品越越式料理 (雅蘭中心) (已結業)

同客人係朗豪坊傾完正經野已經4點幾, 出面火爐咁, 想搵個地方抖下。本來想去KFC, 點知鬼咁多人, 成個街市咁。於是行過對面間品越越南餐廳試下。上到去, 環境一流。身為牛魔王既我, 見到有咖喱牛腩飯, 緊係要試下。唔使2分鐘, 上左杯香濃既即磨咖啡, 一個人, 坐係窗邊, 望住出面彌敦道人車往來, 都幾寫意。再過多3幾分鐘, 主角出場。咖喱汁濃度適中(最怕好似啖咁杰既咖喱汁), 牛腩肥瘦適中我鍾意, 而且又多又炆到軟硬岩岩好。加上新鮮九層塔同幼切洋蔥圈, 黃+綠+白, 食欲大增! 無煮過既洋蔥圈加上腩汁配白飯, 咬落「塑塑聲」, 好正! 新鮮洋蔥本身既微辣, 加上香濃咖喱, 無得輸! 最後埋單50。計落都幾抵! 不得不提, 下午茶餐點解碗飯咁大碗架?! 唔係誇, 好多午市套餐碟頭飯都無咁足份量呀 (我食唔哂, 好浪費) 另外, 食完坐左好耐, 無人黑面無人趕, 仲有個靚靚侍應靜靜幫我加水, 抵讚!   

今日難得bf冒住大雨由金鐘過來旺角搵我食lunch，問佢想食咩，佢就話不如食越南野。一來健康d, 二來佢公司樓下間越南餐廳係旺角都有分店，食開，品質應該有保證。一上到樓見到間舖擺左架綿羊仔，好cute. 裝修幾靚，坐得好舒適。我地叫左蝦檬，菠蘿飯，軟殼蟹米紙卷。米紙好Q, 唔韌，又好味又唔full. 蝦檬隻蝦新鮮炸起，香脆彈牙。bf話菠蘿飯都好好味。係旺角搵到間環境舒適，食物出色，價錢又超值既餐廳真係越來越難。呢間，正!

呢個係我做左廿幾年人食過最難食既咖哩，水汪汪，一dd咖喱味都無，我自己係出面買d一包包既咖哩都好食過佢100倍估唔到咖哩都可以整到咁難食！價錢仲要唔便，下午茶時間$60一個飯，凍飲再加$3，兩個飯連加一埋單$139，俾左$140，因為太難食的關係，我$1都要佢找番，但竟然無人找番俾我，好似理所當然覺得$1要找番嫁咩，真係第一次覺得請我都唔會再黎食一黎到見到水汪汪都知賴野，仲有d香料同洋蔥唔係同d咖哩一齊煮嫁咩？點解會好似裝飾咁分開上見唔見到稀成點，你倒左d咖哩落去仍然仲可以見到一粒粒白色既飯，仲要係無咖哩味，湯飯一樣，差

暴雨天, 約了友人食飯不想去太遠, 只想去旺角在商場避雨但郎豪方已經食到有點悶, openrice一下發現此世外桃園. 地方近商場, 正好, 食完可以速回商場濕平.多得前幾篇食評提點, 知道餐廳的入口是在山東街雅蘭入口上樓梯, 很快就找到了. 一入門口馬上被店面環境吸引了. 大約6點半只得幾枱人客, 我們二人被安排到卡位. MENU 有很多選擇, 因為不想吃太飽, 就叫了3樣東西share. 落單後waiter 很貼心的安排了兩個碗仔給我們. 生牛肉湯河~ 對我來說這是越式必食! 幸好叫了一碗share, 因為真的好大碗, 我和朋友用碗仔每人都吃了3碗! 落單時waiter 還問我們是要普通河粉還是越式河粉, 當然是要越式啦. 比較硬身, 吃到最尾時都不會因為放耐了被湯弄到一pat pat. 青檸燒豬仔骨~ 味道不錯但有點太乾身~ 份量看似很多但其實因為是骨只有兩邊有肉所以都吃清.法式牛油雞翼~ 一上菜, 超香!!! 雞翼是jumbo size! 肉又嫩, 好好食, 好想叫多一碟但怕太飽.lime soda & 三色冰離開時大約8時, 都只有一半滿座. 旁邊那間牛氣就排隊排到地面. 希

