和氣食堂

营业中

休息中

一個人去屯門探完朋友，路經見到屯門都有和氣食堂，緊係要幫襯下，Meau內既食物每一頁依然引人垂涎欲滴。叫左碗拉麵加兩串黑豚串燒，即叫即煮，野食黎得好快。鹽燒黑豚肋肉：是豬隻肋骨延伸至背脊之間的肌肉組織，此部位油脂含量適中，雖然燒過，但咬落依然多肉汁，帶點油脂，食落有口感。 汁燒黑豚護心肉：哩串比較黑，估計應該係燒汁影響，護心肉係指是阻隔豬肚子的橫隔膜和肝之間的一組組織。在豬伸縮的時候可以起到呼吸的作用，每頭豬只有200g左右，是比較珍貴及特殊的部位，食落無咩油脂，柔軟且多筋道，口感爽兼彈彈地。 海鮮海老湯拉麵：介紹下個湯底先，係成個拉麵既靈魂，橙啡色超結身同濃郁蝦既味道，當中有隻蝦加兩粒大碼size帶子，隻蝦開左邊，蝦肉面加左調味粉，唔係隨便烚熟放落湯比你，而蝦肉用筷子輕輕一拉便好易起出享用，食日本拉麵慣常會有一大塊紫菜、票米、木耳絲及蔥花係旁邊，哩度都唔例外，跟足材料，仲有埋鳴門卷，拉麵軟滑彈牙，份量都好多,仲要配埋隻溫泉流心蛋分開上，食完個拉麵之後慢慢再享用，超滿足。

朋友話屯門都開左和氣食堂🤩咁一定要去試下啦！因為係黃大仙都幾出名，終於開到入屯門。打開餐牌真係有好多款日式野食，由前菜、刺身、壽司到熱食等等都勁多，點都搵到啱嘅野，同埋全部都好吸引🤩♥️溫泉玉子牛油果凱撒沙律🥗$65份量好大兜，抵食！玉子煮得剛剛好，一篤落去就有流心。牛油果同沙律菜都好新鮮，開胃健康♥️牛油果三文魚腐皮🥑$34腐皮壽司成隻船仔咁，好足料，估唔到三文魚同牛油果變做壽司係咁夾♥️蝦三味（甜蝦、生虎蝦、珍寶赤蝦）🦐$59三款蝦都好大件，平均$20蚊一件正常價錢，不過不失，食得出有鮮味♥️白身魚薄切2點（油甘魚、章紅魚各8切）🐟 $128兩款魚都好嫩滑新鮮，油甘魚食落甘甜，魚香味重。章紅魚口感清爽，有咬口👍🏻♥️野菜天婦羅稻庭烏冬🍜 $98天婦羅有芋頭、 茄子、南瓜同冬菇，炸得好脆口唔油膩。烏冬配左鵪鶉蛋汁，有埋蔥、薑、天婦羅碎，倒落杯仔搞勻佢，沾汁食都幾消暑😋♥️大阪豬扒丼🍱 $88豬扒丼一黎到真係好驚艷，椰菜絲刨到好碎，疊到成座山咁高，即刻要打番個卡📸 豬扒鋪滿晒成個碗，份量驚人😆差啲食唔晒。味道就有啲似章魚燒咁，燒汁加埋鰹魚碎，好有大阪風味♥️藍柑白桃梳打🍑 $45白桃梳打水上面加左支

聽講屯門新開左間日本居酒屋😍 急不及待去試🥰🥰 平日晚上7點黎到～ 已經有人排緊隊😱 睇黎新開既餐廳吸引力好強😂😂 等左十五分鐘就入得😊 入面爆場😂😂 事不宜遲 ～ 即刻叫野食😚 叫左杯巨峰提子梳打 同 檸檬藍柑梳打 🤪 兩杯都好refreshing 同唔會太死甜😋😋 後者酸酸甜甜 好味🥰 食親日本野 必點 清酒煮蜆～ 呢個係我食過最好食既清酒煮蜆！ 個湯好香清酒尾之餘 係好香甜 ！ 1d都唔似味精湯👍🏻👍🏻👍🏻 仲要隻隻蜆都大大隻 一粒沙都無🥰 我第一次食煮蜆食到飲哂碗湯😂😂 真係隻隻都咁大粒！ 啖啖肉☺️ 豬愛好者 忍唔住要試下呢個黑豚護心肉！ 喂呀 唔係講笑～ 呢個必點！ 好重豬味 仲要油脂分泌得好好 ～ 每一啖都有肉同油脂 好滿足呀痴線😩😩😩😩 汁燒仲要好juicy 🥺🥺串燒太好食既關係 再追加多串鹽燒地雞串 就算鹽燒都好juicy 🥰🥰 串燒師傅有d料道叫左款小食😛蟹肉忌廉薯餅 🙌🏻岩岩新鮮炸好 脆卜卜 每啖都食到濃稠既蟹肉鮮味！ 唔錯唔錯 😘 食開天婦羅既我 見到呢款炸蝦天婦羅配明太子醬 忍唔住要試試佢！ ！ ！ 明太子愛好者必點！ 好香明太子 重點係咁樣配埋食好突出蝦

