和氣食堂 (黃大仙中心南館)

营业中

休息中

同女友撐枱腳, 去到黃大仙樂只有兩間日本餐廳; 之前去都冇咁多人, 依家直頭門口排晒長龍場, 內全部滿座, 六點鐘門口已經好多人等位叫咗個三色魚生飯, 真係好大隻蝦, 好新鮮冇腥味咬落好爽口, 雖然帶子份量唔多但勝在夠新鮮, 三文魚刺身都有4-5片都好新鮮, 但個飯凍咗啲另外仲叫咗芝士玉子燒, 呢個做得唔錯, 好有蛋味同咬落去時啲芝士汁流出黎我哋仲叫咗原來軟殼蟹牛油果ROLL, 比例恰當, 每個ROLL大大舊一啖都咬唔晒之後仲叫咗自家製梅酒, 果然自家製既係唔同啲, 但梅酒好多冰, 啲冰多到一滿杯, 大家下次叫次前可以叫走冰, 不過自家製既梅酒, 比出面超市買嘅比較上真係香好多, 味道十分不錯

來到黃大仙中心發現有好多新食肆進駐，行行下發現呢間日本餐廳門外大排長龍，細看之下見到餐廳主打定食和丼，相片吸引，定食連野飲都係唔過80蚊一個人，好似好抵食，於是決定一試！入到去即刻發版叫左份三文魚海膽丼定食，包埋一碟唐揚雞、關東煮，同一杯餐飲。和丼份量適中，飯比例不多不少，同魚生份量配合得剛好。蟹籽好多，食到啖啖入口都好豐盈；三文魚亦富有光澤，食落鮮甜；海膽更係畫龍點睛，入口即溶，伴隨少少海水味，夠曬新鮮啊！關東煮味道一般，湯底未夠似傳統日本風味，不夠咁既價錢有咁多野食都算抵讚！

今日行過黃大仙，就黎呢間食堂試一試，睇吓佢壺蘆裏面賣咩藥。鋪頭出面都幾多人等位，好在佢入面唔細，玩下電話，好快就有位。一坐低叫左個親子丼定食。滑蛋雞飯配上呢個三文魚刺身，連埋蒸蛋同凍飲都只係＄68。仲唔使收加一。認真抵食，份量都唔細，連號稱大食嘅我都食唔晒呀。最欣賞佢滑蛋雞下邊有一層厚厚嘅洋蔥底，加埋汁料，飯都食多兩啖呀。刺生方面都算大塊同新鮮，收你咁嘅價錢，有咁多嘢食，你仲想點呀，有機會一定再戰！

上星期放假同女朋友食飯，咁岩行過間日本野，開左一排都冇機會試，今日就一於試下佢啦。一入到去環境唔錯喎，幾大又光猛，乾淨企理👍🏻食日本野就一定要叫刺身睇下新唔新鮮，叫左個三色刺身B試下佢。食落又唔錯喎，幾新鮮而且厚度岩岩好，唔太薄。之後就再叫左珍寶赤蝦海鮮丼。赤蝦同帶子夠哂大隻，而且食落鮮甜，加埋其他都好新鮮既魚生，冇得彈😋👍🏻另外，黑豚腩燒丼都好正，係用五花腩黎做而且肥瘦均勻仲同d汁好夾😋小食方面我地就叫左個東京電擊雞翼拼薯條。十分特別，因為係凍既雞翼😱😋口感十分特別，而且有蜜糖係面，肉質好煙韌。三文魚海鮮沙律脆脆卷就夠哂大舊，仲有d脆脆係面，雙重口感又足料👍🏻😍三文魚牛油果沙律就好足料，大大兜，抵食又健康。最後仲叫左仲芭菲做甜品收尾😋雲呢拿雪糕既牛奶味好濃好正，仲要丸子同蔴薯，一個都夠兩個人食。👍🏻整體黎講，依到既環境同食物水準都好好。一定會再黎😎

跟住大量好評黎搵到呢間食店，果然係名不虛傳，食到好滿足！佢個廣島蠔寄世鍋其實根本就係海鮮鍋！超足料，就咁睇個樣都叫人食指大動，有蟹鉗、蜆、蠔，仲有蝦同三文魚鮫，而且每樣都新鮮，最欣當佢個粉絲唔係普通幼身個隻，，而係好似蒟蒻麵咁嘅質地，就算浸耐左都唔會變腍身跟住就到我最愛嘅厚燒玉子燒，好多層layers，賣相好精緻，面頭舖左薄薄一塊燒到半溶嘅芝士，芝士咸香加上甜度十足嘅蛋香，質感好細緻，食哂成碟都唔會滯！