旺角食市林立，不同國家的菜式都好（當然好不好味就見人見至），越南菜比較少數。今次途經想晚餐時看到雅蘭新開了一間越南菜，而男人之前食過佢中 環店都覺不錯，因而決定試試新店。時間8點左右，客大約只有1／3左右，藍白色裝修感覺舒服同清新，店舖木的釀春雞飯跟餐紙同一設計。好有整體性同空間感足夠。店有2／4人套餐，價錢都合理，但我地想食雞，因而最後散叫食品。大頭蝦膏炒高麗菜（＄62）：高麗菜其實係椰菜，而男人麻麻地。最後待應話可以其他菜，所以選擇通菜。黎到香味好夠，但...大頭蝦膏係冇咩味 道，幸好吾太油同腰果十分香口脆口，通菜都炒得不俗，沒有炒到過火的情況發生。越式炸春卷（＄45）：炸春卷炸得好好，軟之餘有脆口但吾會好難咬。材料好足夠，加上菜同九層塔令到整個菜式更香同味道層次更多。越式釀春雞飯（＄128）：一見到半隻已經嘩然...$128有半隻已經好開心，雞吾老之餘仲有肉味。入面炒的炒飯很香口，一粒粒飯有少少咖喱味 又吾泣，再加上白蘿白酸酸的配菜是十分驚喜之作。椰青（＄35）：比其他椰青更香更甜，無奈係實在太少水...幾口已經沒有了，而肉是沒有味道的。總結：＄297／2人價錢合理，因為環境同待

雖然公司位於餐廳超多的旺角，但附近越南餐廳不太多；同事已工作７年都係食不多於５次的越南午餐，今天為她送別，特意選擇到了這間在雅蘭中心新開的越南餐廳－品越越式料理。品越越式料理不是從雅蘭中心正門搭電梯上，是要從山東街側門經過一條長樓梯到達，因此同事都迷路了。一入內，被這輛電單車吸引，不禁為它拍照了。午飯時間，店內已差不多坐滿，結果被安排坐於近門口的位置。這位置都不錯，只有２，３張枱，比較寧靜。加上這幾張枱椅都比較有特色，在這餐用餐都舒服。餐廳地方大，大部份是梳化及靠向窗邊。地磚用些特色磚感覺不錯，但是只有一小部份用這磚，其他是用木紋磚。坐下店員便送上水及餐牌。主餐牌用上蓮花做封面，感覺優雅。當然點抵食午餐！午餐選擇多，有湯粉、炒粉、咖哩、撈檬等１５款。價錢＄５０～６２，包杯熱飲，都價錢合理。生牛肉湯河$50雖然午餐選擇不少，但是生牛肉湯河是我到每間新餐廳必叫的食物，因為我覺得這個菜是越南餐廳的靈魂。這裹的賣相中規中序，但這裹的碗好大隻而且好重！這裹的份量絕對不少！先撈一撈生牛肉，牛肉切得夠薄身，牛肉有紋理，偏瘦但唔鞋口，口感都不錯。生牛河的重點在它的湯底，先飲淡湯！味淡之餘，湯底沒有牛骨

和同行友人都喜歡吃越南菜,早前經過看到這間就決定一試約1900到步,不用等位,我倆二人被帶到坐窗邊的四人位～環境裝修不錯,衛生乾淨舒適～待應態度好好,有禮貌,面帶笑容～點菜後很快就上菜!我們點了蝦餅湯檬,炒金邊粉,豬頸肉米紙卷,雞肉串和椰青!食物真的不錯,量也很多～2000開始多人入坐,忙碌的待應也不停為我們添水～絕不會忽略每一檯客人!埋單每位約$160,繁忙時間忘記找錢,我倆在東張西望找回收錢那位店員同時,經理很快走過來問有什麼可以幫忙!值得一讚!絕括來說食物，環境，價錢都算不錯!下次會再去！

前排睇書已經見過尼间越南餐廳，今日經過旺角咁啱比我睇到，咪上去試下佢个下午茶囉😅相中裝潢同真實的差不多，簡約而又幾靚，坐得幾舒服，服務員的態度亦算合格！我地分別点左一个好簡單的“生牛肉檬粉+熱o茶”&“雞絲扎肉湯河+熱奶茶”測試一下佢好唔好味😛送上來的賣相ok，但牛肉已半熟😑不過入口好有牛味亦很滑👍不過湯底对我嚟講就較為(清)淡左D。个熱o茶就無物茶味可言了😯雞絲扎肉湯河亦差不多，湯底淡，雞絲ok,但碗中竟然找不到扎肉的蹤影😥原來漏，个服務員亦好有禮貌咁替我們加番。今餐的下午茶亦不平，不過試新野亦要付出一D代價架😳應該都唔会再光……

