和氣食堂 (黃大仙中心南館)

营业中

休息中

年初三赤口，莉莉子當然要去下黃大仙廟拜訪下，一早九點就同媽咪出發，用左九牛二虎之力先入到去門口，排左勁耐搞左成個上晝先完成拜訪完黃大仙廟，當然要去醫下個肚啦，我地去左黃大仙中心一間叫「和氣食堂」既日式餐廳，去到門口已經有超多人排隊，排左4個字左右，莉莉子終於可以同媽咪食到lunch。餐廳午餐既食物選擇相當多，我自己就叫左個炸蝦卷跟細烏冬。而媽咪就叫左個黑豚肩肉丼飯定食。炸蝦卷既白米唔知道係咪黎自日本，但口感好軟熟，仲暖腍腍，蝦炸得好香口yummy 烏冬就煙煙韌韌，而媽咪叫既黑豚肩丼飯就非非非常好食，豚肉片煎香到好似豬肉乾甘和氣食堂野食真係非常唔錯下次會再黎

三點幾入座，因為新年期間冇下午茶供應，所以就嗌咗三個午餐，同埋一個海膽拖羅蝦之戀。首先推介三文魚甜蝦親子丼，有兩隻甜蝦兩件三文魚同一大堆三文魚子。刺身都算新鮮，最鍾意就係佢嘅三文魚子，好甜好好食。另外燒豬頸肉拉麵嘅豬頸肉份量好足，拉麵幾有彈性，豬骨湯底都夠濃。不過，特選鰻魚丼定食剩係得一舊鰻魚，雖然味道唔錯，但係就唔係好夠送飯。跟餐嘅壽司同埋茶碗蒸味道不過不失，冇乜特別。最大問題係佢跟餐嘅三件刺身，非常之淺色，感覺好似擺咗喺雪櫃好耐搞到甩晒色咁，同親子丼入邊嘅三文魚有好大分別。佢嘅海膽拖羅蝦之戀，睇相以為好大份所以要$58 ，但係嚟到個賣相就有啲差，啲三文魚都係好淺色嘅，拖羅有啲乾，冇咩味，唔係咁抵食。如果大家真係黎食嘅話，建議嗌佢嘅丼飯，好味啲又抵食啲。

大學最驚遇到嘅就係有天地堂，我同朋友星期2-3點一堂，然後去到7點先再有一堂，四粒鐘流流長唔知去邊好，所以我朋友決定去附近黃大仙中心行下，順便食埋晚餐先返去上堂。今次入咗去和氣食堂，舖面面積非常大。首先當然每人一個主食。我朋友叫咗北海丼，裏面有吞拿魚蓉，大量魚籽同海膽。魚籽非常鮮甜，海膽creamy亦唔會苦澀，吞拿魚蓉細滑鮮甜，能夠係一個丼食到以上三款美食可謂非常幸福。我就叫左一口牛鐵板飯，上菜形式類似pepper lunch ，一上菜被隻蛋吸引左，竟然有兩個蛋黃，旁邊有薯角。牛肉唔鞋，照燒汁亦入晒味，肉味亦重。另外我哋叫咗幾款小食，首先係千回火鳥三隻，外皮燒到脆卜卜，味道偏辣，每一隻肉量不算多但肉質非常嫩滑。另外就係照燒魷魚筒，魷魚彈牙可口，配上醬汁更加惹味，由於成隻上，所以份量都非常足夠。最後出場嘅係燒廣島蠔兩隻，一隻係芝士燒另一隻係蒜蓉燒。蠔本身非常新鮮，加上蒜蓉或芝士並唔會搶走晒蠔嘅鮮甜，反而更能昇華本身嘅味道。能夠上堂前食到咁多款日式菜式真係幸福！

估唔到星期四夜晚八點幾都有咁多人 仲要排隊等位 好在都係等左陣 但係因為armarm收工 真係好肚餓 叫完野食等左十五分鐘都未食得 餓死寶寶了第一個菜係刺身拼盤 甜蝦好新鮮 三文魚好肥美 點完豉油係同隻碟一樣大架 油甘魚意外地甜美可口 淨低果個有ddd腥 但整體都值得推介個人覺得黑松露甜蝦芒果卷係最好食既 一舊好大舊 一啖係放唔曬落口 首先會食到好香既黑松露 跟住撈埋d蝦同芒果 成件事好match 但略嫌紫菜唔夠脆 小小美中不足溫泉蛋牛油果沙律 依個價錢黎講都幾大份下 沙律醬好似唔洗錢咁 食到最低多到好似湯咁 要特別提下個麵包碎好脆又多 平時好少會食到白咖哩炸雞烏冬 就咁睇落唔似咖哩烏冬 上面係一炸好似cream既白咖哩 絕對係用黎打卡櫻花蝦鯛魚湯泡飯

