和氣食堂 (河畔花園)

营业中

休息中

朋友推介話沙田呢間日本餐廳幾高質，所以慕名而來見識下，門面睇落冇乜特别。等左陣位終於入到去入面唔等闊落，不過d凳幾好坐。呢個姐姐幾nice，一坐底就介紹近排有咩好食是旦影左幾頁menu，個鰻魚壽司睇相好似幾好樣，不過朋友唔食鰻魚，最後叫左其他野首先上菜既係赤蝦同火炙帆立貝壽司，蝦又甜，帆立貝又厚又juicy，不過要留意壽司飯入面好似包住少許芥末，食唔到辣最好預先同侍應講聲。之後黎既係魚生飯，都幾多配料，又有三文魚子，呑拿魚蓉，三文魚腩，牡丹蝦。每一樣都夠整一碗魚生飯，依家重要有4樣足料既配菜，冇得彃食完之後黎左既係刺身，分别有赤貝甜蝦三文魚，另外重有2件青瓜卷跟埋食完刺身之後係凱撒沙律，同平時出面食d分别，呢個上面有一隻温泉蛋，好食最後埋單四百蚊，扺食

今天妹妹們生日，於是一行6人黎到和氣食堂慶生。對於和氣食堂其實一直印象都幾好，因為不論自己定朋友，試過都叫正正子，但由於最近每次黎到都大排長龍，所以放棄左幾次。今日早到，難得未有好多人，就算6個人都好快安排到卡位坐。去得食日本野，一定會叫三文魚，所以叫咗呢個三文魚五味，好食海膽帆立貝卷，帆立貝都幾鮮甜。叫咗個刺身，但係睇上去啲顏色麻麻哋，好似唔係好新鮮，食落都真係麻麻。叫咗個海鮮鍋，材料都幾豐富嘅，有蝦有魷魚有冬菇有蠔，都唔錯嘅。有一段時間冇黎和氣食堂，同埋試過附近其他日本餐廳，覺得呢度好似失色左，價錢唔算便宜，質素亦都比以前爭啲，希望嚟緊會改善一下，都唔介意再比次機會試吓嘅

星期一點都提吾起精神所以約左個friend食個飯順便吹下水減壓吾想行得遠 就去左我friend屋企附近嘅呢間日本菜我地7:30pm到 全場full左同已經有人等緊位不過身為香港人既我地 始終覺得有人排既野係等於信心保證 所以我地就等埋一份 決定試間多人既餐廳都吾去d冇人排既好彩等左15mins都已經有位門面好易認人山人海決定豪一豪佢 嗌左以下既野個人推介呢個豬扒丼D豬扒炸到外脆內軟又大碗大件夾好味女士就必叫牛油果沙律又fresh又健康講到must try item又點少得刺身拼盤見吾見到件三文魚有幾咁厚身呃!!!!!!甜蝦更是一流另外朋友嗌左幾款sushi我仲鍾意個黑松露左口魚邊好香~~串燒蕃薯 超甜要close up d sushi 同刺身係咪好吸引呢

有隱世小店之稱就黎試下首先嗌左個白咖哩烏冬配炸雞 有驚喜！第一次食呢種烏冬 白咖哩係唔辣既 岩晒我呢啲唔食得好辣既人 撈好左個咖哩之後條條麵都沾到 食落肚有種好肥仔但好滿足啊！既感覺 至於炸雞呢 粉漿薄 又脆又香 可以encore 可惜我個晚喉嚨痛 唔食得太多！之後嗌左個麵豉燒茄子 諗住有啲蔬菜平衡下 好食！ 個矮瓜燒lon左小小 程度岩岩好 咁先夠香！係可以一絲絲咁夾啲矮瓜肉上黎 但我覺得個醬有啲花生醬味哈哈 有啲唔太夾 但個矮瓜真係好食 加返分 值得一試！溫泉玉子凱撒沙律抵食大盤既沙津 將個溫泉蛋整開佢同沙律一齊食都幾好食 芝士粉同醬汁落嘅份量啱啱好又唔會寒酸最後嗌左個4點刺身盛A 有三文魚 甜蝦 章紅魚 同廣島蠔 個樣望落都好新鮮 但因為我真係三文魚狂迷對三文魚要求好高 我覺得個三文魚刺身冇乜三文魚味 蠔有小小腥 而其他兩款就唔錯既！