父母，女朋友，共四人晚餐環境：新派裝修風格，有點似身處歐洲花園。坐位比想像中寬闊。食物：以平均$120人頭消費來說我很滿意。整體來說是fusion新派越式type。生牛河：牛湯濃郁，食得出係每日淆製，新鮮好味軟殼蟹米紙卷：加入檬粉，有傳統味道，裡面的菜新鮮，應該係即叫即包春雞飯：等左廿幾分鐘，入口充滿肉汁，配上入面既炒飯，夢一樣既味道，真係等待只因渴求服務：比一般中下價位餐廳好，尚算貼心

其實在燕萍執左之後, 搵左甘多年都仲未搵得返一碗美味既牛河.之前又向見到OPENRICE有甘多好評既LA TASTE, 我便馬上來嘗一嘗.下午茶時候來到, 正好有下午茶既優惠HK$41 一碗河及包飲品今時今日向旺角真係好難搵得到(裝修及服務要好WOR)點了牛河不久, 熱騰騰既牛河便上台.一見到熱騰騰我便對此店加大分,而且碗內更有金不換, 大量洋蔥及青檸.未食已十分滿足.好啦, 依家開始評一評食物啦湯底 : 味道OK, 沒有太大驚喜牛肉 : 超大方有6片牛肉, 及要係肉滑及肥瘦剛好河粉 : 皮滑份量剛好當食到一半既時候, 好出奇見到碗內有好多麵碎心裡突然覺得好嘔心究竟係沒有洗碗, 沒有洗煲定我食緊佢地伙計用來煮公仔面既湯尾呢???我一見到甘既情況, 我馬上停下碗筷放底50元便埋單走人.老實說, 如果係發生係街邊既粉麵檔我會接受到不過MENU 明明就無公仔麵, 而向我碗內卻發現甘多既麵碎到底係咩一回事呢.............昨天我食完黎個下午茶後, 真係連晚餐都沒有胃口了.

從未試過食咁難食的越南菜。兩個人共點了：1）越式粉卷 - 味道尚可，不過不失2）糯米爙雞翼 - 雞翼外觀一般，不夠飽滿，雞翼尖附近有豬肉3）脆皮蝦卷 - 還以為什麼叫「脆皮」，其實只是腐皮蝦餅，如果沒有點泰式辣醬，更難食4）蛋包海鮮炒金邊粉 - 史上食過最難食的金邊粉，淡而無味，炒粉顏色欠奉，海鮮只得一堆魷魚及幾隻蝦仔侍應態度可以，但各人只顧做自己事，忽略客人需要，明明客量不多，但多次叫侍應都無人理會。還有，檯底附近有垃圾未掃，地下又立痴痴的。食家們為何會覺得間餐廳不錯？大家心照了。

在「雅蘭中心」山東街二期的入口，有一間裝修新潮的越南餐廳「品越」，此分店在舊年年尾開張。此店的特色是會有一列的窗口位，窗明几淨，可以看到成條車水馬龍的彌敦道，所以訂位的時候可以要求坐窗口位，氣氛會更加正斗。小吃「越式炸春卷」$45新鮮熱辣炸起，春卷皮炸得非常酥脆，裏面的餡料以素菜為主，有甘荀粒、木耳粒、粉絲碎等等。吃的時候可以用生菜包着春卷，加一些九層塔香葉，再點酸汁一同吃。吃起上來比想像中清爽，九層塔起了提香的作用，非吃不可！「拉椰葉燒牛肉」$66拉椰葉一般會用來做千層糕或者包著肉類來燒烤，這次它包着的牛肉先用果汁調味，吃起上來除了由焦香的味道，也帶有幾分果香，是甚有自家特色的一個小吃。「越式釀春雞飯」$128用上約兩個月大的春雞，裏面釀滿黃咖喱炒飯，上枱的時候侍應會幫人客即席堂切。春雞的肉有預其中的嫩滑，難得是炒飯炒得乾身，飯粒分明，如此一碟我覺得足夠二至三個人享用。

