和府撈麵

营业中

休息中

頭先叫外賣👉🏻咖喱軟骨拌麵，男店員A問我揀蕃茄定x定當歸？我就問：下？有得揀味咁得意？？男店員唔出聲，我就揀蕃茄，其實我都覺得奇怪話要咖喱，仲有其他味㨂…..結果睇張單果然係第二樣野黎，我同返男店員A講錯左，佢先同我講冇咖喱，佢問我想點，一係退返錢。咁我揀退錢，之後男店員A同男店員B大聲講：外賣嗰張單cut左佢呀！佢而家話要咖喱唔要蕃茄呀！男店員B：都冇咖喱！（佢兩個講到好似係我臨時變卦）。跟住我企喺度等退錢，兩個男店員好明顯係唔理我要我企喺度等，等左好耐先過黎搞退錢，但係好衰唔衰，我用八達通比錢，佢地話咩方式比錢都退到，除咗八達通。咁我唯有揀第二款食物，結果個外賣放左喺度好耐，呢兩個男店員又有心要我等，之後男A問男B：喂！個外賣咩事架！？男B：呢～頭先話唔要嗰個囉～之後男A比返個外賣我……因為整個過程我企喺門口等，搞到佢地有客似雲來既感覺…..我今晚真係好後悔黎幫襯，仲要落住雨抽住個pk外賣，好hurt…….

Been there for lunch. Already i visit other branch. We order dam dam noodles, noodles with beef in sour sauce and duck. All of dish was good. Dam dam noodles was different than original but very good. The duck was cooked in western style and was really good as usually. This restaurant doesn’t have good service staff but food is very good faster and reasonable price. I think is one of the best place u can go to eat good food with really reasonable price. For sure will back again. Just improve lit

今晚做完facial，落街路過見到「和府撈麵」門口大大隻字寫住「養生」，即刻被吸引住，決定入去試下。揀咗個超值套餐，有香草蕃茄湯麵、爆汁脆皮燒雞，再配杯白桃烏龍茶。湯底用當歸煮，入口香甜帶少少藥材味，飲完真係暖晒成個人，血氣好似通晒咁，感覺好補。不過補得滯都有代價——食完我成個人好眼瞓，估計血糖都升咗上去。麵有三種可以揀，包括蕎麥、小麥，仲有一款我唔記得咗，我嗰碗麵質感煙韌，掛湯力好，口感唔錯。脆皮燒雞外皮香脆，內裡多汁，咬落有驚喜，唔會乾柴。白桃烏龍茶清香微甜，啱晒解膩。餐廳裝修都唔錯，木系設計簡約有質感，坐得幾舒服。整體嚟講，呢餐食得滿意，特別啱做完facial想養生一下嘅心情，係一個身心都暖笠笠嘅夜晚。

一入舖頭，他的面色已不好看，晦氣的，隨便叫我們坐下，進來也沒有什麼介紹。後來QR code點不到菜，幸好有另外一位戴眼鏡的男士，態度比較好。（只是比較）食物到來的時候，隨便放在桌上，見到年輕女士，勁殷勤，不知所謂其實他的食物是不錯的，只是燒雞比較乾，其餘都可以一試

app落單叫咗個小麥蔥油拌麵，嚟果陣變咗蕎麥麵，同佢講嚟錯，佢問我係咪我嗌錯😅比咗record佢睇佢又嫌麻煩咁，轉個頭走嚟同我講要唔要試下蕎麥麵 都好味，我話唔要，個收銀就話唔想試啊？唔想試都無所謂㗎，啲態度串過碼頭咕喱👍🏻

#🐒😋本身係想去食車仔麵見到排哂隊就轉咗食呢間對我嚟講真新開嘅餐廳但老實講餐廳職員安排真係麻麻哋我張飛係B16 我見部機叫到B16行埋去佢竟然話我過咗飛 ._. 真係有啲無奈QR CODE自助落單都唔緊要點解只可以得一部電話嘟到餐廳真係要認真諗下呢啲問題── ✦── ✦ ── ✦ ── ✦ ──ʚ #當歸豬骨湯麵 + #爆汁脆皮燒雞 (半隻) + #枸杞芝麻黑茶 ɞ 個湯麵我覺得有小小驚喜感覺唔似味精湯 麵質都幾好但隻脆皮燒雞就點睇都唔似係半隻燒春雞都無咁細隻 同埋啲肉唔算滑杯黑茶我就建議可以用茶包袋飲個陣成口粒粒小朋友可能真係唔係幾識飲ʚ #手工小餛飩 ɞ 呢碗就普通麻油湯小雲吞無咩特別好食 / 唔好食正常雲吞仔一碗

食物味道ok 當歸湯幾好燒雞還好 但炸到有啲乾店員態度極度惡劣 由入坐開始 到問攞qr code落單好似我專登入黎俾人鬧咁我食食下野 仲會用手跨過我頭頂fill枱面啲筷子啱啱食完 個口都仲咬緊 就衝埋黎收晒我枱面啲野絕對冇下次

