和花亭壽司 (已結業)

一直以來甚少吃蛋的壽司覺得熟的食物並非壽司也沒持別只愛吃魚生類的才覺得鮮味小妹跟我說這玉子燒好好食啊所以便來試試哇!太好食了除了甜甜地原來仲有很多層次的味道是非常好食的 !突然, 對熟的食材壽司都添了份好感 !其他食物味道都不錯不會讓人難忘所以 ... 都忘了 呢個是全晚食過覺難食的 ...芝麻太多蓋灑其食材味道 overall,玉子燒, 超正 !!!

雖然我唔係成日食日本菜,冇特別喜好/厭惡,亦唔算得上好識食但有返基本食嘅要求都好合理根據同枱某人指,呢間厚燒玉子好得;但係,服務員話當晚有樣野幾冇,玉子係其中一樣等佢行開左,某人話佢黎過超過10次,無論中午定夜晚,好多時都話冇玉子,佢都只係有幸食過1次難怪,原來上左神枱級,ok,被逼放棄由於一行數人,所以叫數量都唔少,不過據有食開元氣同板長人士指,大部分水準連元氣都不及而我多數係食"吉之島"外賣流,比較之下,"吉之島"有d仲好食~~跟住就精彩喇,特大帆立貝,$36/件,同時叫左1碟2件火炙帆立貝食完之後大家都覺得特大帆立貝又貴又唔好食,有d唔新鮮咁八爪魚刺身,我第一次食野係咁怪口感,咬落似擦膠+香口膠,咬多兩下仲有潺,要咬好耐先吞到一致後悔叫左幾片擦膠食~~全晚最好食果個叫天婦羅等炸物之類,不過都仲有敗筆位,炸雞軟骨好油,仲多油過大排檔出品好,以上都當佢係來貨唔新鮮/一時失手,我俾你過最有問題係碗烏冬,有隻小蠅浮下浮下,咁搞法真係冇符我唔要求你好食,衛生都算,都唔好俾我睇到呱~一句"要我再去,no way"

6月20日, 當年和花亭嘅海港城店曾經都係一間人龍長排嘅人氣迴轉壽司店, 環境裝修有格調, 壽司質素亦屬上佳~ 今晚嚟到旺角始創, 周圍食肆都大排長龍, 反而呢間和花亭就一個人都無, 唔洗排隊就可以直入! 但入到去先發現間舖好似落場咁, 迴轉帶上無壽司、斟水水喉壞水泵、連侍應都只係零零星星… 見環境唔多對路我地都只係求其叫d壽司醫飽肚就算喇…::: 三文魚壽司 ::: $12三文魚望落都較淡色, 而且都幾薄切下~ 味道唔夠鮮, 只係僅僅合格…::: 鱆紅魚壽司 ::: $25鱆紅魚反而有少少驚喜, 肉身厚, 有少少鮮味~ 但魚味都係較淡, 唔夠突出.::: 帆立貝壽司 ::: $18@件帆立貝壽司賣成$18一件絕對唔算平, 所以我地都有少少期望… 開頭都以為佢應該用d大帶子去做, 但嚟到發現原來都係普通size嘅帆立貝… 雖然都算厚身, 但味道都係唔夠鮮甜~ 一般啦~::: 北寄貝沙律軍艦 ::: $14呢個北寄貝沙律軍艦size都細細地, 滿口都係爽脆菜粒, 沙律中北寄貝比例亦好少, 味道亦唔突出… 幸好軍艦中最重要嘅紫菜都新鮮, 加上沙律本身味濃, 就算無乜北寄貝咬下都唔算太差,

星期五的晚飯時間,無論大店小店都是排滿人, 眼見和花亭門口比較少人, 只有十個左右, 但點都要等成個鐘. 坐order枱都無咩所謂, 最緊要有得食.北海道炸魚鰭 – 其實即係炸三文魚. 無咩特別, 好快凍,所以要快點食!三文魚壽司 – 好刀法…..好簿甜蝦壽司 – 好似放得太耐, 暖的.昆布鯖魚壽司 – 沒有魚味針魚壽司 – 沒有魚味, 好似食緊舊豬肉咁蟹籽軍艦 – 好多蟹籽. 好味山葵八爪魚軍艦 – 山葵味勁重. 好味魷魚海膽軍艦 – 友人話海膽有點臭臭的.胡麻醬帆立貝火炙 – 花生醬味吾太夾帆立貝. 不過都算大大粒.軟殼蟹野菜巻 – 呢個係失敗之作, 一放上枱已經散哂. 啲蟹仲有啲”益益地”待應生都算快手, 不過眼見二,三枱客都話漏單, 而且要叫先加水.但待應生都好有禮貌及態度.價錢不算太貴也不算太平,但咁既價錢可以食其他更好的.

