和花亭壽司 (已結業)

1.無新意2.同款壽司與出面比較係貴d3.完全談不上新鮮4.充斥雪藏味5.飯團鬆散，明顯師傅握得不實6.芥辣完全唔辣識食既人應該食得出壽司既好壞，呢度完全唔合格如果唔係比面d朋友都費時出聲，6個人$450，無下次

壽司好新鮮, 份量很足,以同價錢系列(10-25)與元氣比較,明顯好得多.魚生的選擇及質素亦不錯. 服務態度方面只是一般,不是太差,師傅及waiter 都有點cool, 少了日本食店一般的熱情.這方面我認為可以做好些.我最怕那些大叫一番卻又行屍走肉般的歡迎詞句,又或者是像背書一樣的廚師推介,不說也罷.

午市都算平咯，有10蚊同25蚊的set ，每日都有不同款式(只限平日)。個日25 蚊冇哂了~ 10 蚊個d 都可以壽司就一般waiter 幾有禮貌不過.. 我右邊個位... 有水滴落黎希望快d 修好

終於試左招牌玉子壽司啦! 其實與其話係壽司, 倒不如話係蛋卷一塊-- 得幾粒米夾左o係個蛋卷中間. 質素方面, 都唔錯o既! 不過我覺得同其他壽司舖分別唔係好大, 但係$10一碟又真係幾抵o既!

午市都算平咯，10蚊有三件，每日都有不同款式(只限平日)。其實壽司就一般，但甜品就好食，我自己叫一個莓大福，正呀！

d壽司幾好味呢~ 最愛天婦羅鰻魚壽司同玉子=]

同男朋友第一次黎和花亭食，六點鬆d去到當然唔駛等位啦!環境唔錯，張椅子令人坐得頗舒服。款式唔係話十分多，有d壽司平d，好似三文魚壽司，有d個價錢偏貴，好似海膽壽司咁，要成35蚊碟!未食過可以去試下!!服務方面普通waitress都可以，但係個經理mable就要學下d 服務技巧喇!我同男朋友二人坐係迴轉，因為當時時間尙早兼且佢冇位俾我放袋，所以我將個袋放係無人坐張椅度，咁有人入黎我就然會拎番起個袋啦!但係個經理mable帶兩個客人入黎坐，就叫果兩個男人坐低，有經驗的經理甚至係侍應都應該同個客人講---小姐,麻煩你拎番起個袋丫!又或者諸如此類的說話!但係個經理淨係帶人入黎叫人坐低跟住就走去，講句說話都懶!!整體來說呢間舖可以試下!希望下次去佢地的服務可以更加好啦!

Food is good and the cost is reasonable. However, the sushi chefs are so talkative, they gossips around and always miss order.Highly recommends : Scollops and Tempura sushi

6點半去到唔駛等位，一坐底睇到d師傅仔整壽司時已大打折扣，佢o地係個桶度拎舊壽司飯再將d魚生舖上面，唔係即整手握壽司飯。雖然d壽司飯不至於一pat pat，都幾腍食唔到一粒粒飯。toro、海膽、牡丹蝦35蚊碟，沒有期望會特別好食，都ok la。鰻魚唔太掂，唔肥美。仲有叫了一碟大海鰻魚壽司，我以為好似“峰”同“板前”一樣好大條，佢就細好多，仲要兩條黐埋當一條，有d被搵笨感覺。最好食就係辣吞拿魚卷，舖面個d吞拿魚蓉辣辣地，幾得意，我仲食了兩碟tim。甜品係雪榚批同哈密瓜雪芭，雪榚批外型似個fruit tart，不過入面唔係吉士係一個雲呢拿雪榚球，而且個tart底好好食，因為佢夠大又夠厚外，仲好鬆化。學麵包話齋選擇唔多，而且又唔多吸引，我o地兩個人只食了9碟加兩個甜品，埋單到要三百幾，如果以這個價錢我會去峰或板前，如要食這樣質素的壽司我會去元氣。

今晚來這店試試,坐下先食了幾碟壽司,味道很新鮮,而且和日本一樣,魚生大大件,感覺幾好.再坐多一陣,才發覺迥轉壽司上的食物,來來去去也是那些,很少有新的食物款式.我們便打算自已另外叫,點知待應說油甘魚未有,要遲d才有;心想遲d,我都走了啦,有沒有都無人知啦.在沒有什麼好選擇下,我們只好再返炒之前食過的幾碟,真係有d失敗.雖然食物質數也不錯,但這麼少款式,己叫我們沒有興趣再來了;而且價錢比較貴,實在有點唔值得.

