和氣食堂 (黃大仙中心南館)

营业中

休息中

早幾日陪咗朋友去咗黃大仙廟求籤，唔知係咪撞正吉日，好多人解籤，等到我地嘅時候，我已經好肚餓，所以解完就急急腳拉朋友去附近商場揾食。因為真係好肚餓，所以一次過叫咗好多野。温泉玉子牛油果凱薩沙律沙律份量好多，熟透嘅牛奶果食落好軟滑，少少嘅草香味，配合埋新鮮沙律菜，感覺就好fresh !三色刺身刺身盆包咗三文魚、章紅魚同虎蝦，三文魚同章紅魚都厚切上陣，都幾新鮮；但我覺得虎蝦就會相對比較特別，因為佢配咗泰式醬汁，酸酸甜甜，幾開胃嫁。珍寶赤蝦海鮮丼叫得珍寶，就知個赤蝦有返咁上下啦，大大隻，仲配埋兩大粒帆立貝，刺身都好新鮮，冇雪味。電擊雞翼，配薯條雞翼套餐配合埋雪糕優惠，超抵食，唔叫對唔住自己！雞翼係單骨上，食落超方便，秘製醬汁甜甜地，都幾惹味。同平時嘅食開嘅薯條唔同，呢度嘅薯條係甜嘅，但出奇地夾，值得一試！宇治抹茶芭菲唔好以為係優惠價，個份量就會少，都有一大杯嫁，抵食！脆脆燒三文魚皮強推小食！鹽燒味好重，好香口，如果鍾意飲酒，佢會係一個相當唔錯嘅伴酒菜。

看看手錶，光顧時已是中午兩點，卻見有不少人光顧，所以就選擇了這間日本餐廳。店內有不少海報，賣相非常吸引，很有日本風！我點了這個$138的一人定食，它包括了:和氣極強特盛定食軟殼蟹沙律蒸蛋黑豚腩燒丼另外加$16，點了熱抹茶鮮奶先介紹和氣極強特盛定食，賣相相當吸引，有我最愛的蝦頭、帆立貝壽司和海膽壽司，味道相當不錯，上碟的魚生再冷一點就好了。至於蒸蛋，上碟的時候熱騰騰，一邊吃，一邊出煙，好吃！這個黑豚腩燒丼是迷你版，有不少蔥花在黑豚腩上面，喜愛蔥花的我當然正中下懷。不過不愛蔥花的朋友，記得下單前要跟服務員說走青喔！最後這杯熱抹茶鮮奶令我有點失望味道是不錯，不過第一口喝下去卻是室溫的，加上餐廳開的空調氣溫太低了，所以有點失望。

因為中午食過覺得幾抵，所以就想再去既。夜晚嚟講就對比貴咗啲，因為佢只係性價比高，質素唔係真係好premium。不過香港嚟講，係好抵。200內有一碗，午市就100內。質素係OK，唔腥，新鮮度還可，有啲暖，個飯就普通飯唔係壽司飯，今次煮多咗水。睇過餐牌其他野食，單叫壽司嚟講就唔平既，姐係同出面一樣質素既食肆比較就一樣，本店嚟講就性價比唔高。最抵係個小食拼盤，90幾蚊，有薯條，雞軟骨，魚仔，超級多...當場係可以兩個人都食到喉嚨痛，炸嘢，幾好味既，略略嫌乾。乾到食淨一半有多既魚仔，我地無聊兩個人係到數，食左20幾條，食淨有40幾條，最少都有60幾條，打包返屋企係可以當一碟完整既餸😂夜晚好多人，坐咗個後門對住個位，似臨時加既檯，唔鍾意哩個位，完全唔可以叫一個位。

