品臻 (已結業)

本身諗住買幾杯野飲俾屋企人飲，純粹諗住試下新野，所以就試下品臻，點知中咗個大伏！第一，order兩杯珍珠奶茶，都無加珍珠，事後睇返張單原來入錯單，ok～算，$27蚊杯齋奶茶～第二，order咗杯芋泥芋圓鮮奶，但杯野啲芋圓真係勁少，對比其他台式飲品店，起碼少一半份量，錢就收足，料就唔足？第三，出單勁慢，講真。。當時客真係唔多，唔明點解要等成20分鐘最後，味道真係好嘛嘛哋，如果好好飲，要等都心甘命底，但完全相反晒，伏中一次就好了，希望大家睇到🥲

真係為左佢要寫個食評，路經灣仔見佢鋪頭幾靚就入左去買左個朱古力味雞蛋仔同埋咖央味格仔餅，食評如下:咖央味格仔餅 - 佢個飯底係普通質素既餅底，食左都好幾啖都食唔到有任何醬汁係入面，咁我個時心諗，唔通佢係個餅底係咖央味咁勁???點知食到到個餅底既中間突然先食到有醬喇...原來個飯係正常既餅底，佢係用咖央醬搽係入面既(咁都正常既，出面好多唔同味都係咁樣做法)，但係問題係我食到中間先有極小量既醬....之後另一半一樣....都係極小醬....基本上可以係大概得兩至三啖有味..之後就好似食緊一塊咩都無既格仔餅咁.....咁我以為係我拎既時候唔小心將D醬汁漏晒落去個膠袋度啦，咁我睇完真係嚇一跳，係咩都無....即係話佢呢個所謂既咖蚊格仔餅係得兩至三啖醬係入面......我真係好奇....乜D醬真係貴到咁咩？？朱古力味雞蛋仔 - 佢個賣相其實係可以，口感都還可，不過我想講既如果你閉目去食佢既話你肯定食唔出佢係朱古力味，我唔係要求你每一粒都好多朱古力，但係都唔係剩係得個樣係朱古力味呀嗎?我食完到一半左右我基於唔想浪費我先唔丟左佢，我都幾肯定唔係我味覺有問題，因為同行朋友都係咁覺得。最後我想講，我無飲

臨近12：50幾分左右用熊貓落單，系統寫話13：05先可以取餐，點知好快拎得。因為想食芋圓，所以嗌咗個黑糖小芋圓鮮奶，驚甜所以嗌左半糖，不過都有啲甜。小芋圓林林地中都帶點煙韌，幾有咬口，有啲芋圓入面都食到有粒粒嘅番薯肉/芋頭肉。整體味道不錯。

上一次叫一杯碟豆花荔枝汁就成杯好淡，今次叫咗同一杯甜度適中但係變咗熱嘅！大熱天時30幾度激到一肚氣🤯間舖頭仲會熱過街道嘅，仲要找錯錢講返又話自己冇問題！希望快啲改返好啦

其實講真而家台式手搖飲品店真係開到周街都係，梗有一間喺左近。但係茶底好飲，加上職員服務態度好，真係會直接提升客人嘅開心指數咁杯飲品就自然更加好飲今次已經係第三次幫襯這間喺灣仔新開嘅「品臻」，每次店長Bella都會細心地為我推介飲品及小食。之前兩次已經分別試過鹽酥雞、椒鹽魷魚鬚、雞蛋仔同斑蘭格仔餅。全部小食都係即叫即做，另外我喜歡啲炸物，有大細兩個size選擇今日買咗《烏龍珍珠奶茶》，第一啖已經飲到香濃嘅烏龍茶味，珍珠亦不會過甜。另一杯《香橙綠茶》係Bella極力推介因為佢覺得真係好好飲。我本身好鍾意飲檸檬茶，就問佢可唔可以幫我加片檸檬。佢話店舖冇檸檬，但係可以幫我加檸檬汁。香橙綠茶加咗些少檸檬汁之後，味道果然更加清新

以為會係有百香果果籽但係無應該係糖漿加水加冰唔係幾好飲紅茶偏澀微糖都好似其他舖頭全糖咁 所以應該係糖漿開水其他野食唔知係點 但係試完就唔想再試喇加大唔算貴都係3蚊不過就唔會再翻轉頭喇屋企人話杯野問落去有貓尿味，不過飲落就唔覺既。希望可以快d改進不過都未必翻轉頭再買喇手腳都唔算快服務都還可以啦，無話特別好無話特別差另外依間舖頭收支付寶可以用消費券喇～個地下有d 滑同埋污糟。小心行路啦。附近一芳/丸作/木衛二/茶星人最推薦係木衛二～奶蓋堅好飲茶星人都麻麻喇依間有比較有傷害，都不太好了。

得知清玉變品臻，決定趁假日試一試。唔想飲嘢，嗌咗3號台式小食拼盤。可能剛開舖，兩位職員好似新手咁，之後第三位職員施施然返到，當時只有我一個客，最後等咗接近廿分鐘，過程中無職員同我講聲唔好意思，或者解釋點解要咁耐。味道方面，得鹽酥雞食得吓，比較入味，百頁豆腐只係一嚿熱咗嘅豆腐，而唔係外脆嘅，肉丸普通，其餘麻麻，偏淋，整體嚟講，$45我覺得有更好嘅選擇，或者飲品先係佢哋強項。另外，希望服務方面可以有所改善。