唇茶 (葵涌廣場) (已結業)

#葵芳 #唇茶 終於俾我搵到唇茶入面比較甜嘅野飲😏 #黑貴婦 野飲加埋黑糖就啱啱好🤤#桂花 味都有嘅，同埋仲有少少渣#普洱 無搶咗佢嘅味😋 仲有#桃膠 養生美顏，又有口感，正👍味道: 8/10味精: 0/10價錢: 6/10環境: 6/10服務: 7/10

呢間茶飲店主打健康手調茶，所有飲品都可以配有桃膠，仲有多桃膠呢個選項。感覺成個營養價值都提高咗，飲肥仔水之餘都可以養顏。月滿花香 $32 (L)呢款手調茶係人氣之選，由桂花、玫瑰、茉莉及烏龍製造而成。對照返個卡路里表，呢杯飲品只係95kcal，罪惡感即刻降低咗唔少。我就揀咗要少糖少冰，甜度啱啱好，飲落茶味都好香。配料就可以揀係桃膠、亞麻籽或手工啫哩。而桃膠仲可以揀原味或黑糖，俾嘅分量好多，食落好有咬口，而且飽腹感都好強。

食完麵，見有少少口喝，就去咗買嘢飲。唇茶依個名聽就聽咗好多次😲，不過未飲過，就一於買佢啦🤤！唇茶👄標榜住100%真材實料，而且每一杯飲品都配有桃膠。-🍴A7 荔枝紅茶🥤(L)(無糖)(去冰)($26) - 真係真材實料，雖然已經無糖，但係仍然飲到好濃嘅荔枝味同埋紅茶味💛，附有嘅桃膠一啲都唔少，好似唔駛錢咁🤩！桃膠食落甜甜地，所以即使茶飲無糖都OK👍🏻。不過大杯真係實在太飽，飲完之後令到我食唔落其他嘢🙈。-🍴B7 蘋果有莉🍎🥤(M)($32) - 朋友嘅飲品以及推介之一🤣，包括咗有蘋果乾、茉莉、香片

第一次飲系桃膠為手搖飲品配料的茶飲感覺非常新鮮且驚喜搭配我飲呢杯係熱門新品之一 白雪熏飛以烏龍茶為茶底，加了白桃同薰衣草的香味，整個搭配真係齒留香好醒神！再加上軟QQ又不太甜的桃膠，口感一流

香港桃膠茶飲專門店 @teaonlyhk🗣身邊朋友都話呢間手調茶好飲，系新都會食完飯，過葵涌廣場買杯養生茶試下先。我揀左人氣飲品：🌙月滿花香💰💲28係用左玫瑰🌹、桂花同茉莉三種花再搭配烏龍茶調製而成。花香味突出但唔會蓋過烏龍茶既茶香，兩者互相平衡，味道清香淡雅，清甜而不膩。以桃膠代替珍珠，口感軟彈，健康滋潤。😶成日飲珍珠奶茶🧋冇營養價值。呢間茶飲店真係個唔錯既選擇🤣🤣🤣，會再encore。

行行下街想買杯嘢飲，諗起呢度有間唇茶，同一般茶飲店唔同，佢唔係賣珍珠奶茶、黑糖鮮奶、奶蓋果類野飲，而係主打健康既茶飲，全部茶飲都有加桃膠🤩好特別同埋感覺好健康。1⃣️月滿花香（$28）呢杯茶係用左桂花、玫瑰、茉莉同埋烏龍既，加埋佢既招牌桃膠😍本身諗住桃膠好似好健康咁，通常健康既嘢都唔好味😂但係呢個真係估唔到，幾好味wor😯茶味飲落好清甜完全冇罪惡感。桃膠份量好足，食落有少少咬口，煙煙韌韌咁，唔會好甜，過到口癮得黎感覺好健康🤤好想再黎試埋佢其他味既野飲。 

葵廣掃街系列葵廣買台灣茶首選！一來係黃店💛二來桃膠夠健康～～今次買咗黃到金蕎麥茶🥤膠杯夠透明，桃膠就咁睇都見到好多，真係啖啖都有桃膠。點解話桃膠健康？因為桃膠高纖嘅特性，有助排便，間接仲可以達到排毒、美顏作用。女仔多食有益😌！

同朋友仔去買外賣番去食。終於去到葵廣頂樓發現呢家飲品舖。呢間飲品舖頭杯杯飲品名都好特別。大家有興趣可以仔細睇下個menu。有成份睇番嫁。由於本人養生嘅理由，我最後揀咗杯紅葉開花。杯飲品由玫瑰、山楂、洛神花、荔枝紅茶整製而成，酸酸甜甜。益胃又安神，女性仲好岩飲！飲品都係有2個尺寸揀，今次都係叫咗杯s size。意外地杯飲品多桃膠份量特別多！個口感好似食緊雪耳！好得意而且仲飲到好飽肚！下次要試吓其他飲品先！

行行下葵廣口渴但唔係好想飲有奶或者珍珠嘅野飲 行行下見到唇茶就決定試一下 💋白雪薰飛 $28 🍑Menu介紹入面有白桃、薰衣草、烏龍配桃膠飲落去白桃味好突出 味道唔會係假嘅桃味無俾烏龍茶蓋過 入面都幾多桃膠 有咬口幾過癮而且份量都唔少 感覺好養顏💆🏻‍♀️但薰衣草香味就好微唔想飲太甜我叫左少甜 整體感覺有啲似飲緊微甜嘅茶味中式糖水😂健康得黎又清新

