哦吧OPPA & POCHA

营业中

休息中

最近天氣好凍，想食d熱辣辣嘅野，咁啱附近開左間韓國野，一於去食下。一入去坐低就上左成六七樣餐前小食。跟住就開始上其它野。燒韓式濟州豬腩肉係一道令人垂涎嘅美食。肉質鮮嫩多汁，入口即溶。燒制時，肉質表面經過炭火燒烤，獲得香氣四溢嘅炭燒風味。搭配韓國辣醬同生菜包裹，口感豐富多樣。呢道菜品帶嚟滿足感，絕對係鍾意韓國料理嘅人唔能錯過嘅美味佳餚！燒韓豚調味豚排骨係一道喺韓國料理度非常受歡迎嘅菜式。呢道菜以豚排骨為主要食材，經過特別嘅調味同燒烤製作而成。豚排骨嘅外皮烤至金黃酥脆，內部仲保持住豬肉嘅鮮嫩多汁。大醬湯係一道充滿豐富滋味嘅韓國湯品。湯底以醬豉為基礎，帶有濃郁嘅醬汁味道，配上豐富嘅蔬菜同蟹，味道鮮美。湯裡的配料保持了口感的新鮮脆嫩，加上湯底的濃郁，令人回味無窮。這道湯品既溫暖又開胃，非常適合作為一餐的開胃菜。推薦喜歡韓國料理的朋友一試！鮑魚石鍋雜錦飯。係一道非常少見嘅菜品，平時都係搭配牛肉或者豬肉，呢道菜品結合咗新鮮嘅鮑魚同各種豐富嘅雜錦飯料。首先，鮑魚嘅肉質鮮嫩，口感豐富，散發出濃郁嘅海鮮香氣。其次，雜錦飯料包括蔬菜、蛋同肉類等多種食材，每一口都可以感受到唔同嘅口感同味道。最重要嘅係，整道

係元朗住左咁多年，有新餐廳開無理由唔去試下今日黎到呢間「哦吧」韓國餐廳，唔入唔知道，一入嚇一跳！估唔到呢間餐廳上至老闆娘下至服務員都係韓國人，就連食材、廚具餐具都係韓國貨，唔講真係以為去左韓國呢到主打燒烤，亦有classic既泡菜餅、韓式炸雞叫完野食即刻上前菜，足足有六碟咁多，係等野食燒緊既時候可以滿足下口癮先戰斧豬扒勁大塊勁厚身，肥瘦勁分明，睇見都流晒口水而家最意想不到既係原來staff甚至係老闆娘會幫手燒，我地仲諗緊咁大舊會唔會燒到唔熟浪費左啲靚肉即係我地坐定定食就得！配菜仲有印左logo既秀珍菇同洋蔥，配上佢地自家製既醬料食一流！牛扒亦同樣大大件，燒緊既時候已經聞到勁香，食落好juicy酸酸甜甜，原來係用左雪梨去醃好特別人參雞湯，入面有原隻雞係到，而且好明顯花左好多時間去煲，第一次食到啲雞骨係入口即溶唔洗咬，朋友仲講笑話係咪骨質疏鬆湯似落好甘香，雞肉煲左咁耐都係咁嫩滑，不過有時骨頭太軟好容易就斷開晒食落有時都唔係咁方便韓國無糖有氣烏龍茶，第一次飲到有氣既茶，覺得好新奇，原來又幾好飲，有啲似可樂但係無咁甜最後想起身走人既時候老闆娘竟然送多個蜜瓜比我地食，好驚喜真係甜到入心！