一個平日既晚上, ot 完搵女朋友食晚餐! 係稱為美食沙漠既黃大仙~ 竟然有間抵食都幾好味既日本野 ~女朋友中意食卷蛋 嗌左個芝士卷蛋, 有個刺身飯, 一個海鮮鍋 超飽! 唔駛等位, 又唔貴, 正!!去相

誤打誤撞去咗呢間和氣食堂，個心只係諗住快啲喺未多人之前搵間餐廳坐低食晏，估唔到價錢平民，賣相一流，味道唔流。同行友人㨂左和氣極強特盛定食，有蒸蛋、軟殼蟹沙律、細嘅黑豚腩燒丼、雜錦壽司拼盤，好明顯蒸蛋係配角，其它都係主角，先嚟高貴嘅牡丹蝦壽司、元貝壽司、三文魚子軍艦、海膽軍艦，件件鮮甜，細黑豚腩燒丼，一啲都唔細，燒過嘅黑豚腩大大塊鋪向飯面，根本睇唔到啲飯，軟殼蟹沙律，呢個沙律我都覺得唔係配角，半隻有蟹糕嘅軟殻蟹，即炸即上枱，熱騰騰香噴噴；我就要左網燒牛扒定食，同樣有滑滑蒸蛋，我嗰碗蟹子沙律好大碗，食完都飽，件燒牛扒好香牛味，配飯好掂，連配菜內嘅薯仔沙律都好味；用半價改左兩杯特飲，宇治金時，紅豆淋，抹茶香；青蘋果奇異果梳打，精髓在於意大利製嘅lemonade ；完美句號，宇治抹茶阿法奇朵，滑、滑、滑，$38太吸引，引到我會再幫襯。

我地未夠7:30到了餐廳, 差唔多已經坐無虛席! 遲多少少都要等位了.餐廳坐位闊落, 不論係拍拖, 同閨密談心, 仲有一大班朋友聚會都好合適.餐廳食物選擇非常多, 餐牌非常厚! 相信總有一款岩你心水.五點刺身盛 $208有三文魚, 廣島蠔, 活赤貝, 油金魚, 甜蝦全部刺身都好新鮮, 而且厚切!廣島蠔超大隻,  又creamy,  新鮮到好似岩岩開蠔殼咁鮮味!火焰左口魚邊牛油果沙律 $68火焰左口魚邊份量相當多, 配合黑松露醬一齊食, 好好味!!再配上新鮮的沙律菜及牛油果, 感覺清新! 醬汁酸酸甜甜, 非常之好味. 好開胃!三文魚五味 $72有海膽, 牛油果, 三文魚, 咖哩鹽, 芝士款款都同三文魚好夾, 而且新鮮好味!黑松露鵝肝帆立貝卷 $65帆立貝大大粒, 又鮮甜, 同黑松露好夾!鵝肝表面煎得金黃香脆, 內裏保持軟滑, 鵝肝味香濃!黃金海膽炒飯 $128炒飯上的海膽一啲都唔少, 仲好新鮮！賣相靚, 味道夠, 配料多, 而且大大碟!電撃雞翼 + 北海道芝士薯條 + 宇治搽茶芭菲 $68這個是優惠組合, 價錢吸引, 好抵食!!北海道芝士薯條用上帶甜味又有奶香的芝士粉, 均勻沾上熱辣辣的

今日有野做要去我平時好少去的黃大仙，做完野已經一點幾，左近最多野食要數黃大仙中心。經過和氣食堂，見過左peak hour都仲有咁多人排隊，應該有d料到，所以就唔理三七廿一攞張飛排隊先。排隊時望吓個餐牌，價錢唔貴，張相份量足魚生大大件。好！等我一試便知龍與鳳。好好彩，咁啱有張枱可以搭，所以唔算話等好耐。我叫左火焰盛丼定食，三文魚幾厚切、左口魚爽脆、蟹子份量足、飯粒粒分明、甜蛋都幾實淨同有蛋味。松葉蟹棒都係類似一般食開嗰d魚肉蟹柳，我係呢度就不作評價了。定食仲包熱茶同埋飲品，抵食。温馨提示一下，和氣食堂可以用手機app Food Gulu 預先攞定飛，咁就可以快d有位坐啦。