對上一次去和氣食堂係喺沙田區今日去咗屯門寶怡花園果度探朋友，先知道原來呢邊係有分店上次食過沙田嗰間都覺得好好味今日就試埋屯門區新開呢間，果然冇令我失望環境舒適，枱同枱之間嘅距離都非常充足，所以坐得好舒服食材又新鮮係一間日式餐廳見到餐牌上面真係有好多唔同種類嘅選擇尤其是係蝦嘅種類有好多叫咗個雜錦刺身定食刺身非常新鮮每一件都夠晒凍又夠鮮甜帶子非常厚而且蝦又好爽口仲要非常大隻真係冇諗過一間小店能夠做到咁出色日式蒸蛋👏剛剛蒸起非常熱辣雞蛋蒸到非常滑而且水蛋嘅湯底仲夠晒味道，入面有冬菇作配菜🤤青蘋果梳打,加$9就有得飲好香嘅青蘋果味又夠凍飲落非常舒服又唔會太甜檸檬藍金梳打$45， 完全冇諗過喺餐廳都可以飲到呢個飲品真係喜出望外，檸檬有好清香嘅味道，甜甜酸酸我好鍾意飲明太子醬蝦天婦羅🍤天婦羅炸都非常乾身外脆內軟蝦嘅size雖然唔係太大隻但係非常爽口鮮甜外皮炸到剛剛好，炸皮又唔會太厚，上面仲有明太子醬，令到天婦羅嘅味道更加突出黑豚肩燒丼附泡菜，攬位完全唔油膩入口又非常香口仲要用一百度高溫去燒，我第一次食咁好食嘅黑豚腩燒，係必食嘅木魚湯烏冬湯底非常清甜上面有少許粟米同木耳絲仲有一片魚蛋少許蔥花好健康嘅

建生一直都有好餐廳，初試和氣食堂更令我哋覺得好surprise(*¯︶¯*)即使平日去都全場滿坐，更加有人等位，我哋等左10分鐘左右就入得去由室內裝修到餐牌設計，都睇得出餐廳非常用心，餐牌配合左搞笑插畫，令人目不暇級刺身必叫因為質素好好，擺碟已經睇得出好用心，食埋落去就更加感受到鮮味同餐廳嘅誠意，真材實料無得厄！又驚喜又好味嘅一定係火焰左口魚邊牛油果沙律🥗鋪面嘅左口魚邊油香好重，入口即溶(⁎⁍̴̛ᴗ⁍̴̛⁎)呢個組合比較少見，但又出奇地好好味，推薦大家叫！當飯基本上可以睇得出餐廳嘅質素，今次嘅溫泉蛋豚肉生薑燒當真係好出色。豚肉同洋蔥入邊竟然食得出淡淡生薑嘅味道，我都係第一次食生薑燒，真係食到薑嘅味道！小食叫左日本照燒魷魚筒，魷魚筒份量好大上台嘅時候真係嚇親，魷魚燒得恰到好處，加埋燒汁一流芝士軟殼蟹卷唔錯，芝士卷物配沙律醬已經無得輸，仲要食得出啖啖真材實料！柚子梳打+青蘋果梳打屯門數一數二價錢親民，質素又高嘅日本餐廳，值得推薦！

