唐包點 (港鐵屯門站)

营业中

休息中

來到屯門見工，趕著買早餐，呢間包店的包裝真的有驚喜呢！ 以為一搬蒸包入膠袋，佢係一個個紙包好， 好似m記咁。原來而家中式包都咁有包裝。香芋包$7: 熱辣辣，芋頭蓉好味，包都好軟熟

今日買左兩個糯米雞，一個打開蓋已經聞到叔叔地，打開荷葉試左兩啖，真係有d 酸，想上網搵電話反應比佢地聽，叫佢地留意返，點知無電話。琴日先食完又無事，始終天氣熱容易變壞，希望唔係今朝蒸左賣到而家所以變叔，其實屯門西鐵站有呢間舖都幾好，早上可以買包返工，返學，希望唐包點改善下。

21/08/2017 14:30經過買左個香芋包食下張相睇落係好紫 啲餡都係紫色但實物就係普通芋頭既顏色食個陣個包已經唔熱個餡就微溫啦包比較硬身少少同埋乾身冇味既而個餡食到有芋頭既味唔係香芋個啲假甜味好似有食一粒芋頭粒咁其他都係芋頭蓉唔甜 甜度好微 所以呢方面唔錯呀Size唔係話好大個既 但都okay la👌🏻👌🏻👌🏻而個餡都叫做okay多既夠食個包啦Overall都唔錯既口痕之選

早餐日日都係食麥皮，今日悶悶地走去買個包食下，呢間唐包點新開無耐，都幾多人喎。菜肉包（$7）唐包點嘅包已預先包好，唔係唐記咁叫先袋落個膠袋度，感覺衛生啲。而且個包係蒸爐拎出黎，上手熱辣辣㗎，冬天食一定勁正。Size都有手掌心咁大，包軟綿綿，手感唔錯。內餡都算多，菜肉比例各佔一半，每一口都食到肉同菜，但個餡其實無乜味，唔鹹唔淡，無肉汁亦唔鮮，只係好一般，機械式作業都唔期望太高。仲有最可惜係港鐵唔可以食野，熱辣辣買個包，要到落車先可以食，已經凍左，紙包裝上的貼紙唔知可唔可以入微波爐呢？

星期六收工，一心想試下新開的唐包點（初時只睇到個“唐”字，後來先知果兩個字是“包點”）。店面一看，食物選擇果然同某包點店一樣，雖然兩點，但小弟當午餐食，叫了糯米雞同鳳爪加黑芝麻豆漿（唐記包點）。膠盒包裝，方便外賣，但有唔少倒汗水。鳳爪同糯米雞都份量充足，鳳爪味道唔錯，但糯米雞就比較淡味（雖然色水幾好），糯米雞算足料，有：雞肉兩片，四分一粒咸蛋黃，一隻半冬菇，一片叉燒，筍片，肉碎，如果味道再濃點就好。如果。。。如果是“唐包點”就好。價錢適中，份量足，因為食物全是焗爐中，很快就可以拿走，無須久等。