唐包點 (港鐵屯門站)

营业中

休息中

有時一個人想不到吃什麼好, 唐包點就是我的好朋友, 最近都常光顧, 貪其快靚正, 又抵食, 打工仔恩物。不過有時放工比較晚, 就發現好多食物賣光, 那証明食物都新鮮製造, 只能說手快有手慢無啦。早上比較齊貨, 想吃的話早上來比較好, 但就可能要排隊。次次都食鳳爪排骨, 這次試試北菇雞飯, 北菇煮得夠軟, 入味, 雞肉亦很嫩滑, 是有挑選過的部位, 飯量十分多, 夠飽, 可自行添加蒸飯豉油, 風味一流。糯米雞是我的心水選擇, 三十元不到, 十分大隻, 我一餐吃不完, 有時早餐想買它, 也售光, 很受歡迎。它的汁料濃厚, 有雞有冬菇有碎肉, 單吃也不覺悶。但我喜歡拌點心一起吃, 因為我比較貪心, 這次選了牛肉球, 牛肉很鬆軟, 有很多粒粒馬蹄口感, 很對味。我通常會自己煮點菜, 來配搭, 比較均衡, 如果唐包點遲些可有菜賣就更好了。也喜歡喝這香滑奶茶, 奶和茶的比例剛好, 又真夠香滑, 樽也很可愛,喝完了可以重用呢。

High Tea 食咩好？ 我即刻諗起 食 點 心 ! 二話不說去咗附近唐包點叫點心。😍一個人叫左四樣野，好似真係有啲過份。。不過我唔理，食埋先講!😂我叫咗豉椒鳳爪，燒賣同埋一個秘製豬軟骨飯。先講兩個點心，燒賣同鳳爪。一如既往，唐包點嘅點心都有水準。 好啱我口味! 😂👍材料豐富，而價錢相當合理! 懶懶地想食點心就會想食唐包點。今次試咗唐包點嘅秘製豬軟骨飯， 豬軟骨厚得黎， 超 級 淋 ! 大啖大啖肉，好入味好正。份量又夠多，食晒d豬軟骨，食唔晒d飯! 😍😂

行過屯門西鐵站想食個快飯，見到唐包點就啱曬啦!聽過朋友話唐包點啲飯都唔錯，今次就有機會試一試。整返熱食香噴噴，發現原來魚香茄子ge份量都幾多。。😍 差唔多滿每一個大碗!以為蒸飯會淡茂茂，個餸都唔會好重味。點知呢個魚香茄子飯出乎意料的好食!😂份量多之餘又好夠味，好啱送飯。醬汁夠多，同時又唔會太油，感覺比較健康。😂👍重點係 茄子唔係溶溶爛爛ga😍 茄子都幾多下，正😋總結： 平平哋有個份量多，又好味ge飯都唔錯 ，下次可以試下唐包點其他有汁飯。

又想吃包了.1)- 蕃薯包- 香芋包買來做早餐稍稍蒸一下會可以吃了熱騰騰 而且很軟熟內面甜甜的蕃薯餡比香芋餡乾身但兩者味道都不錯.2)- 麥皮饅頭比較清淡但個人也很喜歡饅頭本身那微微的甜味- 章魚肉餅飯肉餅鋪滿了飯面味道還頗鹹的但伴著飯一起吃就剛剛好了- 燒賣上次吃過覺得好好吃這次也跟蒸飯點了一份每粒上面也有一隻大大的蝦份量十足.3)- 奶茶很香滑的如果能再大枝點便更好了- 黑芝麻豆漿有加了糖的但味道不算太甜早餐吃完包再喝杯豆漿十分滿足

今日放工係屯門站見到唐包點有新出特式客飯😍所以今日晚餐就試一試下先😋😋再加少許點心👍燒賣-$17每一粒燒賣都充滿肉汁上面都有一隻蝦，蝦上面再有粒紅蘿白。賣相及味道都好好😋雞扎-$18有厚厚既腐皮包住大大嚿芋頭芋頭好粉嫩，再有大大嚿雞件，魚肚吸滿左汁及豬肚好淋身。👍👍😋牛肉球-$17彈牙多汁加上有少少馬蹄口感好好😋秘製豬軟骨飯-$29貼心地分開飯同餸。豬軟骨很淋身連軟骨既地方都很淋很容易就可以咬開😋😋有幾舊薯仔真抵食及好味。😋👍