【唇茶】@teaonlyhk📍葵涌葵富路7-11號葵涌廣場3樓TOP世界3069-T19-T20號舖⏰ 星期一至日 11:30 - 22:30🥤紅葉開花 $32本身想叫微糖，但店員好好咁提醒話會偏酸，所以叫左少冰少甜🤏呢杯有玫瑰、山楂、洛神花、荔枝紅茶、桃膠因為係少甜，所以佢山楂酸味同洛神花茶味有啲出，但但又唔會太酸👍🏻而且佢都幾多桃膠😳 飲到最底都仲有慢慢啜🤤飲完呢杯，即刻覺得健康左，減左脂😂(🔥怒飲指數：8.5/10)

六月飛霜 $34上次講等八爪魚小丸子🍡時，去買嘢飲，究竟買咗咩嘢飲呢？就係唇茶啦😊叫咗杯六月飛霜，有雪梨乾、無花果乾、南棗、南北杏同有勁多桃膠，超多超潤嘅材料，你打開個蓋真係可以食埋大大塊雪梨🍐無花果同桃膠，啱晒冬天潤一潤同鍾意養生嘅朋友仔，特別係女仔添😛甜度方面叫咗少甜，佢哋話每杯飲品都唔用糖水同糖漿㗎，所以唔會太甜👍🏻呢杯茶係用壽眉做茶底，話佢係飲品，但我覺得佢更加似一個方便版嘅養生糖水🤣

平日1:30pm左右嚟到支持冇人排隊由於店舖喺葵廣三樓美食廣場屈咗入去，要搵一搵餐牌的茶名好得意，改得好有心思同特別店舖主打養生桃膠點餐飲可選桃膠，奇亞籽或手工啫喱我點了桃膠啦，店舖名物喎今日天氣都幾凍雖然佢有常溫，但我點了熱飲熱飲得one size紙杯幾靚黃到金蕎麥茶，熱（one size)，無糖，黑糖桃膠，$26攞上手，少少失望，唔熱，同常溫冇分別點常溫都係$24不過佢勁多桃膠不但止每啖都啜到桃膠飲完茶仲有3-4大啖桃膠空口食超正桃膠有少少黑糖味，唔甜感覺飲完唔罪惡

«1109»最代表到香港嘅健康茶飲🤎🧡﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣台灣有珍珠奶茶，香港都有桃膠純茶，由得旺中一間飲到葵廣開咗第三間！主打養顏桃膠+唔同茶底嘅配搭，加埋啲養生煲湯材料，成功將手搖茶飲crossover糖水再crossover埋湯水🤣▷六月飛霜 $30（雪梨乾 無花果 南北杏 南棗 壽尾）🍂跟住人氣之選嗌就冇錯！飲落幾清甜，唔知係咪加咗南北杏嘅關係，真係有幾分似飲緊湯☺️ 雪梨同無花果都好滋潤，特別啱而家轉季咁乾燥嘅天氣飲～▶黑貴婦 $32（黑糖 桂花 普洱）🍂黑糖嘅味道較突出，桂花同普洱都被搶過了，比較上面嗰款會多層次啲。不過就算係黑糖飲，加咗桃膠我都覺得佢零舍健康～而且啲桃膠都幾多下，好似啜勁耐都未食晒咁，飲完會飽肚😙﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣唇茶旺角彌敦道688號旺角中心2樓SB06號舖尖沙咀堪富利士道8A地舖葵涌葵富路7-11號葵涌廣場3樓TOP世界3069-T19-T20號舖

荃葵食到篤👅 — Top 天地掃街必食⭐️ 唇茶☕️承接住上一個post💁🏻‍♂️ 順便都想介紹吓位於Zeppelin hotdog 對面嘅呢一間飲品舖 — 唇茶👅 其實呢一間連鎖飲品舖旺角尖沙咀都有🤭 恕小編我見識少 近排先第一次飲但係就已經飲上癮🤩美味指數 😋: ⭐️⭐️⭐️⭐️翻兜指數 💫: ⭐️⭐️⭐️⭐️⭐️(五粒星為滿分💯)✨自己柚 $32買完熱狗等緊嘅時候不妨過對面嘅呢一間飲品店度買杯嘢飲😎👍🏻 試過其他 例如陳皮妹妹 (C3) 但都覺得最好飲都係呢一杯自己柚 (C1) 佢飲落去嘅感覺酸酸甜甜 係利賓納味嘅梳打咁樣🤤 飲落仲會有啲柚子粒粒 小編就已經飲上癮啦大家不妨可以去試吓😌

今日食完午餐後，我同男朋友去左葵廣行陣，我地經過見到唇茶都幾多人排隊買，於是我地又跟風排隊買埋一份，點知就俾我地發掘到一間健康又好味既茶飲店。我地叫左一杯白雪薰飛微甜（白桃、薰衣草，烏龍茶）share飲。平時我地會飲台式既珍珠奶茶，原本以為會飲唔慣呢間咁正氣既茶，但係出到黎既味道係意想不到既好，一飲落去首先有桃味，然後有薰衣草味，最後有茶既甘味。同埋杯野飲入面係有桃膠，數量仲要唔小，對貪靚既女生黎講係一個好選擇。