哈豆

营业中

休息中

🎐哈豆 📍觀塘駿業里6號富利工業大廈3樓A室星期一至日｜1130-2130-豐盛台灣牛肉湯麵 $78 牛肉分量多 3舊牛肉 2舊牛展六成係肉 四成係牛筋 咬落去口感幾好！骨膠原感覺都重調味幾入味 但麵質偏淋 一咬就斷個人鍾意食啲硬 煙韌嘅湯底唔算好濃味 紅燒湯底 -水餃＋湯品＋滷肉飯 $110 呢個套餐包飽🤣蒸水餃有四隻 有韭菜餃 粟米豬肉水餃皮幾煙銀 啱啱好 餡料足味新鮮 要點佢嘅汁 惹味！-哈豆鮮果茶（少冰｜微糖）裏面有百香果 小蕃茄 檸檬有淡淡嘅茶香 幾清新同解渴嘅黑糖芋芋鮮奶（少冰｜微糖）推⭕️芋泥份量好多 有少少粗粒感 唔太甜！黑糖有存在感 但唔會搶咗鮮奶味同鮮奶好融合 好飲！-圓圓燒仙草 $58有 芋圓 花生 珍珠 紅豆 仙草 味道正常 珍珠煮得幾軟熟紅豆蓉偏甜 夾埋其他料就岩岩好配埋一碗仔薯片 黑松露味 幾適合放工 夜晚同朋友吹水嘅時候食-

非常唔正宗嘅台灣菜牛肉麵係用上海麵煮個湯底都唔知發生咩事 茶餐廳質素見多正評點左杯阿華田豆漿上到黎一陣鹹臭豆味所謂阿華田雪糕只係一舊表面有阿華田粉嘅冰溶曬之後都係0阿華田味難飲到即場叫waiter退左:0)千其唔好比啲正評呃左去幫襯

聽講呢間係台灣人開嘅餐廳～都有啲期待位於觀塘工廠區相信係唔少打工仔Lunch嘅好選擇，環境嚟講座位幾多，啱晒呢頭返工人時組團一齊食牆上有好多好有心機嘅台灣油畫，例如有九份..平溪,,都真係畫得幾靚豬腳肉燥乾拌麵餐 $66黑糖薑母茶豬腦肉同乾拌麵係分開上，撒上芝麻同葱粒份量都唔錯之餘調味都好入味有滿滿骨膠原，食落軟腍又嫩滑黑糖薑母茶黑糖同薑味濃郁，飲完好暖胃牛肉沙茶乾拌麵餐 $78珍珠鮮奶茶沙茶味道幾得意 牛肉煮得入味整體嚟講麵嘅質地都唔錯肉燥都俾得幾足好夠撈嘎嘎脆芋頭愛花生刨冰 $99一上嚟有嚇親係超級巨型，敢講應該有四人份量我哋2個人都有少少食唔晒，上面有個倒轉嘅芋頭雪糕側邊有幾條扭紋「奶蓋」刨冰有濃濃涼粉味～真係好大份好誇張呢～------------------------人均 $60 - 100

-哈豆都算係觀塘台灣菜嘅始祖，觀塘分別有兩間，好多人都話成業街嗰間比較好食，我就嚟左富利呢間，裝修幾有台灣特色，留意返只收現金🍜【1201台灣牛肉湯麵】 $66 (4.5/10)邊有得揀多麵，牛肉夠淋又有紅蘿蔔同埋蘿蔔同蛋，配料幾好，不過呢個牛肉麵個湯淡到我食唔到味🫠，甚至要叫店員比辣油我係咁加，我以為係自己問題，問咗同場一齊食飯嘅同事佢哋都覺得呢個牛肉麵無味，而且關廟麵煮得太淋🙂套餐包一杯豆漿紅茶，我揀咗無糖，所以唔評論下次可能去成業街嗰間再試🙂，見到openrice嘅差評都係話個湯淡到冇味，唔明點解會有咁多好評，但好評嘅都唔會點講個麵質地，希望老闆見到嘅話可以令到個湯再濃啲🥹📍【哈豆 Doctor Beans】 觀塘駿業里6號富利工業大廈3樓A室觀塘成業街19號成業工業大廈2樓29室🕑Mon to Sun 11:30 ~ 21:30