今日經過西鐵站發現原來依一間既唐記同我平時係葵芳既唔同, 仲有糖水添! 我就即管試下有咩特別啦, 依一間飯係多好多選擇, 魚香茄子呀, 豬軟骨飯！我今日簡左砵仔膏, 兩個糖水做宵夜, 仲買埋凍包做第日早餐添, 最後仲少不免香港製造既黑豆腐！砵仔膏超級多紅豆, 不過我自己好怪我鐘意無豆既, 如果佢埋無豆同白色砵仔䯧就好啦！糖水份量剛好, 唔會太甜, 有大量我最愛既蕃薯.第二朝我蒸返熱個包做早餐, 入面d肉都冇雪味, 依舊juicy 題外話: 姐姐提醒食用期只限兩天架咋！

返工放工都會經過西鐵站嘅唐包點，所以經常幫襯。雖然係同一個集團，但我鍾意唐包點多過唐記包點，因為呢間嘅包裝乾淨衛生d。今次再食我先生鍾意嘅咖喱雞飯，咖喱味好香濃，我最鍾意食佢嘅薯仔，可惜只得兩舊。如果有多幾舊就更好。鳳爪排骨飯都係我先生最愛，佢鍾意食鳳爪，我就食排骨，加埋豉油落蒸飯味道剛剛好。唐包點有蒸飯點心餐，兩樣加埋只係$34，所以我每次都會叫一個蒸飯同埋一個點心，兩樣一齊叫抵啲。雞札係我每次必食之選，芋頭同埋雞大件又飽肚。我老公最鍾意鍾意食香菇雞肉包，貪佢無咩肥肉，唔會太油膩。我就通常食菜肉包，有菜有肉健康啲均衡啲。蓮蓉包同埋豆沙包好多餡，完全無偷工減料，份量非常足。不得不讚每一個包都獨立用紙包住，乾淨又衛生。

呢幾日屋企人去晒旅行，自己一個孤獨食，但呢排心情麻麻，又唔想岀街食，唐包點都係一個好選擇，可以比我自閉一下。黎到屯門站，好，睇下有咩好食先。買完外賣番到屋企，開餐啦。秘製豬軟骨飯，有三件大豬軟骨，味道都唔錯，唔會太咸，夠入味，仲有幾件南瓜，飯底都足夠。燒賣咬落啖啖肉，幾好。足料糯米雞，果然係熱賣，大隻又足料，有咸蛋，瘦肉，冬菇，仲有隻雞翼，正！食唐記，點可以唔食包點，包點軟熟，餡料充足，依然做到水準！

屯門站唐包點～之前喺美孚站唐包點都有食過佢地嘅咖喱雞飯同埋豬軟骨飯，感覺都唔錯。今次就買魚香茄子飯。茄子份量都幾多，煮得夠腍。特別欣賞佢哋嘅飯唔會過腍過水，因為我好怕食軟飯🤣排骨飯排骨份量足夠，有喺酒樓食嘅感覺。.鮮竹卷同燒賣我會鐘意鮮竹卷多啲，燒賣肉質有啲鬆散，可能因為蒸得太耐，畢竟唐包點嘅飯同點心係一直保溫住嘅。香菇雞包同奶皇包就一如既往地唔錯，個包大大個，價錢唔貴，餡料夠多，麵包鬆軟。另外又買咗支奶茶，已經係第二次飲佢哋奶茶啦，樽裝奶茶嚟講真係算唔錯，佢地嘅茶味同奶味我都收貨。

因為我住嘅地方無食肆，所以我放工經過屯門站通常都會去唐包點買早午晚餐。其實佢哋啲點心包同埋蒸飯都好抵，我通常用$120-130就已經可以買到兩個人嘅早餐、晚餐和午餐。今時今日以呢個價錢係好難做到㗎，但唐包點呢就得啦。我通常會買兩個蒸飯、三個點心和四個包。咁就夠食㗎啦！不過因為今次我放假唔使帶翌日午餐，所以我只買咗一個鳳爪排骨飯加雞扎，咖喱雞飯和四個包。每次都會買點心蒸飯套餐，一個蒸飯和一個點心都係$34，真係抵到爛！鳳爪排骨飯都好大個，佢會另外比包豉油你，好細心。雞扎都好味，我最鍾意食佢入邊個芋頭，蒸到到好粉好淋。因為無得加配點心，所以咖喱雞飯第一次食。佢似港式咖喱嘅味道，有少少辣，不過都幾惹味，雞都多肉，薯仔好入味，不過得兩舊，如果多啲薯仔就好啦。呢個咖喱雞飯好食，值得encore。奶皇包、蓮蓉包、菜肉包、香菇雞肉包$7.5/個我每次都係點呢四個包，因為佢地大大個食得飽，而且各有抵食同埋好味之處。我不嬲都鍾意食奶皇包，如果佢有流心奶黃包就更加好。蓮蓉包嗰啲白蓮蓉好好味，白蓮蓉好滑，似酒樓嘅蓮蓉包，如果有埋咸蛋黃就更加正啦。菜肉包，我貪佢有菜有肉，感覺營養營養均衡啲。我先生最鍾意食香菇