而家喺九龍入元朗屯門都好方便,今日就入咗去屯門搵啲老友傾吓計行吓街,行完街再搵個地方食嘢，問吓佢有咩好嘢食,佢就帶咗去屯門寶怡花園一間食日本嘢嘅餐廳，佢話呢間野新開張無奈，而且食物質素都好好。和氣食堂 去到舖頭門口見到入邊裝修得好光猛，而且仲有好多卡位，感覺都幾舒服。野菜天婦羅冷烏冬 98 元 天婦羅炸到好香脆，入口鬆脆，而且保留到菜嘅原汁原味，冷烏冬方面，好爽口而且好清新，未試過食一個冷麵係咁好味，麵嘅份量仲要好多，紫菜令到個冷麵嘅口感更加正火焰左口魚牛油果沙律和風 75 元左口魚燒到啱啱好，肉質鮮甜而且仲好有咬口，配上牛油果沙律一齊食，味道真係好有層次，沙律菜味道好鮮甜，口感好爽脆，加上沙律醬酸酸甜甜，真係好開胃，而左口魚嘅份量都好多，作為前菜真係冇得頂 三文魚五味 三文魚有五個味道同埋做法，一味菜有五個口感同味道，自己就最鍾意食三文魚加海膽，因為海膽嘅鮮味令到三文魚嘅味道更加突出，石狩鍋豬骨湯湯嘅味道好鮮甜，而且魚頭嘅肉都好多，因為魚頭係煎過，所以令到湯嘅味道更加向香甜，而且魚頭仲有好多肉可以食，真係好美味。巨峰梳打 我好鍾意飲 ，又解渴又酸酸甜甜，味道又香，食飯有一杯好味嘅飲品

放左工緊係去覓食， 之前已經想試呢間，不停聽到d frds 講抵食高質日本菜，竟然係屯門開左分店，緊係要試一試。自家制芝士厚燒玉子 $48 必試! 玉子面上有層薄薄芝士~芝士味又唔會蓋過玉子蛋味~玉子蛋味好香，玉子仲要勁厚呀~好好食阿。鯛魚湯泡飯 $108     極力推介🌟鯛魚湯泡飯好特別，鯛魚剌身放係個飯上面，再將乳白色的鯛魚湯倒入石鍋碗裡，令到鯛魚剌身熟埋! 一食落去，鯛魚湯好鮮甜， 佢地係每日熬製架!!! 特別鮮甜，濃郁 ，完全唔腥。鯛魚好鮮嫩，唔會過熟。加埋飯一齊食, 每粒飯都有晒鮮甜鯛魚湯既味。幸福既感覺又黎啦。天婦羅盛合 $78   極力推介 🌟呢到既天婦羅係即叫即炸架。超級脆!!!!鮮炸熱騰騰~ 正! 粉薄，配埋個新鮮蘿蔔蓉嘅醬汁。仲要係呢個價錢，果然係好抵食同好高質。無得頂!三文魚5味 (海膽，牛油果，三文魚，咖哩鹽，芝士) $78 三文魚剌身好新鮮， 未試過咁樣既配搭。 好夾阿。仲要個海膽好鮮甜呀~火焰左口魚邊牛油果沙律  $75  一呢到見到勁大份~入面有新鮮沙律菜，蕃茄粒，牛油果，火焰左口魚邊，仲配有黑松醬。夠晒香。 火焰左口魚邊好滑好肥美，入口即溶咁。 加埋

今日去食和氣食堂 呢間野都幾出名 喺沙田同黃大仙都有分店 佢最近喺屯門開咗間新嘅分店 🙈👍🏻入到去入邊都幾多人 不過好在唔係等咗好耐🥺前菜上咗三文魚牛油果沙律 $75 入面有好多三文魚粒同牛油果肉 真材實料🥺我哋叫咗個安格斯牛肉鍋 $108 其實即係壽喜燒 入面有生牛肉冬菇蘿蔔娃娃菜豆腐等 配一隻日本生雞蛋 熱辣辣最啱冬天食 湯底好濃👍🏻仲叫咗個蝦三味 $59 同 油甘魚腩壽司(兩件) $44 啲蝦刺身好新鮮 魚腩入口即溶🤤仲叫咗芝士厚燒玉子 $48 玉子燒啱啱好 唔會太熟 入面爆多芝士😆燒日本廣島號(兩隻) $48 好大隻 又新鮮😊麵豉燒日本米茄子 $50 呢個應該係佢哋獨創嘅 非常之特別👍🏻有啲頸渴我哋嗌左一杯柚子檸檬梳打 $29巨峰梳打 $29

睇完menu 發現呢兩個餐最吸引，好似好多嘢食咁！和氣壽司定食（$122)，呢個餐有4樣野咁多：1. 日式蒸蛋好滑！香濃嘅蛋味～2. 木魚湯烏冬湯底好清甜3. 炸雞好juicy! 炸得唔錯4. 和氣壽司淨係壽司都有成9款，有三文魚，花之戀，虎蝦，香蔥拖羅碎，帆立貝，油甘魚，仲有長長嘅海鰻，全部都想急不及待即刻食，件件都好正！另一個餐係和氣極強特盛定食($152)，呢set 都係有4樣野，但係就大份好多～1. 一樣有蒸蛋2. 軟殼蟹沙律，沙律汁係酸酸地嘅柚子醋，同軟殼蟹好夾～沙律菜都好fresh!3. 特盛壽司呢個壽司set 有火炙左口魚邊，珍寶赤蝦，仲有海膽，好新鮮，而且真係好抵食！4. 黑豚腩燒丼呢個必食！腩位唔會太油，但入口又好香，好食過啲過江龍嘅日本丼飯！飲品叫咗青蘋果奇異果梳打，jumbo size , 酸甜味幾好味！另一杯係柚子檸檬梳打，都好解渴！兩個餐分別都係百幾蚊，但真係超多野食，抵到爛！

