和氣食堂 (黃大仙中心南館)

营业中

休息中

經過黃大仙中心,見到呢間日本野好多人排隊,雖然係街坊餐廳,相信都係好味道同埋抵食先有咁多人,所以都想試下餐廳內部同其他日本餐廳大同小異,抵讚的係佢有唔少卡位,坐得幾舒服牛扒沙律:牛扒偏瘦,口感還可以,唔會太乾柴,配黑醋汁同沙律都唔錯刺身(5點):都算新鮮,有三文魚,甜蝦,油甘魚,廣島蠔燒雞全翼(3隻): 雞翼燒得唔錯,皮都香脆生薑豚肉飯: 似吉X家味道的丼飯,味道正常最後以甜品結尾:培茶雪糕蕨餅:培茶雪糕好好味,好濃的培茶味道

黃大仙中心一向都多平民美食，留意到呢間餐廳超多選擇，同價錢都合理，今次就嚟試吓🌝我哋平日晚市嚟食，7:30左右，已經全場坐滿，開始要等位😌餐廳整體環境都算闊落，枱同枱之間唔會好迫，都算舒服👍🏻💛3 點刺身盛 $128刺身都正常發揮，唔會太薄，亦唔會食到唔新鮮嘅味道👌🏻💛火炙黑松露3點 $80個人好鍾意食火炙壽司😂所以覺得好正，唯一一點差少少嘅係表面放咗太多黑松露，有少少掩蓋左本身火炙嘅味道🌝💛雙重芝士鰻魚卷 $59份量比想像中大，鰻魚都不錯😌💛火焰左口魚牛油果沙律 $75第一次食呢種魚+沙律嘅組合，本身以為會好伏，點知mix埋一齊味道都可以接受。有少少鹹鹹地嘅黑松露再加火炙左口魚味，又幾特別同開胃😌💛黑豚肩燒丼 $82豚肉醃製得入味，配上燒汁都好開胃👍🏻珍珠米都煮得剛剛好，及格👌🏻💛燒日本廣島蠔(2隻) $48蠔殼雖然不大，但係蠔肉都幾大隻，新鮮程度一般。蒜蓉可以再香少少😌💛燒鱈魚棒 $50燒得好脆，有少少香香地的鱈魚同炭燒味，好適合配酒食。🥤宇治金時 $42有好濃郁嘅抹茶同牛奶味，仲有少少紅豆蓉，略甜咗少少，唔鍾意飲甜嘅朋友可以試下叫少甜😌🥤熱紫薯鮮奶 $35個人覺得太甜同太重奶味。

今日同屋企人行下黃大仙中心就隨便入左間餐廳食晚飯坐位都多嘅 平日7點半晚飯時間等幾張枱就入得呢度嘅menu design好有漫畫嘅feel 幾乎每一樣餐品都附上圖 易睇 唔需要盲公亂點🔸黑豚肩燒丼呢個我細佬叫嘅 黑豚肩好有燒嘅炭火味🔸白咖哩烏冬外相好睇！面層都係泡沫 內裡都係黃咖哩 唔好睇少佢 一碗份量對我睇講都多得滯 食唔哂🔸温泉玉子牛油果凱撒沙律大大碗嘅沙律 牛油果🥑都好多 可以叫黎share🔸燒牛舌細佬同我實在係牛舌迷去到邊都要嗌翻份試吓 牛舌呢樣野果然沒令我哋失望🔸芝士厚燒玉子呢個我好中意 蛋好厚 但建議兩個人或以上叫 自己一個唔會食得哂 🔸電擊雞翼薯條🍟Out of expectation 雞翼係凍架 甜甜地 好似有層糖霜係面 都幾好口感 薯條係熱 一凍一熱 冰火交融