去台式餐廳食嘢，最開心就係可以聽吓啲熟悉嘅歌，呢間餐廳嘅牆上仲畫咗好多台式嘅畫添～其實疫情前已經同朋友嚟打過邊爐，果時覺得好有台灣風味，所以今次直接嚟試吓佢啲午餐。一個唔小心，就叫咗2個好滋補嘅套餐😛✨✍🏻 /藥燉排骨湯麵套餐▪️價錢：HK$102▫️桂圓紅棗茶▪️美味指數：♥♥♥♥♡一直都好鐘意食台灣嘅藥膳排骨，今次呢份有3大舊排骨，其中一舊仲有軟骨食，好味！湯麵係分開上，建議可以淨飲咗湯再食麵，感覺好滋補。而一大壺嘅桂圓紅棗茶就仲補，份量十分足，仲有得揀甜度，啱曬養生嘅女士。不過，再凍啲食呢個套餐應該更適合🫶🏻✨✍🏻 /麻油雞飯菜套餐▪️價錢：HK$136▫️蘋果眉妹▪️美味指數：♥♥♥♥♡一上枱就聞到好香濃嘅麻油味，湯內大概有3舊雞，仲有舊髀添～再配1碗魚鬆滷肉飯及1份油菜，性價比唔錯。✍🏻 /台灣滷水拼盤▪️價錢：HK$58▪️美味指數：♥♥♥♥♡拼盤有滷水牛腱、豆腐、雞翼、豬肉及雞蛋，最好味係好入味嘅滷水牛腱，肉質夠曬軟腍！其他就正常發揮✅✨

📍哈豆觀塘駿業里6號富利工業大廈3樓A室 🦔⸒⸒走心牛肉蕃茄湯麵 $78蕃茄湯底香濃 麵條偏軟腍牛肉軟腍又大塊 一碗都夠哂飽手工水餃湯麵 $70水餃有綠色同埋白色 兩款都唔同口味😆一共有五至六隻 咬落去仲有啲汁湯底清甜 都唔錯炸物拼盤 $58有炸番薯條、蝦卷、鹽酥雞、丸同埋香腸😆番薯條都比較粗身食落去香甜 蝦卷外脆內軟好味😋嘎嘎脆刨冰 $99刨冰超級大個 雪糕筒做裝飾好吸引😆不過略嫌芋圓比較硬身 食落冇乜味🥹刨冰中間如果都有啲餡會更加好食😋，🔖 @drbeans2012

熱愛台灣料理既朋友仔一定不可以錯過店鋪位於觀塘工業大廈樓上既哈豆，由台灣人主理，店面仲有超多台灣元素🌄🛵🍃我地嗌左走心牛肉番茄湯麵，又真係走心喔🤣，牛肉超厚，夠曬大片，湯底用新鮮番茄熬製，酸甜濃郁。🍲麻油雞一直係小女大愛，哈豆既味道好正宗，唔會覺得油膩，伴有淡淡藥材清香，一啖飲落去，已經覺得好暖胃，滋補養生，配上魚鬆滷肉飯，非常滿足！🍧甜品當然少不了台式刨冰，分量超大，有香芋雪糕、花生奶蓋、仙草糖水、紅豆、手作芋圓，配料相當豐富，入口清涼伴隨淡淡花生、紅豆和濃郁奶香，超級解暑！

好耐冇去過觀塘，今次試吓呢間有台灣人主理嘅餐廳。食物嘅CP值幾高，而且餐廳牆上嘅插畫，令到好有去咗有台灣嘅感覺。豐盛台灣牛肉湯麵 $78牛肉好淋好入味，份量都唔少。而且仲要花枝丸同埋貢丸，都幾足料！麵條粗身有咬口，係我鍾意嗰隻❤️鮮梅豬排滷肉飯 $70豬扒肥瘦適中，炸粉唔會太厚，外脆內軟。加分嘅係酸酸甜甜嘅梅汁，真係好開胃😍😍 嘎嘎脆刨冰 $99呢個刨冰嘅份量都幾大，夠3-4人食。有芋圓、花生醬奶蓋、香芋雪糕等配料。食落好夠滿足感。冰底唔係軟綿綿嗰隻冰，而係真係好爽脆嗰種刨冰。🍧哈豆鮮果茶 +$42本身都幾鍾意飲水果茶，非常清爽，仲可以揀甜度👍🏻桂圓紅棗茶 +$28呢隻茶好夠養生，而家天氣涼涼哋飲啱晒。好香桂圓紅棗味，真材實料。

