和宴

营业中

休息中

舒適感覺 - 和宴·此店其實都食左好多年，食物質素上等水準，服務唔錯，從來都唔會催趕顧客。雖然係日式燒肉店但都有小小韓國嘢食。燒肉就算唔叫和牛級數其實已經好好食，肉質好好。韓式海鮮剪病同埋辣味牛肉烏東係我每次來必點食物，碗辣味牛肉烏東無味精，飲埋啲湯覺得好舒服。燒肉技巧方面提醒下大家千期唔好亂咁返來返去，熱網放肉後等待面層見到開始變啡先返，咁就可以小許濃邊，而且保持肉汁在內，配埋白飯，美味已在面前。推薦此店。

同朋友去左尖沙咀,今日突然好想食燒肉,本身想去尖東果邊食,點知又搵唔到位泊車又full hse入唔到去,唯有再上openrice再搵下,見到呢間唔錯,就過左黎試試,可能呢棟大廈既入口比較穩閉,就算係食飯時間都唔算多人,經理介紹完我同朋友,我地再點菜,叫左個牛肉盛既set,同埋我至愛既牛舌,牛肉盛望起來好似好少,但食落都唔錯,右下果款牛我最鍾意😁牛舌係超級好食,經理有介紹牛塊食既次序,當然我地都跟足,好享受燒肉自燒既過程,可以控制生熟程度,燒自己喜愛的👍🏻而且經理久唔久行過就會同我地傾計,好nice~

日本燒肉我來了～對比起韓燒，我更加鍾意日式燒肉，覺得無咁多醃製更加可以食到肉的真正味道～今次試呢間日式燒肉只係我隨便上網search出黎，就決定試下啦～我地點左個牛舌，牛肉盛，仲有個和牛石鍋飯！🐮 d 肉全部顏色同紋理都好靚，未燒已經知道會好好味！果然！輕輕燒一陣就已經可以食，全部都好嫩滑，肉汁完全鎖住係肉裡面好juicy呀！完全無令人失望～個和牛石鍋飯都好好食，好多和牛粒，配埋個醬汁同埋飯一齊食，好入味！

之前去日本無食燒肉，成為遺憾，老公很好找來一家好日本的燒肉，滿足一番。這家燒肉的空間感很好，十分寬敞，座位之間的私密空間足夠。吃燒肉最怕吃完滿身油煙味揮之不去，這裡完成沒有這問題，用了爐邊的抽煙系統，因此不會烏煙瘴氣，大大加分。點了2人和牛set，上菜挺快，先來沙津和飲品還有刺身。刺身超新鮮，好好吃。隨套餐有用來包著肉吃的蔬菜，蒜片，也是十分新鮮好吃。肉的份量不算很多，食肉獸也許要再追加，我們最喜歡肥瘦適中那種（後排上方）。肉的質素不錯，不過對比日本，好像還是差一點點。海鮮則令人有點失望，可能不是食材問題，而是燒海鮮本身不是享用海鮮最佳方法。最後一人一碗三文魚茶漬飯和雪糕（套餐已包）。性價比當然比不上日本，但環境服務食材都是出色的，挺適合幾個人慢慢吃，聊聊天。

一個人係尖沙嘴Apple整完電話就上左來和宴其實和宴真係食左好多年，水準一向都穩定。今晚一個人食飯無乜心情燒肉，就叫左個辣味牛肉烏東辣味牛肉烏東其實已經好豐富，有好多雜菜，白蘿蔔，紅蘿蔔，洋蔥，青蔥，牛肉等等其實食落去一啲都唔辣，但就非常香，配合埋烏東一齊食其實好滿足。叫多左個海鮮煎餅佢有啲似韓國既煎蛋餅，餅固然煎得好，外脆內軟，最重要係附上既汁，真係想一點再再點呢間和宴係絕對推薦，就算唔食佢哋既燒肉，周邊食物同樣高水準，大家不妨試下

