品味小館 (已結業)

見到有六個笑容, 冇什麼哭臉, 唸住試一試, 但又見下面六位, 都不是什麼食客, 食評不多, 所以都係以博一博的心態吧了...叫了兩樣野食:~ 品味小炒王: 的而且確, 食物真的很大碟, 韮菜真的很多, 蝦米, 等材料都幾足, 但似乎太油膩.~ 菠蘿咕嚕肉: 這碟真係吾錯, 好少見舊咕嚕真係咁多肉, 平時食開都係好多炸粉在外面. 整體而言, 一男一女去吃, 淨係兩碟餸都應該夠飽.但又沒有必要去親自搵來吃, 撞啱去到又可以試一試.

某日放工同同事經過附近新開張的小菜館，本來見門面普通唔係咁想入去，但同事叫到姑且試下新舖入到去都幾多人，坐底睇下餐牌見到好多菜名好特別，不過就唔知係咩o黎最後叫佐兩個餸：品味小炒王、無名肉老實講，都唔諗住有咩特別，咪又係一般小菜晚飯，點知餸菜到佐，發現竟然出乎意料地好食先講份量：都算大碟；價錢：一碟都係三四十左右；味道：小炒王有大排檔風味，鑊氣十足 無名肉，味道好濃，伴飯食一流，不過食唔出係咩肉下次都會再o黎，不過要約多幾個人試多幾個餸

屋企附近最近開左間新野，自己一個走左落去試下，我叫左個"桂林米粉"見到佢d 餸名幾得意就叫左"無名肉"及"雪魔芋"仲要麻辣湯底，味道唔錯幾好食，值得推介加上d 人服務態度唔錯，當晚消費加埋飲品$30有找，都幾抵食

屋企附近最近開左間新既荼餐廳，於是貪新鮮走去試下啦，見到佢桂林米粉既餸名好得意所以試下，叫左個"雪魔芋"同"無名肉"，真係超正，值得推介

早幾同朋友係太子行完街街. 諗住搵食野啦. 點知週圍都好FULL. 咁就有朋友提意不如行過塘尾道食啦. 我們心想做咩要行咁遠呀. 但係我地用左大約5-6 MINS就到達目的地. 我地黎到一間外表平平無奇既品味小館食野. 跟住我地就叫左四個小菜. 一) 品味小炒皇二) 土魷蒸肉餅三) 沙爹金菇肥牛煲四) 時菜炒澳洲帶子食完之後我地四位一致認為味道相當不錯. 下次再出去行街我都會再去食. 因為果度有米線食架.我今次太飽試唔到住. 下次試完再話俾大家知. 車仔心水推介:品味小炒皇

上次同朋友黎食飯，大約8點幾，都幾多人，要搭檯，不過都唔算太迫，而且侍應都幾有禮貌。我地點左《品味小炒王》同埋《XX梅菜東坡肉》，唔係太記得名。可能係即煮關係，同埋當時好多人，都要等一陣先到，不過2個都好好食，小炒王好香口，好夠獲氣，超正；東玻肉都好好食，好淋，好入味，轉套餐都係加$8，有飯有湯同飲品，個湯好好飲，唔似我平時飲o個，味精超多，呢個湯就好似冇加味精，飯就多左，我諗我地2個女仔SHARE一個都夠。我下次都會再黎試，不過就遠左，O係太子地鐵站要行3-4分鐘先到。不過都值得再試。

因為有朋友住附近,見係新開張，於是入去試下，都坐滿晒人，要搭檯，侍應都幾有禮貌，可能係小菜關係，都要等得耐小小，不過好好食，值得推介俾大家，我地叫左個《品味小炒皇》同埋《黃金田雞》，好香口，好有獲氣，轉套餐有飯有湯有飲品每位都係$48，唔算貴，而且佢湯幾好飲。不過位置就遠小小，o係太子地鐵站行過去，大約3-4分鐘。