9
3
6
开饭介绍
装潢以木为主,气氛昏暗,环境如一家高级料理店。菜式卖相讲求精致,更专程从京都请来据说是日本御厨後人,而且经验丰富的日籍师傅安达芳博坐镇,水准有保证。
继续阅读
特色
同客食饭
附加资料
暂时只开晚市。
营业时间
星期一至日
12:00 - 14:30
18:00 - 02:00
以上资料只供参考,请与餐厅确认详情
招牌菜
昨日跟同事原本想去寿司亭点知内部装修,去到和幸又只有BAR位.由於唔想再行咪去和幸罗!我要了手打乌冬寿司沙律($68),沙律仍然新鲜好味.至於手打乌冬真系差过10元的乌冬,唔好味道,寿司有油甘鱼八爪鱼和加洲卷也鱼生唔够新鲜.最好还是那个芝麻雪糕.唔知系咪现在多左人,所以呢上菜劲慢,我这个餐也等了20分钟,隔离有人仲等到CANCREL单.服务好唔得,话唔想坐BAR位,经理的物体话你唔坐无架啦喎!态度劲度,同以前少人食时差天共地,如果再唔改进,得罪晒客人,无人再帮衬的了,最最重要是食物质素都差埋,我真系谂唔到点解要再来食了
继续阅读
佢初初开时我已经去过,嗰阵时成间嘢得两三台客。嗰阵真系几好味,亦睇住师傅好用心做烧物。跟住我 keep 住一个月去一次左右。近两三个月因去旅行及工作忙而无去。早几日再去,点知又加价又缩水。原本加价系 OK 的,因通涨影响货价我都明白,但一来加幅几大,二来用的手法好狗罗。以前我最锺意食佢哋嘅烧牛舌,一串四块好似卖 $28,每块约 1.5 x 1.5 寸,而且都有番三分厚。而家加到 $32,每块缩水到 0.75 x 1 寸,仲薄到猪颈肉咁,真系好离谱吓!烧鸡翼仲衰。我唔记得加咗几多价,都算啦。我唔记得分量,於是问个 waiter 一串有几多只,佢答两只。到上台时,我心谂佢哋去边度搵咁细只鸡?乜只翼咁细嘅?原来唔系,佢哋将一只鸡翼打横切开来烧当两只!仲有无狗啲?碗和牛乌冬加到 $146 一碗!而且啲稻亭乌冬已经完全无晒以前烟靱的感觉。唔系差,只系普通料。但 $146 碗喎!净稻亭乌冬佢哋都卖紧 $88 碗喎!咁嘅料?总之食完呢餐,完有有种「睇住佢大,睇住佢坏」的感觉。我谂我唔会再去了。
继续阅读
好多朋友都系去和幸食烤肉,今次我同朋友去和幸食小料理(即系唔系烤肉罗~)!两个人其实都唔系肚饿,所以都系叫左两个套餐,大家一齐食,咁可以一齐试到两个餐d野食麻。一个系6件寿司+鱼生饭+汤+沙律+甜品;另外一款系荞麦冷面+4件寿司+甜品。d寿司好甜好新鲜,尤其是系我呢排既牡丹虾,真系好味,食极都唔厌!个冷面弹牙同埋够冻,呢样好重要,如果唔冻既话就唔可以合格成为冷面;太冻就冻亲自己,一样都唔合格即!鱼生饭都得到朋友既喜爱而我依法系顺既忠极粉丝,真系无咩野可以令我变心。甜品系豆腐雪糕,我唔食冻野既都食左半杯,好野黎架!呢间既布置同格局都好细心,连台面既垫纸都系用日本和纸,而且佢都用好多半透既屏风,去隔开每张台,令到每台都有自己既空间!嫌唔够空间?佢仲有d系4个人既房仔都好唔错架!
继续阅读
呢篇文章系为我的心水餐廰而冩, 和幸小料理 , 加油!黄金广场有好几间食店, 楼下“一门” 好多笑脸,咪去食吓,坐系当眼位置都无人斟水, 嘢食都好普通, 真系唔明白点解鬼咁多笑脸. 反而呢间和幸小料理有D惊喜.上个月发现咗呢间和幸小料理, so far 嚟过4 次食lunch, 水准都几平均和令人满足. 有时呢度好full, 有时又无乜人. 我通常会订位, 锺意订佢嘅屋仔, 比较优静. 不过有时被忽略, 呢果系人多 waiter 少的问题. 平均来说, 都斟两三次水, 人少就加多几次, service 算唔错啦. 今次两个人去食午餐,叫咗个刺身定食, 和寿司配角切鱼生饭定食。和幸沙律: 生菜索索声 (系veggie salad)刺身: 有三文鱼, 油甘鱼,鱼立”鱼, 甜虾, 帆立贝, 甜蛋. 每样两件, 鲜甜肉厚, 尤其系帆卜立贝, 好好食.寿司= (三文鱼 +“鱼立”鱼 + 甜虾 + 北寄贝 ) X 1 + 加洲卷 X 2角切鱼生饭 : 三文鱼粒, ,甜虾粒, 八爪鱼粒, 青瓜粒,蛋粒, 紫菜丝, 切得整整齐齐, 铺满饭面. 唔锺意食饭的我, 竟然把整整一碗角切鱼生饭食晒. 午市定食送甜品或咖啡, 一定要食甜品, 咖啡只系好普通的咖啡, 但甜品就系自家制有果肉的雪糕. 是日甜品系士多啤梨雪糕, 唔太甜,有粒粒士多啤梨果肉. 不过之前食过佢嘅菠萝雪糕 和 咖啡雪糕就更加出色.
继续阅读
点o左1)三文鱼剌身:80蚊,连锁寿司店o的三文鱼剌身质素比佢好好多2)冷稻庭乌冬:冇味,冇质感...唔知食紧乜3)烧鲭鱼:好一般,价钱贵4)烧牛舌:好咸,好一般,冇牛味......两个人三百几蚊埋单...完全唔饱...因质素太差...已唔想再加单..但环境好好..好少人...装修好靓~
继续阅读