涼風陣陣，坐著爐旁食烤肉倍感溫暖。今天食的這家餐廳是連續兩年米芝蓮推介。烤肉午餐定價$118-$328，定價比晚餐平易近人。牛排肉定食$148前菜有沙律、泡菜和涼菜等。沙律菜很新鮮，用上甜甜酸酸的柚子醬汁，味道清爽；泡菜有三款，每一款水準都不錯；湯的材料十足，有蔬菜的鮮甜味。最讚的是那8片大大片的牛排肉。牛排肉顏色鮮嫩，佈滿雪花紋，烤過後肉變得更為甘香嫩滑，牛脂四溢，而且好有肉味，滿有肉汁，再沾上甜甜地的醬油同白飯一起食，真的十分滿足！白飯入口軟滑，軟硬適中。跟餐可選咖啡或雪糕。這杯咖啡是即磨的，味道甘醇帶炭燒香味，十分甘香。以百六元可以享受一下有質數的烤肉午餐，認真不錯！

Booked for Saturday lunch with family. Have visited this restaurant for over a decade. As I was early, I sat at our table and waited. About 30 seconds later, was asked by both the male staff (I assume manager, professional but grim-faced) and female waitress (Mimi) what name our booking was under and how many adults and children in the party. As there were only 5 adults and 2 children, they asked if we mind moving to a smaller table, to which we said fine.Ordered the Kurobuto pork, Karubu beef a

公司同事介紹到此食LUNCH去到有普通SET 及燒肉SET , 有同事說燒肉SET比較細份, 最後個個都叫左普通SET自己叫左炆肋骨 ,  炆得好入味又鬆化但...又不是一嗚驚人, 會想一試再試 ,感覺同係韓國餐廳食分別不大份量的確多, 加上沙律, 湯 , 非常飽肚....可惜杯餐飲凍檸茶就....不飲也沒關係希望有機會再試其他

Best F定咗下個禮拜要去北京返工以後見面冇咁方便啦所以今日shopping同食好嘢老公上次食luchn，覺得D喱度會方便我哋行完街吃飯食材新鮮肉嫩囗多汁就連海鮮餅同炸雞都好味人少唔嘈環境ok不過要自己燒唔習慣，唔識睇熟咗未有時會熟過籠

自從 伊X波 都改左做放題之後，我同 babe 都好耐無食過日式燒肉...之前babe 同朋友黎過呢間食，話幾好食；所以就親我啱啱出糧，babe 就 即～刻～ 帶我黎食 🤔我地點左：雞泡魚干 - 好好食，好入味蟹粥 - 不錯，甜；但略嫌太多紅羅白同姑姑配料蟹蓋 - 燒完後啲膏同蟹肉溶埋一齊，熱熱地放入口好好味道雞腿肉 - 燒完食落口有陣蜜糖味道，唔難食的，但就似去BBQ質量羊架 - 頗好食，有夠蘇味牛肉盛 - 4款中有一款無乜牛味，其餘三款都好香同juicy菠蘿sorbet - 清新，好好味食物質素不錯；肉都算入味，熟食都好食。呢度唔限時，慢工才會出細貨，啲肉要慢慢燒先會嫩同好食服務也很細心，或者是因為沒太多客人...最喜歡反而係個菠蘿雪芭... 賣相已經好得意，食落仲好清新，又唔太甜下次會再幫襯，食下其他野😁😁😁

連曰為趕工都食三文冶或餐旦麵。今曰要食餐好的！在友人介紹下，發現這家燒肉午餐性價比高！附餐有白飯，前菜，主菜同飲品或甜品。我們點了最普通的牛排餐，不用加大也每人有八大片。每件牛有少少厚度又大片, 脂肪分佈平均，唔會太瘦或太肥，燒過后，一咬之下，充滿肉汁又有牛味。雖不是和牛但也叫人回味！配上珍珠米白飯，十分滿足！食味和質量都比牛角好很多，比依裏波好少少，一定要echo ！

