咖喱鄉里 (已結業)

試過白色烤餅同喱肉烤餅(唔記得個名).覺得都係嘉里閣好食D.

今晚同男友黎呢度食,我食梨花園佢食curry-in-a-hurry.我試0左几啖,覺得都几特別,味好濃,但未必人人接受0既味道.講番佢食咩啦~佢係食特色南印度餡餅餐($40),入面都几多野食,有餡餅色治雞肉&蛋,另外加d豆同一d印度沙律,仲有杯汽水~個餅入面有餡,都几得意~味几重,食完口少少臭,韌韌地几好咬口,哈哈,另外個豆都几好食,男友拎個餅點個豆0既汁,都一樣掂.其實汽水可轉拉茶,但佢今日飲0左几杯奶茶,所以有汽水算呢~

呢度有幾款南印度特色食品我仲未食過, 所以襯今日lunch就試o左較少人叫o既'素食薄煎餅' 套餐."薄煎餅" (Uttapam) 係用白米漿煎成o既薄餅, 餡料可以揀肉餡(免治雞肉/羊肉)或者素食餡(雜菜). 我揀o左雜菜因為Uttapam以雜菜為最正宗. 成個套?($30)包括一塊雜菜薄煎餅, 一細份咖喱雜菜, 一大劈椰子醬(coconut chutney), 同埋一杯拉茶.雜菜薄煎餅係中挺size, 8寸左右, 雜菜餡有紫椰菜絲, 蕃茄片同青椒絲. 外面煎得煙韌, 裡面軟淋淋, 加上係米漿o既關係, 配埋o的雜菜餡食o黎口感相當似食緊煎蘿蔔糕, 唔錯唔錯! 甜甜地o既白色椰子醬(椰子蓉+芥菜籽)係用o黎點薄煎餅一齊食, 但我覺得塊餅唔點椰子醬都咁好味.至於o個一細份咖喱雜菜就有扁豆, 紅蘿蔔同白蘿蔔, 煮得好入味仲辣辣地添, 可惜份量太少, 四五啖就食哂. 拉茶淡o左o的, 不過夠熱, 飲o左成個人暖哂.Uttapam好好味, 但30蚊o既套餐當light lunch俾女士們食就夠食, 平時當佢係小食就差唔多.

咖喱鄉里係本地少有o既印度快餐店, o係幾個最旺o既大商場都有分店, 對鐘意食廉價印度o野同咖喱o既顧客提供一個唔錯o既選擇. 話雖如此, 佢地供應o既咁多種南北印度食品就真係有好有唔好.總括o黎講, 佢地菜色o既質素都拍得住老尖o既印度餐廳, 但最美中不足o既係份量少同價錢偏貴. 以一個40幾50蚊o既set meal為例, 飯同送o既份量好似飛機餐o既portion, 實在唔夠食. 我都明白印度o野o既材料唔平, 但係如果食o左四五十蚊都唔飽o既話, 咁就真係唔多抵喇. 不過佢地都有平而襟飽o既選擇, 例如'特色南印度餡餅' (Murtabak Chenai; $40) 煎得大大塊切成四份都夠一個人食, 但佢o既免治雞肉/羊肉餡o既味道真係幾淡, 唔點埋o的薄荷醬o黎食就會好寡. 反而用咖喱薯仔做餡o既'千層煎餅' (Aloo Paratha; $26) 好味得多. 另外, 香草雞肉/羊肉飯(Biriyani; $39) 炒得幾好食, 但係份量真係唔多夠. 其他o既特色食品好似'香草脆鬆餅' (Dal Masala Vada; $25), '馬沙拉薄餅' (Dosa; $30) 等

呢間咖喱鄉里個feel 好特別，因為工作人員好似全都係印度人，講d 唔鹹唔淡的廣東話。我上次係度食o左個下午茶餐，幾好味，亦幾抵食，但由於我唔係好熟d 印度食品名稱，我只記得係餐牌上最後果個，唔記得係9 號定係10 號。唔緊要喇！係一塊印度薄餅包住d 肉，我就叫o左羊肉。味道唔錯，又大塊，足夠一個人午餐的分量，仲有杯拉茶飲，值得一試。