估唔到一個平凡嘅星期四八點半夜晚有咁多人 好在等左大約十五分鐘枱 餐廳已經有新年嘅佈置 牆上有好多揮春同埋豬有關嘅飾物 因為實在太肚餓啦 我哋三個人叫咗六樣嘢 一個前菜 牛油果沙律 一碟卷物 兩個主菜 白咖喱雞烏冬 魚湯泡飯 一個甜品 白咖喱雞烏冬必食 個樣望落去好似一pat巨型好杰身嘅cream擺咗係烏冬上面 就咁食啲cream口感好特別 唔係平時蛋糕嗰隻cream 一見到佢個樣覺得應該係伏嘅 撈完之後 係好味㗎！ 我估白色嗰啲應該係忌廉仲有少少薯仔味 撈完落啲烏冬同埋啲咖喱到好新奇 可惜我哋等得太耐先食 烏冬有啲發脹 味道同賣相都一流 適合打卡又可以飽肚 另外個黑松露芒果卷物 個人認為一般 因為本身唔太鍾意黑松露嘅味道 不過芒果唔酸 友人覺得好食 最後個甜品如果唔飽的話可以叫 喜歡煙韌嘅朋友可以試吓牛奶芭菲雪糕 入邊有幾粒好煙韌嘅丸子 食完好甜嘅雪糕再食無味嘅丸子 一流好夾

能夠成為黃大仙最有人氣嘅食店,長期居於openrice黃大仙區Top 1嘅和氣食堂,今日終於第一次去試啦每一次經過都見到好多人等位,今晚亦唔例外。黎之前已經好想試下佢嘅芝士厚燒玉子,一上枱就聞到好香嘅蛋味,啲芝士喺晒蛋面上面,真係厚燒,濃香蛋味同d芝士味好match趁住佢熱辣辣嘅時候食真係Yummy另一樣好多枱都嗌嘅就係佢既黑豚肩燒丼,性價比高,價錢一d都唔貴但係絕對唔係Hea作,好香肉味,難怪咁多枱都揀。全場爆滿食完就要好快走,要傾計嘅就未必建議揀呢度啦,同隔離枱好近好近,講咩都會清晰聽到。

黃大仙嘅和氣食堂已經變咗住附近嘅我嘅食堂雖然多人等但檯多位多但亦好快等到位餐牌食物選擇多開業咁耐水準一直穩定同好食沙律嗌咗安格斯牛他他沙律一食落去好驚訝因為$75居然真係靚牛唻😦會唔會太有良心千層豬扒中間黑黑地係紫菜唻最鍾意佢外皮脆而唔油豬肉嫩滑多汁黑松露香芒甜蝦卷平時我好少食啲創意嘢但呢個抵試芒果真係好甜同蝦同黑松露味道好夾櫻花蝦鯛魚湯泡飯實物靚過餐牌蝦大大舊啖啖肉好彈牙因為係飯鍋 有少少飯焦 非常香口隔離係一壺鯛魚熬製嘅湯奶白色煲開湯嘅媽媽都話魚味非常濃香最後食個affagato雪糕雪糕奶味好重好滑每次唻都會食👍🏿

繼續日式之旅,平時食日式的餐廳都是油尖旺,今次試下其他地區的日式餐廳。剛好和友人經過黃大仙這間和氣食堂,看到門口不但都多人排,而且之前看過都好多好評.就令我心思思,很想試一試這間.看到坐位都頗多,而且等位也很快,看到餐單,除了刺身之外,也會有丼飯,壽司,炸物和甜品等,食物的選擇都相當多元化。平時食丼飯太多,今次就試試鯛魚湯泡飯.熱乎乎的泡飯,外表滿分,食下去也覺得溫熱。一口飯配一口湯,還有香甜的鯛魚。食下去的飯也軟綿綿,不會太硬,好食。然後再點了軍艦5點.五款各有特色的軍艦整齊排列,還有海膽的軍艦,平時我怕海膽,但今次食下去也幾新鮮,值得一讚。