同姪女去完沙田交通安全公園，過去對面河畔花園揾嘢食，見呢間和氣食堂好多人，而我食過黃大仙嗰間好食，所以我哋決定都係等，好彩等唔耐就有位喇，見午市套餐好抵，每個餐加$14就可追加兩款小食，連埋飲品添，所以每人要左一set 加兩款小食；🍣和氣壽司定食 $115有三文魚、剌身虎蝦、油甘魚、帆立貝、特長海鰻、香蔥拖羅碎軍艦、三文字籽軍艦、芒果花之戀、花之戀；條特長海鰻真係好長🐉木魚湯烏冬兩件炸雞鎚，炸得脆熱＋$14追加 糖心蛋及雜菜天婦羅；醬漬糖心蛋尚可，雜菜天婦羅有南瓜、青椒、茄子＋$8凍柚子檸檬梳打，夠大杯 ＋ 夠柚子＋多檸檬 = 解渴好飲🍱北海道三色丼 $108三文魚籽、海膽、拖羅碎鋪得滿滿，而飯是醋飯，美味飽肚又滿足＋$14追加和風沙津及炸雞餐飲，凍咖啡少冰，連杯咖啡都好飲過人，抵佢咁多人幫襯，但可惜無甜品。

搬來沙田幾個月了，開始學煮飯，但老公和我也會定期出去試不同餐廳，順便熟習附近環境。這間日式餐廳有很多好評，所以決定試一試。平日早放工約六點幾，順利入座，但我們坐下不久便發現很多人，看見店內座位不多，似乎還是要訂位才好。 一揭菜牌，便覺得很糟糕，因為選擇太多了，對於有選擇困難症的我們，看見大量有特色的菜色，其實很多都想試。首先上菜的溫泉蛋牛油果凱撒沙律，包含了所有我愛的食物，這個配搭十分好，醬汁食量，是上佳的開胃菜。另外第一次試了河豚乾，配上七味粉，新鮮熱辣帶點煙韌口感，再加上蛋黃醬，是啤酒的最佳配搭。刺身盛想不到也帶點驚喜，除了幾樣魚生海鮮都非常新鮮，還附送了一個酸酸的醬汁，有點像泰式生蝦，變了刺身也有多一種吃飯。如果怕魚生會聲的人來說這個吃法也會蓋過任何腥味。廣島蠔寄世鍋的蠔肉質鮮甜也算大隻，其他配料就普普通通啦，不過以此價錢算是抵吃。最後，以為平平無奇的大阪豬肉丼，竟然也算十分高質素。雖然有點老土，但他的豬扒真的很有豬味！炸豬扒不會過肥，也不油，配合大量椰菜和洋蔥雞蛋，為這個晚上畫了個完美的句號。最初以為河畔這邊都是小店，想不到也有一間高質素餐廳。而且不同種類的日式料理也有提供，來

想試呢間日本菜好耐喇，不過次次經過都好多人排隊，今晚遲咗放工，同朋友等咗一陣就有位😍我地一試難忘！食物嘅種類係超多！侍應們服務態度唔錯。<5點刺身盛A-三文魚、油甘魚、甜蝦、帆立貝、章紅魚薄切>刺身新鮮、份量多！章紅魚薄切鮮甜香濃，配酸酸地醬油好正！油甘魚大大塊，充滿魚鮮味~<黑松露鵝肝帆立貝卷>黑松露味香濃，肥美帆立貝配鵝肝好match好邪惡，推介！！<蒜香一口和牛濃蕃茄湯烏冬>蕃茄迷要試喇，個湯好濃架！和牛高質，烏冬煙韌。<千迴火鳥>燒得好香口，外面辣辣地好開胃，雞肉保持juicy雞翼迷表示滿足。<辣味炸薯角>薯角份量多，炸得夠香脆。總括而言，各樣食物都係高質，價錢合理，CP值高，會再食！

因為和氣食堂只有便當食，入左去先知還有好多野食。吸引之處：1. 餐廳擺設簡單又好有自己味道。2. 火焰海膽帆立貝卷既海膽經過火燒之後，海膽甜味更加特出，鮮甜味中又有照燒汁既混合。帆立貝新鮮彈牙。一口食曬成個卷，好有層次感。口感好豐富。食到唔同既鮮味，好有創意同好食。火灸珍寶皇帝蟹棒，加上芝士，味道超甜，又唔搶走蟹肉既原汁原味。3. 四色魚生丼。有大大條既甜蝦，三文魚，拖羅碎，三文魚籽。全部都用新鮮材料。三文魚籽撈埋個飯，成個飯勁鮮味。豉油調一調味，個丼變得香，鮮甜美味。新鮮丼，覺得係必食。4. 沙田圍都食到廣島蠔。分別一隻係蒜香，一隻係燒芝士。熟左既蠔甜味更加特出。蒜味蠔味道濃味。會比較鍾意芝士蠔，芝士香濃味同蠔既鮮味配合得好。5. 左口魚邊同埋牛油果既沙律擺得好靚。呢度既沙律好獨一無二。左口魚好話滑多水份，油脂香。左口魚肥美，牛油果又香滑，兩個一齊食味道真係超好。好值得食既沙律。6. 千迴火鳥有少少既辣味。好開胃既辣，雞翼夠熱。皮燒得乾脆。雞肉滑，水份多。真係燒得好好。整體黎講係一個有心思既食堂。味道特別又好食。