人均$80起｜觀塘駿業里｜台灣菜｜哈豆 來到位於駿業里的哈豆！是一間很有品味的台灣餐廳，裏面的裝修、格調都很有台灣小店的文清感覺！這次是為了他們的牛肉麵而來！豐盛牛肉台灣湯麵這碗豐盛的牛肉台灣湯麵絕對是湯麵愛好者的極致享受。湯底濃郁鮮美，帶有牛骨的香氣，令人垂涎欲滴。嫩滑的麵條與湯底結合得天衣無縫，每一口都充滿著滿滿的牛肉風味。湯麵中的牛肉片鮮嫩多汁，入口即化，配合湯底的美味，讓人陶醉其中。這碗豐盛的牛肉台灣湯麵絕對是一道讓人念念不忘的經典之作。鹽酥雞凱撒沙拉鹽酥雞凱撒沙拉融合了台灣的小吃文化和西方風味，給你帶來獨特的口感體驗。鹽酥雞外酥內嫩，每一口都帶著香脆的口感，配上新鮮的蔬菜和奶油凱撒醬，為整道菜品增添了豐富的層次感。這道菜既有台灣街頭小吃的熟悉感，又融入了國際化的風味，讓你享受到多重口味的滿足。藥膳排骨湯飯套餐帶來了健康和美味的結合。燉煮的藥膳排骨肉質鮮嫩，入口即化，融合了中藥材的獨特風味。搭配蔬菜和滷肉飯，增添了飯菜的豐富度和口感層次。這道套餐不僅品味到美味佳餚，同時也帶給身體的滋養和保健。這個套餐結合了台灣的經典美食和創新口味，給你帶來一場味覺盛宴。豐盛的牛肉台灣湯麵、鹽酥

♡每一篇都係很用心寫的食評♡⑅◡̈*！！✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡📍觀塘區：哈豆✿三年前已經試過呢間台灣嘢🥰之前覺得個甜品幾好食，所以今次帶埋👦🏻再尼試過～✿✨！！菜式推介！！✨🥘麻油雞湯+滷肉飯+水餃三隻 $101👧🏻覺得麻油雞湯幾好飲～好補身嘅感覺🥰暖笠笠飲完之後個人個胃好暖其他就一般般冇乜特別🍱鹽酥雞飯👦🏻覺得幾好食～雞扒炸得幾酥脆🥰🥰🥰同埋唔會太鹹，好香口！！🍨台式刨冰 $99佢個芋泥雪糕好香口好好食！！而且配埋黑糖汁嘅刨冰，令到人覺得好清涼✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡✨小編評價✨👧🏻：I miss Taiwan🥹🥹🥹🥹🥹🥹👦🏻: Ho Mei 😋😋😋✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡📍餐廳評分：味道：💗💗💗💗價錢：💗💗💗地點方便：💗💗💗💗餐廳服務：💗💗💗餐廳整潔：💗💗💗CP值：💰💰💰回頭率：70%✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡地址📍 觀塘富利工業大廈3樓A室✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡👧🏻👦🏻我哋係一對成日周圍食嘢嘅couple，希望可以分享更加多好食嘅嘢俾大家！😋💗✨#85

1️⃣台灣牛肉湯麵好豐富,有牛筋,牛展,牛肉,貢丸,花枝丸,蛋,菜.湯夠味,份量夠多,牛肉淋.💰HKD$782️⃣藥燉排骨湯麵湯好重藥材味好重料,好補的感覺,排骨有4大舊,肉都多同淋.💰HKD$743️⃣哈豆鮮果茶好大杯,有蘋果,百香果,檸檬,好濃味.清爽💰HKD$424️⃣蘋果眉妹係有氣果汁的味道💰HKD$385️⃣刨冰有香芋雪糕筒,花生奶蓋,紅豆,仙草黃豆粉,芋圓.超級大碗💰HKD$99