價錢親民 分量足料的日式食堂襯住放假，同朋友去到黃大仙，發現呢間餐廳裝潢富有日本風，門外睇餐牌見到選擇都幾多，所以一試！去到咁岩避過午飯人潮，唔洗等位即刻入。 叫左個壽喜燒牛肉鍋 同 燒豬頸肉便當。 人少既關係，等5-10 分鐘就上菜！個壽喜牛肉鍋超足料！ 裡面有粉絲，牛肉，金姑，娃娃菜，生雞蛋，豆腐。湯底甜甜地，配飯食都一流！ 而且牛肉份量都唔少！ 燒豬頸肉便當配有沙律，3件壽司，金姑肥牛卷同埋豬頸肉。豬頸肉有8-10 塊左右 而且有香煎過，肉邊較脆口。 金姑肥牛卷都有3卷，不過略嫌金姑未有沾上醬汁，唔夠味！食到滯仲可以食下沙律清一清。以呢個份量，完全對得住個價錢！茶碗蒸都有驚喜！蛋好滑！上菜時仲好熱！叫左杯特飲，柚子檸檬梳打，不過不失。

香港人不嬲都好鍾意食日本野🤤🤤🤤 但係來來去去有質素又親民嘅日本餐廳都係得和民，板長 等等........ 食嚟食去都係果啲嘢 食都食到厭啦....... 🙄🙄 其實我一直都好想搵到一間有新意 又唔cheap 既日本餐廳!!!!!!! 今次終於比我搵到啦!!!!! 就係呢間和氣食堂!!!! Typical 嘅日本野：sushi, 卷物，唔同類型嘅丼, 刺身，海膽就一定有!!!! 試咗佢個芒果三文魚刺身pancake卷，魚生新鮮, 又同個芒果同埋啲配料幾夾!!! 呢個fusion 掂呀！👍🏼👍🏼 仲有試左佢一個我從來喺世間上都未見過嘅一堆白色泡沫...... 原來係咖喱烏冬!!! 😱😱 真係唔講唔知，好盞鬼!!!!! 食落好creamy!!!👍🏼 仲有佢個石頭鍋海鮮魚湯飯！有飯焦㗎!!!仲有專人過嚟幫你到啲鯛魚湯落去!!!! 好好味！鍾意食日本嘢嘅人值得一試！😆

本身極少去黃大仙，因朋友約食飯，先有機會來黃大仙食下野。朋友做完research 話呢間餐廳好多好評，搞到我地都心郁郁試下。果然未夠7點半，已經要等位，好彩等左15分鐘就入得。一打開menu,又係超多選擇，睇極都睇唔完，中西日韓咩都有😂因為咩都想試下，所以我地就叫多d小食，貪佢食唔飽😂安格斯牛扒沙律估唔到咁大碟，又真係有好多塊牛扒，配埋黑醋汁，食落好開胃電擊雞翼配炸薯條🍟原來電擊雞翼係凍食，口感幾特別，辣辣地！薯條配甜芝士粉，好正，食到停唔到。燒鱈魚棒估唔到係咁脆，仲以為會係類似魷魚絲既堅韌質感但完全唔係，感覺似食緊薯片，但唔係好食出鱈魚味，不過當前菜小食就一流。牛油果芒果三文魚班㦸班㦸皮包住三文魚牛油果同蟹棒同蛋，超大件，唔可以一啖食曬主食叫左櫻花蝦鯛魚湯泡飯上菜時店員先倒d湯落去，超熱，有好多海鮮，配埋牛乳湯加櫻花蝦，好香濃味道又好夾最後當然要以甜品作結，見佢menu有好多芭菲，中情綠茶既我當然要叫返個宇治抹茶芭菲綠茶味幾濃，仲有好多配料，底部仲有紅豆，好豐富！超美味的一餐

平時好少去黃大仙, 見到有和氣食堂, 小妹二話不說就話食呢間因為之前食過沙田分店, 都好好食 估唔到平日既晚餐都爆場 好彩同朋友等左10分鐘左右就有位餐牌有好多款式! 小妹揀左以下: 三文魚牛油果沙律($68): 呢個沙律超足料, 有三文魚, 牛油果, 青瓜, 沙律菜, 份量夠多, 味道都好好 黑豚肩燒丼($75): 一上枱已經聞到黑豚肩燒過既香味, 豚肉味重 , 配埋佢個汁, 撈飯一流 海鮮四色丼($128): 有三文魚, 帆立貝,油甘魚, 甜蝦同蛋, 都好新鮮, 好滿足 黑松露鵝肝凡立貝卷($68): 呢個卷口感好豐富, 中間仲有鵝肝, 美味又邪惡 !千回火鳥3隻($38): 呢個雞翼係全晚最驚喜, 雞翼燒到岩岩好, 皮脆肉嫩, 好想食多幾隻, 只係38蚊, 超值! 燒日本廣島蠔2隻($48): 有兩種口味, 芝士同蒜焗, 小妹試左芝士, 蠔係新鮮既. 加埋芝士 呢間分店同沙田分店一樣有水準, 下次可以再encore 