今日收工坐地鐵，經過糖記，一睇到，就已經諗起佢嘅糯米雞，呀仔最鍾意食，梗係即刻買返隻俾佢食下啦，我返到屋企，他已經急不及待，咁樣拆開，好乾淨，有個盒裝住，食落又方便，裏面嘅材料好多架，而且有一大隻雞翼，仲有好多肉碎，大大隻，真係見到佢食得咁開心，我啲口水都流晒出嚟啊。至於我自己就最鍾意食佢嘅香芋包，因為纖維比較多，啱晒我依啲瘦身人士，紫色嘅包皮，裏面包着滿滿嘅香芋，真係啱晒我呢一個香芋控啊，啲包新鮮熱辣又鬆軟，食落充滿滋味呀。

有時返工匆匆忙忙，無時間係餐廳嘆個大早餐，係唐包點買個蒸包食。唐包點除左有唔同款既蒸包之外，仲有點心，例如燒賣、鮮竹卷、牛肉等等。。。。。通常我都喜歡買菜肉包，熱辣辣幾好味，而家佢地個包裝好似快餐店咁，但本人覺得有少少包裝過度，有少少浪費，不過咁樣又真係方便食既。仲買左個砵仔糕下午茶食，而家好食既砵仔糕真係買少見少，呢度既都算煙un, 都幾好味。返工時間雖然都多人排隊買早餐，但都好快手，唔駛等好耐。

唐記果然係健康人仕嘅因物，今日收工，經過地鐵站，阿女話想食包喎。一於買返幾個包俾佢嘆下啦。叉燒包，用料十分之多，而且又香又甜，阿女食到停唔到口，包皮又軟熟，顏色吸引，而且又乾淨，返到屋企仲熱辣辣㗎。至於奶皇包，係我哋童年嘅回憶，每個小朋友都好鍾意食奶皇包架，裏面嘅顏色是黃色，吉士味好重，香軟又滑，又唔會太甜，果然夠晒健康。香芋包，係健康人士之選，顏色吸引，而且纖維夠多，濃濃嘅香芋味，啱晒我呢個減肥嘅人士啦。

去完外國旅行，掛住香港的點心，又要整理行李，所以速食點心。燒賣：大大粒燒賣，真材實料，表面已經見到有原隻蝦肉，咬下入面仲有小蝦肉粒，豬肉唔會蒸得過硬。雞扎：爸爸的大愛，兩大卷，有雞肉，竹苼，而我只愛外面的腐皮，薄而滑。梅菜肉餅飯：係我最愛的甜梅菜，配上鹹度恰當的肉餅，加上甜豉油，撈飯一流。鳳爪排骨飯：係經典的蒸飯，鳳爪有點小隻，略油，排骨量適中，而且唔靭，唔多碎骨，食排骨最怕就係一啖飯有好多碎骨痴住。秘製豬軟骨飯：豬軟骨炆得好軟，軟骨好似啫喱咁，肉質又不會過老。整體食物質素中上，想快速食個中式點心，但又唔想排隊飲茶，這是一個好選擇。

午飯時間，到屯門西鐵唐包點打包回Office吃。魚香茄子飯$29:飯和餸分開裝，所以飯粒還是粒粒分明，不會將飯和汁痴在一起，口感味道依然﹗茄子有六、七塊，好有份量，醬汁有肉碎，可以方便拌飯﹗燒賣$17:上面有蝦粒仔，肉質彈牙﹗豉椒鳳爪$17:鳳爪好入味，好易咬，輕易做出骨肉分離﹗海鹽柚子蜜$9:柚子蜜咸中帶甜，可以潤喉~黑芝麻豆漿$9:黑豆味香濃，重點是黑豆夠晒健康~奶茶$12:最愛還是喝樽裝奶茶，飲完好有精神，可以有力氣繼續工作﹗饅頭$5:好抵食，仲好健康~唐包點都幾多人幫襯，價錢親民，好受歡迎﹗吃完滿足一餐，就可以有力氣繼續工作﹗