元朗有一家正宗韓國菜，可以烤肉，還有吃韓國料理，今天下班就去嘗嘗。他的位置比較不在大街，不過從YOHO 商場出去就很近，差不多到附近的話就會有一個燈箱指示你餐廳的位置。我跟朋友兩個人安排的座位挺大，坐著也舒服，裡面的裝潢也很時尚，我的旁邊更有一隻可愛的豬豬。下單以後前菜就來了，一共有六種不同的前菜，分別是：韓國魚片糕，黑豆，翠玉瓜，蒜芯，韓國紫菜還有泡菜。我特別喜歡魚片糕，看著以為是腐皮，吃著的味道像魚丸，口感有嚼勁。蒜芯上面有一些蝦米，蝦米吃起來甜甜的。我們分別點了連骨五花腩肉和戰斧朱排，都是韓國直送的，非常新鮮。店長來幫我們烤肉，店長非常親切，一邊烤肉，一邊為我們介紹，還有聊天。在烤肉的途中，豬肉的香氣一邊飄出來，一邊滋滋作響，五花肉脂肪分布平均，燒得焦香脆口，色香味俱全。烤肉的鐵板上面，放有一個小架子，可以放已經烤好的肉在上面，既不會把烤肉越燒越乾，還能夠把肉保持溫度。圖中，小架子上面有一個小醬汁，店長介紹是韓國魚汁，可以沾著肉來吃，這個魚汁我還是第一次吃，味道挺特別的，好吃！然後店長說怕我們吃肉太膩，給我們拿了一點醃蘿蔔，說可以夾著肉片吃，大概是生菜包的概念吧？這個吃法我也是第

元朗好似近期開左唔少新既韓國餐廳，見呢間都幾近屋企，今晚晚餐就決定食呢到。天氣開始凍，今次叫左燒肉食下! 一開始先點左田濟洲島黑豚肉，同埋戰斧豬排。之後店員就開始上小菜，小菜都好多款，個人鐘意呢到既泡菜同炒魚乾仔! 原來呢到店員係會幫手燒肉，D肉熟左仲會好貼心咁提我地快D食，唔係就會乾身。黑豚肉好香，外面燒到少少焦脆，果然識燒既人唔會浪費左D靚肉!! 平時食燒肉都係配烤肉醬，今次呢間，佢地有款濟洲島魚汁，會放係爐上面keep住暖，有種咸鮮味道，但唔會腥。配埋肉食，可以減少肉既膩感，又幾特別。戰斧豬排真係好大塊!! 佢冇咁多肥肉位，肉質都幾juicy架! 之後仲加點左雞肉，佢本身有調味，所以唔洗點醬都好好食，雞肉燒完都好嫩! 食完燒肉就叫左個牛骨湯，入面既牛肉炆得好淋，一咬就離骨。湯底清甜，而且好足料，又有粉絲，又有金菇等等。食完真係大滿足!加分位 : 呢到既可樂仲會配埋雪凍左既杯，飲落更加透心涼。

元朗終於有正宗韓國餐廳，新開左一個月左右，入面好多位坐得好舒服，老闆娘非常之好客有禮貌👍🏻👍🏻😳好多醃菜，食曬職員仲主動加。海鮮煎餅$148 入面啲料勁豐富，有韭菜、蔥、帆立貝、花枝‧、蝦等等勁多海鮮。唔洗加醬已經好夠味，好食！薯仔排骨鍋$268 豬排骨湯好香濃，老板娘親自招呼，佢話加啲紫蘇粉就好香好正，飲落暖笠笠韓國湯真係好暖胃舒服，呢排天氣涼好正，老板娘話大部分材料都係來自韓國。啲排骨好大件好多肉，拆骨後都有好多肉，湯底有薯仔同菜，飲落微辣好暖胃。芝士雞蛋卷 $118滑溜溜嘅雞蛋卷😀入面包住拉絲芝士，係濃濃嘅蛋香再配芝士真係冇得輸，好大件基本上一件已好飽🤤

鹹醃魷魚($50) + Beef Spare Ribs牛排骨($278) + 帶骨五花肉($200) + 冷湯麵($98) (另加一）★－:+:－:+:－:+:－:+:－:+:－:+:－:+:－:+:—★​話說朋友住Yoho，話屋企對面新開咗間韓國菜，由韓國人主理，阿尼唷哈些喲gogogo✌🏻地方闊落好坐，抽煙效果掂，冇太大油煙；老闆娘和藹可親超nice🥰店員非常有禮貌，用心照顧食客需要；餐牌主打濟洲黑毛豬同韓國直送食材，基本炸雞醬油蟹部隊鍋人蔘雞湯海鮮煎餅石頭鍋飯大醬湯等當然齊；今晚燒肉叫份豬同牛各一，老闆娘一直幫忙剪幫忙燒，坐定定負責食就得😎將肉剪成方便一口食用嘅大小，熟度嫩度拿捏啱啱好，大讚！帶骨五花肉同牛排骨軟嫩又多汁，肉味非常濃，油香得嚟唔膩，高質，好好食😋肉質質素高，價格比一般韓國餐廳親民(唔好搵放題任食嚟比🫡)，開心✌🏻冷湯麵🍜蕎麥細麵黏度高，有勁道，湯頭微酸，睇Running Man啲明星成日食，燒肉後整碗冰涼吓係正嘅🧊鹹醃魷魚口感爽脆甜甜辣辣惹味🦑最後送上哈蜜瓜清清口氣👍🏻