原來呢度一直都有間禁高質既日本菜小店，希望宜家先知都唔會太遲啦！真係推介比大家食呢間好野雖然座位之間比較狹窄，不過睇黎都無阻大家黎呢度食野喎！作為生蠔控既我，真係超級高度推介呢個廣島蠔刺身比大家，$82 就有4隻，平均$20一隻，每隻都大大隻極新鮮無異味，肉感豐富，作為一開始既前菜，真係無得頂！餐廳重附有魚露 / 檸檬 / 芥末比客人為生蠔調味，我就認為就禁食最正，因為真係極鮮，全無腥味之餘，重好creamy....黑豚肩燒丼，呢個丼我真係會比120分佢！真心極度好味，$75就有$275既水準，真心高度推介 ; 同樣有色香味俱全既佢，丼上鋪滿了蔥粒，多塊大大塊既黑豚肩肉鋪滿左整個丼上，完全睇唔到一粒白飯！白飯用上珍珠米不在話下，主角黑豚肩肉真係燒得非常香口惹味，燒汁既配合下，整個飯都變得非常好味，而肉既口感更係非常易入口，真心好有水準，難怪差唔多每枱客人都會叫個丼黎食雙重芝士鰻魚卷，$52有三大件，鰻魚內外都有芝士一大塊鰻魚，配合卷內既配料及芝士粒，非常有口感，鰻魚汁更加強左整體既味道添三文魚5味壽司，簡簡單單，就將三文魚製成5種味道既壽司，分別有本身既原味，海膽，咖哩鹽，牛油果及芝士

沙田河畔呢間和氣食堂成日都咁多人排隊，趁今日有時有時間，一於去試下。等咗一陣間就有位啦，啲侍應都好友善，地方細細，但都有四個侍應招呼，算唔錯。佢地嘅 menu 有好多選擇，睇到我眼花繚亂😁 最後揀咗個鰻魚炒飯。石鍋上，熱辣辣，不過係冇飯焦嘅。上面兩塊鰻魚幾好味，不過如果可以大塊啲就更加好啦😆 個飯炒得幾香，裏面啖啖肉，算係水準之作，唔怪得佢成日排長龍喇🙄以後冇飯開又多個選擇，下次要帶朋友嚟，試多啲嘢食😊

個日去完沙田行街，但新城市實在太多人啦，就諗住散下步，順便搵下有咩食，點知行行下就行左去沙田圍，發覺原來呢邊都有唔少食肆，作為熱愛日本文化嘅香港人，一眼就睇中左呢間搶眼嘅日本食店！佢放左個餐牌係店外，有超級勁多選擇，樣樣都想試～平時次次三文魚個啲刺身，但見佢有白身魚，所以嗌左黎試，原來係章紅魚同油甘魚各一半，本身無好大期望，點知魚味極香濃，正到爆呀，仲有個酸酸地嘅醬油汁襯返，比起豉油更加能夠點綴，唔會掩蓋左魚鮮。跟住試左鰻魚牛油果班㦸，賣相好萌，雖然得兩舊，但好大舊好足料，有好多蟹籽，仲要樣樣料都好夾。之後就係主菜啦～食左廣島蠔寄世鍋，點知原來係海鮮大雜燴！仲有蟹鉗、蜆、墨魚仔同蝦，抵食到唔知點講，佢湯底全靠海鮮同蔬菜鮮甜味熬出來，飲完一啲都唔口乾。見到佢啲麵類都好吸引，嗌左個蒜香一口和牛蕃茄烏冬，最鐘意好濃郁有啲杰身嘅蕃茄湯，咁樣係最有蕃茄味，和牛都好好味呀，又夠腍身，仲要有木耳粟米係𥚃面，超用心製作覺得好似食唔夠菜，最後食埋個沙律先，有三文魚，有牛油果，又有蕃茄仔，好fresh又健康！！估唔到呢間小店係每一道菜都咁有水準，食得好開心，就算係沙田圍都會再入黎食！