我們就比佢最後一次機會但竟然漏單 ! 但幸好我們心情尚佳 ( 有佢在場營造笑料, 食得果然高興) , 再一次比佢最後機會都交足貨 = 火灸走咖哩食出魚香而滲透陣陣"燒" 味,正合美好完結, 相信老友都唔忍心叮佢出自己心水飯店名錄呀 ! 留前鬥後----往附近心水再撐枱腳ing, 讓老友嚐試到"賣飛佛" ,佢亦感窩心, 第一次食的冰已教她超鍾意! 欣賞師傅手藝時間 : 烤牛卷, 出色吸引 !半熟蝦:爽 但三文魚就~招牌玉子風釆依然 , 老友鍾情其品質足料夠蛋香, 較勁濕潤的厚切的確特別!炸物只選擇雞軟骨, 賣相尚算大方, 菜與沙律醬分佈得宜閃爍的帶子相當具吸引力,食落清甜!軍艦陸續到達 ,脆口而且材料超爆 ,但個人認為醬汁較濃, 蓋過本身材料應有鮮味自動熱水供應暫停 , 枱上水壺超重~7:00 前入座尚算情況容易 , 老友唔理咁多要醫肚, 卻瞥見特惠增量推廣 , 馬上想食盡佢 ,點知只可每人限2件 : 其實平$1 又大件咗 ,都算愜意 老友聚頭唔知食什麼之際 ,突然話比佢一次機會, 其實是指給它加分的機會: 因曾幾何時die-hard fans 已屢試不爽地失望喎!

上星期和男友接媽媽收工本來計劃去始創中心的和民但因等位太久所以被迫放棄改為向樓上和花亭前進和花亭門口比較少人, 只有十個八個左右不過都等了差不多半句鐘甫坐下, 我就盡力剔剔剔剔 ... 從來都看不起蛋壽司的我因之前有看過openrice食評所以今次點一客自家製厚燒玉子壽司試試試後果然不錯, 厚厚的蛋很滑, 內裡還有些微蛋汁, juicy!!另外要一提的山葵八爪魚大盛軍艦本以為零殺傷力, 誰知在豪無預感下給殺個措手不及山葵辣得我和男友, 眼水直下不過八爪魚爽口彈牙, 山葵味香濃味道和口感都配合得很好媽媽十分欣賞蟹籽沙律因為材料足, 蟹籽, 蟹柳, 青瓜絲都非常慷慨的多五目腐皮壽司腐皮加上蟹籽和蟹柳碎, 味道依然清甜沒看價錢地點了三件一本穴子壽司鰻魚長六吋左右,看樣比蒲燒鰻淡色我把那鰻魚圍著壽司飯卷一圈送進口裡嗯 ... 鰻魚味和汁醬味道都不夠埋單才發現$40件我想隨便一間超市的鰻魚都比他優勝 ... 三文魚六福壽司三文魚腩壽司甜蝦壽司三文魚的壽司都略為普通而蝦壽司則吉列蠔壽司炸粉偏多, 下次不會再點了炸三文魚皮手卷醬燒牛肉火灸三文魚親子卷這幾款味道略為普通, 印象不深