不太起眼的新韓國餐廳踩單車經過就自己一個坐底食晚飯因為新開張，人流唔太多，可以慢慢食張枱大大張，啲座位勁闊落！老闆娘（？）好好招呼，親力親為，服務一流！餐廳有wifi，可以用QR code點餐我點咗個 「韓式豬血腸湯」一點完，已經有6味小菜係枱面一路食個血腸湯，撈極都仲有腸食 大滿足好足料又好食自己一個食唔落太多嘢下次搵埋朋友嚟 ～推薦（聽到隔離枱食客架車泊係出面，啲伙計都幫手睇住，揸車食客都可以食得安心啲）

經過元朗雞地，見到有間新開嘅韓國餐廳，座位望落好闊落，食材好多都係韓國直送，就一於試吓，一坐低店員就送上韓國配菜，配菜都有好多款，有土豆絲，蝦乾，魚乾，泡菜，水果沙律，醃蘿蔔，全部都幾好食，差唔多食晒咁滯🤣。.首先，嗌咗牛肋條，係香港少見嘅韓牛。呢款牛肉條肉質鮮嫩多汁，烤得剛剛好，每一口都能夠感受到牛肉嘅鮮味同口感。配上啲鹽&麻油，更加增添咗味道層次。值得一讚嘅係燒肉都係有店員幫手燒，唔使驚自己火候控制得唔好，燒得唔好食，仲唔使自己郁手，懶人表示很中意🤣👍。.另外，嗌咗佢哋嘅濟州醃制豬肉。豬肉經過特別嘅醃制，每一塊都帶有豐富嘅醃味，入口咬下去，豬肉嘅鮮甜味道會即刻爆發。都係有店員幫手燒，唔使自己操刀。相較於韓牛，豬肉嘅肉質比較軟淋，醃得啱啱好，夠味但又唔會過鹹。.另外嗌咗個部隊鍋。呢個鍋底有芝士，午餐肉，幾款腸仔，蔬菜同埋年糕，一齊燉煮，味道濃郁鮮美。當中嘅年糕都好煙韌，湯底亦都好入味。個煲仲有火一路滾住熱辣辣咁食。.最後，嗌咗個炒飯。火山炒飯係用熱鐵板上嘅炒飯，呢個炒飯炒得熱辣辣，飯粒鬆散，加埋啲韓國辣醬同埋泡菜，味道好濃郁，一口落去真係好有咬勁！炒飯仲要係有韓國人喺你張枱度即炒即食

雞地附近又有一間新開既韓式餐廳叫oppa & pocha一向鍾意韓國既我即刻走去試下餐廳用QR code自己落單夠晒方便野食種類都好多 燒肉套餐 炸雞 主食都有韓豚調味豚排骨調好味既韓國豚肉 醬汁有啲甜甜地豚肉都好腍身 好入味 都幾大塊，兩個人一定夠食燒鰻魚燒鰻魚喺韓國就食得多喺香港就真係第一次食韓式鰻魚同一般日式鰻魚唔同燒起嚟脆卜卜好香口 肉質會比較爽口彈牙油脂豐富 配埋小菜食就最啱老闆娘仲好好人好用心咁教我哋點樣食😍海鮮大醬湯驚唔夠飽再叫多咗個海鮮大醬湯味道夠正宗，配埋白飯 無論夜晚定lunch嚟食都唔錯泡菜煎餅泡菜煎餅係我其中一樣最鍾意嘅韓式料理酸酸地好開胃 呢度個泡菜煎餅外脆內軟 唔使幾分鐘我哋就食晒啦😝佢餐牌仲有好多選擇 炸雞 薯仔排骨鍋咩都有可以encore!