今日有公事在身，所以就黎到黃大仙呢頭晚餐，順便見下客，寓工作於娛樂，呢個商場都非常多人，非常熱鬧，好在我早到拎定位。香芒鴨胸沙律，沙律用左黑醋醬汁特別開胃，沙律菜口感鮮嫩爽脆，襯上新鮮芒果同鴨胸，啱哂口味清新嘅朋友。照燒魷魚筒，魷魚筒上到枱都仲係熱辣辣脆，加埋本身彈牙軟滑嘅口感，真係覺得醬汁非常入味。白咖哩烏冬，呢個烏冬賣相突出，成碗白色泡沫，但原來係咖哩湯底，烏冬食起上黎就更加滑溜，而且充滿日式咖哩香味。千回火鳥，雞全翼嘅外皮燒到脆卜卜，連減緊肥嘅妹豬都忍唔住食埋雞皮。雞肉都滑到不可開交。金蒜燒日本茄子，個茄子味道好好，好想知道用乜嘢配料醃製，好明顯比普通茄子肥大厚肉，而金蒜味又非常香。櫻花蝦鯛魚湯泡飯，驟耳聽以為係好普通，細看之下原來係石鍋中既泡飯，即場淋上鯛魚湯，奶白色既魚湯夠鮮甜，櫻花蝦撈埋泡飯，選料肥美，湯汁滲番落個飯入面，滋味就係咁簡單。日本清酒石鍋煮蜆，份量超多，石鍋熱辣辣，蜆肉經清酒煮過後去除晒腥味，而肉質滑溜味道清甜。特濃牛奶芭菲，賣相吸引，配料豐富，襯上日式甜品，加埋香濃牛奶味，大滿足呀。

下班約了朋友去黃大仙吃飯，無意中找到這間店。坐下來已經發現了我們點了不同菜式去＂醫一醫＂肚子。安格斯牛扒他他沙律，安格斯牛扒的肉汁，配上沾了黑醋的沙律，別有風味。黑松露鵝肝帆立貝卷，比較少見的組合。帆立貝黃金燒，濃厚日式芝士帶出了帆立貝的口感，非常有層次感。照燒魷魚筒，一整條大魷魚，濃濃燒汁淋在爽口的魷魚上，光是賣相已經很吸引。黃金海膽炒飯，飯上有一些生海膽，把生海膽跟炒飯一起吃，突出了海膽的鮮甜。嶡餅白玉牛奶雪糕，很重的牛奶味，雪糕旁有嶡餅和圓子，滿足不同的口感。

話說今日FIF同同事係黃大仙ot完，想食下日本野，係openrice search到呢間野勁多好評 所以我地都打算試一試！ 我地首先叫左個香芒鴨胸沙律，鴨胸好香好有咬口，沙律菜上仲加左沙律醋， 加埋芒果既酸酸甜甜，成個沙律都好開胃！！ 當開胃完畢，當然係食正餐啦～ 我地叫左個麵豉日本米茄子，個汁都係日式甜醬類，加上爆汁既茄子，真係好滿足！！ 之後我地仲叫左個厚燒鰻魚牛油果卷，鰻魚都幾大舊，而且加埋牛油果卷 成個卷口感都好飽滿！！ 之前我地就想食返個鍋物，叫左個廣島蠔寄世鍋，入面勁足料，好鮮味，仲有粉絲！ 食鍋物，一定要點d脆既野點一點個湯底吸汁，所以我地叫埋燒魚皮脆脆！ 三文魚皮香之餘仲好香口，回少少湯汁真係好正！！ 最後當然要叫返個甜品啦～ 叫左個嵌餅白玉宇治抹茶雪糕～抹茶味超香～嵌餅都好彈牙。 食完咁多野再食埋個咁正既甜品，係一個完美既句號！ 睇落去好似叫左好多野食，但其實都係每人二百幾蚊，cp值高之餘又好食！