為何標題中, 用貪心來形容和氣食堂呢?因為和氣食堂為了滿足大家的胃口, 將不同的特色菜式放到餐牌中。和氣食堂表面是一間日式餐廳, 但我會將其定位為多國菜餐廳!!溫泉玉子牛油果凱撒沙律 ($58)溫泉玉子跟牛油果我都喜歡, 所以這配搭真的不錯。但醬料不太足夠, 導致有時會只食到菜, 不太像沙律 3點刺身盛B ($98)日式餐廳必點的刺身! 不止有三文魚跟油甘魚, 更MIX了泰式虎蝦(多國菜証明1)三文魚跟虎蝦都鮮甜, 不錯的! 而油甘魚因為比較腥, 建議加點檸檬汁。蒜燒+芝士燒日本廣島蠔 ($48)蒜燒跟芝士燒各有特色。而個人較喜歡蒜燒, 因為更能突出蠔的鮮味三文魚海鮮沙律脆脆卷 ($55)脆脆卷即是加了炸粉漿, 口感特別。而卷物入面中的魚生不少, 味道不錯, 但因為用料太多關係, 味道都有點複雜電擊雞翼配炸薯條 (送)做優惠送的, 原本要分開點~食第一口電擊雞翼, 呆了, 為什麼是凍的!!!!???請來了侍應問, 原來真的是凍食的, 是從韓國學了回來再特製的(多國菜証明2)味道不差, 而且特別, 不防一試。而薯條則加了炸雞中的初雪(芝士)粉, 所以不用加茄汁~白咖哩烏冬 ($88)其實

同屋企人慶祝生日，主角話事，話嚟呢度食一去到就叫咗個芒果三文魚蟹籽沙律普普通通，不過不失油甘魚+章紅魚刺身超正，仲要比咗油甘魚腩位比我哋電擊雞翼少少甜少少辣（凍食嘅）好特別，出面好少食到，可以試下嘅脆脆燒三文魚皮呢個真係超好食，仲要係$28，抵食兼好食芝士厚燒玉子芝士味唔夠突出，好似就咁食緊燒玉子咁，呢個可以唔食都得牛油果軟殼蟹卷呢個好食電擊雞翼配薯條由於人多未能分配之前嘅雞翼，叫多碟，今次配埋薯條，出奇地呢個薯條超好食，佈滿芝士粉，以為配菜點知搶咗雞翼風頭大盛刺身丼呢個$188，但值嘅，好新鮮好好食真係堅好食嘅，再叫多round鯛魚湯泡飯個湯好正特濃牛奶芭菲我冇食過唔知味道如何，但影相打卡一流

黃大仙呢間和氣食堂價錢抵食又高質，成為我冇飯食既食堂！見到poster新出左鯛魚湯泡飯order左櫻花蝦大海蝦飯帆立貝果個。賣相同poster差不多，算係冇伏！湯色奶白，味道鮮甜，加上新鮮爽口海鮮真係perfect match!芒果三文魚蟹子沙律差不多係我每次黎到必食嘅前菜，大量既蟹子入口脆卜卜口感超正！配上酸甜芒果很開胃！雙重芝士鰻魚卷大大舊，餡料勁豐富，芝士經過火槍燒過變得半溶，口感更勝一籌！刺身三點分別係三文魚、虎蝦及油甘魚，刺身件件都係厚切夠晒抵食！！值得一提嘅係虎蝦非常新鮮鮮甜比喺平時放題食到嘅更加好味，入口一啲雪藏味都冇！電擊雞翼配薯條真係食過返尋味！雞翼甜甜地幾惹味，只係可惜比較細隻不太多肉。薯條芝士粉非常多，勁好食，鍾意食芝士薯條嘅朋友一定會鍾意！平時食中菜好鍾意食茄子煲，黎到日式餐廳都要食茄子....今次食既係日式製法嘅金蒜燒茄子。蒜蓉份量都幾多，味道非常濃郁，蓋左點茄子味。芝士厚燒玉子真係好味到不得了！芝士鹹鹹地配上甜甜地既玉子又香又甜，口感一流！宇治抹茶芭菲日本原料直送真係唔同d!抹茶味超級濃郁，抹茶啫喱本身味道都夠濃，再加埋面層既抹茶粉，食到我宜個抹茶控流哂口水

