和氣火山石手打烏冬 (已結業)

今晚老婆無煮飯出街食,因屋企隔離係酒店所以附近食店選擇多,經過見到這間食日本嘢,我同老婆都鍾意便入去。老婆超喜歡食三文魚便叫了個三文魚五味壽司,有五種做法味道各有不同超正。鮮味之餘確有特色，廚師頗具創意。我叫了個刺身丼刺身款色多及非常鮮甜美味,像置身於北海道一樣呀。老婆叫了燒黑豚肩丼肉味濃厚,而且燒到脆脆地口感幾正。另外叫了個荔枝冰好好飲相當清甜解喝，之後我叫老婆以後要小D煮飯多D來食不如。哈！哈！哈！

晚飯時間我同細佬落街食飯，又唔想食中式又唔想食西式，最後就食左日式餐廳。先黎份日式刺身沙律，青瓜絲放係底，上面係三文魚粒粒同埋鮮水果粒，最上面係大量蟹子。大家都知道青瓜絲配蟹子係最夾既，好新鮮味道，而水果粒多汁，配上三文魚刺身鮮味就幾配襯。跟著黎個燒牛舌飯，由於牛舌係燒熟所以比較乾身，像牛肉乾既質地，但係牛舌既味道，加埋燒汁就令整個味道更豐富。是一個不錯既牛舌煮法。

我地行街行到累，就去左附近食晚飯，都係選擇左日本野，因為自己一向喜歡日本野。首先黎份沙律，呢份沙律我最喜歡佢落左隻溫泉蛋，即刻令整份沙律更加滑，加埋脆多士粒，令口感又更加脆口，都幾開胃。主菜當然係日式刺身飯啦，三文魚粒同吞拿魚粒切角食就梗架啦，八爪魚粒又夠爽，加埋魚子大大粒好似糖咁係口裡面醬爆，非常非常多魚油，oishi!最後試埋份烤紫薯，紫薯粒皮脆而肉甜，而且又夠乾身，係頗佳既飯後甜點。

平日都好少去沙田圍，咁啱有朋友近黎搬左去沙田圍，housewarming 後就喺附近㨂間餐廳食晚飯，朋友一向都好識食，佢推介呢間和氣，大家當然冇異議。刺身拼盤一大班人食日本菜點一個刺身拼盤係常規，貪佢唔洗諗，總有刺身啱食，整體刺身好新鮮，刺身片切得適到好處，刀功一流蟹籽三文魚卷呢份三文魚卷非常足料，蟹籽多到就黎跌哂出黎咁濟，塊三文魚又大又厚，三文魚都算新鮮，入口都好滑，加上蟹籽，好有口感吉列豬排飯木魚片同椰菜絲多到遮哂碗飯，我個人就不太喜歡椰菜，所以椰菜絲少d會好d ，至於塊吉列豬排，個炸粉好薄，而且炸到外層好脆，入面塊豬排好多汁，因為層炸皮好薄，一d都唔覺膩，好好味。同一班朋友gathering 再食左餐不錯的日本菜，大滿足。

之前經過河畔已經想下次試試呢間日式餐廳，因此早幾日book了今晚這裡食飯，餐廳只不過距離家幾分鐘車程。到達後眼見門外站了一些人等位，幸好一早book了，等一會已可以入座。裡面面積不算大，但勝在整潔，還有一些日本陶瓷擺設及日本酒瓶。店名說明手打烏冬，當然要點，加上自己喜歡吃烏冬，由於會叫其他食物，所以點了碗油揚滑蛋湯烏冬，烏冬入口很彈滑有口感，油揚夠分量，湯底飲得來夠清甜，還伴有滑蛋花絲，吃得更為滋味另外點了黑豚腩燒丼，豚肉燒得很香，入口即化，做得真的很有水準，可以說是地上最強燒丼，還有泡菜伴，吃得更加開胃。小食前菜點螺肉是每到日本餐廳必定order的，味道爽口，辣辣地幾惹味。鄺島蠔刺身夠大隻，十分肥美且鮮味。三文魚腩刺身是三文魚身上最嫩也是油脂最豐富的部位，切片厚薄適中，入口香濃味美海鰻壽司魚肉腍滑卻不糊口 ， 魚味醬 汁好味道 。黃金燒三文魚腩壽司入口美味很嫩滑，燒得好香口。飲品點了荔枝梳打，荔枝味香甜，冰凍解渴。這間日式餐廳雖然只是小店，但是食物質素相當不錯，拍得住其他商場內的日式餐廳，小妹會有再光顧的機會。