元朗正完韓國人新開燒肉店濟州豬肩肉（200g）$180原件豬肩肉放係你面前，可以睇到油脂分布係靚，重點店員仲會幫你燒埋，你就可以一路享受住開胃小食前菜，一路等食，燒住嘅豬肩肉香氣真係令你好肚餓，肉質入口口比較鮮嫩多汁，配搭醬汁更惹味！帶骨腰肉（250g） $200另外一款就係豬骨腰肉，佢個油脂肥膏因為靠骨位置比較多，燒起來更加香濃夠味道，半膏半肉嘅比例亦都剛剛好，入口嘅油香味加埋濃厚嘅豬肉鮮味出晒嚟！部隊鍋真係正宗嘅韓國部隊鍋，香濃嘅蕃茄濃湯底加上小小微微辣，配上最面嘅半溶芝士真心好吸引，加上豆腐，午餐肉，韓國腸仔，仲可以跟據你嘅喜好搭配公仔麵或者烏冬，真係性價比超高，二人份都飽到飛起！哈密瓜🍈哦吧OPPA & POCHA (元朗)元朗鳳攸南街9號好順利大廈地下74-76號舖

元朗最近新開咗一間有韓國人主理嘅韓式燒肉餐廳聖誕節當日周圍都要同人迫，就一於試吓佢燒肉嘅種類非常之多老闆娘仲有同我哋介紹每種肉嘅分別原來佢哋嘅豬肉都係由濟州運過嚟所以會被出邊嘅好食好多落咗單之後就已經上咗六款小食比起出邊嘅韓國餐廳，佢嘅款式會相對比較多同埋特別尤其是會有個牛肉小食同埋魷魚我哋叫咗個濟州豬腩肉同埋濟州連骨五花腩肉全程都有店員幫燒，基本上坐喺度等就有得食仲會剪好一嚿嚿方便進食豬肉非常之多汁，咬落去油脂爆曬出嚟同埋食韓式燒肉，一定要配搭住佢少少厚嘅肥膏配埋生菜同埋其他小菜撈埋一齊嚟食真係超好味之後我哋都有追加一個牛肋條呢個係驚為天人之咁好食牛肉經過醃製之後非常之入味加上原本呢塊牛肉都係屬於高品質無論係脂肪嘅比例抑或口感都非常之好加上店員好殷勤嘅服務，我覺得呢餐絕對係值回票價

很少寫食評，但不得不讚呢間新開的韓國餐廳！首先，服務十分好，有專人幫你烤肉！然後有靚仔oppa做服務生！食物質素十分高，由泡菜到小碟到濟洲豬肉都好好味！真正食到由韓國人主理的韓國菜水準！老闆同老闆娘完全不店吝嗇，不停添加配菜，又推介不同的醬料配肉吃！十分好味！老闆娘仲會推介鮮榨水果配米酒的飲品俾我哋試，一試不得了！立即要了一杯！最後，因為老闆娘話我哋好好🥰仲送埋蜜瓜俾我哋食！價錢仲唔貴！由於新開張，仲唔收加一，真係極度推薦！好食過Yoho任何一間餐廳！其實只要大家互相尊重和欣賞，香港有很多店舖都好好食！始終世界上無一個地方一條街可以食晒全世界的美食但香港做到了！總好過食左d週期元素表落肚，仲要覺得平靚正丫！香港人只是覺得我番工唔係賣笑囉！有乜問題？