完sem就係要無限慶功🗽✨✨✨✨今日特別約咗朋友出來食日本野，來了和氣食堂，聽講呢度性價比高，仲有出名的抹茶雪糕，特意來黃大仙拜訪一趟。入到去估唔到空間幾闊落，我同朋友二人坐四人卡位，舒舒服服將沉重的背包放下，盡情享受美食，加上空調充足，大熱天時入嚟食嘢心情都好啲。急不及待立即叫了一盤壽司，作為一個三文魚粉絲，我絕對不會放過任何一個大快朵頤的機會，這個壽司拼盤特色在於每種口味都有一件，可以嘗試不同口味，又不會被壽司飯填飽肚，咁多件中最喜歡右邊第二件，三文魚上鋪滿了燒灼過的咖喱鹽，在其他餐廳比較少食到，咖喱鹽有輕微鹹味，成功帶出三文魚的鮮味。鯛魚湯泡飯石鍋飯食得多，但珍珠飯上舖滿鯛魚刺身和菠菜芝麻卷就第一次見，店員不慌不忙地幫我們林想龍龍的魚湯，魚湯在熱燙的石鍋上立即沸騰，傳來陣陣誘人香氣。湯底十分鮮甜，珍珠米的軟硬適中，入口煙韌，再灑上卜卜脆的玄米粒，味道口感層次豐富。跟住要豪食壽司啦，雖然一跌得三件，但份量相當多，大大片帶子刺身上有黑松露醬和意大利黑醋作點綴，這個配搭很新鮮，黑松露本身濃郁的菇菌香氣和新鮮帶子的鮮甜產生意想不到的效果，真的值得一試。咬開壽司卷原來仲有驚喜，裏便係一大件

黃大仙區好耐無落去，估唔到商場裝修後多咗唔同嘅餐廳係度，行完一個圈就揀咗'和氣食堂'成為我嘅晚餐。初初係門口等位時以為係一段和風餐廳，點知入到去見到D裝修同擺設就滿心歡樂，牆上嘅小擺設係我兒時嘅卡通人物及漫畫。本menu係厚厚的裏面款式好多，令我目不暇給因為完樣樣都想食最終叫咗5樣嘢再加個甜品飽到不得了。首先火焰左口魚邊牛油果沙律，個火焰左右魚油份配埋D沙律菜再撈埋個醬味道剛剛好3點刺身盛B有三種刺身三文魚同油金魚夠肥美，帶子都夠甜，再食個珍寶赤蝦海鮮丼個珍寶蝦真係好大隻，個飯加咗醋唔會太酸櫻花蝦鯛魚湯泡飯見到就開心，因為侍應係我面前倒鯛魚湯落個飯度，見到D湯熱辣辣滾住咁好開心，個魚湯唔算腥再配煎香嘅帶子燒茄子面個層係滿滿嘅金蒜香到不得了燒雞翼就帶少少辣味道ok最驚喜係個綠茶芭菲，個軟雪糕好味到震夠滑又夠綠茶味再配咗D日式丸子，簡直係我至愛不過食完太飽行咗落附近公園散步先再歸家

知道和氣性價比高，專程來試試～人氣店一定大排長龍，就挑了 tea 時間來到～以為好醒咁下午四點來到會冇乜人，原來都超過 9成滿座！看過menu, 很少散叫單點食物，於是叫了下午茶餐，每人一個刺身飯連飲品都係四十多元！三文魚刺身蟹籽飯好好食唔講得，味道ok 架～份量也幾多三色刺身飯的刺身是cut 的，非常有口感！沒有食甜品好像缺了什麼似的加多個蕨餅和果子ice creamIce cream 特別選了是mix 的：綠茶同北海道牛奶～兩者味道濃郁蕨餅係中xx吉係限量，這裡又平又好味！大滿足的一餐平價刺身飯下午茶！

