和洋水產惠比壽 (已結業)

心知團購未必一定係抵，亦預左再叫其他野食.但你問我無論質素、份量我覺得連三佰幾都唔值,賺到咁盡,冇回頭客,我亦唔覺得佢地有心留客,所以冇散叫其他野。食評:清酒一淡到呢海膽豆腐:除左小童份量，味都oK蛋:冇味、4粒份量(2隻打個D麻雀咁大)刺身及壽司:味oK，份量每人一舊壽司，二片刺身炒豬:冇野講(一口豬)泡飯:飽肚(白飯撈清湯)面豉湯:我覺得餐廳知大家唔飽，所以份量有湯碗咁大，我都想飲湯飽，但超咸，放棄了。甜品:啫喱糖每人二粒我同老公食完完全唔覺得飽,只係一肚水+氣。

早前透過團購網買了一張$388兩位用的日本餐, 由於快要到期, 於是便和b仔來試一試。在用餐的3天前已打了電話用訂檯, 去到的時候空的位置也蠻多的, 把團購的單據給了侍應他們便會安排上菜。菜色如下:1. 吞拿魚腩海膽豆腐: 豆腐硬身, 雖然沒有什麼豆香, 但上面放的吞拿魚腩海膽帶有鮮甜味, 不過不失。2. 鮮蟹肉玉子燒: 玉子上檯的時候只是暖暖的, 蛋沒有一門就那麼滑, 但還吃得出蟹肉的鮮味。3. 特級O-Toro刺身& 特級O-Toro壽司: 這絕對是整個團購的重點!!!! 和平日數十元一件的壽司質素完全沒有分別, 更可說是略勝一籌! O-TORO入口即溶, 鮮美, 真想多吃兩件, 唯一要數的不足是刺身有點筋, 但絕對是可以接受的。4. 有機奄美島黑豚松子仁野菌燒: 雖然吃不出黑豚有何特別, 但味道還算不錯。 5. 日本海鮮大根煮: 如下面的食家所講, 份量不用, 只得數件三文魚碎和籮白一件, 由於不太喜歡煮的三文魚, 全部都送給B仔了6. 日本原隻塩燒鮑魚: 每人一隻, 蠻彈牙的, 只是沒有什麼的味道7. 鮮三文魚茶漬飯: 不是我喜歡的食物, 像冷掉了的粥一樣8. 奄美黑豚味噌湯:

 我地兩個人買咗張團購$388特級套餐（所謂原價9百幾蚊喎，如果真係呢個價，食到一半反枱都似)個餐有：吞拿魚腩海膽豆腐: 豆腐唔使介紹，吞拿魚腩海膽，真係攞膽，腥到爆炸，唔合格鮮蟹肉玉子燒: 可以話係最好食的一道菜，因難度唔高特級O-Toro刺身: 呢個我覺得還可以，60分特級O-Toro壽司: 同上有機奄美島黑豚松子仁野菌燒:  黑豚肉？亞媽煮D瘦肉好食好多，最多40分日本海鮮大根煮:  得㗳笑，一D類似三文魚碎，煮籮白，平淡日本原隻塩燒鮑魚:  如果呢餐喺內地吃，我會以為食緊假鲍魚，完全無鮑魚味，質地亦怪怪的，零分!!!鮮三文魚茶漬飯:  食左一啖，算把啦！放棄，感覺似過夜茶撈飯奄美黑豚味噌湯:  大大碗，不過都係飲左兩啖，未至於好難飲，但已經急不及待想走，又放棄自家清酒一支:  因唔鍾意飲酒，不作評論蘋果特飲: ok la除食物唔掂之外，環境衛生極其惡劣，一入到去已見大量烏蠅同蚊四圍飛，出來成身痕就唔使講，最後，好彩對面有麥當奴，食到一肚氣，唔夠？食個飽啦！

時常都會在赤柱出沒既我,一見到有新食肆就一定會出現, 今次終於見到有間規模大D既日本料理店出現, 我當然即刻飛奔黎試下啦~係美利樓下, 轉左出去後面, 出面又唔見有大既招牌同BANNER, 明顯比較輸蝕, 如果唔係一早上網搵左, 真係唔發覺有間舖係呢樹....所以當我行到入去, 午餐時間都只係得一檯客, 都有少少驚, 唔知得唔得架~午餐餐牌全部都係SET, 種類唔算多, 唔知係唔係因為新開張既關係呢, 希望佢運作上軌道之後, 內容可以豐富一D.......我叫左一個吞拿魚SET, 因為午餐餐牌既主要魚生都係吞拿魚, 我當時估1) 老闆對吞拿魚好有研究; 2) 同吞拿魚批發商好熟......前菜係WASABI 魷魚, 但係唔知點解個味道同其他食肆既有D唔同, 同埋咸左少少,  所以我食左兩啖就冇食啦~  (跟住我就有D擔心之後黎既..........)之後成個SET就送上黎, 可以見到仲有個沙律, 個湯係一個好足料既味噌湯, 有蘿蔔之外仲有少少肉, 所以比一般既仲甜D右邊既吞拿魚同魚腩, 左邊係鐵火光。右邊個4件完全無筋, 不過唔知咩原因, 我覺得魚生, 唔係應該係雪櫃拎出黎切架咩?!

