和氣食堂 (黃大仙中心南館)

营业中

休息中

2019.4.17已經係第二次來到這間日式餐廳食飯了，上次的食物質素好好，今次再來重溫。火焰左口魚邊牛油果沙津($68) 好大盆，左口魚邊有咬口，蔬菜新鮮清爽，醬汁酸酸甜甜，配上松露醬，好香，做前菜一流。芝士厚燒玉子($58)好正，厚厚嘅玉子燒有甜甜地，配上芝士的咸味，好夾好食。白身魚薄切二點($118)包括油甘魚及章紅魚，二款魚肉清爽鮮甜，附上的特製醬汁酸酸的，很清爽。鰻魚牛油果班戟($98)好特別，斑戟皮柔軔，鰻魚鮮甜，配上牛油果、玉子、蟹籽口感很棒，有創意又好食。海膽拖羅蝦戀($48)好正，拖羅同蝦都好甜，口感柔軟，海膽畫龍點睛，令到壽司更鮮甜。芒果花之戀($23)的三文魚大大片鮮甜，配上芒果的清甜，蟹籽脆脆的口感，好正。章紅魚海膽花戀($32)外表又係好靚，大大件，清爽鮮甜。黃金海膽炒飯($118)好大碟，好飽肚，作為最後一道菜好滿足。成餐飯好滿足，下次會再來~~~

又一次同朋友嚟呢間日本餐廳食dinner，完全冇令我失望!平日晚市7點半來到都好滿場，好彩仲有位~前菜呢個火焰左口魚邊牛油果沙津($68)酸酸甜甜咁好開胃，而且黑松露嘅味道好香。白身魚薄切二點($118)好新鮮，口感清爽，係白身魚特有嘅食感，好味。我最鍾意都係黃金海膽炒飯($118)，好夠份量大碟到我地三個人都食唔曬，炒得又入味，海膽為飯增添了更強鮮味。芝士厚燒玉子($58)我都好鍾意，啲芝士夠香，啲玉子又冇燒得太乾，同餐牌圖一模一樣，誠實佳作!三款戀系列壽司都好靚，好大件，海膽拖羅蝦戀($48)、章紅魚海膽花戀($32)同芒果花之戀($23)，件件都好鮮味，挑選嘅海鮮配搭得好正~最後個鰻魚牛油果班戟($98)有啲似fushion菜咁，好少響其他餐廳會見到呢種菜式，值得一試!今次呢餐飯整體嚟講好好味，價錢OK~會再Encore!

同朋友行過龍翔中心隔離個黃大仙中心，見到間和氣食堂，被收銀位個龍珠Figure深深吸引左，就入左去，12點半坐低左，好快陸續就見到好多人入，我同朋友都慶幸早左坐低，叫左兩個餐，一個係燒豬頸肉便當，另外就係三文魚壽司刺身定食，唔洗幾分鐘，就上左份蒸蛋，好嫩滑嘅雞蛋，裡面仲有少少不同食材，令到食落有不同口感同層次，跟住就係木魚烏冬，鮮味既湯底同煙韌既烏冬，絕對是最佳既前菜。三文魚壽司刺身，件件都好肥美，睇下嗰花之戀，飽滿到呢，我以前食親花之戀都係一件擺落口，而家咁，真係好有難度。揚物就有D普通，不過好有K連鎖店的味道。日式煮米茄，清清甜甜。最後就係個豬頸肉便當，睇下個豬頸肉，厚身到呢，另外同樣有幾件壽司，同兩件大大扎既牛肉金針菇卷，外面既煎烤牛肉味包住好juicy既金針菇。唔肥膩，又香，又甜。認真贊。

平時都好懶過海行街食飯，今次朋友約左喺黃大仙行下，夜晚就揀左呢間日本餐廳。可能我地比較早食，唔洗等位就可以入去。晚餐時間都算多人，冇一枱空枱，轉枱嘅效率都幾快。呢間店幾多日本動漫裝飾， 仲有童年回憶嘅漂流教室呀黑松露香芒甜蝦卷 $88黑松露味幾香，下面鋪住粉紅色嘅甜蝦蓉，平時好少將呢兩樣野同時間食，但食落又異常地夾。壽司入面包住芒果，可能係芒果季，所以芒果特別甜。成件食口感幾豐富，但個人鐘意兩者分開食，食材味道仲出啲。櫻花蝦鯛魚湯泡飯 $118好大隻蝦!!! 仲有帶子，食落好足料，泡飯份量好多，兩個人食都食唔哂。照燒魷魚筒 $78燒汁好好食，魷魚幾大條，咬落唔韌又香，值翻個價。香芒壎鴨胸沙律 $65鴨胸有肉加少少有肥膏，咬落去好香但唔算油，沙律菜幾新鮮。平時唔鐘意沙律落醋，但今次個黑醋醋酸味唔重，甜甜地，落沙律都好食。仲有好多沙律款揀嶡餅白玉宇治抹茶雪糕 $45呢個係本日最愛，抹茶雪糕真心好好食，雪得唔硬又入口即溶，抹茶味重，好正宗日本抹茶味。如果之後再去都會揀翻抹茶雪糕食。埋單兩個人400幾，食到好飽。