和氣-lhlrita沙田圍站行一陣有一間日本餐廳幾好食，沙田圍附近都冇乜日式餐廳，呢間又好食又抵食。溫泉蛋沙律一向都好鍾意呢一度前菜，有溫泉蛋好滑，唔會太生又唔會太熟，蛋黃好香蛋味，鮮菜沾上少少蛋汁，好香，個sauce 酸酸地，非常開胃豚肉飯豚肉份量好多，每一塊薄薄地，煎到好香，味道好香，肉質好滑，而且個汁同豚肉好夾，用珍珠米做飯底，好有囗感，再加上蔥，味道好香估唔到去到沙田圍都搵到間咁好味既日式餐廳，今晚平日都滿座，建議訂枱先會穩陣d。

今晚兩人去食雜錦刺身飯及介茉八爪魚，飯無味，吞拿魚超腥，八爪魚得一條超細八爪魚腳切碎，少到係騙人，仲要完全無介茉味，服務又差，好似想人快啲食完快啲走，可以完全沒下次機會去食

沙田食宵夜，一定係河畔！就咁睇menu都幾底！想食海膽，雖然海膽得好少！但好新鮮好新甜，冇苦味，好重海膽味！估佢唔到係，吞拿魚竟然好好味，魚肉好甜美，我仲驚會有腥味tim! Yummy曼魚，壽司yummy! ，正常曼魚味！不過唔夠肥美明太子炸蝦必食！外脆內鮮！蝦唔會一咬就散，夠曬彈牙！明太子味濃，但又冇太咸！芝士軟軟蟹卷！芝士味同蟹好夾！每蟹味更出，更香

沒有下次的日本菜收工一試這間和氣，吃完才知來這兒食飯一點也不「和氣」。小店座位迫亦無法，就是十分不適檯貼檯，但食物味道真的不敢恭維，滿心歡喜點個章紅魚刺身，成百蚊碟，來到入口竟是暖的，真係不知放了在室溫有多久？吃了幾片已不敢再吃，就像肥豬肉一樣 …….攞命。芥末八爪魚都係現成買回來吧，佢竟然條條都都霉霉的我去爭鮮食件壽司都唔會發生呢種情況。壽司、手卷紫菜全是腍的，又是開了多久的啊？招呼的侍應十分有趣，少少問題竟說自己從未睇過餐牌唔知係咩，啤酒有咩選擇唔知、刺身可唔可以單點唔知、點菜指俾佢睇佢叫我地大聲讀個 NUMBER出來，都算，如是新請回來不太熟悉的話我想可改佢做其他工作吧，難為了她也難為了食客也不是我個人偏見，坐在兩旁的食客都對這有趣的侍應的態度大感不惑。將貨就價可以理解，但這兒食物價錢亦不便宜，我倆坐了 15分鐘已忿怒離場，後悔走來這間和氣，永無下次。

叫一碗豚角烏冬，上的時候幾特別，是一整鍋地上的，湯匙也是鍋匙的樣式，好像較有風味。雪白的湯底是豬骨風味，幾濃郁，鮮味好飲。飲一啖湯，再吃一匙彈滑的烏冬，感覺整個心情都好起來了。鍾意烏冬就是鍾意佢厚足而又不會累贅既質感。溏心蛋同叉燒都做得唔錯。基本上超過正常預期，好吃!

