品粥茶餐廳 (已結業)

食早餐，叫左蘿蔔糕，炸兩，及第粥，豬扒麵。食物不過不失，但都唔係我杯茶。但出事嘅係，佢比我見到夾食物落粥個個夾，跌左落地，直接拎返黎用。個地下咁多人經過，鞋底又去過咁多地方，有咁多細菌。本身仲有個粥未到都即刻cancel左佢因為佢正正就係整緊我地碗粥。同佢講個夾跌左落地，我哋要cancel唔要碗粥。佢淨係係咁話得啦得啦完全冇諗過去洗返隻夾，仲繼續用。嘢食唔好我都唔緊要，但如果冇清潔衛生意識我一世都唔會再去！劣評！

我今日去荃灣,經過一間有粥食餐癮,我就食生滾皮蛋肉片粥,俾想像中超好食,肉片夠滑,肉質食落唔會太大難消化,而且落足配料,我一定會再嚟幫襯,渴望生意越做越好!!!

今日晨早流流去咗荃灣福來邨睇牙醫本身已經冇乜胃口 見到間粥鋪咪入去試吓囉誰不知有驚喜🥰🍲豬紅碎牛粥 料多過粥 😆🤤 最鍾意🍲豬潤滑牛粥豬潤粥塊豬潤勁太塊又厚咯 超級足料👍🏻火候啱啱好 又唔會煮到老晒 鞋颯颯良心鋪頭 咁多料先至$30 想點姐？點解仲可以有咁抵食嘅鋪頭？油器👉🏻牛脷酥 又係唔少得 必點既再叫埋杯奶茶簡直係完滿👍🏻其實除咗粥品之外呢度都有其他嘢食下次覆診再嚟支持下佢先😌你睇吓我食咁多嘢先$74咋香港仲有幾多地方可以咁平？大家得閒去試下啦😊

份量夠，味道O, 粥底靚，油太老，以前食過晚飯，普普通通，今日試佢的早餐，一個粥一個西餐，睇下有無吾同。應該系比較舊式的粥鋪東西都是比較亂放。坐低先來2杯水，一睇個面都系油，好似無洗，fail碎牛豬紅粥（$20）3.分- 碎牛幾滑，但裡面D炸米粉食得出油益味，豬紅都幾多，粥底好似屋企煲，幾滑，見到有米，食到底都吾會變水汪汪。牛脷酥（$9）3分-系自己炸，上到枱仲熱辣辣同香，食落皮脆內軟，但油應該用左一段時間，有油益味，要扣分。豬潤麵餐（$32）4分-很少茶餐廳有豬潤，加分，一碗有4大件同兩條生菜，再加分，雖然麵沒有叫爽D，都OK，食到最後都無淋。餐肉煎太陽蛋，4分-可能有無客人不多亦小部分人吃西餐，所以姐姐系新鮮煎，餐肉同雞蛋熱辣辣，香噴噴，麵包都好軟。檸檬水正常

今日午餐時間，因食完早餐不是很久，所以今日午餐想食一個粥，這間茶餐廳正好合我意。茶餐廳有卡位有圓枱，是比較舊式的茶餐廳。現在是午餐時間，人都不是很多。狀元及第粥$31狀元及第粥，裡面有瘦肉、豬粉腸、豬潤、豬肝及豬心，肉類都有醃過，味道都不錯，不過豬心及豬粉腸就稍咸了少少，瘦肉覺得不錯，而豬潤就覺得一般，有少少帶硬性而不是帶爽口。

今日經過這裏，見到這裏有粥，有腸粉食的，是一間茶餐廳，唔只食粥食腸粉，仲有飯有麵，很多選擇，很多元化的地方。我同同事買了一碗艇仔粥，一碟白腸粉外賣。白腸粉加混醬，腸粉不是好滑身，是叉燒腸的腸粉，所以好厚身，混醬不知甚麼混甚麼，是甜醬加豉油，冇花生酱，不過酸酸地的，好奇怪艇仔粥係好足料的。有碎牛肉，有魷魚，豬皮，好足料的呀！！粥底都夠綿的，食不出有味精的味道，係自己煲的味道，淡淡的鮮味。這個幾好食呀

下雨天的早上，不太熱，經過想食碗熱粥，坐下叫了碗碎牛粥，炸兩，好快就先來了牛肉粥，碎牛份量都算ok，粥底都算綿。過了不夠10秒，炸兩就到，但炸兩就不值一提（其實可以說是失敗之作）腸粉包住的油炸鬼是諗的（好似麵包），太難食了，炸兩是要有口感的，應該是滑滑的腸粉包住脆脆硬硬的油炸鬼，但是品粥用隔夜油炸鬼再加埋預先做定，其實該店都不是太多人光顧，又不是好忙，為何要預先做定呢？經過這次之後我一定不會再幫襯

做嘢經過食個早餐 價錢30蚊有找最勁係茶記的咖啡通常有燶同苦味 我飲鴛鴦唔加糖都好飲豬潤麫有心機在於豬潤彈牙唔疵牙食到用薑汁醃過又唔太咸方包亦鬆軟 又有電視睇至於人情味。其實係一份淡淡的親切無意中聽到個厨行咗出來同個叔叔傾一兩句 當中一句“驚你唔夠食特登整大碗少少俾你” 阿叔回一句“今晚成7、8點再食” 可能少咗機會聽到茶記人咁溫柔 所以覺得咁樣好開心好有暖意

依排食得好雜,所以想食返清d,就搵左依間餐廳食,我叫左1碟炸兩,同1碟豬紅粥,炸兩食落麻麻o地,因為唔係即炸即做,裏面條油炸鬼麻晒,食落唔脆口,無晒脆口感,味道算可以,不太咸!豬紅粥味道偏淡,小小腥味,口感軟林林ok,而碗粥味道偏淡是正常做發,要咸要甜就自己落調味料就可以,要食得清淡,粥店是最好選擇

這個星期天很想吃白粥油條記起車婆婆家附近的品粥茶餐廳便拉車爸爸一起去食~我自少便愛吃明火白粥$7(淡嗰款)粥底夠綿米粒爆晒花I like it~車爸爸的豬紅魚片粥$17魚片鮮甜豬紅滑嘟嘟又夠味好有水準~ 銀芽炒麵$9大大碟超級抵食味道正正係細時粥檔的風味~ 加埋甜醬好食到痺呀~炸兩$10即叫即拉腸粉皮入口頗黏未做到嫩滑no good 還好油條還脆口的~呢餐不過花費$43真心覺得好抵食