咖啡弄 (已結業)

超抵食雪糕加鬆餅。咖啡弄大件夾抵食之前黎過咖啡弄一次因為未食正餐, 所以點了包點今次又係未食正餐, 但任性地點了甜點, 哈哈~~雖然一個人, 諗住慢慢食慢慢享受之前黎既時候大排長龍, 而家香港可能多了很多不同種類的 CAFE今次來只需等一台就有位了因為樓底都算高, 縱使坐滿人都不會太吵不過位與位之間確是有點近看着五花八門的餐牌, 其實也不難找到心愛的選擇~^^~看了一會, 見到意大利進口可可粉, 就決定點熱可可亞 $40朱古力好幼滑香甜, 但不算濃, 還是比較喜歡濃一點的棉花糖作點綴好了, 如果再加會太甜熱愛朱古力, 當然甜品也是點朱古力的香蕉朱古力冰淇淋鬆餅 $54一上台時才發現那麼大碟, 旁邊的人都很驚訝我一個人如何吃得下這麼大份沒想到 $54 竟然那麼大份, 突然覺得之前吃的甜品都太貴了~這裡實在太抵吃了~除了新鮮香蕉之外, 還有好健康的香蕉乾, 增加口感還有大大件熱辣辣鬆餅四件, 超厚的Waffle好香蛋味, 外脆內鬆軟, 好好味雪糕味覺得不夠濃, 如果是 Dark chocolate 會更喜歡最後, 真的吃不下~哈哈~~但實在太抵吃, 埋單只是百多元

優格草莓沙冰唔止草莓仲有好多桑莓，好有層次感！酸酸甜甜夏天飲超清爽！同一般strawberry smoothie相比，多左yogurt味道濃杰啲！成五十幾蚊杯係少少貴，但堅好飲香蕉朱古力雪糕窩夫賣相好吸引，新鮮香蕉之中都夾雜左幾片香蕉乾，得意但香蕉乾我麻麻地like，伴碟香蕉味cream唔錯幾香甜，窩夫就普通唔係話好鬆軟，熱騰騰拎出黎配雪糕係好食既，唔怕肥可以再淋埋朱古力醬上面，好滿足！最好同朋友些牙因一個人食四件會太膩。依家平日12點前唔洗等位walkin都得咼，聽講仲可以訂位，岩哂唔中意排隊的人

今次來吃午餐已經沒有以前的人山人海了！我是大概一點半到達餐廳，前面有兩張枱排隊，等了大概十分鐘，就被安排入座。點了每次來都點的芝士牛角包，好像有點退步，芝士味道沒有以前濃郁，火腿有點太硬。另外點了期間限定的龍蝦堡，醬汁帶著蒜香，而且面包鬆軟可口，配以特製的酸沙拉，非常開胃，只是價錢略有點貴。值得一提的是caramel macchiato 有低因可選，令我這個餵人奶媽咪可以頂頂咖啡引！

尖沙咀分店間咖啡弄就去得多，銅鑼灣呢間就未黎過，尤其頭幾年咖啡弄只得銅鑼灣呢間，所以係打曬蛇餅，咪攪我！熱潮已過，今日路經6:40還早，我同老公成為龍頭等一士多啤梨鬆餅係必食，最低消費係每人一杯飲料（一位抺茶珍珠+熱水果茶），所以我都係叫多份豬扒三文治⋯⋯鬆餅好頂肚質素咁多年其實冇跌過，唔錯，不過價錢係一直微調上漲質素冇跌，咁間中食下，都接受既！另外，如果豬扒三文治可以係真豬扒而唔係火腿扒會合理啲！

上到去入門口，一入到去侍應就話我哋仲有15分鐘閂門連一句唔好意思都冇，佢係咁意指個位叫我地坐低就算冇帶位冇人理直至到我主動叫個侍應埋嚟落單。坐低之後諗住叫個鬆餅兩個人食，然後侍應就同我講呢度有最低消費要一人一杯野飲。我嚟呢度只想食個草莓鬆餅，我唔想飲嘢，但係如果你話有最低消費一人最少要＄50我可以接受。咁我咪叫個鬆餅再加杯嘢飲囉，個侍應就話唔得，一定要一人叫一杯野飲，我真係覺得呢條規則好低能，你有最低消費唔係問題點解要迫人嗌兩杯野飲？最後乜都冇食走咗，嘥氣。

