和氣食堂

营业中

休息中

一家三口晏晝去食lunch ，我自己嗌咗個魚生飯， 老婆嗌咗個鰻魚飯仔仔嗌咗個叉燒拉麵， 魚生飯夠新鮮， 試過元朗天水圍好多間， 魚生飯 ，一係就冰到未解曬動凍，一係就畀埋啲魚鱗你， 呢間魚生飯比較新鮮，份量適中， 阿仔平時都比較嘴刁，唔好味嘅嘢都唔識食，嗌咗叉燒拉麵全部食曬 ， 老婆就食咗個鰻魚飯，鰻魚嚿肥夠厚，又熱辣辣好正， 至於餐飲就比較普通味道淡咗啲有待改善， 雖然只得三個服務員，但係都非常有禮貌，都好細心教我哋點樣下載個apps同埋點樣落單，值得再次幫襯。

📍屯門寶怡花園收工黎到屯門呢邊大約8點幾，見到呢間和氣食堂，就拎左位，等左一陣就入得去～因為好肚餓，叫左好多野食😋首先叫既係🔸香芒三文魚腐皮壽司 $34一黎到心諗咁大件既😍腐皮包住壽司飯，面頭鋪左芒果粒同埋三文魚粒，一齊食個味又幾夾🔸脆脆燒三文魚皮 $36呢個真心推薦大家都可以試下😆出面都好少見燒三文魚皮脆到不得了，夾埋沙律醬食好開胃🔸火炙黑松露三點 $78三件都有黑松露係上面，特別一提帶子好鮮甜～🔸鹽燒開邊雞翼 $28啱啱燒出嚟嘅雞翼好夠熱😹😹皮脆肉嫩又多汁🔸鹽味燒牛舌 $48小食黎講真心好出色，牛舌好爽有咬口，又好香鹽味加埋檸檬汁呢個配搭點都唔會輸🔸安格斯牛肉鍋 $108份量都幾多，牛肉都有好多塊，食到底都仲有肉，好足料👍🏻👍🏻🔸蒲燒鰻魚丼 $108鰻魚好大條，蛋絲超香😂用黎撈飯好好食😋🔹柚子檸檬梳打 $29🔹巨峰梳打 $29另外想特別提一提職員服務好好，會主動加茶，又有幫手收碟同比碗我地share野食🥺值得一讚～食左咁多野，飽到一個點，以日本野黎講都唔算好貴，會再繼續黎食😙

今日和老婆去屯門搵朋友，探完朋友之後，就在附近搵東西食，午飯時間街上人流很多，老婆想食日本菜，就決定在附近食剛到中午時段這間店舖已坐滿人客，這裏地方寬敞，空間感十足，而且設計舒適，地方乾淨，人流多證明一件事，就係這間店有相當水準細看餐牌有很多選擇，每一樣嘢都很吸引我，我都很想食點了這間店舖的人氣美食，黑豚燒腩丼超大份，黑豚肉好大件，肉質鮮嫩蛀牙，賠返特製嘅醬料，每一啖都係滿足，而且保留了黑豚肉雞肉香，加埋洋蔥嘅體味，真係最佳拍檔，黑豚肉五花籃，脂肪含量較低，肉質柔軟而無豬臊味，五花腩部位層次分明，非常好味這款五味三文魚壽司，食材新鮮，食一口三文魚鮮嫩，有口感整個海膽三文魚，食一口海膽的鮮甜味，在口腔內徘徊，這個明太子天婦羅炸蝦，吃一口天婦羅的表面，炸得卜卜趣，加上明太子醬一齊食鹹香嘅感覺配合天衣無縫，蝦肉新鮮食一口，濃湯海鮮蝦拉麵，湯底是10分濃郁的蝦熬製，濃濃的蝦湯加上拉麵一齊食，真是冇得彈，非常之好味拉麵送到我的面前，就已經聞到很香，拉麵軟硬適中，十分之有口感，加上湯底一齊食，值得入一讃