餐廳新開唔夠1個月，係基元附近，因為係轉內彎位，所以比較少人發現，但老闆娘真係好熱情同埋親力親為💕🔸小菜6小碟(每次去都有會唔同)➰沙律沙律菜新鮮脆口，但沙津醬有D多➰泡菜超級好食，係老闆娘自己整，爽口而且唔會過辣，唔會有過量既發酵味👍🏻➰醬牛肉一梳梳既牛肉條，已經入哂味➰醃青瓜爽口脆甜，加上韓式辣醬，更易入口➰韓國自家製香腸冇味精味，而且都幾大塊，食到精肉味道➰泡菜魷魚魷魚煙煙un un，咸咸辣辣，送飯一流🔸生菜籃食烤肉生菜籃必備，平時比較少見小旺菜可以當包菜，仲有甘荀條🔸濟州豬腩肉肥瘦勻稱，經過煎烤，焦香焦香，除左可以用生菜包，仲可以試下餐廳另外提供既咸醬，味道有D似蝦醬味，但又唔會太咸🔸濟州豬頸肉比起腩肉，頸肉更加厚身，更加彈牙爽口🔸韓豚調味豚排骨超大塊，鋪滿左整塊烤板，醬汁咸甜，令人一口接一口咁食🔸大醬湯除左韓式大醬仲加左海鮮，增加左鮮味🔸🍓馬格利雞尾酒老闆娘推介，不過真係好好味，佢一杯500ML已經有60ML既米酒再加埋新鮮🍓同冰打成，比例好好，唔會過凍而且甜度酒精都非常順口

估唔到喺YOHO隔離，係一個橫街小巷會遇到隱世韓國店，食得出係正宗韓國口味，細問之下老闆娘同廚師們原來全部都係正宗韓國人🥰 呢度價錢超級reasonable! 老闆娘推介嘅烤韓國牛肉，真係十級好味😍 知道我最鍾意食蔥仲特登幫我哋加上蔥 ，韓國牛肉鮮甜，好tender😍 仲要勁有誠意，鍋入邊仲有韓國粉絲、韓國年糕、韓國菇。全部食材都係來自正宗韓國呢度嘅配菜已經好好食，薯仔沙律，簡直係世界級，好味道食完老闆娘再添加俾我哋。原來廚師曾經喺酒店餐廳工作，所以品質好有水準🫰🏻 泡菜都係每日新鮮製造泡菜煎餅都好好食，鍾意食辣味嘅一流。每一件都脆卜卜好香口仲有飲咗鳳梨馬格利酒，好特別，只有少量酒精，好水果味，好適合女仔飲！呢度啲蔬菜特別新鮮，食咗牛，跟住我哋就食韓國豚肉排骨，個味道醃製得好出色，配埋韓式大醬和生菜一齊食，好Juicy呢度仲有VIP房！約埋朋友嚟開party都正！Must encore this one ☝️❤️

與風先生早前行經取淘寶，餐廳店員落力宣傳，成功吸引了我與風先生試新，「哦吧OPPA & POCHA 」12月剛開業，裝修光猛明亮，設有梳化雅座，用餐環境舒適；入座即送上6款前菜與小食 - 醃青瓜、生醃魷魚、黑豆、鵪鶉蛋、海鮮餅及泡菜，所有前菜與小食都可以添加，最愛生醃魷魚與泡菜，泡菜新鮮爽脆，味道不會過辣，有驚喜；由於天氣有點凍，先點了大醬湯暖身，內有螃蟹、豆腐、蘿蔔、秀真菇與金菇，非常足料，拌飯吃美味開胃；燒肉點了老闆娘推薦的濟州連骨五花腩肉與醬醃牛肋肉，店員會主動為客人烤肉，非常貼心；濟州五花腩 - 肉質較腍，肉味香濃不帶一點臊味，不加任何調味，直接品嚐到濃郁醇香的豬肉原味，而風先生則喜歡包生菜配特式辣醬，清新惹味，隨五花腩一同烤的雞髀菇，吸盡了濃濃豚肉汁，回味無窮；醬醃牛肋肉 - 調味剛剛好，不會過濃，牛肋肉肉質軟腍鬆化，入口即溶，牛味濃郁，而且韓牛的脂肪含量較低，非常適合愛吃但又怕重的我，超喜歡；雖然風先生不好酒，但我食燒肉多喜歡飲少少，所以點了一杯桃味馬格利酒，幼滑沙冰帶濃桃香、微甜，配熱哄哄的燒肉，絕配；總結：老闆娘真的非常熱情好客，主動與客人互動交流，服務非常到位，十分難