黃大仙哩間既日本菜真係要大大力推介一下，雖然我好有私心想收埋佢自己去食，不過都忍住左要同大家分享😍🤪我地兩個人對每一樣點既野食都讚不絕口，真係好正😭😭💖價錢合理又坐得舒服，係商場入面，好多街坊幫襯👍👍前菜我叫左安格斯牛肉他他沙律，佢個醬係黑醋，食落去酸酸味味！非常開胃同埋個牛肉、菜、醬比例岩岩好！牛肉好香，食落好滑、爽口🤪🤪小菜叫左個燒魷魚，真係燒到個汁入哂味，吾會過干！份量都好大一條，建議3人以上叫比較好！主菜叫左個黑松露鵝肝帶子壽司🍣同埋鯛魚片泡飯！黑松露味好出好香，一上碟已經聞到🐥🐥配埋個帶子，一啖咬落去真係完全融係果口度！個泡飯既魚片加入泡飯汁之後就熟透左，飯量好多😂😂好飽啊！如果鐘意食甜品，宇治抹茶葩菲係必叫！絕對好味過你係出面甜品鋪食！入面有小丸子、決餅、栗米片同有朱古力粉淋面！個雪糕好濃味，好純，食落濃濃既菜味！

今晚同男朋友都想食日本嘢，諗起之前嚟過嘅呢間都幾好，就決定食呢間😋1. 廣島蠔寄世鍋有蠔、蝦、細蟹鉗、蜆肉，同埋唔同蔬菜，用料都幾豐富，湯底同海鮮有鮮甜味😋2. 白咖哩烏冬見到呢個就覺得好特別，上菜後原來係咖喱烏冬上面舖咗一層忌廉。撈埋食之後又幾好味🤣烏冬配嘅炸雞都炸得啱啱好，唔會太乾👍🏻3. 芒果三文魚加州卷大大舊加州卷，芒果唔酸，三文魚都鮮甜，好味🥰4. 黑松露凍蕃茄沙律呢個沙律好有驚奇！份量唔少，黑松露都好多，每食一啖都有好濃嘅黑松露味👍🏻👍🏻5. 脆脆燒三文魚皮薄薄一塊好香脆，小食嚟講好開胃，正😋6. 阿法奇朵雪糕好香牛奶味，咖啡好香，咖啡少少苦味加埋雪糕甜味👍🏻👍🏻👍🏻👍🏻

星期五晚要搵個好啲嘅地方獎勵下一星期辛勞的工作，近近地在屋企附近搵左中心的 和氣食堂！位置坐得舒服，唔會好逼。今晚人都好滿，好采早左黎拎飛！菜單有豐富的食物選擇，因為兩個人都好肚餓，所以決定點多啲食盡佢！！！溫泉玉子牛油果沙律 $58 - 先一個綠油油的沙律做熱身，牛油果是女友至愛，沙律菜亦新鮮，撈埋溫泉玉子，蛋漿沾滿沙律和牛油果的滑滑口感就非常香鮮。4點刺身盛A $168- 兩個人食好滿足，全部刺身都勁大件！！有三文魚、𩶘魚、赤蝦、同埋海膽！入口啖啖肉之餘仲好鮮甜。特別欣賞赤蝦，不過好食到忘了拍照🤣櫻花蝦鯛魚泡飯 $118- 這個非常意外驚喜。本身自己好鐘意食泡飯，連湯飲一滴不漏果隻。首先泡飯用熱石鍋上，侍應上菜時在面前倒入新鮮鯛魚湯，啲湯喺熱鍋裏沙拉沙拉咁滾，視覺聽覺都好大刺激魚湯好香，配料如帶子亦烤得剛好入味。最意想不到是有幾碟小漬物伴飯，真係非常好食。最後當然連湯飲哂。饅魚牛油果班戟 $55- 我地作為牛油果迷，當然有點咁特別嘅牛油果pancake。牛油果滑滑的口感同cake皮都幾夾，加上饅魚鮮香，如果鐘意牛油果不能錯過。火炙黑松露3點及鵝肝 $75- 穩定發揮！鵝肝、左口魚邊