呢間野個個樓面都好唔掂，派位果個，未執好位就叫我地入去罰企，侍應又攞住d食物行來行去，攞住碗拉麵喺我小朋友頭頂過，到有位，要用手機落單，但係網絡又差，一定用佢個wifi先入到個app，落單時個app彈error message 出嚟，試左幾次都唔得，叫個男侍應嚟幫手睇睇，佢仲問我撳左d咩個app 癈就唔好懶人啦，跟住粒聲唔出攞左我部手機行左去，我完全見唔到佢行左去邊，幾分鐘後返嚟話幫我落左單，我話你做乜唔出聲攞走我部手機， 佢仲喝我話唔攞個電話出去，唔通佢搬部電腦入嚟？個app落唔到單，唔識攞紙筆嚟落單？ 要攞左我部手機去？最後d野食嚟到錯晒囉，我要轉湯底又無轉，d壽司我撳左走wasabi 又無走到，俾小朋友食架！呢碗烏冬八十幾蚊得兩舊豬軟骨 壽司都費事影，下次行過良景食八戶屋好過～

平時去屯門都好少去到建生邨呢邊，今日要過嚟拎嘢，就睇吓有乜嘢午餐吸引到我去食，本身諗住求其搵間餐廳食，點之我見到呢間和氣食堂出邊已經好靚，又有日本feel，再望入去又整齊乾淨清潔望入去見到都有好多食客，所以我就試吓果然冇令我失望12:30左右、餐廳已經非常多人，入面已經全院滿座門口仲有人等位可見餐廳嘅質素係有認同叫咗一杯青蘋果梳打同埋巨峯梳打，咁炎熱嘅天氣飲杯凍冰冰嘅飲品係最舒服甜度適中飲落清涼可口，平時食巨峯提子就食得多，第一次飲巨峯嘅梳打，有氣嘅感覺滲現，有啲氣噴射在舌頭上三文魚上面放咗海膽，我都係第一次食，顏色非常吸引豚肉用咗腩位肥瘦均勻分量相當充足而豬肉下面仲放有洋蔥又甜又爽口好新鮮食落唔會鞋口，肉質鮮甜仲用咗甜甜嘅日本醬汁連埋啲飯食真係令人開胃食都食得多啲上面再配埋一些䓤花令到外觀更加吸引明太子醬天婦羅炸蝦，見到就知炸物非常脆口，而且清爽，又不油膩，炸到金黃色，入面隻蝦完全唔乾身仲非常爽口最特別出邊加咗啲明太子嘅沙律醬令到更加美味，一碟有四隻，真係唔夠喉，物超所值海鮮海老湯拉麵$98🍜望到已經知道湯底非常濃郁係用蝦+ 長時間去煲出嚟，廚師真係好有心機，淨係個湯底唔計海鮮都已經

-和氣食堂 🇯🇵樓下既餐廳真係愈開愈多野近排仲開左間日式居酒屋 ✨睇個樣子好似都幾吸引 日日都見佢滿場 又多人排隊~餐廳格局大 被安排係卡位坐 好闊落職員服務都唔錯 好積極介紹食物👍🥗溫泉玉子牛油果凱撒沙律（$65）呢個份量係要用“巨” 黎形容超級多菜好健康 個他他醬都調得唔錯 🍢黑豚肋肉鹽燒（$38）肉質較為結實 有咬口調味都惹味 如果少鹹啲會仲好~🍢千迴火鳥（$42/3pc)個人比較喜歡呢個 燒得唔錯調味上係少少辣 醬汁惹味 燒得外脆內多汁 多肉嫰滑唔會硬柴柴/冇肉感👍👍🦪燒日本廣島蠔（$92/4pc)肉質都新鮮 質素中上😋 係有蒜蓉燒蠔 同 芝士燒蠔好多蒜蓉同歡士 燒得好香口🍚黑豚腩燒丼附泡菜（$78）呢個真係幾唔錯 都係鹽燒黑豚腩唔會好多油 好多肉😍 每咬一啖都覺得正有埋泡菜 解一解膩 唔錯既組合！🍚大盛刺身（$198）配料有吞拿魚腩 海膽 牡丹蝦 帶子 油甘魚 三文魚 玉子 青瓜 三文魚籽份量非常有誠意 仲要厚切 又好新鮮真係算近期食過既最有份量✨✨🥤檸檬藍柑梳打（$45）🥤青蘋果奇異果梳打（$45）2杯都好清爽既飲品 都唔會係死甜檸檬藍柑 較為清甜； 青蘋果 較為甜甜酸酸整