黎到黃大仙竟然入咗間好抵食的日本餐廳而且品質良好溫泉玉子牛油果凱撒沙律溫泉玉子煮得啱啱好完全有流心嘅感覺牛油果份量多而且蔬菜10分新鮮將溫泉蛋攪拌凱撒沙律令到沙律更加滑溜跟住叫咗一個鯛魚湯泡飯用上了新鮮鯛魚製作的湯底再配合珍珠米煮成的泡飯而且巧妙地配合玄米脆脆同埋菠菜卷令到成個泡飯十分之惹味令人三扒兩撥已經會清咗成個泡飯另外小食叫咗麵豉醬燒日本茄子估唔到剛剛燒好嘅茄子皮係如此香脆而且吸收晒所有麵豉味道特濃牛奶芭菲用上高級製作的牛奶軟雪糕所以雪糕10分滑溜牛奶味亦都好重混合和果子，粟米脆片及紅豆蓉一齊食有多重口感，不會太甜！

一週嘅好開始就喺去食返個好西❤️今日收工約咗黃大仙嘅朋友 經佢推介 就揀咗去和氣食堂食晚飯餐廳環境幾舒適🖐🏽可以好休閒咁坐住同朋友慢慢傾計 空間好大 就算多人都唔驚要排隊等好耐😆 不過我地今次幾早嚟 唔洗排隊就有得入去😆 坐低見到餐牌推介咗個𩶘魚刺身 好似幾吸引咁 就叫咗個嚟試下 果然推介得好有道理因為佢嘅刺身真喺好食好有水準🤤 𩶘魚味道好鮮甜 唔腥 咬落煙韌唔會太硬 加埋咬落幾爽嘅𩶘魚皮 令佢味道更加好食🤤🤤仲要一碟有十五片 其實價錢都值😋佢仲可以配埋醃製配菜同埋特別嘅醬汁去食 酸酸鹹鹹嘅幾正🤤 之後仲叫咗嚟一個芒果三文魚沙律 同樣出色😋 沙律一碗已經好大份😍佢仲要有好多蟹籽😋同埋厚厚的三文魚同好甜嘅芒果 好滿足🤤之後嗌咗嘅牛油果軟殼蟹卷都好正 軟殼蟹鬆脆好味 配埋牛油果喺絕配🤤推介大家試嚟一個卷物😋😋😋仲叫咗個千回火鳥(雞翼)同埋跟套餐嘅電擊雞翼配薯條 都幾好食 雞翼仲有少少辣味😋薯條仲要好大份😋主食試咗個海膽炒飯 勁大碟😋海膽質素都幾好 唔好太腥 食到好飽足😋最後係配埋一套嘅牛奶雪糕芭菲🤤$68有三樣野食其實都幾扺😋芭菲貌相好可愛 仲有白肉同抹茶丸子 好正😋

自黃大仙中心大裝修後。今日首次踏足此地, 滿心期待著它的轉變。當然最令我期待必然是食肆, 正所謂民以食為天。今日決定唔等位食飯！歡迎來到廿一世紀, 處身於電子商務的年代, 仲等？餐廳設有The Gulu線上等位服務, 食客們可先線上等位排隊。脆脆燒三文魚皮 $28日本人把食材發揮到極致, 對食材的每個部分均極盡講究。平平無奇的三文魚皮, 經過火炙油炸後變得非常爽脆。鹽燒三文魚鰭 $38三文魚鰭附近的肉質較為嫩滑, 以鹽燒烹調後令魚油香味由內散發出來。口感細嫩鮮甜。電擊雞翼併炸薯條 $52因其命名而點的電擊雞翼, 真會有電擊的感覺嗎？雞翼以一開二, 以秘制醬汁醃制再油炸。一字骨易於進食, 入口香濃鬆脆, 非常特別。雙重芝士鰻魚卷 $48芝士味濃, 鰻魚皮燒至脆口再配搭鰻魚醬汁, 非常鮮味。黑松露鵝肝帆立貝卷 $65黑松露、鵝肝、帆立貝三種極罪惡的食材以日式手卷制作。入口後先是黑松露香味充滿口腔, 繼而是鵝油香氣, 最後就是帆立貝的鮮嫩口感。金蒜燒日本米茄子 $42滿滿的蒜蓉佈滿茄子表面, 茄子燒至外脆內軟。蒜蓉迷必食之選。鯛魚湯泡飯 $98單用鯛魚烹調的湯底, 湯底非常鮮甜且毫不油膩,