話說住喺黃大仙附近，要近近地食日本野的話就飛呢間莫屬啦，食過兩三次，每次都有一點驚喜，而且味道唔錯！值得反兜！！通常生冷同熟食都會各自叫一D，呢個刺身盛其實夾得幾好，有生蠔同蝦，都係我至愛！特別叫左呢個黑松露壽司，而最右邊係鵝肝來，超大塊，味道都好好，好少出面會咁樣夾來吃，無論刺身定燒物壽司都好新鮮，其實呢張相GE份量，一個人食已經好飽啦哈哈PANCAKE卷，原來係咸食來，叫左黎到先知，哈哈哈牛油果沙律都係我至愛！好健康，同埋真係好食！有隻溫泉蛋，通常都會整爛去撈埋食！小食有雞翼，本身想叫電擊雞翼，點知已經賣哂 SOSAD飯類叫左呢個海鮮湯拌飯，記得趁熱食！而且連埋湯一齊飲係好鮮味嫁！其實真係用料好豐富！最後食左每人ARD 300，係好食GE，同埋我地係叫多左野食GE

想食日本野唔一定要去旺角尖沙咀香港島，係黃大仙中心就有一間性價比極高既屋邨食堂。餐廳環境光猛，坐得舒服，上菜快。第一道先試香芒鴨胸沙律配黑醋汁。沙律份量多，芒果鮮甜，鴨胸唔咸，整體食落好開胃。如果菜多啲就好。跟住上鯛魚魚湯泡飯。食落有驚喜，魚湯濃郁，做湯飯一流，而鯛魚啱啱淥熟就食，鮮甜而且口感唔會太林。加埋味素，葱同米粒食一流。小食嗌佐炸魚皮同燒魷筒。魚皮咬落真係脆到隔離枱都聽到，有飲酒一定要嗌。燒魷魚筒配鰻魚汁，食落味道超濃郁，不過再燒乾身啲會好味啲。跟住嗌佐樣特色既芒果牛油果三文魚班戟，用班戟皮包住所有料，面頭有沙律醬，邪惡到極點。食落口感三樣野都好似，味道係幾好食，但感覺無突出特定一種食材。最後食埋綠茶雪糕，配嶡餅同玉子。配料正正堂堂，重點係極濃既綠茶雪糕，有日本食既味道，誠意推介。總括黎講，食物賣相同味道係水準之上，屋邨慣常飯堂。

呢晚因為朋友生日同佢食生日飯，咁佢就住樂富同黃大仙之間，問開佢想食咩，佢就話佢想食日本野，咁就帶左佢黎和氣呢間日式餐廳。餐廳餐牌:其實餐廳餐牌呢個部分我之前食和氣既時候都post過，而和氣既餐牌基本上都無乜特別既變動，主打同食材應該都以前都係差唔多，水準都算係keep住既，性價比幾高。電擊雞翼配炸薯條 $68 (組合價): 先黎到既係電擊雞翼配炸薯條，竟然同之前一樣仲有推廣價，$68有一份電擊雞翼配炸薯條再加一個甜品，成件事真係好抵食。電擊雞翼係凍凍地的，呢款雞翼係凍食，甜甜酸酸咁，薯條則佈滿芝士粉，係好食既小食！火炙宮崎和牛壽司 $39火炙宮崎和牛壽司我朋友食左，佢話一啖入口即融，和牛超薄超香，燒得岩岩好，有炙燒味，食得出係高質和牛。鵝肝壽司 $45鵝肝壽司就係我點既，我都係一啖食左，感覺應該同朋友食既和牛壽司差唔多，因為都係入口即融，一啲腥味都無，超級好味，食完係會想encore！鹽味燒牛舌 $42鹽味燒牛舌味道一般，朋友覺得有小小salty，但我覺得加返d 檸檬汁係好好多，個人覺我呢款串燒都唔錯。海膽三色丼 $128呢個海膽三色丼 $128，賣相已經好掂，比起出面果d平幾倍先啦，