我地兩個人買咗張團購$388特級套餐，一於去試新嘢。個餐有：吞拿魚腩海膽豆腐，好好味，唔錯鮮蟹肉玉子燒，不是太凸出，味道唔錯特級O-Toro刺身，呢個係亮點之作，入口好甘香，超好味，推介！特級O-Toro壽司，都係非常好味，好甘香！有機奄美島黑豚松子仁野菌燒，好味道，不過太油，唔知同黑豚肉有無關係日本海鮮大根煮，味道好，不過份量太少了，份得一件蘿蔔，唔值錢嘅嘢，俾多啲都得呱？日本原隻塩燒鮑魚，細隻，同隻鮑魚殻唔夾，覺得大細不一，個殻唔似係隻鮑魚嘅。。。味道普通啦** 食到呢個時候，覺得未飽鮮三文魚茶漬飯，一人一大碗，食咗就立即飽曬！奄美黑豚味噌湯，一般的味道，有啲鹹自家清酒一支，細，食到一半已經飲曬，唯有飲蘋果特飲北海道綠茶軟凍，ok啦加埋$40服務費。成晚O-Toro係最好食！其他食物無特別亮點。地方好好，好舒服。如果隔離枱嗰位先生無喺門口食煙，令煙味入餐廳，仲正！當然，兩條友一齊晚飯最正！

轉了新工真好·可以多些閒逸時間去食野·(有時衰人對您做了衰野·您反而可能要多謝佢)買了團購·加埋其他費用大約三百元二人餐·處身在美利樓·環境緊係一流·內在環境是典型日本食館佈置·蘋果茶任飲·但這些artificial飲品本人並不欣賞·先來沙律·菜非常新鮮·加上牛油果醬·好味再來是甜蛋·暖暖的·是鮮製·接著是吞拿魚刺身和壽司·可以·跟住的是豬柳炒金菇·普通·萝蔔關東煮·一般·釀蠔·一般·因為得個蠔殼·給您食的只是肉十雜菜·一般最後是綠茶軟糕·味道唔錯·

笑料，果日同朋友去赤柱行街，都好多年冇去過，話哂都山長水遠，我地二個人四圍行，行到美利樓，諗住去下博物館睇下野，去到美利樓見有有二隻紅色怪獸，咪走埋去影下相，，點知家下博物館變左賣魚，原來開左間食日本野既，仲要咁橋有人係裡面拍野，咪八掛入去睇下menu，同朋友商量過，咁就入左去試下，我地叫左個，蟹肉玉子燒，蛋都幾滑不過蟹味好似唔係太夠，如果再濃d我諗會好食d,再黎係魚生壽司盤，個服務員話呢樹d吞拿魚係自己養既，咁咪試下囉，都唔錯既，不過份量好似小左dd！之後試左個吞拿魚腩海膽豆腐，呢個菜式真係，，，toro 就真係toro,海膽又係海膽，其實我幾愛食豆腐，不過同第二間食到既差不多，最難忘係佢個秘制胡麻醬，又真係好好味，其他菜式都ok,不過最特別既都莫過於係佢地個豚肉麵豉湯，好多料，早知一早叫個湯慳反幾舊，我一個人飲一碗都飽左七成，等我仲叫多左個三文魚茶漬飯同燒飯糰，不過算啦，起碼今次有機會博上鏡，因為見到佢地另一半塲有人拍野，需然唔係好識呢二個係乜名星，我都走左埋去八下，之後有個幾靚類似老闆娘既物體行過黎叫我地唔好太接近，因為拍緊飲食節目，仲解釋俾我聽佢地有開班教小朋友整壽司，仲俾左一

第一次情人節入黎赤柱食大餐，本身訂左係赤柱大街食晚飯，點知行行下街既時候發現左原來美利樓地下開左間日本餐廳，睇下餐牌有情人節餐食，價錢又吾係貴，就同男朋友2個“膽粗粗“咁走左入去試。😞一入到去見到啲裝修幾靚，門口重放左2個公仔好得意😜😜，不過就係暗左小小，但係情人節咁樣食飯都幾有氣氛😄。咁我地坐底左就睇menu，叫左個情人節餐，有8款野食，重有2杯香檳😍😍黑松露帶子沙律吞拿魚腩刺身盛合戀之鯛魚吞拿魚腩牛油果他他燒鮑魚，帆立貝奄美黑豚串紫菜茶漬飯朱古力心太軟😍😍😍😍😍一落餐，5到7分鐘就黎第一道菜，啲師傅都幾快手😊😊先黎帶子沙律，帶子都幾好味，啲沙律菜加埋啲酸酸甜甜既汁好開胃。吞拿腩刺身好新鮮，食落囗完全係一種享受😋😋😋令我覺得我既選擇係無錯既😊個盛合重有2隻牡丹蝦，食完之後個蝦頭重會幫你炸埋，幾好服務😆一個小盛合，食到3種不同風味同感覺，不錯😊之後再黎個鯛魚同吞拿魚腩牛油果他他都ok，個魚整到好似朵開左既花咁，好靚，睇得出個師父好有心機！😃😃食晒啲凍野再黎啲熱既燒鮑魚同帆立貝，即刻個人暖晒，啲鮑魚同帆立貝都幾彈牙😄😄跟住重有個黑豚串同2碗茶漬飯，黑豚串炸得幾好，吾會好乾，幾好味。食完全