放工行經黃大仙中心，見到有間日本料理鋪頭都幾多人排隊下，甘就同同事一齊去試下，睇下何方神聖。等咗約莫十分鐘，順利埋位。睇餐牌價錢唔算好貴，應該都係行親民路線。前菜就試下距地個牛油果沙律，上到黎都真係嚇親我，事關真係勁大份。牛油果口感軟滑，沙律菜都好清新。至於溫泉蛋，就俾我攞左去撈飯，味道一流啊。主食一人一個丼，黑豚肉丼附有泡菜，豚肉係真係好濃郁噶燒烤風味，肉質還算可以，個人搭配沙律裡面噶溫泉蛋撈飯，真係成碗食曬，好滿足。鯛魚湯泡飯都好有驚喜，刺身級鯛魚搭配乳白色的鯛魚湯，湯汁鮮而不腥，鯛魚片可以借熱魚湯整熟埋，好鮮嫩。另外仲點左鰻魚牛油果班戟和距地招牌焙茶芭菲。平時水果班戟就食得多，加埋鰻魚就真係第一次試，又幾好食喔，值得一試。焙茶芭菲雪糕好順滑，茶味醇厚，底下有粟米片，撈埋一齊好好味。但係個人覺得雪糕稍微甜咗少少。

呢日黎到黃大仙既和氣食堂, 7點前入都唔係好駛等位, 但我地坐低左一陣去到大約7:15 就多人, 7:30 就開始要等一等~ 所以食好野都係要早D黎拎位! 我地叫左好多野食~有3點刺身盛、白咖哩烏冬、黑豚腩燒飯、鐵板牛舌、檸檬藍柑梳打、荔枝梳打, 所有野都勁好! 兩杯飲品唔會話太甜, 甜度岩岩好, 配埋梳打飲落去個人勁gur~ 正! 3點刺身盛有三文魚、油甘魚同埋蝦! 真係夠哂肥美, 食落好吸引, 每件都好厚,一D都唔姑寒, 忍唔住食完一塊又一塊! 真係超正! 又好有魚味, 魚油係口入面化開, 真係正! 白咖哩烏冬超邪惡, 勁多cream埋住左D咖哩烏冬, 撈埋黎食真係perfect, 呢個估唔到烏冬同咖哩係可以咁夾! 真係冇諗過, 咖哩勁香, 食到人一啖接一啖停唔到口! 黑豚腩燒飯同鐵板牛舌都係好出色, 黑豚腩燒飯既黑豚肉夠哂肥美,油脂分佈岩岩好, 唔會話好油膩食到人唔想食, 反而係夾埋D飯度食, 食到一啖接一啖! 鐵板牛舌夠哂厚同夠哂份量! 超正!

E間餐廳其實我食過好多次 座位正常闊落😚回頭率好高😳😍野食方面 去相!!!大阪豬扒丼 $88上面有極大量既椰菜絲😍 椰菜絲上面有少少沙律醬 好夾下面係豬扒蛋飯 豬扒外脆內軟😳但蛋反而有少少失望 太熟 唔係好滑既蛋🤣但整體比分好高上面既菜平衡返下面既邪惡🤣令成餐飯好平衡黑豚肩燒丼 $82超級好食!!!!!個燒汁配埋個黑豚肩 好好食😳每一啖都好正個黑豚肩唔肥 但入口有少少油脂 配埋個燒汁 超正!!!😍E間餐廳性價比好高我成日都黎食🤣平時仲會叫刺生丼 刺生好食 而且lunch ge刺生丼仲送埋炸雞同關東煮真係又大份！又抵！又好食🤣😋

今日同朋友起附近行開，諗住快快手就近食個晚飯，然後就發現呢度好多好評，應該係好唔錯嘅日本菜，一於就試試！呢度好大間又多枱，所以就算繁忙時間黎食都唔多人等位，好快就帶咗我地入座呢度都menu我係十分鍾意，因為有晒圖，唔洗睇字，而且顏色好豐富，睇得好開心首先黎咗兩杯特飲，分別係青蘋果奇異果梳打同埋檸檬藍柑梳打，都係符合預期嘅味道，唔會覺得太甜或者好藥水，而個賣相就真係頂級～呢個雜錦刺身丼都好豐富，咩都有啲咁，入面個吞拿魚好好食，唔係刷字膠咁嘅質地，而係真係有魚味又唔韌嘅部份黎白咖喱烏冬完全咁滿足咗我打卡嘅慾望!而且仲附送兩件熱辣辣嘅炸雞，滿足我食肉嘅渴求佢個咖喱汁夠杰，掛倒晒起烏冬上面鐵板煎牛舌都係好好味，夠晒多肉，而且牛舌唔腥，熱辣辣咁上，好好味呢個係千回火鳥，侍應特別提醒要小心熱，因為真係燒得好透徹，入面嘅肉汁係真係辣口嘅，換黎嘅係黃金色嘅外皮，同香噴噴嘅雞味最後上嘅係黑松露香芒甜蝦卷，佢作為最後一道菜係非常之適合，因為個芒果好香好甜，令成個口都好重芒果味，成件事好似係食緊芒果糯米飯咁，再加少少嘅黑松露香味，正到爆!

