞丁、鹹蛋等，好好味 最後叫埋甜品陳皮燉梨，熱辣辣，唔太甜，正!

呢間野已經成日同屋企人黎飲寫食評就真係第一次主要係因為佢地今次既菜式真係幾搞鬼近派長洲搶包山佢地又出左個小包山我以為係成個小包山咁啦 一定食都食唔哂好彩就黎左5個 型英帥靚正 哈哈 相機食先我要左個正 入面就普通青豆蓉黎 唔會話太甜幾好我都麻麻地D包整得太甜純粹黎SHARE下個包 因為宜家唔知仲有無得食喇~其他菜都係平時咁既水準啦 不過不失 星期日都成日同屋企黎點心方面我會最推薦黑金流沙!有興趣可以望望

媽咪一直也很想試這間的點心，今天放假難得有空，當然要陪她試試吧。坐下時還以為碗上有污穢野，原來只係碗上印有螞蟻圖案，十分有趣！望下menu其實價錢都幾貴，不過媽咪想試就要試架啦～脆蝦多士好好食，炸得好脆，脆得來又不會有油淋淋既感覺。但$79只有三件就太不值了。我每次吃點心也必會點流沙包的，今天也不例外，點的是黑金流沙。鬆軟的黑竹炭包，上面印上金色條紋，咬下流出金黃色的奶皇，流沙效果一流。我和媽咪也十分滿意。肉鬆抓餅有兩大舊，抓餅煎得不錯，很脆口但有點油膩。肉鬆混了青蔥，咬下去感覺很特別。抹茶啤梨究是什麼東東？ 英文寫 "cream soup stuffed dumplings"，吃下口感像咸水角，但毫無抹茶味。上面黑色的那支是朱古力pocky，裡內竟是忌廉火腿！又鹹又甜很鬼馬很有趣但不好吃。墨汁蝦餃的蝦很大粒爽口，可惜皮太厚了。我已開始飽，結果只吃了裡面的蝦，皮真的吞不下了。總結來說點心外表很吸引，適合拍照呃like，但味道普通，價錢也偏貴，所以也沒有回頭的打算。

舒服小聚閒聊一流！Book7點鐘枱，好準時到左，仲有好多位剩，環境好優雅，坐得好舒服。我地呢三個好朋友一見面就由小學中學啲野都拎返出黎講，停唔完，侍應都幫我地加左4次茶！(幾好服務，每次差唔多飲哂就過黎refill) 但唯一一樣野唔好，係上菜上得太快！嗌完唔洗3分鐘就黎左個飯，過多幾分鐘，所有野食黎哂，食唔切啲野。我地嗌左7樣野食，其中有3樣係要必嗌✨！！好香，眼見而個珍珠雞咁，但估唔到份量都夠我地3個食仲要有剩！我地傾計傾到唔記得食佢，搞到凍哂！但係估唔到凍左都咁好味！第一嗒好香松露味，但食食下會有啲漏。不過佢嘅賣相真係好似一粒菇，所以點都要嗌下影相呃like哈哈！我地仲嗌左無咁簡單($109)、擔擔麵($49)、金菇翠苗 ($79)、黑白兩凍($39)，其實味道都唔差，都okay!佢係一個辣子雞，唔太辣，辣椒多過雞；而隔黎有2個扮蛋黃嘅芒果漿，一般般，唔甜有啲淡，呢個可嗌不嗌！已經預先問左侍應係咪菜苗，佢話係。點知黎到有啲出入，不過配埋炸洋蔥食嘅個翠苗都唔錯嘅！擔擔麵 ($49)幾抵食，味道唔差，性價比高，價錢同份量都ok！(4/5分)黑白兩凍($39)榴槤、開心果奶凍，唔太甜幾好

今日5個人一齊食晏，唔搵間可以訂位嘅餐廳實在搞唔掂，記得老公講過唐宮小聚啲點心精緻又好味，而且坐得舒服，咁就一於試吓啦。L Place有好幾間餐廳，所以等lift上黎都要D時間。到達餐廳，發現呢度真係好光猛，好開揚，有一種精神為之一振嘅感覺！呢度仲有一個open kitchen，睇住啲點心新鮮蒸完就拎出黎。侍應安排我哋坐係乒乓波枱嘅其中一邊開餐，感覺有少少古怪，因為對正乒乓波枱對面嘅人食飯，而且張枱好大，傾計有少少難度睇吓點心紙，發現價錢都比較進取，不過一場黎到就乜都試吓啦。我哋叫咗九款點心，有d仲要為咗人人有份叫左兩籠，食到勁飽！講番啲食物，呢個松露香菇的確係必食推介，外形可愛，入面係好香嘅松露同埋菇粒，感覺健康又好味我一向鍾意食煎炸野，呢個蝦多士我勁鍾意！蝦多士香脆但唔會覺得好油膩，而且面頭隻蝦又爽口又大隻，仲有少少松露醬點綴一下，呢個點心無論口感同埋味道都非常豐富我覺得唐宮小聚都幾鍾意用松露入饌，連蝦餃入面都加左松露！墨汁蝦餃唔係幾食到墨汁味，不過黑蚊蚊一舊咁又幾搞笑囉！咬開見到入面都有好多蝦肉，真材實料，唔錯唔錯！然後，呢個蝦煎腸粉又係好值得食嘅，腸粉顔色均勻，唔會一啲咸一啲淡

早前同老婆晌功德林食過款香菇包，佢當然好鍾意啦，所以，最近搞有個小局歡聚一堂，就刻意揀咗中環主打摩登中菜嘅「唐宮小聚」，一來試試佢啲特色創意點心，二來佢款香菇包做得有水準，帶老婆嚟試吓，三來可以儲吓飛行里數，雖然一餐飯儲得唔多，但儲得一里得一里嘛。因為坐爆全場，啲枱櫈又拍得幾密，還好嘅喺餐廳嘅樓底頗高，未至於感覺太侷促。而座椅採用淺色木系，餐枱用上淺灰雲石面，加上一室湖水藍襯白，摩登得嚟有種年輕感。再者，半開放式廚房，睇見蒸汽不斷催升，點心不斷出籠，就更期待啲點心出品。無諗過星期一晚都咁旺，幸而被安排最入嘅角落4人位，騷擾度相對低，而且，一邊喺梳化椅，讓人坐得更舒服。朋友一坐低就話啲碗好污糟，哈哈哈，碗底嘅烏蠅喺假嘅，只喺畫上去，但就非常搞嘢。食物嘅種類、款式就全部印晒晌點菜紙之上，細心研究，佢哋改名都花咗唔少心思，好似種類方面，除必食之選及小聚拼盤外，分類為小潤、小點、小炒、小菜、飯麵、小甜，全部都喺得兩個字；而菜式名稱則全部都改為四個字，其實，一啲都唔容易，勁呀！另外兩張細啲嘅黃紙，喺飲品餐牌，非一般酒樓嘅選擇，如清優花茶、本地手工啤、紅白餐酒、有氣葡萄酒……等等。順帶一提，茶芥$