-哈豆📍觀塘駿業里6號富利工業大廈3樓A室*･゜ﾟ･*:.｡..｡.:*･'･*:.｡. .｡.:*･゜ﾟ･*由於要去拎蛋糕、所以社畜魚又要出門遠征、今次去左打工地獄觀塘🥶(已blacklist觀塘既所有工) 係openrice search到依間成千個like仲開埋分店既台灣野、決定1戰-🍜豐盛台灣牛肉麵 $78不嬲都好鍾意食台灣既牛肉麵、但原來並唔是每間既牛肉麵都1樣味、原來我鍾意食既係帶微辣既紅燒牛肉麵…😹唔係話唔好食、只係依到既湯底係比較清淡、係行清甜路線既牛骨湯、而且麵質亦唔係我喜歡既「粗硬」型、比較淋身、雖然牛肉炆得好淋又夠入味、但真係完全唔岩社畜魚口味如果平時覺得紅燒牛肉麵太油太濃味既社畜們、可以1試-🍱 鮮梅豬扒滷肉飯 $68對比起個牛肉麵、依個好食好多！梅子醬酸酸甜甜勁開胃、豬扒酥脆唔鞋仲有肉汁、而滷肉飯既滷肉濃稠適中、粒粒飯比醬汁包圍住、yumyum-🥤黑糖芋芋鮮奶 （跟餐+$22）好足料既芋頭鮮奶、1大半都係芋頭😹半糖有啲覺得唔夠甜、大家可以大膽啲叫小甜-🔥總結 7.25/10🔥正正常常既台灣野、唔覺中伏、成千個like可能係因為價錢適中、附近翻工既社畜平日會放飯

香港嘅台灣嘢最多唔好食，未試過難食：叫咗個麻油雞飯餐同餃子麵，餃子味好淡，好少韭菜餡無乜韭菜味，唔緊要，我試下麻油雞。麻油雞湯有奇怪的泥味，麻油唔香，雞肉好鞋，食咗一舊食唔落去，個泥味令我專注唔到；唔緊要香港d雞可能唔夠台灣d本地雞好，我試下其他，點知肉燥飯肉燥無味，生菜好苦，豆奶紅茶無豆味無茶味本身喺觀塘行街，睇下附近有咩食，openrice見到呢間有火，好似好多人讚咁，又好耐無食台灣嘢，就嚟試下。本人好少寫食評，忍唔住入嚟提下大家，唔好俾d食評水咗入嚟。

好食唔一定比好評，難食就一定要比負皮！見open rice擺佢第一位，又係熱門餐廳，諗住必試啦，台灣野難食得去邊，點知中伏，叫左個豐盛牛肉麵，個牛肉得一塊係食得落口，其他肉係硬過我條命呀，個湯底冇牛肉/牛骨味，白蘿蔔冇味，白烚一樣，就好似將所有餸，烚完擺一齊咁，好失望，唔會再食，食完個面，再睇下其他人對哈豆既負皮，發覺大家都比open rice 個rating呃左，我希望多一個負皮，就少一個受害者😇今次我當比智商稅，完。

由台灣人主理的台式餐廳「哈豆」，2間分店均位於觀塘工廈內，主打台式料理，供應多款以往到台灣必食的掃街小食同飲品，餐廳亦都有創新菜式，例如甘梅番薯條、藥燉排骨湯、麻油雞湯、台式All Day Breakfast、刨冰等。嘎嘎脆刨冰 $99完全係一個巨型刨冰😂最頂層係香濃嘅香芋雪糕配雪糕筒、中間係紅豆同綿滑嘅特濃花生奶蓋、底層係夾雜低糖仙草糖水加黃豆粉嘅刨冰❤️另外，整體味道唔會好甜，再配搭一小碟口感煙韌嘅三色芋圓，非常冰涼爽凍，口感大滿足！👍藥燉排骨湯飯套餐 $94(藥燉排骨湯・魚鬆滷肉飯・油菜)藥膳排骨可以暖胃還能進補身體，味道苦中帶甘、甘中有鹹味，跟肉骨茶頗為相似。用左保暖鍋上菜可以保持溫度。湯底熱辣辣，散發住濃濃嘅藥材香氣，口感清甜👍排骨肉質嫰滑，吸盡肉骨茶精華，非常入味。而飯加左滷肉同肉鬆，味道鹹甜，滷肉入口即化，魚鬆味道好香。桂圓紅棗茶 +$28年紀漸長，叫番杯養生飲品🤣補氣補血，啱晒女士們。麻油雞湯飯套餐 $94(麻油雞湯・魚鬆滷肉飯・油菜)麻油雞湯嘅湯頭濃厚香醇、麻油味濃厚，我先喝一碗滿滿的湯，第二碗再泡飯吃，搭配軟嫩嘅雞腿肉，好惹味！呢個套餐同樣配搭魚鬆滷肉飯同油菜❤️黑糖薑