煮左幾日飯, 今晚決定同 honey 出去撐吓枱腳呢間和氣食堂幾個月前我地幫襯過, D嘢都幾好食.有幾次想 encore, 但都因為太多人等, 所以放棄左, 今晚竟然咁好彩, 啱啱有張2人枱, lucky 今餐點左5樣嘢.第一樣上嘅係 "沖繩風沙律"wow... 個賣相靘到呢... hohohoo吾係得個樣, 佢個和風汁真係超好味, 少少酸帶D清甜, 同D菜好夾 第二樣上嘅係 "千迴火鳥" (燒雞翼)呢樣上次食過, 好味, 今次都依然係好味 ~啱啱燒起, 襯熱食, 塊雞皮仲脆卜卜 ga  第三樣上嘅係 "石鍋鰻魚炒飯"鍋飯咁熱, 梗係擺到最後先食啦.個飯炒得幾好, 夠味但吾會太鹹, 仲啖啖都食到鰻魚粒第四樣啦 ~ "三文魚, 甜蝦, 赤貝刺身"講真, 呢碟好難有驚喜, 最緊要佢新鮮. 三樣入面, 三文魚最鮮甜, 好厚肉 ~最後上嘅"金蒜燒日本米茄子" --- 真係超驚喜!!!鋪D碎米係茄子面, 加少少醬汁一齊燒, 燒得好香脆.最讚係D茄子, 燒到啱啱熟, 吾會一 pat pat, 但係熟 ga 喎! 一碟8件真係吾夠喉, 好好好好味

同屋企人喺醫院覆完診之後，即刻喺附近搵好嘢食。喺OpenRice 到search下，原來發現河畔附近有好多好嘢食。佢想食日本菜，於是我哋就揀咗和氣食堂啦。閒日八點半鐘，都坐得幾full，好彩仲有一張枱，唔使等位就可以入座啦。大盛刺身丼用料十分豐富，有三文魚，油甘魚，拖羅蓉，海膽同埋大蝦，賣相吸引。我最鍾意就係拖羅蓉嘅清新口感，而海膽亦味道新鮮，送飯一流。一開始見到一碗cream狀嘅食物，都唔知原來就係白咖喱烏冬，攪勻之後先見到啡色嘅咖喱同埋烏冬。日式咖喱甜得來唔會辣，加上白色嘅泡泡cream，口感十分獨特，最啱配埋香口而肉質鮮嫩嘅炸雞。脆脆三文魚片香口得嚟脆卜卜，係開胃嘅小食。燒日本廣島號蠔有兩款煮法，分別係芝士同埋蒜蓉，芝士嘅香濃蒜蓉嘅刺激，各有特色。兩個人加埋400蚊都唔駛，算抵食，夠哂「和気」！

星期二既晚上, 約男朋友去食我最愛既日本菜...今晚就選定去沙田河畔呢間和氣食堂食個晚飯去到睇落個門面, 心諗應該同其他日本餐廳D野食差不多..但原來唔係......!!!!!  D野食食落每樣都有驚喜,每樣都好好食..仲要價錢公道..平靚正! 又新鮮而且仲好欣賞佢地每個店員都好有禮貌讚!讚!讚!!!店仔細細, 但都幾有日本風味~~(平日夜晚黎講都算幾多人...)..............................~~~~~野食環節~~~~~件件三文魚都好厚，食落每種刺身都好新鮮，個赤貝食落去一d腥味都無刺身新鮮! 蝦三味壽司: 甜蝦，虎蝦，牡丹蝦一次滿足三個願望~~ 可以試到三種唔同種類既蝦壽司，good good黑松露鵝肝凡立貝卷超級推介呢個..如果鐘意食鵝肝、帶子既必定要點呢個黎食黑松露既味唔算太勁，唔會蓋過鵝肝既味道，加上飯卷入面加左青瓜絲，整體食落唔會太油膩，岩岩好沖繩和風沙律呢個沙律睇落好普通，但佢d醋酸汁岩岩好唔會太酸亦又唔會啖而無味。 加上食完個帶子鵝肝卷再食呢個，噤樣配搭埋一齊好清新。推介點帶子鵝肝卷果時點埋呢個一齊食黑豚肩燒丼呢個飯既豬肩肉瘦而爽口，燒汁味濃

今次朋友聚會，我哋就揀選左沙田河畔花園地舖，一間方便泊車嘅日本菜餐廳-和氣食堂。門口非常方便可以泊車落客，而且店舖位置非常當眼，好容易就搵到。餐牌中有各式各款嘅美食，而且圖文並茂，食物圖片非常吸引。我哋先叫前菜開胃沖繩和風沙律，配了相當新鮮嘅生菜，食落去非常爽口鮮甜，再配以蕃茄仔、洋蔥絲，同埋一些粟米粒，撈埋啲沙律醬汁一齊食，味道非常清新好味。炸物方面，我哋就叫左天婦羅盛合，當中有炸蝦，青椒，矮瓜同埋甜番薯。炸蝦有四大隻，炸得香脆可口，食落去有好新鮮嘅蝦味、青椒相當清甜，再點埋醬汁非常正。除此之外，甜番薯亦都很鮮甜，口感好林。芝士軟殼蟹卷，一份切成四件，軟殼蟹炸得香脆可口，再加埋熱辣辣嘅飯團同埋紫菜，配以面頭嘅沙律醬同埋蟹籽粒，根本唔需要點Wasabi同埋豉油，都已經好夠味。另外再Order咗雙重芝士鰻魚卷同埋糖心蛋，都已經食得非常滿足。