週六晚七點幾去排隊, 都搞左成大半粒鐘, 入面都好大, 但係我地被安排左坐係近門口的位置一坐底係背面有一排長椅比等緊的人坐,坐左成10多個人,你話啦,你係度食緊轉轉壽司,後面咁多人等你個位, 你feel到啦!!最慘係有個坐唔定又要大叫的小朋友係度.....唉...........食物方面都幾多新款, 有個鰻魚芝士卷$25好大件, 大件鰻魚係上面, 卷入而有牛油果同芝士, 個味係意想不到咁match喎!炸蟹仔手卷係是晚推介$15, 一個手卷有3-4隻蟹仔, 賣相好得意但係食落一定唔會有軟殼蟹手卷咁好食, 因為蟹仔食落好似有渣咁, 腐皮帶子壽司賣相幾特別, 但食落個腐皮好似甜過頭, 一般suszi如辣味吞拿魚, 希靈魚子,鯨龍太普通, 有d蟹腳壽司要成$45一件, 真係太貴唔抵食. 最慘都係個d staff真係叫得好大聲, 你都知啦, 一去日本餐廳, 有人出入d staff都會大叫d日文出黎, 呢間d staff叫到好大聲, 重有喎, 佢係門口叫number個喇叺竟然係向店入而播, 重係正我個頭頂, 個小姐一叫咪, 我就要收聲, 費事同佢好似嘈交咁, 個d係走廊d伙記又唔係做野, 你同佢落

街坊介紹TST和花亭都新鮮。去了新的IPO場逛一逛﹐即太子舊宜家傢私﹐無啥看頭﹐見到有間和花亭便入去試試。方才坐下﹐有個侍應哥仔同我們講﹕“今日推介﹐最好係唔食魚生飯。”“o下﹐唔食魚生飯有咩好食。。。。。”我說。侍應哥仔﹕“唔食魚生飯有三文﹑拖羅﹑鱆紅﹑油甘﹑帶子。”我點一點頭說﹕“就要一客五色魚生飯﹐唔該。”-------------------- 不過食完之後﹐我都覺得佢無講錯---真係最好係唔食魚生飯。

放學後已是晚上十時, 太座正在和朋友在晚飯後的閒談之中, 正好趕及在餐廳的最後點菜的時段時到達; 急忙的點了三四款壽司, 再在迥轉壽司帶上拿上兩三個碟便構成了我的一晚餐. 壽司創意十足而且份量不小, 品嚐了一兩個廚師精選, 真的十分有趣. 其中海膽壽司比想像中要好, 紫菜還是脆身可口的; 而鰻魚芝士卷亦很有創意, 可惜自己有點不習慣芝士和壽司的混合食法, 吃了真的有點呆滯; 其他壽司表現亦不過不失, 店中好像標榜著材料是從北海道入口, 質感真的不錯但味道只是一般. 在迴轉壽司連鎖店中已說是不錯, 但價錢偏貴了一點.

雖然佢ge 價錢比元氣or 元綠都貴, BUT 佢ge quality is much better than those two!推薦: 炸天婦羅壽司~~ 必試.......很大隻蝦!!!

好開心見到依家仲有咁高質數既壽司店（佢好似係同魚一丁同一集團），其實呢間舖開咗無幾耐，但就真係好好食+好新鮮！！尤其是D 海膽，真係好好味，我地叫咗好多平時唔會試既壽司（e.g. 立豆），我本人覺得立豆好難食，但今次都食得落口！！真係喜出望外！！衛生方面，一般啦，雖然我見到師父帶咗手套，但係佢周圍摸，周圍摷，唔係咁好囉！！