#雪雪茄大滿足 😋🈵 味道：🔴🔴🔴🔴🔴🔴🔴🔴⚪️⚪️👁‍🗨 環境：🔴🔴🔴🔴🔴🔴🔴⚪️⚪️⚪️💰CP值：🔴🔴🔴🔴🔴🔴🔴⚪️⚪️⚪️🔙 番撻 : 🔴🔴🔴🔴🔴🔴🔴🔴🔴⚪️話說去完台北幾日後,又心思思忍唔住番黎食 😝舒緩下旅行後症候群症狀 ⋯ 😌2個女孩子叫左：1） 墨爾本龍蝦堡 $152 😍👍🏻 啖啖龍蝦肉 ☺️👍🏻 多醬好happy ～🍞 好普通, 醬多唔乾咬大啖啲都唔怕, 哈哈 😆👉🏻 薯仔炸得唔錯～ 雪藏薯仔黎講完全合格！👉🏻 唔識欣賞配沙律既柚子汁 🙈 酸又酸唔晒, 食完又無開胃既感覺 🤔2）燻鴨羅蔓沙拉佐香橙 $68👉🏻 次次都點佢！💋👉🏻 鴨肉好飽滿好好咬口！一食就愛上 😍👉🏻 最愛連皮脂食 ～ （食完再減⋯ 😅）👉🏻 沙律同樣配柚子汁 ⋯ um⋯ 🙊 自己鍾意跟黑醋多啲（如有）😂3）草莓冰淇淋鬆餅 $60👉🏻 飽到上心口仲嗌⋯ 要不得 😤👉🏻 🍓形狀一大一細唔夠靚仔, 扣分 😶👉🏻 鬆餅係厚厚實實果種口感, 完全唔鬆軟, 但唔排除有人會喜歡 🙊👉🏻 草莓雪糕唔好食⋯ 無咩🍓味 😅👉🏻 又雪糕又吉士實為飽肚之選 😬👉🏻 為左唔浪費, 咁巧有朋友係附近就一齊拆掂佢

相隔一段時間無來尼度，好彩下午三點幾尼個時間唔使排隊。之前同朋友來，幾乎都會點烤雞吐司pizza，今次都唔例外雖然男友嫌太重黑椒味，但個人好鐘意個種啱啱出爐加上黑椒嘅香味。再加上厚厚芝士和調味好的雞肉，好味！尼度嘅窩夫真係好大份，我哋兩個人都食唔曬。但見到隔離枱嘅女仔竟然一人一份😳😳，厲害👍。窩夫好扎實，唔會太乾。不過個人覺得同抹茶雪糕唔太配🤔但男友純粹想食紅豆，所以揀咗尼款🤦🏻‍♀️。紅豆搭配窩夫都唔錯，單食會太甜。飲品方面，今次無再飲水果茶系列，而係試咗一直都唔知係咩嘅“歐蕾”。另附一個迷你“打蛋器”，又幾得意。飲落應該似係抹茶latte, 不過歐蕾好似係牛奶比例再多啲🤔。今次嘅新嘗試都唔錯！本來無打算食太多，結果兩份食物都好夠份量，完全飽足嘅下午茶

去銅鑼灣一定要去試下咖啡弄。呢間係台灣傳過黎嘅餐廳，好似一間cafe，提供一D大大份嘅三明治等等同埋沙冰，有好多選擇。咁我地就叫左草莓冰淇淋鬆餅、總匯三明治、黃金拿破崙千層派、冰美式摩卡咖啡。總匯三明治真係好大份，最好味係個D薯片，而且唔係好熱氣，一流。冰美式摩卡咖啡味道幾好，咖啡好大杯，差D飲唔哂。差唔多每一台都有叫一客鬆餅，咁我地就試下草莓冰淇淋鬆餅，D鬆餅熱辣辣好厚身，而且唔會淋，好足料。另外，個雪糕有好濃嘅士多啤梨味，好開胃。黃金拿破崙千層派就有D失望，因為佢係每日數量限定，但味道就一般。總括黎講，去咖啡弄一定會食得好飽同好滿足。

一行四人，四個都話很差，很差。首先等位，問要等幾耐，個𡃁仔話唔一定架喎，每個人食飯時間唔同，係出面等啦！OK, 朋友未食過，等左15分鐘入去。點Lobster Roll, 冇, 點鳳梨沙冰，冇，點個北海道whatever包，話要半個鐘，咁點番以下個d有架啦。甜品拿破崙，見到限定，未點囉，女侍應話預備時間要20分鐘，您食完叫啦，我問限定wor, 係未一陣叫都有架，佢話未必，我問可唔可以而家叫定，食完飯先上？佢黑住面咁話得，仲提我地要個半鐘食完...... 咁當然啦，D主菜未上哂，甜品已經黎哂啦！ 仲有，侍應覆單后先提我地每人最少叫一杯野飲，野食唔計，講真係香港未見過唔係Min Charge per pax or 野食唔計，真心嬲。正常Club Sandwich, 老實講，茶餐室D好食D, 薯片脆嘅，OK.本以為呢個好多芝士融出嚟，少年太年輕了，係少少似千島醬嘅汁咋!Oreo 沙冰，頭20分鐘係冰到飲唔到嘅緬甸咖喱蝦飯，飯係熱嘅，蝦就唔係爽嘅，留意下一張 Close Up!好油好油！正餐未食完已到的唔脆拿破崙.Very soso