今日約左一個好耐冇見既朋友，去屯門探下佢，我地係屯門市廣場行左陣街，之後就同佢去食和氣食堂之前係黃大仙都食過兩次，覺得唔錯，屯門分店好似係新開，咁就帶朋友去試吓店裏都幾多人朋友鍾意食辣，點左小食芥辣八爪魚, 食完通晒鼻仲點左鹽燒牛舌同燒冬菇，牛舌燒得剛好，好嫰口叫左個海膽魚籽軍艦&三色花戀，三色花戀有三文魚蟹子、海膽蝦三文魚、芒果三文魚蟹子壽司，海膽好新鮮，冇腥味，甜甜的三文魚同魚子都好新鮮，超正，好有驚喜主食有白咖喱烏冬配炸雞，炸雞好脆，白咖喱好香濃泡菜黑豚鍋，有豚肉、粉絲、冬菇、豆腐，泡菜有d 辣，岩晒食辣既朋友野飲方面我點左藍柑白桃梳打，超大杯，上面係lemonade, 好fresh , 朋友點左熱柚子蜜超滿足既一餐，食到超飽食唔晒，雖然唔係好平，但物有所值

今日夜晚係屯門區搵食 見呢間勁多人排隊就排下入邊都好多人 有50人左右 仲有人係出邊等位佢既菜式都多 有麵 飯 小食串燒 等等先叫左個清酒煮蜆 個蜆大大隻 仲要冇沙 唔係hea 你比d殼 加埋都有幾十隻 另個係汁燒黑豚護心肉 係勁有豬味加上燒汁 好食 以串燒黎講算高質 另外鹽燒雞串再出色 佢燒到個雞皮好脆 仲要係熱辣辣 中意食雞既人 必定要食蟹肉忌廉薯餅 炸薯餅黎講 佢皮好薄 仲要好重忌廉 食落口感一流 加上有沙律醬 成件事係好match 可惜一份得兩塊明太子醬天婦羅 佢係每隻天婦羅都加左明太子醬 令到蝦味好出 不過明太醬好濃 唔係個個人都中意 但係配搭新 好食最後叫左個石鍋鰻魚飯 呢個飯先勁 份量可以4個人食 仲要勁香鰻魚味 擺耐左仲係保熱 佢個石鍋耐熱好耐 真心大件夾抵食飲品就叫左巨峰梳打同檸檬藍柑梳打兩杯都唔錯 梳打味重 同埋大大杯 全晚可以慢慢飲

🌟Follow Me on Instagram - @Eatistruelove.hk🌟估唔到和氣食堂開咗嚟屯門，之前聽過朋友話沙田都有一間，食過幾好食，所以今日趁早咗收工就過嚟試吓啦😛🔸花之戀、芒果花之戀🔸火焰黑松露左口魚邊壽司🔸蝦三味叫咗三款壽司都好新鮮，我最鍾意都係左口魚邊，油脂感爆棚，加咗少少黑松露，令味道更加濃郁。花之戀嘅三文魚都好厚身！🔸櫻花蝦鯛魚湯泡飯估唔到呢個湯泡飯係店員上菜嘅時候先倒湯落去石鍋嗰度😳好大陣仗差啲影唔切🤣啲飯會吸收晒啲魚湯，之後可以再叫店員加湯。除咗櫻花蝦之外，仲有兩隻炸過既大蝦同帶子，佢仲俾咗啲飲素同脆米拌飯，幾好食😋🔸燒日本廣島蠔 🦪兩隻蒜蓉，兩隻芝士味，廣島蠔都幾大隻，脹卜卜，我比較鍾意食芝士味，有拉絲嘅效果，而且加咗少少沙律醬，好食！🔸檸檬藍柑梳打、柚子檸檬梳打🍹🍸檸檬藍柑梳打係好大杯，打卡一流，味道係lemonade，食完泡飯再飲真係好爽。附近都好少日本餐廳，呢間都真係幾高質，而且好多選擇，淨係Menu都成50頁🤣遲啲可以encore再encore😍