第一次食e間，其實係俾食物賣相吸引到既(｡ì _ í｡)，我自己就好仲意食日本嘢，e間可以講係平民高質食堂，今次嗌左個豚肉泡菜定食，e個餐好扺食，68蚊大大碗飯加三文魚仲有嘢飲！o(*////▽////*)q豚肉泡菜飯d珍珠米好軟夠囇煙韌，超仲意e種口感，豚肉方面超香，易入口(˶‾᷄ ⁻̫ ‾᷅˵)而且超足料，加埋d泡菜勁開胃，e個份量真係超夠！ε-(´∀｀; )三文魚係厚切，加左d檸檬汁又幾開胃(=ﾟωﾟ)ﾉ，魚油好香，完全唔腥！e到d wasabi唔會好嗆，所以落多少少都唔怕！蒸蛋會係你食到一半時由店員俾你既，暖粒粒，蛋好香好滑，唔太甜而且份量啱啱好！e到既環境好舒服，坐位同坐位間有足夠空位，現場氣氛同裝修好似真係泥左小日本咁(*¯︶¯*)，上菜好快，所以唔洗怕餓住等食！

香港而家有嘅日式居食屋 越來越少除咗廣為人知嘅和民或者和亭其他都好似冇乜印象而最近黃大仙中心裝修完之後就多咗好多嘢食 呢一間可以話係其中一個焦點雖然叫做和氣食堂但係同樣有個和字都知道會係居食屋台餐牌入面啲嘢食同上述提及嘅兩間餐廳都有啲似不過價錢方面似乎好似平少少而且 都幾吸引一入到餐廳環境係幾舒適嘅就算係比較繁忙夜時段都可以應付到因為入面雖然唔太大但係啲枱同埋櫈嘅數量都幾多但又唔會坐得好迫所以設計方面都唔錯講番啲食物首先講下前菜三文魚刺身基本上大部分既套餐都會包埋三文魚刺身做前菜咁 食起上嚟都冇令人失望同正宗日本壽司嗰啲刺身都差唔多一樣都係咁鮮甜同埋肥美而且都有口感唔會太薄至於主食要咗黑豚肉燒丼 聞起上來已經有一陣陣嘅燒烤味非常之吸引食慾 至於啲飯仍然保持溫暖而且因為有用過火槍烤嗰啲飯都有少少焦痕但係唔係飯焦時起上嚟真係零舍有燒烤味至於個主角黑豚肉更加係十分之惹味，對於平時唔食 肥 嘢嘅我今次都成塊放落口食起上嚟完全唔會覺得肥完全係惹味到爆炸至於飲品佢都會有一啲特色飲品例如檸檬 藍柑特飲 份量大大杯如果跟套餐嘅話只係需要半價，十分之抵一個人食嘅話大約都只係 60至70蚊如果喺日本菜嚟講

黃金海膽炒飯本身以為個炒飯唔會好食，因為日式餐廳啲炒飯唔會有出面茶記炒得咁有獲氣。點知！！依度個黃金海膽炒飯好睇又好食，味道夠、配料多、面頭果堆海膽一啲都唔少，仲好新鮮！而且大大碟我地2個人完全食唔哂要打包走😂脆脆燒三文魚皮依個要極力推介！個三文魚皮雖然炸過，但食落一啲都唔油膩，仲有啖啖三文魚油香！配埋蛋黃醬一齊食真係停唔到口😂三文魚牛油果沙律沙律份量好足料！個醬汁酸酸甜甜好開胃！即係有牛油果但食落唔滯😂做前菜一流👍🏻雙重芝士鰻魚卷個鰻魚係完全無骨！超香口！ 配埋芝士 用火槍燒 入口即溶！完全食得出師傅既功架😋😋電擊雞翼薯條佢哩個係凍凍地咁食 個味道偏甜 我都鐘意 但朋友就麻麻地 好睇個人口味啦！4點刺身見到其他野食咁好味！ 就叫埋個刺身試下 都無令我失望啊！ 入面有3文魚 蠔 甜蝦等佢既三文魚同沙律一樣好鮮甜好香 蠔都好重海水味！ 牛奶芭菲哩個外表已經好吸引 佢下面有小小卜卜脆 上面配雪糕同其他配料！ 有小丸子😍😍好滑身 完全岩我口味哩個真係一間好出色既商場日本美食店 難怪7點既已經要排隊入座！