其實來過這間食店一段時間了，很多次都沒有下定決心為這一間食店寫一寫食評，因為多數都會為一些新去的食店來寫，一來有新鮮感二來要寫的資料也會比較多，對於一些常常都會去的食店變成了一種習慣，要下筆時少了一些的推動力和新鮮感，但去了這店食了一段時間都有一些的感受想分享一下，所以就下了決心為這店寫一次的食評。和花亭壽司是在始創中心的3樓，數一數手指應該是開了六至七年左右，一間店子能維持六至七年一定會有它們的原因，在很多的集團式的壽司店中這店的壽司都有較多的選擇，已經很多時都有一些優惠推出，令食客們都有一些的恩惠，但好像近幾年食物的質素、食物的選舉和員工的態度都有一些的改變，恐怕會對店有一些影響。一個星期六的晚上，想想下都有一段時間沒有去過這店食壽司了，就抱住嘗試的心態去到這店去碰碰運氣，因為以前星期六晚上的熱門時間會有很多人在這店的門外等候，但這一次六時半去到，店內竟然只得兩三丁人在內，初初都有點兒唔相信，但事實如此都沒有辦法，心中突然想到為什麼會這樣呢?第一個我覺得的原因出現在我面前:員工的態度，幫我們帶位的員工的態度都比較懶散，店內雖然沒有人他們好像連帶位的力量都沒有了，求其問我們坐什麼地方

貓搵完外快 就帶藍藍行街街途中見到七點前埋單有七折加上又有點餓 唔洗等位 好吸引!我地叫左兩個三文魚手卷一碟三文魚親子壽司 一碟三文魚壽司,一碟甜蝦同一碟帆立貝壽司ok新鮮同肥美啦 不過就唔算甜三文魚親子壽司上有三文魚子 正~雖然無食到飽 但係過足口癮又有得慢慢坐 happy

六點半罕有地沒有人排隊，便在這裏吃飯。店裏客人稀疏，三人也獲分派到卡座，90分鐘內交枱。新出的前菜頭盤，是普通的八爪魚、螺肉和中華沙律，沒有特別。份量不多，稍貴。沒有了從前的自助斟水，改為人手，侍應自動自覺，抵讚很喜歡這裏的醬油，香甜不會死咸，wasabi也對味。每次來也會點5客三文魚壽司，一如以往地新鮮。魷魚新鮮爽脆。必點的厚燒玉子，剛燒起冒煙上枱，有層次感之餘蛋味充足，好好吃肥味的帶子壽司，新鮮可惜不夠甜。在卡座看師博新鮮燒起，聞到陣陣炙燒香味，肉汁豐腴，口感肉味一流。蟹子壽司新鮮的，不過可能放了一會，紫菜變淋。新鮮炸起，炸漿很薄，不油膩之餘嘗到大蝦的鮮甜吃完大概七點多，沒有了以前誇張的人龍，會多來吃飯

三文魚刺身：唔可以叫做新鮮囉．帶子壽司：不過不失喇．鰻魚壽司：好長既鰻魚，起碼有7吋，軟身得黎幾好味．五目腐皮壽司：有少少辣，個腐皮太甜，浸過糖水咁．龍蝦沙律壽司：一般．雜錦天婦羅：芋頭，青椒，茄子，蝦，算唔錯，好乾身．蟹子沙律：好大碗，青瓜絲最搶風頭．軟壳蟹手卷：紫菜脆，但內裡既料唔係咁得，好粉，炸到淋晒．

多年前跟和花亭的一次偶遇...是緣份可說是一見鍾情...一直愛她至今那時手握壽司才開始普及...一試便不能自拔多年來很多後起之秀...帶來了新鮮感...也曾一度移情別戀她不一定是最好...卻始終最讓人難以忘懷這次是下午茶時段...只是簡單的選了套餐$43...二個壽司蟹子沙津湯烏冬加州手卷 壽司炸薯餅湯烏冬蔥吞拿魚手卷 和花亭壽司質素一向水準高...用料新鮮...味道有特色甜蝦北寄貝鮮甜夠大吉列蠔是吃過最好的...配他他醬很精彩火炙咖喱三文魚...味道是不錯的...但另一款式咖哩醬油半熟蝦更棒燒牛肉壽司是美味的...以前加上蒜蓉更為驚艷蔥吞拿魚手卷當然好吃...本人更推介加州手卷如加州手卷那麼不起眼又普通的款式...和花亭卻有魔法讓它變得特別對和花亭的鍾愛...除了愛情...也是感情當然她獨有的魅力...才是最叫人愛不釋手