已經第N次來這間日式燒肉店光顧。因為公司在附近，所以耐不耐都會來這裡午飯。通常星期一至四都不會滿座，walk in都可以。星期五便要預約，否則要等啊。店子不小，大多數都是卡位，所以挺舒服的。試過這裡的定食，不過還是喜歡吃燒肉。每次都是點牛排肉定食，套餐包飲品一柸，有韓式前菜，日式沙律，雜菜麵豉湯，燒肉一碟和白飯一碗。通常我都會將套餐加大，加$30肉量會多大概兩塊。食就要食盡佢我覺得這裡的牛排肉很有質素，未燒時會看到雪花紋滿佈。就算燒得全熟也不會覺得硬，保持肉汁，牛肉味濃。每次吃完這個套餐都覺大滿足，會再來的。

好耐冇食o既和宴, 今日再食不單止冇退步, 仲攪到我心思思想再搵日去食!前菜係波菜, 芽菜同埋泡菜, 仲有沙律, 沙律係用柚子醋岩曬我!一大碗飯加味噌湯, 如果唔夠, 可以加錢要埋麵, 有4款揀. 不過我覺得飯已經好ok.同同事2個人, 叫左1牛1豬o既set再share黎食.肉方面都一樣, 可以加30蚊加大, 但其實佢正常份量都唔係細, 女黎黎講夠食!佢o既牛同豬都一樣好出色, 我今次叫左最平果隻, 有再靚d o既牛set可揀, 約2xx.和宴o既肉比起盛八真係冇得輸, 好食勁多 (當然都貴dd啦), 但係值o既!仲有餐飲, 好滿足o既一個lunch, 之後又番office做野.... 

上個禮拜係我同好朋友嘅紀念日，為慶祝呢日，上openrice偶然見到呢間日式烤肉。睇到食評同價錢都算ok, 決定試下。。。由於我唔想朋友同我爭俾錢，book枱時已經同個店長講定，叫佢幫幫忙，結果佢都好幫忙~~萬歲成功!!佢個大廈外圍裝修緊，好易蕩失路~~為左俾驚喜我朋友，決定保持神秘感，同店長行埋一邊，直接向佢落order...由於我都係第一次食，唯有問佢店長有咩好介紹，然後亂叫一通，叫到店長都話: 嗌住咁多先，唔夠先再叫啦。。。(勁瘀~~)但都係覺得如果menu再多啲選擇會更加好囉~~可能食平日，預早book定枱，去到餐廳，唔太爆，發覺員工多過客。。。book之前要問清楚，因為入到去嗰度都要轉兩次lift先可以到。。。雪花和牛，入口即溶~~有幾種啤酒揀，我地就決定飲番made in japan嘅~~推介!兩個傻婆唔識燒，侍應都醒目，主動教我地，點燒，要燒幾耐。。。店長都好有心，一直擔心唔知我地啱唔啱食，問住我地意見。開心時光過得太快，食左接近兩個鐘，10點幾左右已經得番我地兩個傻婆，見侍應等緊我地埋單收工，唯有靜靜雞埋左張單先~~兩個女仔最後都食剩少少野。。。但整體都算ok, 除左價

好朋友生日必定要大肆慶祝，賀一賀！揀上這一間有質素的烤肉店，真是最好不過！我們5友，時多到達該店，因有訂位，很快被安排到6﹣8人卡位。屏風很高，私密度都尚算高。不過可能最比較早入坐，坐在最入的卡位，旁邊就是店員進出的地方…相當不便。我們點了一客「和宴推介牛肉拼盤」，貪其甚麼都有點。擺放相當精緻，牛肉上的牛脂分佈亦平均，牛肉看上去像是寫了極品二字了！而肉質也如想像中一樣，鮮嫩多汁。另外點了一份牛肉，忘了是甚麼名字。不過肉質同樣好味。不過談到個人喜歡，我是比較喜歡拼盤的肉多點。還有雞肉。分量算多了，不過問味一般般，可不試。蔬菜拼盤粟米，南瓜都很甜，好吃。最後要推介的就是泡菜煎餅！這個煎餅是厚身的，粉漿屬於用得多。不過調味做得很好，而且泡菜用量適到好處 。煎得亦不太油膩，屬上品之菜式。厚身的煎餅不但沒有令人覺得口感死實或是不足料。反而增加了口感，咬口一流！必須推介！