一連幾日既復活節假....陪好姊妹去左黃大仙拜月老~然後就順路去左黃大仙中心搵食,,,,,黃大仙中心分為南館同北館~食肆既選擇都幾多, 最後我地揀左呢間o係巷尾既日本野....見到咁多人排隊, 相信都唔會差既***大概等左15分鐘, 終於可以入座喇!!!MENU好厚一本....選擇好多, 沙津、刺身、小食、燒物、炸物、鍋物、海鮮丼、甜品都有齊***我既選擇困難症又發作喇!!!作為一個牛油果控,,,,,,見到呢個沙律既MENU簡直係心心眼~溫泉玉子牛油果凱撒沙律平時食沙律通常牛油果都切到骰仔咁細粒, 而呢度既牛油果沙律係大大件既厚切牛油果,,,,,一個沙律就有成隻牛油果既份量**沙律菜新鮮爽口, 配合酸酸地既醬汁....超開胃!!!!芝士厚燒玉子玉子好厚身, 蛋味香濃~配合芝士既咸香味, 話咁快就KO哂4件..... 廣島蠔寄世鍋@@ 超足料. 有蠔、蜆、蟹鉗、蝦、三文魚鮫、冬菇、蔬菜、粉絲等材料~絕對係飽肚之選!!!3點刺身盛B有三文魚、油甘魚同甜蝦~全部超厚切, 鮮甜肥美, 好新鮮** 芒果三文魚加洲卷大大舊, 上面鋪滿蟹籽同蛋黃醬!!!芒果香甜, 配埋青瓜甜蛋等餡料一齊放入口, 好

和氣食堂 黃大仙正德街103號黃大仙中心南館地下G12A號舖 今日去了買鞋，買完後搵埋朋友食晚飯，見黃大仙中心改變好多多左勁多新食肆。見幾新穎又潮，估唔到黃大仙老區都改革好多，引入好多新食肆值得一來。 溫泉玉子牛油果沙律，好多菜清新美味，淋上沙律醬好健康，隻蛋又滑富蛋香. 鯛魚湯泡飯個湯奶白好甜架！仲有魚片幾有魚味，超正。大大個金屬碗盛住，量又夠多，沖入湯加蔥花，唔油膩。千回火鳥3隻即燒雞翼大大隻勁多肉,皮有點辣，有肉汁。燒日本河豚魚干甜甜地肉有嚼勁，開胃小食芒果花之戀，章紅魚海膽花戀，火炙黑松露鵝肝，有名貴食材壽司塊肉又厚身真材實料，價錢唔貴岩我鐘意試新口味架人。刺身盛中有甜蝦，三文魚油甘魚八爪魚等，塊塊都好厚又肥美架，就咁點豉油就好鮮架，肉又綿蝦夠爽甜。電擊雞翼，炸薯條，雞翼甜甜地仲灑上白芝麻，炸到收水幾入味，皮仲好煙un ，薯條上芝士粉先係重點，勁惹味香口架，個粉甜甜地似薯條！仲係連埋宇治抹茶芭菲架組合，比單點平先$68，好重抹茶味雪糕又滑，下面仲有紅豆栗米片，旁邊仲有好多qq糯米丸子，甜品胃開動

和氣食堂，午餐選擇多，有平有貴，大約$60至$100，任均選擇！ 尤其壽司/刺身餐，一個價錢，包蒸蛋，飲品，烏冬，食物質素中上，又吃得飽！最近和氣轉左餐牌，壽司餐選擇少左好多，仍舊有我喜歡吃gei 壽司餐，雖然唔明點解個個餐都要配炸雞~今日叫左E14-Sushi Sashimi定食($88)：三文魚壽司，左口魚邊壽司，油甘魚壽司，燒赤蝦壽司，加州卷&三文魚刺身。 雖然壽司簿身左少少，但同飯比例剛好，而且新鮮度高，唔會覺得腥👍🏻。另外叫左E15-雜錦刺身定食($88):三文魚刺身，珍寶赤海蝦，帆立貝刺身，油甘魚刺身，吞拿魚刺身，沙律軟殼蟹卷。件件刺身好厚身，海蝦大大隻，so far新鮮度都好滿意，只係有時其中一兩款有點唔夠新鮮，又未至於腥。