和氣食堂今日要去黃大仙做嘢，做完之後經過黃大仙，朋友約咗我喺呢度食晚飯，佢推介呢度嘅海鮮飯，甜品，佢話好抵食，我當然要跟住黃大仙人搵好東西吃啦。一嚟到，比個場面嚇親，晚飯時間，我估計排咗30人喺度等位，真係太誇張，估計一係平，一係好食。原來餐廳都好大，已木色為主調，非常簡潔，整個餐廳座無虛席。雖然座位好多，但係都有足夠嘅空間感，不會和鄰桌太過貼近。店員很快便遞上餐牌，這個餐牌真的很有份量，全部食物都是圖文並茂，立即食慾大增。而且每樣食物的價錢也非常親民，但看餐牌，要花上了很多時間。電擊雞翼 55呢個雞翼，原來係凍食，炸得好香。雞中翼被切開一半，變成單骨雞翼，帶有甜味，細細隻，好方便食用。炸薯條38朋友唔太喜歡這薯條，但係我個人大愛，因為佢帶有甜味，仲有大量嘅芝士粉，雖然唔算好香脆，但係味道好特別，對於喜歡食甜品的我，表示10分滿意。千回火鳥3隻 38估唔到係雞全翼，雞翼性價比很高，三隻都好大隻呢。外皮煎得香脆，肉質好嫩滑。溫泉玉子牛油果凱撒沙律 58經常都可以品嚐到凱撒沙律，但是這個沙律，加入了溫泉蛋，還有牛油果片，不論味道與賣相，都非常吸引，蛋汁與新鮮蔬菜拌勻之後，非常美味。黑松露鵝

去到黃大仙搵嘢食，見到呢間日本野，超多人排隊，應該都好食掛，一齊排先得。個餐牌好多野揀，特別想讚個雞翼。千回火鳥3隻 38雞翼性價比很高， ＄38有3隻，而且是雞全翼，好大隻呢。外皮煎得香脆，肉質好嫩滑。已日式餐廳來講,呢個價錢真係非常抵食,話晒有服務,呢個價錢,同街邊檔差唔多,但係質素一啲都唔低。非常抵食，難怪呢間餐廳期滿於是啦，我哋食完嘅時候，餐廳仲係坐滿人，真係太誇張。記得朋友曾經大贊呢度嘅飯抵食，甜品都好出色，我下次一定要試呢。

夜晚黎食，好多人等位，入到去環境坐得都舒服，兩個人點左珍寶赤蝦海鮮"檔"同埋三文魚蟹籽刺身"檔", 上菜時侍應好無heart, 冷淡地講個菜名就極速放低走人，食物賣相係幾靚既，但食落超級普通，三文魚係唔新鮮的，淡色無味，帶子唔鮮甜，飯又唔係用珍珠米，餸少飯多，食晒d餸都仲有勁多普通白飯，無味到我要倒d豉油wasabi落去撈飯食，成餐飯唯一好食既就係赤蝦，但得兩隻，埋單200蚊一餐飯得兩隻蝦係好食，一d都唔抵囉，唔值呢個價，作為一間日本餐廳，枱面上連張紙巾都無，好唔細心，侍應收盤果陣乜野都唔講就伸隻手埋黎收碟，其實點解唔可以講聲先，等我縮開你先攝入黎收呢？好無禮貌，服務唔掂，食物又唔掂，咁既質素以呢個價錢黎講算貴喇。