今晚有事去屯門宝怡花園果邊，喱邊多左几幢新樓亦都多左食肆，喱間日本餐廳中午好多人排隊，今晚九點去到店員話9:30 last order可食到十點，於是入去試吓，黑豚肩燒丼，豚肉夠味，日本米粒粒分明有咬口，但好多汁在飯碗低，底的飯有點鹹；雞扒蕃茄湯烏冬，蕃茄湯夠濃及酸酸哋好味，雞扒皮煎得好脆，肉貭不太鞋，烏冬都滑但黏不上蕃茄湯；叫了雞翼但已買曬，改叫野菜天婦羅，有芋頭，番薯，南瓜，冬菇，金菇，大葱，都炸得脆及蔬菜新鮮，店鋪話掃QR code落單，掃極都掃唔到，原來要download vgather,最後填紙仔叫亦可，服務ok,店舖新淨，晚上散叫價錢略貴。

BFF屋企附近開咗新日式餐廳，就約放工一齊食。餐廳枱為數唔少，但平日730已經有人等枱，好彩等咗陣就入得。脆脆燒三文魚皮一上菜就會一陣香嘅燒烤味。就算放耐咗，都係脆卜卜。如果配埋啤酒就一流。冇啤酒，有青蘋果奇異果梳打頂著檔，都係有氣飲品姐。飲落重青蘋果味，賣相亦好IG。電擊雞翼，「電擊」聽落係火辣辣嘅雞翼，原來係係凍食，Cold Deep Fried Chicken Wing。表面有甜蜜蜜嘅蜜糖味，有啲似韓式拔絲蕃薯，食完心情都好啲。呢個小食好有驚喜！三文魚牛油果沙律圖文不符，比起圖多好多三文魚。三文魚粒配埋牛油果同沙律菜，食落好清新，撈埋酸酸地嘅沙律醋更加開胃。連一向唔太鐘意食沙律嘅我都一啖接一啖。刺身又有三文魚！仲要係厚切，每片有吋半厚。甜蝦隻隻都大條，鮮甜。活赤貝刺身爽口。油甘魚腩壽司，有魚脂。至於隔離嘅火炙黑松露壽司，好濃黑松露味，同油甘魚light嘅感覺截然不同。3點有鵝肝、帆立貝、左口魚邊。鵝肝+ 黑松露味道重中之重，岩濃口味人士。食到一半已經五成飽，終於嚟到主菜。天氣開始轉涼，要食返個熱辣辣嘅鍋飯取暖。點左鯛魚湯泡飯。店員幫我哋即場淋湯，仲好細心再三提醒我哋鍋邊好熱。雪白

最近公司附近開咗間日式餐廳，當然要去試一試佢啦！店裏不是很大，座位有點而狹窄環境尚算整潔，坐感覺一般啦！我叫咗一個安格斯牛肉鍋，湯底味帶甜味，蔬菜比較多，牛肉香嫩軟滑，口感OK，整體來講不錯！

為左呢間咁既野做會員寫食評，第一次帶埋個女去食lunch,佢凍到成個人震哂，我話唔好意思可唔可以較細d冷氣，佢態度極差話冇個喎一熄就全部熄哂，咁我話調去隔離枱，佢話唔得個喎d枱可能有人，帶眼鏡個男人完全無視左我..嗌野食我想睇個menu,佢答我冇架掃code,但係隔離枱又有一個魚生飯等左20分鐘，等位安排又亂，帶眼鏡個男人串，你打開門做生意態度好小小喇唔該，唔夠人唔好開張丫嘛係咁多客人面前鬧員工，對客人態度勁差，係咪唔想做呀？冇下次架喇呢間野

和氣食堂 (屯門)屯門良德街11號寶怡花園商場地下9-11號舖鯛魚湯泡飯 $112一上枱，鯛魚肉片配上石鍋，菠菜切齊成圓柱狀再豎直放好，搶眼👍🏻 倒湯前，店員再三提醒小妹襯湯鍋夠熱要即時影相打卡😹隨鍋附上香蔥/芝麻/味素，供自行調味，倒上熱魚湯後，粉嫩色的鯛魚片已即時半熟～店員表示魚湯以魚骨、魚頭等部位熬煮，難怪魚湯質地偏少少杰身，原來充滿膠質！牛油果炸蝦卷(四件) $58 牛油果新鮮，炸蝦香脆，即使小編顧住影相打卡📸，炸蝦放凍左仍然好脆口！日本南瓜番薯天婦羅 $52南瓜同番薯天婦羅炸叫即炸，上枱熱辣辣，炸得酥脆，而且炸漿唔厚，食完唔會覺得油膩飽濟鹽味燒牛舌 $48鹽味偏重黑豚肋肉鹽燒 $38黑豚肉，經燒煮後油脂夠香！食落有咬口但唔韌～調味適宜，較鹽味燒牛舌好～咖喱鹽燒三文魚腩 $35咖哩味道唔強，燒烘過的三文魚腩油脂豐富，充滿魚油香！帆立貝壽司 $45新鮮海膽軍艦 $58唔太腥青蘋果奇異果梳打 (右邊) $45口味酸酸meimei的梳打藍柑白桃梳打 (左邊) $45酸酸甜甜的白桃口味梳打