完全同menu圖片中的賣相兩回事。上到餐台先發覺唔對路，感覺好多客人都係被門口出面的餐牌的相片引咗入餐廳，尤其見到好多外國人指完餐牌後就行咗入去食。碗黑塌菜滷肉飯嘅白飯份量真係勁多，女仔應該好難食得曬，但喺落單時又冇少飯依個選項，可能要同侍應講先有得少飯。上到嚟先見到個賣相點解同menu咁唔同？！肥肉幾乎縮水變曬瘦肉，菜碎一pat嘢，唯獨是隻糖心蛋睇落仲唔錯。成個出品好似被人食咗兩啖咁，菜同肉喺飯面鋪得好求其😑，甚至菜肉同飯的比例不均勻，食到仲剩返三分二嘅白飯時，要靠朋友碗湯麵啲湯去送飯了。。。碗番茄湯肥牛麵也一樣同menu相片好大出入，肥牛加埋，總共得兩塊半左右加半條青菜喺麵底。番茄湯完全冇番茄嘅酸味，不過都濃郁，但係有少少好微嘅罐頭湯味。另外套餐的牛肉串味道就好正常。見到隔離好多人點套餐脆皮雞/燒鴨，睇落仲okay。

行開銅鑼灣鬧市，查一查和府撈麵原來係江浙菜主打養生湯底：當歸豬骨、酸辣湯底、蕃茄湯底同埋健康麵類：澳洲麥芯麵、蕎麥粗糧麵、衣藻低脂麵心思思想試下黑塌菜~♡♡黑塌菜滷肉拌飯+紫菜湯好多滷肉，雖然唔算太冧不過個飯好夠熱，珍珠米好有咬口整體黎講，呢個價錢算合格啦

去時代廣場成日都見到呢間嘢，門面幾靚，今日終於同老公去試咗，我哋叫咗兩個套餐，跟兩杯飲品，一杯陳皮檸檬茶，一杯凍奶茶， 飲品唔凍，冇味又好淡，問佢有冇冰居然冇，好彩而家冬天， 如果夏天比杯唔凍嘅檸檬茶同凍奶茶，我諗我哋會即刻走唔食啦， 講返兩個麵，我個酸辣牛肉麵普普通通，冇乜特別，牛肉略鞋，老公叫個當歸豬骨湯拉麵，居然係冇餸嘅，淨係得麵😵， 另外餃子同燒雞都普普通通，今次經驗結論係～唔會再幫襯😪

Apologies for the photo - should have taken one prior to eating.Hefu noodles is a big brand in China and has recently made its way to Hong Kong, like many other brands looking for international expansion.The value is decent. Lots of noodles in each bowl. The soup is nice and thick - akin to a Ramen soup base. Soup is served at a hot temperature which is always a bonus. As with any Chinese brand the ordering interface is via the phone/app and payment can be done also on the phone using Alipay CN/

成日經過時代廣場都會見到對面開咗呢間新嘅餐廳，和府撈麵。佢地點好就腳，呢一日朋友話想試吓，所以我哋就一齊去咗食。佢係手機落單嘅餐廳，我揀左當歸豬骨湯梅肉麵。飲品係要另外點。見佢一杯烏龍茶都要$16，我就冇嗌到啦。朋友試咗，覺得就唔係好值。😀講返個麵，湯底係由當歸味偏鹹，麵質呢就有啲似拉麵嗰種，都係有少少粗，唔煙靭嘅，但係又未至於好粉。上面有兩塊好薄嘅豬肉，唔肥，不過真係太薄🤣 整體你碗麵係食唔飽人嘅🧐呢碗麵賣$58 ，如果好食嘅話佢算係好平，可惜質素真係唔係好得，我哋兩個都表示失望🥲 同埋慶幸冇揀貴嘅餐🤭

諗唔到食咩，經過見到新開，聽個名好似日本嘢，一於試試佢。入去都算好迫下，坐低睇個menu先知係中餐。叫咗碗檸檬酸辣肥牛湯麵。湯底酸酸辣辣好開胃，牛就普通，面質都唔錯，有咬口。另一碗係燒椒板腱伴麵，面質煙韌，幾好食，牛腱都夠腍，有肉味，唔錯，撈埋啲青椒醬將味道昇華。整體都算唔錯，不過試過一次就夠了。

記得初初開時不論招呼、品質，也是十分不錯，餐廳人頭湧湧，坐無虛席。今日再行過見唔使排隊，就入去再幫襯，招呼上全自助式，即係基本上沒有招呼可言，店員們繼續忙著他們的聊天，客人被“安置”坐埋一二邊後，就可以自己顧自己落單就可以了。食物上，草本當歸湯底較之前淡味，沒有對比沒有傷害，第一次來的時候湯底是濃厚得多、香得多；豬梅肉又乾又柴，當係煲湯豬肉就會沒有負評。麵質正常，出餐速度亦十分快，可能係因為我去嘅時候冇乜人爭住落單。整體而言，此店可以免費加麵，一定食得飽； 如果追求質素的話，隔離街應有更好的選擇。

係附近番工見11:00開門過黎試試好唔好食🙊食物都可以接受，但服務態度好差無咩招呼可能得一個人手既關係希望可以改善下🫣 試過就算了應該唔會再幫襯畢竟收既價錢唔便宜可能做內地客多