未食先谷氣，谷到一肚氣，食乜都冇味。等就不在話吓，問要等幾耐，就話每人食嘢需時不一。 茶樓阿姐都會識同你講約莫15至20分鐘啦…… 態度差！ 坐低之後，叫乜冇乜， 又有制度，迫顧客一定要最低消費嗌一杯嘢飲，食物唔計，無理之極。 只可以講，未食先嬲，食咗就嘔番出嚟！飲品:阿薩姆紅茶冇味，珍珠奶茶淡，沙冰吸唔到……唉！怨氣…… 侍應講嘢講咗等於冇講，而家練急口令咩，不但如此，口齒不清令人難受。食物一般。相比，灣仔1963木十豆寸窩心得多，可以一試！

事隔數年終於再次到訪銅鑼灣的咖啡弄，熱潮早已散去，人龍亦不再見到，終於可以慢慢享受美食。一行四了所以點了一份豬扒三明治，芥末芝士三明治，大蝦多士，士多啤梨鬆餅和拿破輪。咸食最好吃始終是三明治，豬扒不會乾身而且很香，跟烤了的麵包一起吃真的很好！芥末芝士亦很惹味，我和友人都爭著吃最後一件呢！而多士則略嫌小份，味道偏感，不太推薦。鬆餅依舊好吃，外脆內軟份量又夠，大家一定要吃！而拿破輪則是想嘗試很久了，可能是我期望太高，實物真的平平無奇，唯一可取是其層次分明，牛油味夠香。另外點了冰維也納咖啡，味道還好，不太甜咖啡夠香。

距離上一次食咖啡弄已經有好幾年了原因係果次既痛苦經歷: 當時剛開張 條人龍排到落去街度... 一排就排左3小時...自從果次之後一直都唔敢再食 怕怕了 然後早幾日 友人話想吃咖啡弄我就本住捨命賠君子既心情! 我地懷住戰戰競競既心情行上條樓梯雖然有幾位在掛隊 慶幸係樓梯未見長長人龍而我地好快就入得喇! 必點! 雖然現在好多地方都有 但係我都係覺得呢度既生果最多同最好飲! 可頌好鬆軟 料亦好足 仲有沙律菜平衡番~ 唔使淨食肉 我預期佢係近似日式咖哩既味道但係估唔到佢係印度咖哩feel! 友人唔食得辣 辣到佢伸晒利牛腩好林 不過飯就煮得慢慢 有少少爛~ 其實都係因為每一要叫一個飲品 又唔想大家都叫鮮果茶先叫估唔到有驚喜! 佢應該係奶茶黎既 玫瑰味超香!岩岩減少左奶果個膩既感覺 反而有少少清新~唔錯!

去完銅鑼灣shopping，有小小肚餓。我心諗一個人去咖啡弄應該不用排。真的好彩一個人不用等就可以入，出面排了長長人龍。冰滴咖啡（60元），真係不係次次都飲到，滴滿一壼不是易事，所以價格貴小小可以接受。咖啡濃郁，要自己加糖加奶。草莓冰淇淋鬆餅（60元），一碟一個人完成就十分full，士多啤梨加雪糕及果醬配合在格仔餅上是無懈可擊。冷暖感覺強烈，熱烘烘鬆餅加上雪糕及士多啤梨肉真是高級享受。如果多個朋友分享會更好

估唔到而家黎咖啡弄都仲要排咁耐隊，雖然係咁，今次有窗邊位，都唔錯！2 個人食左抺茶紅豆鬆餅，雞軟骨，芝士雞肉三文治toast。三樣都好好食。本身諗住生果茶好大壺可以2份飲，但有最低消費點都要叫2 杯，就叫左凍焦糖咖啡，普普通通。始終唔明點解最低消費要有2 杯飲品......

若想來這裡不用排隊 要選好時間 打完波一行6來吃 點了非常多的食物 龍蝦包 咖哩牛腩包 都大大碟 一定要share, 味道還好。Oreo cheese cake 都大份、I personally like the soda drink, coffee 下次來應該多選甜品