係黃大仙中心嘅和氣食堂，裝修簡潔，坐得舒服。店員親切有禮物。打開餐牌，食物款式多元化，有魚生，壽司，沙律，飯類麵類，小食和甜品等等，價錢平民，賣相吸引，真係乜都想試吓。溫泉玉子牛油果凱撒沙律：新鮮青綠蔬菜，份量都唔少。海鮮四色丼：油甘魚，三文魚，帆立貝和甜蝦都好新鮮，油甘魚和三文魚厚切，非常有睇頭，帆立貝和甜蝦味道鮮甜。白咖喱烏冬：有層簿簿嘅忌廉係上面，烏冬帶有濃味咖喱汁，食落好creamy，味道仲好夾。芝士厚燒玉子：玉子燒通常都係做配菜，厚燒玉子紮實豐厚，有種甜滋滋嘅味道。餐廳做緊推廣：培茶芭菲配電擊雞翼+炸薯條，培茶芭菲賣相好靚，雪糕幼滑而且茶味濃郁，仲有厥餅，小丸子，紅豆和粟米片等配料。電擊雞翼係單骨凍食，甜甜辣辣好滋味。每樣食物都足料足份量，食物質素高，價錢親民，值得推介！

建議：平日晚市比較多人，記得拎左飛等位先再行下。路經和氣食堂，成日都會好多人排隊。見到佢地有個芭菲Combo 終於決定要一戰😋 晚市時段，等左差不多20-25分鐘。坐落唔會好窄，而且隔板既感覺亦好好，每張枱既隔板真係隔埋隔離位👍 完全唔係做下樣就甘擺塊板。今次試左：▫️芭菲Combo (HK$78)最吸引既Combo 一坐底已經落定單，仲有得叫後起👍 Combo有3️⃣款野食：芭菲🍨薯條🍟 雞翼🐔一個價錢有齊甘多野食，真係好抵😍 另外，因為舖頭係用QR code落單，雖然撳左後起，估唔到薯條同雞翼都安排左係主食既時間上埋👍▪️白咖哩烏冬 配炸雞塊 (HK$92)相比石窩飯，烏冬既份量真係比較少。味道正常，唔係太有驚喜🤔 之前見到一間白咖哩烏冬專門店，唔知個間會唔會好啲。雖然個餐牌簡介，白咖哩既面頭係Cream，不過食落就唔係奶味，反而似豆味⁉️ 而且係一層好稀，好似泡既感覺😂 底層就係一般既咖哩烏冬。如果以價錢黎講，就唔係好值得點試依款烏冬🙈另外，依款主食仲配左2️⃣件炸雞🐓唔係日式炸法，外層係好似韓式炸雞甘好脆口，不過食落就有少少乾身。▫️芝士黑豚軟骨石窩飯 (HK$95)份量正常🍚 芝士舖哂起面

今日放工七點零鐘嚟到，等咗一陣位就可以入座。見到夜市都幾爆場。·今次叫得比較多冷盤，一開始就食咗好大盆溫泉蛋沙律。真係好大盆，佢上菜嘅時候我都呆咗。 ·下一個就係鰻魚牛油果班戟，呢個未試過好似好得意咁。係好似壽司咁包住左啲材料，又幾特別喎。·仲叫咗一碟魚刺身同埋蝦刺身，都幾鮮甜。·最後要食返d野暖下個肚，就係呢個白咖喱烏冬。佢係食物版嘅芝士奶蓋。因為喺咖喱烏冬上面係有一層好厚嘅白色忌廉。我將兩層撈勻先再食，啲烏冬全部有晒汁，好邪惡但係都好好味。·最後仲叫咗個牛奶雪糕，好開心呀有甜品先係完美嘅一餐。