與好友慶祝吃生日飯, 在大家的家附近地方吃晚膳。好友與我喜歡吃日本菜。因上次我外賣點了三文魚刺身沙律吃, 刺身新鮮, 便提議好友吃。誰不知.........大約18:45分到達此日本餐廳門外, 內有2, 3張客人在吃。待應便想安排我們坐得比較檯貼檯的位置。我倆因太久沒見, 便選位置比較入少許的座位進膳。因我正在減肥, 便點了一個蟹籽沙律及一個海膽三文魚刺身飯吃。

呢度鋪頭名雖然叫石鍋烏冬，但係魚生飯反而仲好味D我地叫左2個set lunch另外再追加4款小食雜錦魚生飯有三文魚、鱆紅魚、甜蝦同墨魚，魚生份量夠晒多，三文魚同甜蝦都好新鮮呢個set有小魚生飯同小牛肉烏冬，一次過滿足兩個願望牛肉烏冬比較清淡，牛肉都算瘦，食晒成碗都唔會膩小魚生飯有三文魚同帆立貝，呢度嘅set lunch係得呢個餐有帆立貝夠晒肥美呢度最正就係追加小食20蚊就有4款小食螺肉: 餐前小食屬正常水準炸雞: 炸粉唔厚兼有雞味蝦卷: 炸蝦加炸雞個沙律醬三文魚壽司: 呢度啲三文魚水準最穩定，必叫

住沙田既朋友超好評既日本餐廳，原因係價錢、份量合理，食物新鮮，味道亦不錯！3個人，叫左幾款三文魚壽司：有火炙、芥末等，火炙壽司燒到暖暖地，大大塊三文魚，有啲油份係面，飯同魚既比例啱啱好，好味👍🏼👍🏼芝士雞扒石窩飯，充滿芝士👍🏼主菜：燒和牛套餐$599，有澳洲、美國同韓國，每款約有7-8片，跟約8塊深海魚刺身，有塊鐵板係度自己燒，有啲貴但係和牛喎！幾稔幾鮮味，加啲海鹽係面，都幾好食既！食左好多肉之後叫左兩款小食：蟹籽沙律同芥末八爪魚，黎到先知賴左！蟹籽沙律係湯碗size, 而八爪魚係飯碗size, 同一般日本餐用既小碟唔同，好飽😅最後埋單一共$1025！舖頭好細，好快就坐滿晒，証明朋友冇介紹錯！下次會試試其他野食！

老婆話今日要食日本野，喺屋企附近，最實惠又多花款嘅就非和氣莫屬了。自從上次裝修之後，店內光猛了很多，感覺也比以前乾淨整潔。雖然桌子還是簡簡單單的放兩邊，但這應該算是最實際的擺放方法吧。這裡午餐有很多選擇，可以算是花多眼亂。另外，除了主菜套餐以外，加十塊錢便可多兩客小食，真的非常抵玩。我叫了一客咖哩豬扒飯，另加沙律及炸雞小食；老婆則叫了一個黑豚軟骨烏冬，加三文魚壽司及薯角做小食。咖哩豬扒飯：豬扒大大塊，厚肉，外皮脆，內裡肉質唔會乾或硬，唯一美中不足是沒有甚麼肉汁。至於咖哩，香味不濃，味道稍淡。沙律：小小的一碟，有幾種蔬菜，還算新鮮。醬汁是普通的醋，不算特別。炸雞：有兩件，還有蔬菜墊底。雞塊大小適中，炸得很香口，雞肉也沒有變得很乾，算是不錯。黑豚軟骨烏冬：碗內材料不少，烏冬頗滑，黑豚軟骨感覺有點似牛筋腩，湯汁不太夠熱，味道不算突出。薯角：大大的一篼，原來有蔬菜墊底。薯角厚度剛好，入口啖啖薯肉，熱辣辣的很香脆，又不會顯得乾身，是好吃的小食。三文魚壽司：味道淡淡的，普普通通。* 唔覺唔覺，食完主菜加埋小食，竟然甚是飽肚，非常滿足！

今晚去到沙田河畔花園樓下見，有間日本餐廳傳來好香好香嘅鐵板味，我同老婆一於去試下我叫咗一個牛肉粒鐵板飯，牛肉好香，食落好淋，鐵板熱辣辣地上啲飯軟綿綿，加啲豉油好佩搭好好味，我老婆叫咗個鰻魚飯，鰻魚又夠厚，又夠香，個飯好大碗。我地仲叫咗個炸虾手卷，炸虾好鮮，炸粉好夠薄，即叫即炸即做嘅手卷唔多地方食到，加油