哈比斯燒肉串和咖哩 (鴻圖中心)

营业中

休息中

愛琴坊真係勁多嘢食，我又少出去食飯，一個愛琴坊都夠我loop半年🙈 今日就試左kebab，佢有個每日lunch set 11am至5pm $48，包是日kebab / salad，同埋紙包飲品 (free) /汽水 (+$2)。仲可以加配薯條，咖哩角 ，同Falafels (search過falafels即係炸豆餅，我麻麻地所以冇試 🤣)今日Happy Friday係雞肉kebab，個皮又soft又香，中間大量生菜同雞肉，D醬辣辣地，加埋酸meimei既沙律醬好開胃😋 另外仲俾左盒淺綠色既醬，但本身都夠味就冇再加‼️必食 Samosas 加配 $10 ‼️即係咖喱角，超正! $10一大舊，入面有好綿滑既薯仔蓉，少量青豆，重要係個殼好酥脆超好味!飲品轉 Lassi +$8Lassi即係奶昔。我去過印度餐廳lassi係比較濃味同好酸，但呢度做快餐賣樽裝我反而覺得幾岩飲😂 冇咁勁奶味同埋甜甜地冇咁酸

同囡囡出去做野，收工都3點幾。去到鴻圖中心地下揾食，入邊都幾多種類既野食，今次就食D特別D既印度菜，真係估唔到印度菜都有得食。食印度菜緊係要食咖哩喇，夠地道嘛。不過因為囡囡係到都問下咖哩會唔會超辣，店員話辣度係可以選擇唔辣既，咁我地就叫左個咖哩套餐跟印度Naan ，再跟餐加多隻咖哩角同飲品。咖哩雞好滑，咖哩係橙色，仲有香草係上面。雖然話唔辣，但係可能印度人唔辣，對我地都有小小辣既，不便辣程度係好BB，囡囡都可以食到，配埋Naan真係好好食，反而覺得個Naan比出面平時係大型美食廣場既較厚身。而個咖哩角，啖啖咖哩薯蓉係入邊，食完隻咖哩角都飽飽地。望落細細份都咁足料，食到2個飽晒。下次想食近近地就有得食喇

餐廳：哈比斯燒肉串和咖哩 (觀塘)地址：觀塘巧明街94-96號鴻圖中心地下5F4號舖依家六點後禁堂食，如果夜晚有嘢喺出面做嘅話都習慣咗六點前食晚餐🕡，而今日就去咗鴻圖中心地下嘅愛琴坊food court搵嘢食其實自問我都幾鍾意食中東菜，可能亦都關自己之前去得多中東國家事🙈，今次就揀咗呢間哈比斯燒肉串和咖哩，原因係我好耐冇食Kebab😍，其實我之前已經試過佢哋天后嘅分店，啲嘢食確實有質素👍佢哋每日都會有一款特價嘅Kebab或者沙律🥗，而今日嘅特價嘢食係雜菜Kebab或雜菜沙律，晚餐嚟講我就真係唔夠食😂，所以就揀咗個有肉嘅Kebab烤雞肉卷 (Kebab Gyroz — roasted chicken) $68呢個烤雞肉Kebab有八吋長🫔，店員斬開咗兩舊方便我食用，另外仲要咗少辣🌶；一睇就知呢個Kebab好好食啦🤤，雞肉嫩口，仲有唔少雜菜同洋蔥🧅，用上秘製烤肉汁惹味得嚟仲有少少辣，而沙律醬亦都豐富咗成個Kebab嘅味道層次，真心唔夠喉想食多個🤪

又嚟到公司附近嘅呢一個希臘場景，今次嚟買外賣Kebab，親切嘅中東裔員工向我推介食物，加上一行埋舖頭聞到嘅中東香料味，係正宗風味嘅保證。唔行過嚟呢便都唔知呢度有個少少嘅打卡位，想嚟打卡嘅朋友可以午市嚟食，就可以坐喺度打吓卡喇。揀咗個 Chicken Tikka Kebab，有成十款醬汁揀，我貪心地問可唔可以揀多過一款，店員親切地話ok，我揀咗大蒜同辣椒醬，佢俾我嘅時候話佢仲加咗燒烤醬落去，話甜甜地會更加好味；Kebab 目測比起其他 Kebab 店嘅更長，返到屋企用焗爐㷫番熱，由中間劏一刀，內裏醬汁傾刻爆發，感覺猶如堂食一樣；哈比斯嘅 Kebab 外皮厚薄適中，裏面嘅雞肉烤得非常香口，直情好似有少少碳香味咁，整體嘅味道無坊間嘅 Kebab 店咁鹹，係比較清新健怡嘅 Kebab。下次再試埋佢地嘅其他醬汁先。