陪阿妹去拜黃大仙，之後我帶咗佢去附近商場嘅和氣食堂食日本野，餐廳食物質素好，價錢又唔貴，我每次去黃大仙就一定過嚟食嘢。餐廳一向受歡迎，我每次嚟都係要等位，食好嘢客人亦唔介意等一等。溫泉玉子牛油果凱撒沙律：份量超多，溫泉玉子蛋汁和沙律醬伴均勻新鮮沙律菜，多了一份又滑又香的口感，牛油果creamy加上麵包粒的脆口，增加左口感的層次！芒果三文魚加州卷：三文魚油脂甘香，芒果香甜，加州卷口感豐富，三者合為一體，並加上魚籽和沙律醬，無論口感和味道都超好味！田樂麵豉燒日本米茄子：茄子田樂燒是日本京都有名的小食，使用日本秘製的麵豉醬，塗上茄子上燒製而成，麵豉醬香味撲鼻，最合適作為餐前小食。石狩窩豬骨湯底：日本人吃火鍋加了三文魚的就是叫石狩鍋，是北海道的鄉土料理。用豬骨湯底先煮好蔬菜、菇類、粉條等，再將煎炸過的三文魚頭腩放上面，再滾一滾就可以食，湯底味道鮮甜不油膩，所有材料吸收湯底的精華，味道鮮味十足！糯米糍紅豆宇治抹茶牛奶雪糕：糯米糍煙韌紅豆林甜，配埋滑溜甜美的抹茶牛奶雪糕，真的食不停口！培茶雪糕筒：店員介紹呢樣係新產品，使用烘焙過的茶做成，比起綠茶味道比較清淡，唔會有苦澀味。

不論家人 男女朋友拍拖都有吵架 如果好似這間日式餐廳個名「和氣食堂亅 食完永遠和和氣氣就好了🇯🇵和氣食堂黃大仙人氣高既日本餐廳米樂去開黃大仙中心中秋展打卡隨便係附近食晚飯就被餐廳嘅大板豬扒丼 同🍵宇治抹茶芭菲🍧吸引過嚟大板🐷豬扒丼 $88一上台賣相好吸睛 上面既椰菜絲埋左坐小山好岩打卡📸椰菜絲加埋板燒汁好開胃 吉列豬扒都好大塊 表皮仲好脆 厚薄岩岩好 唔會好粉🥰🍵培茶芭菲🍧 配 電擊雞翼同北海道炸薯條 $78一個價錢滿足三個願望 真係幾抵米樂作為🍵抹茶控 一心想試下openrice 推介嘅宇治抹茶芭菲 可惜今期抹茶味轉左培茶味🙈原來餐廳會不定期輪住出呢兩種味🍧set有兩種味道選擇 培茶 同特濃牛奶 最後米樂選擇了培茶味芭菲好多配料 有抹茶蕨餅 煙韌既小丸子 紅豆 脆片茶味濃得黎唔係太甜 口感好滑😋希望下次可以試埋抺茶味電擊雞翼原來係凍食既酸甜炸雞翼 好入味 夏天凍食幾正又開胃 但略嫌口感太硬北海道炸薯條 係米樂另外一樣最愛🥰 薯條真係薯仔切出黎一條條個種感覺無咁熱氣 加上每一條都沾滿濃濃芝士粉食起黎十分惹味 食唔停口總結：今次米樂試完和氣食堂 真係一試就愛上 CP值極高 好想快啲試埋