一月上旬·晴又是在旺角的第二天，又來雅蘭中心找吃的。這一天極忙碌，到了下午五時還未吃午飯。非常餓，這邊選擇不少，不如來這間越南菜館，來幾味越式小吃如何？來的時候，店子還只是開始營業兩星期左右。店子的裝修很有南洋風情，舖面不小，燈光火猛的，加上透過兩邊的玻璃窗可以看到彌敦道及山東街，座落其中也甚舒適。先來喝的，就雙檸梳打。「雙檸」者，就是檸檬及青檸。天然酸味以外加入清香，配上梳打水是喝得夠爽。在越式小吃中其實幾喜歡蒸粉包，做得好的粉包外皮嫩滑帶爽勁，而這裡的也做得不錯。熱辣辣的，對辦。我喜歡將之浸在魚露內，讓其充份的滲入粉包內。甜中帶酸辣的味道再加上爽口的葛絲及木耳絲，再配上幾塊紮肉，是好吃的。越南春卷也是越式小吃的代表之一吧？當然也來一客。吃此小食我的習慣是先取魚露，再將春卷放在其中以筷子壓之，讓其與魚露混和後，加上薄荷葉及金不換再捲在生菜中同吃。熱辣辣新鮮炸起的春卷雖然浸了魚露，仍維持十級脆口。酸酸甜甜的味道再加上金不換及薄荷葉的香味，是會令人吃不停口的。在餐牌上看見一味拉椰葉燒牛肉，在好奇之下又點來一試。拉椰葉其實就是斑蘭葉，以拉椰葉燒牛肉捲著牛肉去燒，看上去已知是特別嫩滑的。咬下

最近妹妹非常厭粥，加上黑暗時期盡量避免煮食，所以最近也開始試街食了。早兩晚，甜魔家到旺角教協買東西，晚餐時見到 品越 La'taste 的新開優惠，想想越南河粉也挺適合幼兒，就一家四口去了吃～餐廳位於雅蘭中心山東街入口一樓，要上一層樓梯才到；我們有架BB車，還好有職員幫忙搬上去，而且樓上環境別致又復刻，又設有BB chair，特地上來也值得。環境比想像中更美更吸引超喜歡寬落舒服的卡位，景觀又開揚，二人世界的話我一定選坐那裡；不過這晚帶著兩隻小魔，還是選座可以擺放BB seat的半沙發位比較好。甜魔媽媽當然沒錯過新張優惠，馬上 like 了餐廳專頁，換到一杯免費 雪糕紅豆冰 ($36)！成品用上了天然椰青汁，加上花奶及碩大軟腍的紅豆，出品層次很分明，甜度很適中，加上一大球雪糕，令人很滿足～來到最重要，小兄妹的主食，就選了 河內熟牛腩湯河粉 Pho with Brisket Stew ($56)，成品份量很足，調味沒有很濃，河粉滑溜而且彈牙，給妹妹吃的是去湯剪碎，加點牛腩碎，為食妹吃得津津有味！而其實那湯頭味道也天然鮮美，給囝囝的河粉就撈了湯，他也愛吃～由於新鮮感吧，妹妹試吃粉麵吃得超多，

愉快的晚餐😋😋聽朋友話旺角雅蘭中心個邊，新開左間越南餐，於是放工和同事試下。 我地6點半去到，原來系樓上二樓，時間尚早，人流吾算太多，座位好闊落，里度既裝修同其他越式風格好吾同，有點似歐陸風格，環境舒適。打開Menu 首先叫左店員推介既：「燒大蝦柚子沙律」大蝦金黃爽脆，柚子鮮甜多汁，沙律入面仲有腰果😋，食落鮮甜美味又暖笠笠的「河內生牛肉湯河粉」啱晒凍凍地里個天氣食，再來一客「軟殻蟹米紙卷」外軟內脆正呀👍 仲有我平時最愛既法式牛油雞亦。食完甘多野，系時候輪到飲野和甜品啦，我地叫左紅棗桂圓花茶、和香矛蘆薈蜜2款，同埋心太軟甜品，未食都見到心花怒放，甜甜蜜蜜，啱晒貪靚的我地😄😄，好感恩！有個愉快的晚餐。