上一次經過買過kebab外賣，大大份幾抵食，而且十分足料，味道亦很高質，一直都念念不忘😝今日經過附近做嘢，又買咗一份kebab外賣☺️每一日都有特別優惠，但今日就食咗一直想試嘅Kebab  Hawaii  BBQ  chicken😋除咗kebab之外，亦都有其他唔同嘅印度特色食物選擇，不過我對kebab始終情有獨鍾😝Kebab  Hawaii  BBQ  chicken~雖然係外賣，但係kebab用錫紙包住，拎到返屋企嗰陣仍然有少少微溫，切開見到十分足料，雞肉和洋蔥等等的蔬菜滿瀉咁滯😝不過我個人喜好會先放焗爐焗一陣，焗大概10分鐘到熱辣辣拎出嚟看到半溶的醬汁流晒出來，滲透於雞肉之內，側邊則被滿滿的蔬菜包圍，咬落去外皮帶有少脆的感覺，內裏的雞肉肉質十分厚實，帶有惹味的BBQ香氣，亦有蔬菜帶來的清新的田園香氣，印度醬料更為整體帶來更香的調味😋

番工Lunch time 成日係樓下愛琴坊買外賣，今日試下一間平時唔會特別食既野 - Kebab 😛 因爲中西日台成日食，今日抽起條筋去幫襯下呢間，又唔洗等好耐。見舖頭兩個人都似係土耳其人，講英文，有特價lunch set $48,今日星期一係烤雞，但我想試Hawaiian bbq chicken kebab($68)多d,就單叫左呢款。等幾分鐘就有得拎👍🏻番到上公司拎出黎都幾大條，一隻手有點難拎住食，我切開左一半Hawaiian bbq chicken kebab：入面d料都幾多，除左雞肉仲有好多生菜🥬，同粒粒菠蘿🍍對鐘意多菜既我黎講覺得幾健康，生菜亦感覺幾fresh,好爽，似係用沙律生菜。雞肉就有少少辣辣地，因為我平時唔食得辣，但如果食得少少辣嘅人應該會覺得幾惹味😋下次再試吓其他味再同大家分享😊補MENU

黎到觀塘就緊係要去 愛琴坊食野，呢到包涵左多國菜餐廳，裏面既裝修都好靚，其中一個位就係愛琴海既景。而我今日食既就係呢個景隔離既印度菜。kebab beef roast$70烤牛肉卷睇到好多人都係食佢既烤肉卷所以就點左黎試下，睇個價錢都要60至80蚊一卷。睇落有d貴..不過店員整好左拎比我個陣，我就有d驚喜，係超大份。咁我就係外賣拎走翻屋企食既，一路拎住都有d重量，翻到去仲有少少暖，一砌開，勁多牛肉，勁多蔬菜。佢蔬菜有生菜，番茄，紅洋蔥，洋蔥就係偏生既，所以食落去有少少辣味，蔬菜量多亦都新鮮。而牛肉就好香好野味，食落有少少牛肉既酥味，我個人幾鍾意，佢粒粒牛肉都有翻咁上下size，係卷裏面黎講都幾大舊，食落口感唔un,腍度適中，有d部分仲有d根位，食落爽脆，但又唔會un到咬唔開，有d似軟骨口感，佢牛肉好足料食到落底都仲有，個卷既皮就薄偏軟身，沙律醬都好多，個味道好特別，成個既味道一d都唔似平時便利店買開既肉卷，食得出好有印度風味。我自己一個人食半個都好夠飽，70蚊有咁高質既牛肉係裏面，仲要鋪滿哂成個卷，真係值咁既價錢。其實佢牛肉沙律同咖哩款都好吸引，不過就真係食唔落太飽

-🔸Kebab Beef Roast 烤牛肉卷 $70-喺觀塘返工嘅我都差唔多將愛琴坊嘅全部餐廳試勻晒咁滯，呢間Kebab時不時都會encore，因為貪佢喺觀塘區較為獨特！上次食過雞肉卷，所以今次就揀咗食烤牛肉卷，都係一樣咁足料重手啊！一份裡面除咗包咗主角烤牛肉粒，同埋大量嘅沙律醬汁之外，仲有大量蔬菜：有生洋蔥、蕃茄、生菜，食落好新鮮又同時減輕咗油膩感。有時食厭咗或者唔想食粥粉麵飯嘅時候食一卷都夠晒飽！

頭先去開觀塘買蛋糕，行過去嗰陣經過愛琴坊，就諗住睇吓會唔會有咩好食。行入去好快就聞到好香嘅印度嘢食味，於是未睇其他嘢食，就已經決定要買呢間嘅嘢食啦。因為只係要買俾自己一個人食，所以唔使諗其他人鍾意食啲咩。我已經好耐冇食過kebab啦，所以果斷決定買個牛肉Kebab。Kebab Beef Roast $70店員好好態度咁主動問我鍾唔鍾意食辣，會唔會想要小辣或者多辣。我就好鍾意食辣嘅，所以就要佢俾多啲辣啦。Kebab好大條，一定夠飽，幾抵食。打開見到有好多醬，有好多牛肉粒，同埋有生菜、番茄同埋洋蔥喺入面嘅。一啖咬落去食齊曬咁多樣野，好滿足。呢餐有carbs有蛋白質又有菜，都算營養均衡啦。