每次嚟黃大仙呢頭都會心思思想食和氣食堂，淨係喺門口排隊已經感受到街坊嘅熱愛，一定係成個商場最受歡迎。溫泉玉子牛油果沙律好新鮮，尤其鍾意牛油果同炸麵包粒，仲有蛋汁撈起好正，但海量沙律菜如果配兩隻蛋就更佳。鰻魚牛油果班戟非常好味，沙律醬、蟹籽同蟹棒呢個組合冇得輸，pancake皮都好軟，好味。大阪豬排丼賣相滿分，講真味道同一般嘅滑蛋吉列豬扒飯分別唔大，不過豬扒keep到好脆，滑蛋同醬汁都好好餸飯。 即使係日本食正宗炸豬扒，我都好少會食伴碟嘅椰菜絲，但神奇地呢度淋左豬扒醬、沙律醬同木魚碎之後，我竟然食咗唔少，配搭幾有誠意。手打稻庭冷烏冬好夠凍，烏冬亦都好滑煮得啱啱好。 可惜醬汁比較單調，就係普通嘅鰹魚汁，如果可以配多個餸，例如雞髀咁就更加好喇。電擊雞翼雪凍左好脆好惹味，值得一讚薯條熱辣辣灑埋芝士粉勁好味，次次嚟都必叫。培茶芭菲好重茶味唔會好甜，亦都好足料地配左蕨餅、小丸子、紅豆等等，成餐都好滿足。

室內環境寬敞清潔舒適，日系和風的擺設，晚飯時間尚早，座位已滿，餐廳門外已有很多食客等位，店員禮貌招待推介食物，菜譜豐富供客人選擇鯛魚湯泡飯$112鯛魚很新鮮，嫩滑口感，濃濃的魚湯浸泡著日式珍珠米飯，襯托著兩卷菠菜團，既美味又可口。石狩窩豬骨湯底$92吸睛的三文魚頭，非常嫩滑，整個口腔充滿魚香，還有很多配菜，粉絲、秀珍菇、豆腐、娃娃菜浸在濃濃豬骨湯，更覺美味。安格斯牛扒他他沙律(黑醋)$82牛肉味濃，嫩滑多汁，配上新鮮蔬菜他他沙律和黑醋，惹味又醒胃。三文魚椎茸燒$36方塊的三文魚和方塊的椎茸很特色，加上椎茸的清香，燒得很惹味培茶芭菲配電極雞翼炸薯$78一般雞翼是熱食的，但這電極雞翼是凍食，很有特色創意，極度好食。配以炸至熱騰騰的薯條，美味可口。培茶芭菲擺款精美，令人見到不可以不吃，雪糕邊放了麻糬，杯底還有薄脆和紅荳粒，好味又清新。

這家日本餐廳食物款式多樣化，賣相吸引，除了刺身、壽司，仲有多款日式熟食及甜品，用料新鮮，味道相當不錯，價格亦十分親民，晚餐時段幾乎都座無虛席，遲咗到嘅朋友仔仲可能需要等下位。整體性價比高，值得一試😋溫泉玉子牛油果凱撒沙律 $62 8/10沙律材料健康豐富，有齊曬菜名嘅材料，牛油果熟度適中，一拮開溫泉蛋，蛋汁流曬落去沙律中，撈埋一齊食同樣咁fresh，配合酸甜嘅凱撒沙律醬，絕對清新醒胃😄3點刺身盛 $128 8/10有3片三文魚刺身、6片章紅魚簿切、3隻甜蝦刺身，每樣刺身都非常新鮮，三文魚足量厚切，章紅魚毫無腥味，甜蝦口感軟滑鮮甜自家制芝士厚燒玉子 $49 8/10大大件玉子燒舖滿芝士，一啖咬落去，濃香嘅芝士配上口感軟滑嘅玉子，絕配啊👍大阪豬扒丼 $88 8/10呢個丼好似座山咁大碗，頂上疊起大量加了沙律醬嘅椰菜絲同木魚絲，中間放了一塊塊炸到外脆內軟嘅豬扒，食落爽脆鬆軟，底部舖了海量米飯，撈埋一齊食味道好夾電擊雞翼+薯條+焙茶芭菲 $78 7.5/10雞翼外層有濃厚嘅醬汁包圍，可能係凍食原因，口感偏硬身，波浪紋薯條舖上滿滿芝士粉，相當入味😋最後食埋焙茶味嘅雪糕，配上口感煙韌嘅麻薯，甜度