和昌潮汕滷鵝 (昌隆工業大廈)

营业中

休息中

喺荔枝角返工，公司附近嘅食店差不多間間都試過，咁耐嚟都未試過呢間，今日得1個人就試下呢間啦。呢間滷水只得外賣，買咗盒$68嘅鵝片拼豬肚飯跟例湯，返到公司一開，心諗我頭先嗌咗咩🤔……點解d鵝片咁似薰蹄，連埋d豬肚好似餸尾咁，左搭右搭成一盒，點解可以切到奇形怪狀，跟埋嘅例湯，見有d菜干豬骨嗰d……一飲成口油兼無味，唔知咩嚟……平時都唔興寫食評，但咁樣嘅外賣食店，真係要提下其他人小心d，總之 - - - 無下次！

行開附近市集，太耐冇食潮式滷水，就試下食呢一間外賣。$73 雙拼鵝片+鵝腸飯，鵝腸加左$5。好肚餓滿心期待，點知一打開個盒，見到只有5片薄鵝片。買之前問過佢地既鵝肉係有骨，鵝片要加錢$8貴啲就冇骨，但點都估唔到加完錢都係得5片鵝肉…. 雖然係鵝，但係呢個價錢買到半邊鴨有突….. 點會飽？ 正常呢個價錢，我仲要係女仔，都食唔飽。我以為自己睇錯，其實有兩層鵝片，但係兩層鵝片下面，原來係一舊豆腐👍🏻 可以讚既就係啲白飯硬度適中，唔濕唔硬😂味道方面，係一般，鵝肉有少少梅，加上份量太少，貴；根本唔飽，冇下次

屋企住附近, 冇乜其他打冷潮州嘢, 一直有間中放工路過外賣, 有時會打電話留醃海鮮, 價錢唔係平不過都好食; 前2日如常放工順便買外賣, 係19:40, 係19:40！唔係平時個收銀姨姨, 係個後生女, 一行到埋去我乜都未講佢就大聲話”收工喇!”, 我想開口問佢再大聲講多次”收工喇!”, 係19:40！真係忍唔住出post, 如果佢係老闆個囡, 真係希望老闆日日叫佢落舖頭幫手啦, 有佢喺度可以咁好生意提早收工, 直情係經濟低迷中既奇跡！

我最近在該店購買外賣,卻遇到了令人沮喪的服務體驗。新的收銀員極度不負責任, 自己漏單, 還藉詞說忙, 態度又差, 完全沒有任何禮貌和耐心。錯並不重要, 只要馬上把單子趕回就算了, 但我卻等了半小時. 完全唔值,冇下次

去D2, 經過此滷鹅店試下。唉， 中伏🐂牛面珠 8片 要$144相就影得靚， 8片要咁貴，食落 只是像腍牛展。叫佢唔好切咁厚，點知8片中， 6片都1.5-2cm厚。。 照磅， 所以有咁厚切咁厚？我又唔覺需要咁厚， 薄-適中厚度（1cm都夠啦）是最好的。🪿鵝下裝 $170 骨放外賣盒下層， 大部份骨， 冇肉食。 店員又話下裝滑， 食完唔覺滑囉。真正有肉食得8-10舊， 其他都係骨， 又唔香， 又唔滑， 鵝有d鞋。完全唔值$170。感覺超級中伏見下午茶時段有9折， 問又話飯盒先有， 餸冇折。總評😔食物質素好一般。 貨價貴又唔香又唔太好食。試完冇下次， bye-bye

同屋企人喺附近飲完茶，老爸話附近有一間滷水店外賣，咁就去睇吓啦。外面望佢睇落去都相當企理。咁就叫咗一邊上莊，同埋一份鵝紅。返到屋企打開個蓋見到份鵝紅真係嚇人。食咗咁多間滷水店未試過食鵝紅嘅話一份係得三小塊。平時其他舖頭正常嚟講嘅話都有一個圓餅型咁大都你$30至$35。另外，師傅好好偏左薄片表現吓刀功。試吓唔點嘅話係咩味道，原來係冇味同好嚡口。個滷水汁係完全冇層次嘅。好彩今次買唔算多，不過應該唔會再有下次。

新開張，見都有人排隊，就意住買盒試下。菜單推薦鵝三味，$238買一盒，等左十五分鐘原來漏左單。追返，之後返屋企一開，鵝大部係骨黎，腸得少少同肝得三塊，豆腐最多。味道一般，骨頭都有啲滷水味既。對住呢盒野寫唔到二百字比劣評。算啦。值唔值見人見智，不過我無下次。