又來到這間小店外賣kebab帶回家吃了! 餐牌上有很多款kebab供選擇, 肉類方面, 主要有烤雞、烤羊肉、烤牛肉, 他們亦有素食的選擇。只看價錢, 有些人可能會覺得有點貴, 但kebab大大份, 很足料, 非常飽肚, 所以個人認為超值的! 我點了烤牛肉kebab (Beef Roast Kebab), 即叫即製, 拎上手是熱辣辣的。烤牛肉肉質很嫩, 上面淋上秘製沙律醬汁, 很juicy, 帶有一點辣的味道。裡面夾住生菜🥬、蕃茄、洋蔥🧅, 味道豐富。Kebab皮不會過厚, 很軟熟, 食落有麵粉香。

Food court 黎講價錢偏貴。有啲 wrap 的餐去到八九十蚊。第一次去，就係想試下個咖哩先。叫左個 $48 咖哩雞飯。一打開個盒，心知不妙。個所謂咖哩，只係一啲黃色的水，聞落同食落都冇咖喱味，好明顯佢係買現成醬料但又冇再自己調味。其實去超市買現成咖哩汁都好食過佢。雞肉，三件細細的烚急凍雞肉。冇用調味料yip 過，都幾健康。最重要係冇任何配菜。去大x樂都有塊薯仔，點解所謂印度餐廳可以咩都冇。48 蚊比粒薯仔都得掛？

原來觀塘鴻圖中心有個細 Food Court，以愛琴海洋為主題，牆身都喺藍色大海🌊幾間各有特式嘅小店營業，坐喺度好Relax😳🌯Kebab Hawaiian BBQ Chicken $68🌯夏威夷燒烤雞　$68以錫紙包著的燒烤雞卷，預先分開一半，卷物以薄餅製成，薄餅比較軟身包著所有餡料🍗燒烤雞味道唔算太硬，味道幾香，食到尾嘅時候被沙律醬蓋過原本味道。裡面仲有菠蘿🤩同大量生菜，夾著滿滿的酸酸甜甜沙律醬，帶有少少乳酪味道😝食到中間有啲驚喜，因為有菠蘿好鬼fresh‼️將烤雞卷裡面差唔多嘅味道分開返哂😌

今日經過巧明街鴻圖中心地下，無意中發現有間店舖熟口熟面，原來係哈比斯燒肉串和咖哩。哈比斯係天后電器道都有一間，之前食過，印象唔錯。兩間店舖的外觀和餐牌都差不多，所以好易認得。哈比斯主打Kebab、pizza、salad和多款咖哩和烤肉。這裡有個小food court，地方企企理理，環境舒適。二話不說，就買了個Chicken Curry with Rice，趁熱即食。哈比斯的印度咖喱自成一格，味道香濃，而且辣度適中，頗合香港人口味。雞肉算大件，入口啖啖肉，滲透滿滿咖喱的香味，好開胃。成長條型的印度米，熱辣辣，煮得夠乾身，晶瑩剔透，飯香撲鼻，撈咖喱汁食，味道一流！

< Habib’s > 📍觀塘今日經過觀塘突然想食下中東野 就去咗愛琴坊到買kabab食🌯🐔Kebab Chicken Tikka 🌯 $68成個Kabab好大條 可以叫店員切開兩條😛 材料好豐富 除咗有主角烤雞外 仲有番茄、紫洋蔥、生菜等 好足料😆 烤雞好重香料味 肉質嫩滑😍 配埋爽口嘅青瓜同生菜一齊食好有層次😋😋👍🏻 餅皮都烤得好香脆 唔會因為入面嘅饀整到淋晒 唔錯😋😋🐟 Fish Kebab $48同烤雞卷一樣好足料 魚柳煎得好香脆 都幾大舊 啖啖肉 佢有好多生菜 平衡返冇咁油膩👍🏻👍🏻 另外配埋mayo食好好味😋 佢另外仲有咖哩飯同沙律🥗 下次再試下先✨🥭 Mango Lassi +$12呢個印度🇮🇳拉昔 聽講芒果味好多人飲所以就揀咗 佢好重芒果味 比較濃稠 不過冇酸奶咁酸 幾開胃 好飲😋

佢係鴻圖中心地下，同幾間店一齊組成foodcourt，環境都幾靚，其中有個位好適合人去打卡，好似去左童話世界裡面咁。今次試下中東菜，平時都幾少食，依間店都幾多中東人去買。Fish Kebab ($48)佢係用用錫紙包住，攞上手都熱辣辣，佢嘅份量都幾多，長度比我手掌擘大更加長，所以就切開幾份黎食。佢主要有生菜、洋蔥同炸魚柳，外皮偏薄，就切到爛左，只可以當薄餅咁食。啖啖食落都係爽口嘅生菜，佢有酸酸地嘅沙律醬，非常開胃。Kebab Chicken Tikka ($68)今次就學聰明左，唔將佢切開一份份黎食，決定卷住咁食，另一番風味。依個Kebab，感覺上比起魚更加好食，同沙律醬更加夾，雞仲要烤過先，更加好食。Lassi (+$8)聽佢嘅名唔會知佢係咩野飲，原來佢同酸奶差唔多，原來佢係印度人夏日消暑必備必備嘅食物，飲落去唔係太甜，同Kebab一樣食幾正。