今早不用上班，兩口子睡到自然醒，起床才想想去那裡吃LUNCH很久沒有到和花亭，換好衫就搭小巴去吃了幾年，內部裝修沒有變，我們兩個不太喜歡坐BAR 台在沒有太多人的星期六下午一時，都選了坐 ORDER 台靠近窗邊有點陽光，感覺舒服一點吃了這麼多次，基本上一 ORDER 就例牌玉子、蟹肉蟹羔軍艦、火炙咖哩鹽蝦 (呢個必食)、蔥吞拿魚手卷、軟壳蟹手卷、腐皮、帶子、火炙牛肉、螺片、醬油象拔 同埋個特價SET價錢方面，因加了價，不便宜呢！幸好食物質素仍不錯~

影左好多相.今次先第一次POST食評,等得慢慢POST哂出黎先!隔左好耐冇食過SUSHI,終於忍唔住去食喇!今次-太子和花亭,D魚生好新鮮,賣相又好好.我由其喜歡 火灸左口魚邊.入口即溶.真係百吃不厭!仲有玉子SUSHI,真係好甜.好正不過唔見左張相其他都好好食.真係講唔哂,未食過一定要去試下...

前幾日o係openrice見到咁多好評, 琴日就同男朋友去左呢間日式餐廳食飯。去到門口, 見咁多人等緊位, 心諗呢間餐廳都應該係唔錯既選擇。不過食完呢次之後, 我地都應該唔會再返黎幫襯, 因為真係覺得唔係好抵。我地第一樣食o既野就係三文魚腩壽司。見佢地個樣都好靚仔, 就起筷送佢埋嘴邊..唔夠一秒就出事了。塊三文魚腩好似普通三文魚咁, 口感一般, 舊飯握得唔係好實, 醋既分量亦唔見得落得適中, 味道比超級市場買既三文魚腩壽司還要差。跟住我地再品嚐其他食品, 有火炙咖喱三文魚壽司, 普通三文魚壽司, 三文魚六小福, 特大天婦羅蝦壽司, 三文魚石狩湯, 吉列棒棒蝦同鰻魚壽司。火炙咖喱三文魚壽司, 鰻魚壽司同普通三文魚壽司都唔係特別有驚喜, 不過三文魚六小福都算係一個幾特別既配搭。 特大天婦羅蝦壽司外貌非常討好, 食落亦非常爽脆, 係我地最滿意既! 三文魚石狩湯足料但味道好清, 唔係好特別。個人係因為鍾意食三文魚而點這個湯。吉列棒棒蝦中規中矩, 色香味俱全, 不過好熱氣。食物質素普通, 加上又要排隊, 食完一次真係無乜意欲再光顧lu~

壽司癮間唔中就會發作，對上一次食壽司已經係3月中，7點左右入座唔洗等位，不過裡面都坐到9成客。食壽司最鍾意坐bar台，可以睇住師傅整壽司，亦可以觀察到壽司店的質素。呢間和花亭有迴轉帶，但帶上壽司並唔吸引，而且好細件，壽司都係即叫即整好。劃紙仔落order，無耐d壽司幾乎同一時間一齊上晒台。晚市星期一至三的優惠壽司，有八件，$79。都幾抵食，有海膽，甜蝦，三文魚，劍魚，蟹腳，拖羅，赤身同帆立貝。不過抵食還抵食，睇賣相已對質素略知一二。因為同朋友share所以淨係試左甜蝦，劍魚，拖羅同赤身。甜蝦唔算太新鮮，劍魚同赤身味道唔夠特出。拖羅一向係本人最愛的魚材之一，呢件拖羅色澤鮮艷，油脂滿佈，進口貨已算新鮮，可惜實在切得太薄，拖羅鮮味有如蕓花一現，真是一分錢一分貨。三文魚子軍艦，索價$32，都算幾貴，不過質素真係唔錯，海苔香脆，魚子每粒都精瑩通透，調味適中。每次食壽司差唔多都會叫玉子壽司，厚厚的玉子燒又香又甜。三文魚石守湯，麵豉湯底，都唔錯。叫左一個熟食吉列蠔，最鍾意食蠔，炸得夠熱，正。埋單2人食左$280，都夠飽，始終覺得係香港食日本野真係比較貴。