Walk in去叫外賣，鯖魚便當，個收銀話唔知咩號碼，落唔到單，我要幫去搵個號碼出黎先識得落單。叫佐鯖魚便當，返到屋企打開得條魚，無飯，怪自己無檢查清楚，呢間餐廳無下次了

平時經過都見到人排隊等位，今日中午無人即刻入去試試！枱上有QR code 用手機落單，點左野食之後，可以揀飲品，所有跟餐飲品都寫左價錢，我有下以為係要再加錢🤣🤣~~~~~~~~~~~~~~~~~~~~~~🔷帶子三文魚海鮮丼點餐嘅圖片上原本係有隻蝦...點知黎到...覺得有d空虛感，因為一拎開咗支匙羹同芥辣，成個碗得¾係有餸。三文魚同帶子新鮮程度一般，個飯啦似係平時嘅壽司飯，無咩醋味反而係個wasabi 係幾好，好新鮮，而且好似撈左少少芝麻入去咁以前食過黃大仙分店，同呢間比較，真係相差太遠...真係唔會再回頭食...~~~~~~~~~~~~~~~~~~~~~~~~👅味道 🌕🌕🌑🌑🌑🌻環境 🌕🌕🌕🌑🌑🐋服務 🌕🌕🌕🌑🌑👛抵食 🌕🌕🌑🌑🌑🔄回頭率 10%~~~~~~~~~~~~~~~~~~~~~~~~📍 和氣食堂 (屯門)屯門良德街11號寶怡花園商場地下9-11號舖📞 22944266

見佢新開，就諗住去試吓結果企左係門口好耐，示晒意話想入去食都冇人理，冇人招呼。如是者等咗成10分鐘，咁佢終於出嚟問我幾多位但佢哋帶位係好亂，有冇Walkie Talkie，一美喺度嗌，又唔知邊啲枱用得，邊啲枱唔用得，亂！管理極其混亂。佢係用QR code掃描落單嘅，但係樓面竟然有成四個人，叫咗一個鰻魚便當午餐，散叫咗一個三文魚飯，就好似上一位食評咁樣，等咗起碼20分鐘，兩份都係魚生飯，點解要等咁耐？成間餐廳又唔係大。啲餐具唔知係咪夜冷舖執返嚟，隻隻都唔一樣咁終於等到上餐，啲便當同埋個魚生飯啲飯都係無醋嘅，同你屋企用電飯煲煮嘅一樣。啲三文魚一睇就知餸頭餸尾，切到成個三角錐體咁。另外，便當啲鰻魚乾爭爭，啲炸雞係鞋過阿婆塊面！啲嘢食一啲都唔好食，仲衰過明將。最火起嘅係，有個光頭男人態度極差，講嘢串串貢，呼呼喝喝，仲會趕你走！因為出邊有人等緊！佢係開到聲叫我地走。而我只係啱啱不完最後一啖飯放低隻匙。（利申平時食飯都會食完即走）而且，由始至終，一杯茶或者一杯熱水或者一杯水喉水都冇提供過。真係俾錢買難受，以後都唔會去食，希望佢快啲執咗佢。如果有零分我係會比零分。*小貼士：要去食一定要帶件羽絨，凍到

等咗好耐先到嘅一個魚生飯呢間餐廳真係不知所謂，叫個餐等咗差唔多半個鐘，仲要係唔洗煮嘅魚生飯，我想像唔到就咁切完砌埋一碗嘅飯要整幾耐？叫咗辣味三文魚貝柱飯，仲有杯熱檸水，索價$75，份量就係得圖入面咁多！抵唔抵食自己判斷，我就唔會再幫襯！三文魚有9小粒，貝柱3粒，2塊蛋，一碗賣75蚊嘅飯就係得咁多！味道亦都非常麻麻！個辣味三文魚調味調得差！個飯又唔好味！真係唔知佢憑咩賣$75！！早知過隔離民華冇咁嬲！