屯門高質日式居酒屋🏮【#和氣食堂 】火焰海膽帆立貝卷 $72新鮮嘅海膽入口又甜又鮮，唔會有果種平價嘅苦澀味，再加上火焰帆立貝入口感覺簡直太美好，壽司份量又大內涵又足料，真係食多幾多件都唔夠👍🏿鐵板煎鬆軟牛舌 $75重點係鐵板上嘅新鮮熱辣牛舌，香噴噴上菜牛舌肉質鮮嫩，入口溶化肉汁係口腔流動，真係太好味！清酒石鍋煮蜆 $88鮮甜嘅煮蜆，最重要係湯底都好好味，飲落有啖啖嘅酒香味又唔會太濃搶走蜆嘅新鮮味道，份量大大鍋，夠晒兩個人食！再加上素菜菇類嘅配料清淡中又有啖啖嘅酒香煮蜆！大阪豬扒丼 $88上菜真係嚇一驚，好豪華嘅豬扒飯，滿滿嘅菜絲堆砌住沙律醬同豬扒醬汁，加上外脆內軟嘅吉列豬扒，最意想不到係飯面仲配有熱辣辣滑蛋，成個配搭簡直豪華到不得了，性價比一流之餘要滿分推介！青蘋果奇異果梳打 $45大大杯嘅青蘋果奇異果，甜度適中，想賣相都好適合打卡，味道都好鮮明飲落去都好清爽易入口！柚子檸檬梳打 $29呢個真係解熱氣解胃一流，配搭雖然係一般都有，但係佢足料程度簡直夠晒爽！👍🏻超有心思嘅餐牌 超多人排隊嘅餐廳⚠️加一服務費和氣食堂 (屯門)屯門良德街11號寶怡花園商場地下9-11號舖

好耐冇食日本野，係屯門寶怡新開咗呢間和氣食堂，啲嘢食好似幾得咁喎。好，坐低睇吓有咩好食先。火焰左口魚邊牛油果沙律，沙律好新鮮，仲有我最愛嘅牛油果，左口魚好有彈性，入口滑溜溜。牛油果芒果三文魚班戟，望落去似壽司卷，但就唔係用飯包，用咗pancake 皮，上面舊芒果又大又甜，幾特別。電擊雞翼，上面個醬汁焦糖味，加上芝麻香，個味好似食焦糖合桃。照燒日本魷魚筒，好正嘅魷魚，燒得剛剛好，咬落彈牙唔會韌。蒜蓉燒日本廣島蠔，大大粒juicy 廣島蠔，配蒜蓉超香口。黑豚腩燒丼附泡菜，天氣轉涼，食個暖笠笠丼飯，上面鋪滿滿黑豚肉，仲大塊厚肉，加上燒醬汁煎到香香地，正！青蘋果奇異果梳打、藍柑白桃梳打，最後叫埋兩個特別，爽呀！

登登登登！ 小妹至愛既零負評日本餐廳-和氣食堂終於進駐屯門啦新店開張，環境舒服光猛，卡位都有4-5卡和氣由前菜沙律，小食，主食都一應俱全，芝士厚燒玉子 芝士香濃，玉子香甜火焰左口魚邊牛油果沙律🥗用料好新鮮，有牛油果、車厘茄、沙律菜、嫩滑左口魚仲有香噴噴黑松露醬系上面，整個沙律就係由柚子醋調味，開胃清新又有營養手打稻座冷烏冬呢個冷烏冬既奧秘，在於食之前要自家製一個特別冷面汁，做法先將蔥蒜及生鵪鶉蛋放入預設醬油杯內，然後攪拌變成呢個樣加入烏冬冷面就食得啦，麵條口感冰爽黑豚肩燒丼附泡菜首先我好欣賞泡菜係另上既設計，照顧到我呢d唔食辣既朋友主角黑豚肩肉燒汁味好出，塊塊都食到好juicy ,好香肉味，肉汁滲入珍珠米入面，好快就KO左一大碗丼金蒜燒日本米茄子🍆食和氣食堂必叫小食一定係米茄子莫屬，廚師用心燒到茄子金黃色，重點係極重蒜，啖啖都有金蒜粒既香味，簡直係齒頰留香，食到小妹意猶未盡可惜已經好飽啦藍柑白桃梳打+柚子檸檬梳打飲品方面，我就叫左兩杯冰涼解渴既梳打，味道都係比較清新總括黎講，和氣食堂暫時都係小妹食過既日本菜餐廳，表現平均最出色👍🏻價錢又親民，份量多，質素好，新屯門店環境舒適，絕對會成為