之前係沙田都食過呢間日本餐廳，都幾好食禁早排同朋友去開黃大仙，所以就去左食啦沙律都好多款個個都好吸引我地就嗌左安格斯牛扒他他沙律配上黑醋感覺更加健康牛肉係薄切而且係半生熟，好好味！大大件雙重芝士鰻魚卷，卷物中間已經夾左芝士，再係鰻魚上面加多層芝士，好邪惡但好正清酒煮蜆好大煲，多到就滿瀉D蜆隻隻都好鮮甜，食到停唔到口～白咖哩烏冬我都係第一次食一上枱面上勁多忌廉，睇落好似甜品禁係要撈完先食得嫁！味道唔太辣，幾特別炸雞都好正！得兩舊唔夠喉，好想繼續食推介：牛油果芒果三文魚班㦸，呢個可以叫鹹點又可以叫甜品食落真係好好味好夾呀！餐廳好有創意最後當然要食甜品寫到明係自家制甜品糯米滋紅豆綠茶雪糕🍦綠茶味好濃我地食完一個唔夠要再嗌多一個食左禁多野，兩個人都係食左$400幾，價錢都好合理

今日經過黃大仙中心,見到呢一間餐廳門口有好多人排隊，而餐廳入邊都坐滿左人，所以就吸引左我入去食啦！等左差唔多15分鐘就有位，都算幾快。我點左個午市套餐，食日本野黎講，價錢算平。壽喜牛肉鍋定食，盛惠：$72，個套餐仲有包一個蒸蛋，我覺得個蒸蛋就比較一般，舊冬菇有d硬。蒸蛋嘅味亦都唔係唔係好出。個牛肉鍋黎到令我有啲失望啦，好普通，牛肉份量亦都比較少，粉絲又唔係幾好食呀，但啲菜真係有好多，會食得好飽嘅。整體覺得都係好一般！

同男友放工後約左黎到黃大仙食晚飯,見到呢間日式餐廳幾特別 有好多唔同款式類型既野食 就決定食呢間先叫左個 “黑松露凍番茄🍅沙律” 黑松露味好濃 配上酸甜既醬汁食沙律🥗好開胃!“白咖哩烏冬” 配炸雞塊🍗 好特別!白色既淡忌廉入面藏有咖哩烏冬, 食落又幾夾!“芒果🥭三文魚🍣加洲卷”好大舊芒果又甜 三文魚又鮮“鮮立魚薄切刺身”“千回火鳥3隻”甜品🍡”糯米慈紅豆宇治抹茶雪糕”🍵🍨甜甜既紅豆配埋超濃既抹茶雪糕 絕配!而且雪糕重茶味 唔會話超甜的1定會再encore

下午來到拜大仙，之後行下商場！見到呢間和食都幾多人就排隊。入咗之後店員，熱情介紹食物。我哋就叫左個番茄牛柳粒烏冬，鐵板雞扒煎蛋。芒果煙鴨胸沙律，蟹子軟殼蟹壽司。餐牌有好多選擇令人目不暇給。第一次來我就選擇叫店員幫我哋發版。芝士軟殼蟹壽司，軟殼蟹炸到脆卜卜。蟹仔蔔蔔脆落口即溶。餐廳乾淨企理，海鮮蜆仔湯，配上豆腐分外嘅味。番茄牛柳粒烏冬，烏冬用手打稻庭烏冬非常之彈牙。配菜仲有好多粟米同埋黑木耳。番茄湯味濃郁。鐵板雞扒飯，配菜有薯菜非常惹味。

好耐無尼黃大仙食野，發現多左好多好野食呀！今晚八點幾尼到和氣食堂，入面都仲係幾滿架好大間，啲凳都坐得好舒服好闊落！啲野食嘅價錢都好平民化，而且又大大份，計返個性價比真係幾高！值得推介呀叫左一個香芒燻鴨胸沙津（黑醋）（$65）估唔到個芒果咁鮮甜，唔係糖水個種甜，好鮮，個鴨胸都燻得好香，兩樣野擺埋一齊非常match珍寶赤蝦海鮮丼（$98）全部海鮮都係好鮮味，特別個蝦！！鍾意食蝦嘅人唔可以錯過呀芝士軟殼蟹卷（$58）個蟹炸得好脆，上面嘅醬亦都唔會過多，好香口！網燒美國牛扒（$88）啲牛扒燒得好好，唔會overcooked ，口感好好，加埋啲蒜更加係錦上添花，令到牛扒更香最最最推介嘅係尼個：照燒魷魚筒（$78）照得非常香，特別係啲蘇，蘇嘅尾位係最香，有種街邊燒魷魚嘅香味！好鍾意！